![](https://blogger.googleusercontent.com/img/b/R29vZ2xl/AVvXsEjEot8khB38r-tphQk8mOztTqC3C68Wq7YxwiRHOQnABC9sJGA-2i_3kHyUE_CP_aUco37rmjN2oaPwqAilzJ8K0eLLc-ZItyjL4kKk48dKcV6HsoVq2smdMCue1VN59LXiJR_Q7rZTXtY3v-4Rva-NaQl3E94ivC1Nyc0W5ZnZYqlGD9cplMdDnsc6gan2/s320-rw/FB_IMG_1718110707056.jpg)
رواية مريض نفسي ) الفصل السادس والعشرون26 بقلم مريم احمد
بصت للتليفون و هي دموعها نازله بقهر على صحبة عمرها
قالها يحيى بقلق لما شافها كدا
يحيى...ايه يا ديدا ؟
بصتله داليدا و هي بتعيط و بتقول
داليدا...زي م توقعت يا يحيى زي م توقعت
يحيى...اهدي و فهميني قالتلك ايه
قالتله وسط شهقاتها بسبب العياط
داليدا...قـ قالتلي انها متعرفش حد بالا...بالاسم دا يا يحيى
كملت بعياط اكبر....تقى مش عايزه تصاحبني تاني يا يحيى
زعل جدا عليها و قالها
يحيى...ولا تزعل نفسك انا هكلم كريم و هقوله يقولها تكلمك و متزعلش منك
هزت راسها يمين و شمال و قالتله
داليدا...تقى لما بتزعل من حد و بتقرر انها تبعده عن حياتها بتعمل كدا فعلا يا يحيى
يحيى...هو انتي بنفسك قولتي لما بتزعل من حد و انتي مش حد يا داليدا انتي كنتي اختها مش صاحبتها
بصتله داليدا و قالتله بأمل
داليدا...تفتكر هتصالحني؟
ابتسملها بتأكيد و بعدين قال
يحيى...يلا بقى عشان نروح الدريم بارك
ابتسمت و قالتله
داليدا...لأ خلاص
بصلها بدهشه و قالها
يحيى...نعممم؟؟؟مش كنتي عايزه تروحيها و بتعيطي عشان تروحيها
داليدا...اهو انت بنفسك قولت ..كنت عايزه اروحها لكن دلوقتي مش عايزه اروح للدريم بارك
يحيى...اومال عايزه تروحي فين
ضحكت داليدا و قالتله
داليدا...عايزه اروح مطعم
ابتسملها و قالها و هو بيدور العربيه
يحيى...احلى و افخم مطعم مستنينايا حبيبتي
داليدا...انت كنت حاجزلنا ف مطعم يا يحيى
رد عليها و هو بيسوق
يحيى...طبعاااا
................
خبط على طربيزه و هو بيقولها
كريم....تقييييييى
اتنفضت بخضه و قالتله
تقى...ايه يا كريم خضتني
كريم...ايه انتي بكلمك بقالي ساعه
تقى...معلش يا كريم مخدتش بالي
مسكت برطمان التوابل و قالتله
تقى...التوابل خلصانه مش هعرف اعمل الاكل لخالته!
قالها بعصبيه خفيفه
كريم...يا بنتي هو مش انا قولتلك لو في اي حاجه ناقصه للأكل كلميني و قوليلي
تقى...يا كريم معلش اكيد لو كنت اعرف وقتها كنت قولتلك
كريم...طيب يلا شوفي ايه تاني عايزه تجيبيه و قوليلي قبل م انزل
هزت راسها بهدوء و هو خرج من المطبخ
اتنهدت بحزن و هي عايزه تعيط بسبب داليدا
...............
ميرفت...مايان
مايان...ايه يا ماما
ميرفت...عايزه اتكلم معاكي شويه
بصتلها مايان و قالتلها
مايان...عارفه هتقولي ايه
اتنهدت مرفت و قالتلها
مرفت...طيب يا حبيبتي مادام عارفه يبقى تجاهليه يا مايان
مايان...انا معملتش حاجه على فكره ولا حتى بكلمه انا بس كنت عايزه اعرف هو ليه مضايق من اونكل شهاب اوي كدا
ميرفت...و تعرفي ليه
بصتلها مايان بزعل و قالتلها
مايان....قصدك ايه
ميرفت...قصدي انه كاتب كتابه يا حبيبتي يعني بيحب داليدا و متزعليش مني يا مايان هو اكيد مش هيطلقها عشان انتي بتحبيه
مايان الحقد ملى قلبها و قالت بغل
مايان...طب ايه رأيك بقى يا ماما اني هخليه يطلقها عشان بس اثبتلك انه مبيحبهاش زي م انتي بتقولي
قالتلها ميرفت بزهق....اعملي الي انتي عايزاه
و قامت خرجت من الاوضه و قفلت الباب
مسكت مايان تليفونها بغل و جابت رقم داليدا و كتبت
" متفرحيش اوي يا حبيبتي انه اتجوزك لأنه هيطلقك يا داليدا اصل مش معقول يعني ان يحيى الشافعي صاحب اكبر الشركات هيحبك و هيتجوك انتي يا الي كنتي حتة خدامه في قصرهم و اخوكي الي عايش ف حاره معفنه زيك لا لاقيين تاكلوا ولا تشربوا اكيد يحيى مش هيحب اسمه و اسم عيلته يرتبط بناس زيكوا "
..................
كانت قاعده مبسوطه جدا و بتحمد ربنا على وجود اخوها و يحيى في حياتها
يحيى...مالك يا ديدا
قالتله بابتسامه...فرحانه
يحيى...طبعا لازم تكوني فرحانه م يحيى الشافعي ساب الشركه انهارده عشان انتي قولتي انك عايزه تخرجي
ضحكت و قالتله
داليدا...مغرور جدااا على فكره
يحيى...بس بحبك
ضحكت و قالتله
داليدا...و انا كمان
جيه الجارسون و حطلهم الاكل و مشي
يحيى....يلا كلي
كانت لسه هتاكل بس جالها رساله على الواتس
سألها باستغراب
يحيى....مين ؟
داليدا...مش عارفه رقم غريب استني هقرأ الرساله
معداش ثواني و لاقى ملامح وشها كلها اتحولت للصدمه و الدموع ملت عينيها وووووووو