الفصل الثاني 2 من الجزء الاول
بقلم نجمه براقه
ياسمين: مااا مااا
هشام: بتندهي ليه؟! ، استني فهميني!!
ياسمين: هقولهم اني موافقه
هشام: انت مجنونه يابنتي؟! مش لسه قايله سيبني افكر
ياسمين: بس يا بطيئ ، هنفكر لسنه الجايه ولا ايه
هشام بحنق: ياربي الصبر من عندك ، انا عارف ان النهارده مش يومي ، اخلصي قوليلهم خليني اغور من وشك،
ياسمين: لا بقولك ايه ، متخلنيش اندم اني احتجت لواحد زيك
هشام: واحد زيي؟!
ياسمين: لا لا مش قصدي ، دا انت راجل والرجال قليل، اسكت اهم جايين ( قالتها ليضربها في كتفها)
هشام: اخلصي!!!
ياسمين: اااي ايدك تقيله يا غبي
( قالتها قبل ان يدلف اليهم والدته و والدتها لينضبطو بجانب بعضهم)
ام ياسمين: ايه يا ولاد
هشام: اتفضلي يا ي ياحماتي ، اقصد يا طنط
ام ياسمين: ههههه بتقولي حماتي، يبقا اتفقو
ياسمين: ايوه ماما اتفقنا ، بس بجد انا مكنتش حابه فكرة الجواز دلوقتي ، لكن الاستاذ قدر يقنعني ان العمر بيجري وانه مستعد يضحي بنفسه علشان اوافق ( نظرت اليه بطرف عين) مش كده،
هشام: ايوه طبعا حصل يا فندم
ياسمين: لااااكن يا ماما عنده شرط
مشير الى نفسه: انا؟!
ياسمين: ايووه انت ، مش انت قولتلي شرطك نطلع سوا مشوار عشان ندرس اخلاق بعض، والنهارده كمان
بهمس: -يخربيتك ايه اللي بتقوليه ده؟! انا مش فاضي النهارده خالص
ام ياسمين: طبعاً يا حبايبي تقدرو تخرجو
ياسمين: طيب يلا انا هجهز
هشام: يا انسه استني
ياسمين: اخرس أنت ، روح استناني تحت وسيب اهلك هنا يتعرفو علي اهلي
هشام بحنق: حسبي الله ونعم الوكيل فيكي يام علي ، ملقتيش غير العيله دي
ام ياسمين: بتقول حآجه يابني؟!
هشام لا خالص يا طنط بقول بس ان انا محظوظ ، الا هو فين الحج؟!
ام ياسمين: الله يرحمه مات اول ما ولدت ياسمين علي طول،
هشام: ياسمين مين دي؟!
ام هشام: خطيبتك متعرفش اسمها ازاي
هشام بتمتمه- لازم يموت طبعا ( يحدثهم بصوت مسموع) اهااا لا اكيد عارف
ام ياسمين: ربنا يسعدك يابني
هشام بتمتمه - وياخدكم
ام ياسمين " بتقول حآجه يابني؟!
هشام: لا يا طنط مبقولش وربنا ما بقول استعجلي سمسمه بقا علشان نخرج
« بعد وقت عند العربيه »
ياسمين بفرحه: هييييي يااااااهوووو
هشام: بلاش هبل احنا في الشارع ، وبعدين ايه التأخير ده كلو بقالي تلات ساعات في الشمس لما قربت اتحمص
ياسمين: لا بقولك ايه!!! متقفلنيش من اولها دي فرصتي ولازم استغلها
هشام - ماشيه يا استغلاليه ، يلا اترزعي جوه العربيه ، وقوليلي عاوزه تغوري فين
ياسمين: لا استنا ، بقولك صحيح!!
هشام: ايه تاني
ياسمين: الاقيش عندك صاحب طويل وبدقن وعنيه ملونه
هشام باشمئزاز: نعم!! انتي بتقولي ايه !!!
ياسمين: دماغك متروحش لبعيد
هشام امال ايه ؟! مالك بيه ده؟!
ياسمين: دا مش ليه ، دا للبت مي صحبتي ، عاوزين ليها عريس سلف
هشام باستنكار: هه!! انا مش فاهمك!! انتي بتقولي ايه ؟!
ياسمين: افهم يا غبي!! صحبتي دي زي حالاتي ، اهلها مقفلين عليها ، ف قولت يجرا ايه لو تسلفنا واحد من عندك يخدمنا شهرين
هشام بحنق: واحد!!! بقولك ايه!! انتي لو مدخلتيش العربية وبطلتي كلام ، قسمآ عظمآ يا ياسمين لا ارميكي للكلاب
ياسمين: ياعم متتحمقش علينا ، خلاص البت قربت توصل وهنمشي
هشام: بت مين؟!
ياسمين: مي صحبتي ، أمال عاوزني اخرج معاك لوحدي ، مش يمكن تزقيني حآجه صفره ، وتاخدني في بيت فاضي و ( وضع يده علي فمها ليخرسها)
هشام: اسكوتي!! اسكوتي!! كلامك بيعمل مشاكل انتي ايه!!!! ( قالها لتعض يده ف يتركها ويتابع بألم) اااي يا مسعوره
ياسمين بتحذير: حسك عينك تلمسني ولا تحط ايدك علي بوقي تاني!!
هشام: طيب انا هسكت ومش هلمسك... ممكن تخلصي بقا وتشوفي هتعملي ايه
ياسمين: ناس تخاف متختشيش ( قالتها لتقع عينيها علي مي صديقتها) اهي جت اهي ، مي!!!! ، وحشتيني يا هبله اتأخرتي ليه
مي: كنت بظبط نفسي علشان اقابل الشاب اللي هيسلفهولنا الواد بتاعك ،( تنظر الي هشام بذهول) ايه ده؟!!!!! هو ده صح!! متشكره اوي يا ياسو ، ده زي ما كنت بتمناه
ياسمين: اييه!! اييييه!! ده بتاعي انا ، بتاعك انتي لسه هنختاره
«عند السينما»
ياسمين. بقولك ياااا ، الا انت اسمك ايه ، انا معرفش لسه
هشام بحنق: ملكيش دعوه بأسمي ، اخلصي عاوزه تحضري اي فيلم ، في رومانسي ودراما ، اختاري يلا
ياسمين باشمئزاز: رومانسي ودراما ايه؟! اسكت خالص ، البت مي راحت تشوف فيلم تنه ورنه الجزء الجديد نزل ولا لا،
هشام: ايه؟! تنه ومين؟!
ياسمين: ورنه
هشام: شكلي انا اللي هرنك علقه ، يابت اخلصي انا اتخنقت منك يا رخمه
ياسمين تعقد حاجبيه: بص!! انا عارفه اني فارضه نفسي عليك وانك مش مُطر تستحملني ، بس بجد بجد انا محتاجه اعمل الحاجات اللي بعملها دلوقتي ، عارف يعني ايه يكون نفسك في حآجه والحاجه دي مرهونه بشخص الله اعلم هيجي امتي،
هشام يرفع حاجبه: اممم الواضح انك بتحسي
ياسمين: نعم!!!
هشام: اسف اسف ، بس عندي سؤال صغير ، واحده حلوه زيك ايه يخليها متتخطبش بجد ، وتحقق اللي هي عاوزاه
ياسمين: شوف!! ، مش عارفه هتفهمني ولا لا ، بس لغيت دلوقتي مقابلتش حد احس اني عاوزاه ، او اني اربط حياتي كلها بيه واسلمه نفسي، اكيد مش هعمل خطوه زي دي لمجرد اني اخرج او اعيش حياتي شويه ولا ايه
هشام - ههههههههههههههه
ياسمين: بتضحك ليه بقااا ، متخلنيش اندم اني فضفضت معاك
- ههههههههههههههههه
ياسمين بضجر : لا بقولك ايه وربنا يغور الفيلم والكارتون بس متتريقش عليه كده ، انا ماشيه
هشام - لا لا استني ههههه ، انا مقصدش بس بجد انتي غريبه ، يعني لسه مقابلك من ساعتين ولخبطتيلي حياتي .
معرفش انتي عاقله ولا مجنونه، بس ماشي احنا ممكن نكون صحاب ايه رأيك؟!
ياسمين: ماشي ممكن نكون صحاب ، اسمك ايه بقا
هشام - اسمي هشام
ياسمين: ماشي يا اتش ، ها بقا مقولتليش هتعمل ايه ف موضوع العريس اللي طلبناه منك
هشام: عريس ايه. ااااه افتكرت، تمام ثانيه واحده عندي صاحبي جاهز جدا ميرفضش حآجه زي دي
ياسمين: بس اوعا يكون صايع ، احنا هنستخدمه كوبري زيك كده وخلاص
هشام: كووووبري!! ، بت اخفي من وشي ، وانسي خلاص لا صحبيه ولا عريس لصحبتك ( قالها وذهب في طريقه لسيارته)
ياسمين: لا لا بلاش نداله ، انا اسفه ، اسفه والله استني يخربيتك
هشام: مش هستنا امشي يلا
ياسمين: ونبي يا هشام خلاص والله
هشام يتوقف: عاوزه ايه
ياسمين: ياخي تعبتني الناس يقولو بتجري وراه ليه
هشام: مانتي لسانك متبري منك
ياسمين: انا اسفه والله ، مش هغلط تاني
هشام:
ياسمين: خلاص بقا
هشام: ماشي بس لو طولتي لسانك هقطعهولك
ياسمين: تمام حاضر ، يلا بقا نرجع عند مي
هشام: ماشي يلا
ياسمين: ماشي بس ابعد شويه متمشيش جمبي، ايه ياعم الطول ده كله جك القرف
هشامامممم وبعديييين!!!
ياسمين: خلاص اهو مش هتكلم خالص
داخل صالة العرض
مي: ههههههههههههههه شوفتي جيري عمل ايه مع توم
ياسمين: ههههههههههههههه ههههه اه شفته ، شفتي انتي بططه ازاي بالبتاعه الكبيره دي
هشام بحنق: ممكن توطو صوتكم شويه ، توم وزفت ايه اللي جيبنا السينما علشانه
مي: ماهو انا ملقتش تنه ورنه بس لقيت توم وجيري
ياسمين: اسكت انت مبتعرفش تسمع
هشام: ايوه انا اللي مبعرفش ، طيب قومي معايا عاوزك
ياسمين: لا لا ونبي استنا ، توم هياكول جيري دلوقتي
هشام: لو مقومتيش انا اللي هاكلك
ياسمين اووف طيب ، قومي يابت خلينا نمشي
مي: جيبتيه معاكي ليه ، ده معقد خالص اوعي يكون الواد اللي هيجبهولي معقد زيه..
هشام بحده: وبعدين!!!
ياسمين بخفوت: اسكوتي دلوقتي... يلا ادينا جاين وراك... ده انت....
«خارج الصالة»
ياسمين: ارغي
هشام: توم وجيري تسمعيه ف البيت ، واتفضلي تليفوني اهو ، استني اطلع الخط ، هتلاقي عليه افلام كتير يسمعوها النااس الناضجه مش العيال يا عيله انتي وهي
ياسمين لا طبعاً انا مش هقبل حآجه زي دي
هشام: ياستي اعتبريها تكمله للخطه مي: اخلصي يابت خديه وبعدين رجعهوله
ياسمين: اسكوتي لا طبعاً
هشام: ياستي اخلصي خدي ، انا اصلا كنت هجيب غيره... ولما تخلص الخطه ابقي رجعيه ويلا كفايه كدا عشان متخديش علقه في البيت
«امام المنزل»
مي: يلا مع السلامه ، تصبحو علي خير
ياسمين: وانتي من اهل الخير ، كلميني لما توصلي
مي وهي تبتعد: حاااضر
ياسمين: متشكره قوي يا هشام ، و اسفه علي كل حآجه
هشام - لا عادي ، وانا بجد مبسوط ان بقالي صديقه زيك ، مع انك طلعتي روحي
ياسمين: ربنا يكرمك
هشام: ايوووه!! انتي بقا من النااس اللي مش بتعرف ترد علي الكلام الحلو؟!
ياسمين: لا خالص ، بس انا حسيتك هتنام من كتر السهو كه اللي في كلامك ، هو ايه اللي مبسوط ان بقالي ثديكه زيك ،، انت اهبل؟! ، امشي يلا قبل ما تعملي سمعه قدام الجيران،
هشام: انا اعملك سمعه... طيب غوري من وشي
ياسمين: غاره تاخدك ما ترجعك