رواية انت مرادي الجزاء الثاني2حفصه الاسد الفصل السابع7 بقلم يارا ابراهيم
عند نهى في الاوضه كانت بتتكلم مع شخصين مجهولين فقال واحد منهم.........
المجهول1:/حامل ازاي يعني.
نهى:/انا سمعت الدكتورة بتتكلم وعرفت انها حامل.
المجهول 2:/مش مشكله دي فرصة حلوه ولازم نستغلها لصالحنا.
نهى:/هنعمل ايه وياريت حل سريع لاني اللي هنا مش طايقين وجودي وهيطلعوني من هنا اكيد.
المجهول 2:/متخافيش كلها يومين وهنخلص وتكون الحقوق اتصفت.
المجهول 1:/ناوي علي ايه.
المجهول 2:/هقولكم.
بدأ يحكي الخطه واول ما خلص قالت نهى.........
نهى بفزع:/بس افرضوا عرفوا ان انا اللي عملت كده وقتها مش هيرحموني وخصوصا مراد.
المجهول 1:/امال هو فين وبتتكلمي ازاي.
نهى:/راح يطمن علي الست هانم.
المجهول 2:/هههههه البت حلوه ليه حق.
نهى:/ممكن تخرس احنا في مهمه وبس وبعدين علي فكره انا احلي منها.
المجهول 2:/اوعي تكوني صدقتي نفسك بجد وانك مراته وكده.
نهى:/طب ما انا فعلا مراته.
المجهول 2:/متعشيش الدور اوي كده.
نهى:/اخرس علشان انت بتنرفزني.
المجهول 1:/اخرسوا بقي وانتِ يا نهى روحي شوفيه ليكون بيخطط لحاجه من ورانا.
نهى:/ماشي اقفلوا اما اشوف ايه الدوشه دي.
********************
عند يارا كانت لسه هتقع علي السلم بس مسكها فهد وياسمين بسرعه وقال............
فهد بصوت جهوري:/بس انتم اغبيه كانت هتقع من علي السلم بسبب غبائكم.
مراد جري عليها بسرعه وهو بيقول...........
مراد:/انتِ كويسة اتأذيتي.
يارا كانت بتعيط بدون صوت فخدتها ياسمين ودخلتها الاوضه فقالت.........
ياسمين بعياط:/مش عارفه ابرر تصرفاته..... عمره ما كان كده انا متأكدة ان في حاجه.
كانت يارا ساكته مش بترد وكل اللي شاغل تفكيرها كلام مراد ليها (عامله نفسك تقيلة وانتِ مقضيها)
يارا:/انا كويسة خلاص والحقيقه مصيرها هتظهر ووقتها مش هسامح اخوكي.
ياسمين:/ارتاحي بس دلوقتي ونشوف الموضوع ده بعدين.
يارا:/طيب روحي انتي وانا هرتاح علشان عندي معاد عند الدكتورة انهارده.
ياسمين:/طيب فيه حاجه عايزاني اعملها.
يارا:/لا شكرا.
خرجت ياسمين ف جري مراد عليها وقال بخوف......
مراد:/هيا كويسة صح.
ياسمين ببرود:/اه كويسة.
مراد بحب:/وحشتيني اوى يا ياسمين.
ياسمين ضربت مراد بالقلم فقال مراد........
مراد بعصبية:/ازاي ترفعي ايدك عليا.
ياسمين:/ياهه مضايق اوي طب انا ضربتك قلم انما انت كسرت قلوب كلنا واولهم حبيبتك ومراتك وام.
كملت بتعديل وحزن:/وكانت هتكون مستقبلياً ام اولادك ليه عملت فينا كده.
مراد بوجع:/هتفهموا كل حاجه في الوقت المناسب.
ياسمين:/لما يجي الوقت المناسب ده هتكون كل حاجه ضاعت منك.
كان لسه هيتكلم بس فجأة لقي ضربه من فهد فقالت ياسمين بخضه.......
ياسمين:/في ايه يا فهد.
فهد بصوت جهوري:/انت ازاي تشك في مراتك ها ردي عليا شكلنا غلطنا في حقها لما ج جوزناها لك واتمناك عليها
مراد سابه نفسه ومرضيش يقاوم ابدا فضل يضرب فيه وكانت ياسمين عماله تعيط فطلعت يارا فجأة وبدات تبعد فهد وهي بتعيط........
يارا:/خلاص يا فهد خلاص بقي انا مابقاش فيا حيل استحمل.
قام فهد وحضن يارا وقال.........
فهد:/خلاص اهدي... اهدي.
وقفت يارا قدام مراد وقالت........
يارا:/انت عارف قلبي اتوجع قد ايه بسببك بس العيب مش عليك العيب عليا.
مراد بزعيق وهو بيشدها جامد......
مراد:/انتِ مفكرة انك بس اللي موجوعه انتِ مش حاسه بيا مسألتيش نفسك ليه مراد حبيبي اللي بيعشقني يعمل كده.
فهد:/سيبها مش ينفع تشدها بالطريقة دي.
مراد:/ردي يا يارا..... مش عندك رد لانك ببساطة كده مش حاسه بيا.
مراد:/الجوازة دي مؤقتة مش دايمة وانا مش بحبها ولا بطيقها اصلا بس انا مطر فهمتوا دلوقتي عملت كده ليه.
يارا:/وانت ايه اللي جابرك علي ده كله.
مراد:/هقولك بس مش دلوقتي علشان لو قلت دلوقتي كلنا هننتهي فهمتي.
فهد:/كفايه دراما وسبينا في حالنا.
فهد:/ياسمين جهزي الشنط وكل حاجه وانا هحجز اول طياره لي لندن علشان نرتاح بقي.
كانت متابعه كل ده نهى وهي فرحانه كده حلو اوي
فاضل بس الخطه الاخيره وبعدين اكون خلصت واقعد اتفرج عليكم براحتي....
دخلت نهى الاوضه بسرعه ورنت مكالمه جماعيه فقال.........
المجهول 2:/فيه ايه احنا مش لسه قافلين.
نهى:/فيه اخبار حلوه.
وبدأت نهى تحكي كل اللي حصل.........
المجهول 1:/تمام يبقي نفذي ااخطه الاخيره.
المجهول 2 حس بحاجه غريبه وكأنه مش عايز يعمل كده في يارا بس تجاهل شعوره بالحزن وقال.......
المجهول 2:/تمام شوفوا هتعملوا ايه وعرفوني انا هقفل.
نهى:/ماله ده.
المجهول 1:/سيبك منه دلوقتي واعملي اللي اتفقنا عليه.
نهى:/تمام اول مايطلعوا هعمل كدا.
المجهول 1:/خلصي وعرفيني عملتي ايه.
نهى:/تمام.
طلعت نهي من الاوضه جري عند مراد وهي بتقول بدموع.........
نهى بدموع:/مراد رنوا عليا من الشركه وبيقولوا ان المخزن بتاع الشركه ولع ولو ملحقناش نطفي الحريق ممكن الشركه تولع.
نزل الكلام زي الصدمه علي مراد فقال فهد.........
فهد:/انت صنمت كده ليه يلا بسرعه علشان نطمن علي ابوك وجدك.
فاق مراد من الصدمه ونزل جري ووراه فهد ومشيوا بسرعه..............
ياسمين:/هنزل انا اشوف ليان وهبعتلك الداده سناء بالاكل.
يارا:/ماشي.
نزلت ياسمين واللي اول ما شافتها نهى جريت جابت قزازتين زيت وكبت ازازه علي سلم والازازه التانيه علي السلم التاني وبعد ما كبت الزيت.......
نهى:/كده احسن لاني مش عارفه هيا هتنزل علي انهي سلم بس يارب يحصلها حاجه علشان نخلص.
مشيت نهى وطلعت بره الفيلا خالص وبعدين كانت يارا في اوضتها وقررت تروح شوف ايه اللي حصل وتطمن علي عمها وجدها لبست يارا بسرعه وجت تنزل وفجأة...........
***"*******************
عند مراد وفهد........
وصل مراد الشركه لقي ان المخزن اتفحم وهما مش عارفين من اللي عمل كده فقال فهد.........
فهد:/مش المفروض في كاميرات.
مراد:/اللي عمل كده كان قاصد وقبل ما يولع في المخزن عطل الكاميرات.
فهد:/طب مافيش كاميرات.
قاطعه مراد وهو بيبص يشوف في حد بيبص عليهم وبعدين قال.......
مراد:/فيه بس بياخدوا وقت شويه.
فهد:/انت شاكك في حد.
مراد بإبتسامة:/متأكد.
فهد:/طب بلغ عليه.
مراد:/مش هينفع.
فهد كان هيتكلم بس جريوا علي خالد وعامر واطمنوا عليهم وقرروا يروحوا.............
*********************
في فيلا عمر............
هنا:/انا راحه لي يارا.
عمر:/ماشي وانا هروح الشركه لان المخزن ولع.
هنا:/لا حول ولاقوة الابالله ازاي بس.
عمر:/لسه مش عارفين بس هنعرفه قريب متخافيش روحي انتِ.
طلعت هنا وراحت للفيلا وقالت...........
هنا:/مين اللي هنا يا أستاذ حاتم.
حاتم:/مافيش حد غير مدام يارا.
هنا:/امال فين الباقيين.
حاتم:/ياسمين هانم لسه ماشيه دلوقتي لان بنتها تعبت انما نجلاء هانم راحت تزور واحده قريبتها لسه واصله البلد والباقيين في الشركه.
هنا:/امال فين غيث.
حاتم:/راح يودي ياسمين هانم المستشفى.
فجأة سمعوا صوت صريخ يارا جاي من الفيلا فجريت هنا بسرعه تشوف في ايه واول ما دخلت اتصدمه من اللي شافته........
شافت يارا مرميه علي الارض وبينزل منها دم وحوليها سناء وأمينه عمالين يعيطوا جريت هنا علي يارا وهو بتصوت وقالت..........
هنا بزعيق:/حصل ازاي وقعت ازاي ردوا عليا.
سناء:/مش عارفين يا هانم كنا في المطبخ بنجهز ليها الغذاء زي ما ياسمين هانم قالت وفجأة اسمعنا صوت صويت وجينا لقينها كده.
قامت هنا بسرعه وهي بتنده علي حاتم........
حاتم:/نعم يا هانم.
هنا:/جهز عربيه علشان ننقل يارا للمستشفى بسرعه.
حاتم:/في خلال ثواني هتكون جهزت.
دخلت هنا وحاوت تسند يارا للعربيه هي وسناء وبعد محاولات قدروا يحطوها في العربيه............
ركبت هنا ويارا نايمه على رجلها فقال حاتم........
حاتم:/هنروح مستشفى الالفي.
هنا:/لا هنروح مستشفى المدينه بس بسرعه.
وهما في الطريق حاولت ترن علي عمر مش بيرد وفهد مش بيرد اتنهدت وقالت........
هنا:/ ما قداميش حل غيره لانه غيث نسي تليفونه في البيت هو وياسمين.
هنا بخنقه:/الوا السلام عليكم.
مراد:/وعليكم السلام ايه ده غريبه مش كنتي مش طيقاني.
هنا:/ولسه والله بس كنت مطره محدش بيرد.
مراد:/قلقتيني فيه ايه.
هنا:/تعالوا علي مستشفى المدينه بسرعه.
كان لسه مراد هيتكلم بس قفلت هنا السكه في وشه وبعد شويه سمعت حاتم بيقول.........
حاتم:/وصلنا يا هانم.
هنا:/طيب معلش يا حاتم انزل خليهم يحيبوا ترولي نحط يارا عليها.
حاتم:/حاضر ولا يهمك يا هانم.
نزل حاتم وبالفعل جاب الترولي وهنا حطت يارا عليه بمساعده الممرضات ودخلوها العمليات بسرعه.........
في المستشفى كانت ماشيه هنا في الممر راحه جايه وهي عماله تعيط وتدعي وفجاه لقت الكل بيجري عليها بسرعه فقال مراد..........
مراد:/هنا في ايه ومين اللي جوه.
هنا تجاهلت مراد خالص فقال مراد بزعيق هز اركان المستشفى...........
مراد:/هنا لما اكلمك تردي عليا.
هنا اتنفضت من صوته وقالت بعياط شديد...........
هنا:/يارا... يارا ارتحت انت السبب في كل اللي احنا فيه.
نزل خبر زي الصدمه على الكل وخصوصا مراد اللي يجمعوا بدات تنزل من فكره انه يخسرها فقال بثبات حاول اظهاره...
مراد:/ايه اللي حصلها.
حكيت لهم هنا كل اللي حصل فقال مراد.........
مراد:/ ماشفتيش راسها لان احتمال كبير الدم ده يكون من راسها من الوقعه.
الكل فهمه انه ده انه معناه ان البيبي مات فكلهم بقاعدين دموعهم بتنزل في المراد وهو مش فاهم ايه اللي بيحصل............
مراد:/ في ايه انت بتعيطوا ليه هي لسه الدكتوره طلعت وقالت لنا في ايه ولا انتم في حاجه عارفينها ومخابينها عني.
لما شافو حالته وقد ايه هو منهار بالشكل ده صعب عليهم جدا فكان لسه هيتكلم فهد ولكن طلعت الدكتورة وقالت الخبر اللي صدمهم كلهم.......
الدكتورة:/...............
الفصل الثامن
عند نهى وهي في العربيه في طريقها للمستشفي كانت بتتكلم في الموبايل........
المجهول 1:/طب وانتِ راحه المستشفى ليه خلاص سبيها تولع.
نهى:/لا علشان مش يشكوا انه انا اللي عملت كده.
المجهول 1:/ماشي بس ركزي واحذري منهم لانهم اذكية فوق ما تتصوري.
المجهول 1:/هو ماله ده مش بيتكلم ليه.
نهى:/مش عارفه..... مالك في ايه.
المجهول 2:/انا خلاص مش هكمل.
المجهول1:/نعم نفهم انك خلاص هتبعنا.
المجهول 2:/انا خلاص حقي رجع اكمل ليه.
نهى بغل:/لسه... احنا اتفقنا ندمرهم خالص.
المجهول 2:/انا قولت اللي عندي.... سلام.
قفل فقال المجهول 1......
المجهول 1:/هو فيه حاجه غريبه بس احنا مش فاضيين له دلوقتي.
نهى:/ممكن يبلغ عنا.
المجهول 1:/لا متخافيش هو بس العاطفة مأثره معاه شويه.
نهى:/طيب نكمل بعدين علشان وصلت المستشفى.
نزل الحارس وفتح الباب وهو بيقول........
الحارس:/اتفضلي وصلنا.
نهى بغرور:/ياريت تقول هانم ولا نسيت اني مرات مراد.
الحارس:/اسف بس تقيله علي لساني مش عارف انطقها.
نهى بغيظ:/اممم بس لي يارا بتنطق عادي صح.
الحارس:/في فرق شاسع ولا مش شايفة.
نهى:/خليك فاكر كلامك لما اخلي مراد حبيبي يطردك.
الحارس:/متخافيش فاكر.
نهى سابته ومشيت وكانت بتبرطم...........
نهى بغيظ:/اعمل ايه تاني علشان يبطلوا يحبوها.
دخلت نهى لقتهم واقفين بيعيطوا ماعدا مراد اللي عمال يزعق فيهم وهو بيقول.........
مراد:/انتم بتسبقوا الاحداث ليه هما لسه قالوا حاجه.
لقاهم بيعيطوا اكتر فقال بعصبية مفرطه...........
مراد:/مش عايز اسمع صوت انتوا فاهمين.
قربت هنا بعصبية منه وهي بتزعق فيه وبتقول........
هنا:/ايه هو احنا مش مسموح لنا نزعل وبعدين انت ليه جاي.
مراد:/هنا انا مراعي خوفك بس اتكلمي بإحترام.
هنا بسخرية:/احترام اه.... لا خلينا الاحترام ليك.
هنا اتكلمت نهى وهي بتزعق علي اساس انها بتدافع عن مراد........
نهى:/هنا مش علشان اهلك مش ربوكي تيجي تطلعي قلت ادبك علينا.
هنا:/مين دي اللي اهلها مش ربوها يا فردت جزمه انتِ.
نهى بدلع:/بص يا مراد بتكلمني ازاي.
مراد مردش عليها وهيا اتعصبت اكتر.....
دخل عمر من باب المستشفى وجري علي هنا وهو بيقول.........
عمر:/هنا انتِ كويسة... اتعورتي.
هنا نسيت نهى خالص وحضنت عمر وهي بتعيط وبتقول.......
هنا بعياط هستيري:/يارا يا عمر.. يارا جوه والله اعلم حالها ايه.
نهى بهمس سمعته هنا......
نهى:/يارب تموت ونخلص.
هنا سمعتها فقالت بزعيق..........
هنا:/موته تشيلك يا بعيدة.. انتِ ايه اللي جابك جايه تشمتي فيها.
كلهم شدوا هنا اللي انقضت علي نهى بالضرب فقال فهد........
فهد:/خلاص يا هنا اهدي.
هنا:/سيبوني... هيا السبب انا متأكدة سيبوني انا سمعاها وهي بتقول يارب تموت ونخلص.
كلهم بصولها فقالت نهى بتمثيل وهي بتقرب من مراد.......
نهى بدموع تماسيح:/لا يا مراد متصدقهاش هيا شكل الصدمه اثرت علي دماغها.
هنا عمر ماستحملش وقال.......
عمر:/مراد لِم مراتك انت شايف احنا عاملين ازاي واحنا مش ناقصين دراما.
مراد:/روحي يا نهى.
نهى:/بس يا مراد.
مراد بزعيق:/روحي يا نهى.
مشيت نهى وبعدين طلعت الدكتورة ف جريوا عليها وقالت.......
الدكتورة:/اهدوا متخافوش مدام يارا بقت كويسه والحمدلله قدرنا نوقف النزيف.
مراد:/الحمدلله الف حمد وشكر ليك يارب.. ينفع ندخلها.
نجلاء بقلق:/طب والجنين.
الدكتورة:/للاسف الوقعه كانت جامده والجنين اتأثر جدا و.
هنا:/وايه.
الدكتورة:/البقاء لله.
مراد:/طب يلا نمشي.
كلهم بصوله بصدمه فقال........
مراد:/بتبصوا كده ليه بتقول جنين يبقي مش يارا وشكلنا ملخبطين.
فهد:/مراد اهدي.
مراد:/انا مش فاهم جنين ايه هيا يارا كانت حامل امته اصلا.
فهد:/بص يا مراد كنا هنقولك.
مراد:/تقولولي يعني انتم عارفين وانا عامل زي الاطرش في الزفه.
فهد:/اهدي و وحد الله وتعال اطمن علي مراتك.
دخلوا كلهم يارا كانت ساكته خالص دموعها بتنزل بصمت وهنا كانت حاضنه عمر وهيا بتعيط قرب مراد من يارا وهو بيقول.........
مراد:/ابننا راح يا يارا راح.
يارا دموعها زادت وبدأت تشهق وهي بتحاول تاخد نفسها فقال مراد..........
مراد:/اهدي وحاولي تخدي نفسك اهدي.
الممرضين طلعوهم بره وادها مهدئ.........
*************************
في لندن.......
دخل جورج وليلي مطعم فقالت ليلي.........
ليلي:/مش معني انك جبتني مطعم فخم عمري مادخلته قبل كده يبقي هتعرف تقنعني.
جورج:/ايه مشكلتك نعمل الفرح هنا.
ليلي:/لا ماليش فيها هعمله في النمسا.
جورج:/هو انتِ مش قولتي فرنسا.
ليلي:/طيب ماهو النمسا في فرنسا.
جورج:/اممم طب علي فكره النمسا حاجه وفرنسا حاجه تانيه.
ليلي:/ايه ده بجد..... مافيش مشكله خلاص نعمله في تركيا.
جورج طلع السلاح فقالت ليلي.......
ليلي:/انا بقول نعمله هنا وخلاص مش لازم الفذلكه يعني.
جورج:/خلاص الفرح بعد شهر.
ليلي:/لا طبعا بعد شهر ايه لا يعني سنه كده.
جورج طلع السلاح تاني فقالت........
ليلي:/هو انا كل امال اقول كلمه مش تعجبك هتطلع لي السلاح.
جورج:/اه اذا كان عندك مانع.
ليلي:/مش عندي بس علي الاقل خليها بعد سبع شهور.
جورج:/ليه.
ليلي:/علشان يارا حامل فخليها بعد اما تولد وعلشان بردو افكر مش يكمن مافيش نصيب.
حط السلاح علي دماغها..........
ليلي:/انا اطمنت اوي علي نفسي.
جورج:/ده واجبي.
ليلي:/بطل رغي وجبلي حاجه اطفحها.
جورج:/انتِ لسه واكله من شويه.
ليلي:/انت مالك هيا بطنك ولا بطني.
جورج في نفسه:/هيا لو جاعت ممكن تكلني.
*******************
عند مراد..........
كانوا كلهم واقفين بره فقالوا لمراد انه يروح يغير هدومه ويجيب هدوم لي يارا ويجي بس مراد ماكنش راضي وبعد محاولات مشي فدخلوا كلهم لي وقالت هنا...........
هنا:/انتِ هتعيشي الدور مشي خلاص اصحي.
يارا:/فصيله اوي.
هنا بضحك:/لا بس والله ننفع ممثلين.
فهد بجديه:/يارا هتخبي لامته كان واضح عليه الخوف بجد وكان منهار لما عرف ان البيبي مات.
يارا:/مش عارفه بس لازم نخلص من نهى لانكم شفتوا هيا عملت ايه.
هنا:/لو شفتيها وهيا بتدلع كان نفسي اجبها من شعرها بس حاشوني عنها.
يارا:/ههههه اوعدك اول لما نكشفها هخليكي تعملي اللي انتِ عايزاه.
وهما بيتكلموا فجأة دخل غيث وياسمين وجريوا على يارا بسرعه فقال غيث.........
غيث:/انتِ كويسة وهو صحيح البيبي.
قاطعتهم يارا........
يارا:/متخافوش كويسة والبيبي كويس.
ياسمين:/طب الحمدلله طمنتينا.
***********************
في مكان اول مره نروحه........
في قصر الباشا...........
دخل شخص وطلع علي اوضته قعد علي السرير وهو بيفكر وفجأة خبط الباب فقال..........
الشخص:/اتفضلي يا داده.
الداده:/عامل ايه يا يوسف يا بني.
يوسف:/الحمدلله يا داده.
الداده حطت ايدها علي ضهره وقعدت جنبه وهي بتقول........
الداده:/ماتزعلش يابني انت عملت الصح.
يوسف:/انا مش زعلان اني اتبرعت بكل الفلوس للايتام.. كده كده الفلوس دي حرام وانا خلاص قررت ابدأ من جديد وعلي نضافه.
الداده:/امال زعلان ليه.
يوسف:/هو انا اهلي رموني وانا صغير ليه يا داده ليه مش كانوا عايزني.
الداده بتنهيده كلها حزن:/منصور مات ودلوقتي هقدر اقولك الحقيقه وانا مطمنه.
يوسف بإستغراب:/حقيقه ايه.
الداده:/منصور مش ابوك.
يوسف:/ماهو انا عارف هو قالي ان اهلي رموني وهو خدني يربيني.
الداده:/دي مش الحقيقه.
الداده:/الحقيقه هيا..............