رواية ليلة زفافي
الفصل الخامس5
بقلم جمانه السعيدي
علا....قررت اسئل خواته يمكن يعرفن السر حتى ارتاح
الصبح كعدت لكيته طالع
بديت ارتب طبعا بيتنا مايتوصخ حيل لان مانستخدمه كله وتنضبفه سهل
دخلت للغرفه الي بنام بيه واثق شلت الجرجف خليته بلغساله
بعدين اخذني الفضول افتح الكنتور اشوف شكو بي
صور قديمه الواثق
شنو ملابس حاولت افتحه مانفتح
مقفول عجيب ليش قافله شنو اكو داخله يخاف علي
زاد شكي اكثر
ليش احسه غامض
جبت التليفون وتصلت على اخته
علا...هلو مها شلونج
مها...هلو حبي شلونج
علا...الحمد لله
مها....مشتاقه البارحه نزلت للسوك واشتريت دشداشه وجبتلج وحده حسيته تلوك عليج
علا....شكرا حبيبتي ماتقصربن سكتت شويه
عندي سوال محيرني
مها....اي كولي
علا....من ليلة زفافي وواثق ينام بغرفه واني بغرفه تحسين هذا الوضع طبيعي
مها...هااا ما سئلتي
علا... سئلته يكول احجي واتحرك هواي بس اني مااشوف هذا السبب كافي اني ابوي من بنام نسمع الشخير من الغرفه الثانيه وعادي ماما تعلمت علي وتنام وياا نفس الغرفه ابد ماشفتهم تفاركووو
وواثق من اول ليله زفافنا وهو ينام بغرفه واني بغرفه
اكو شي مااعرفه
مها...مثل شنوو
علا....مااعرف اني احسه يحبني وحيل مهتم بيه بس وضعه مايطمن
حتى سئلت اختي تكولةماكو رجال بعده اول ايام عرسه
ويبتعد عن عروسته
اكو زلم من يصير الطفل الأول ببتعد لان الطفل يبجي
ومايكدر ينام
فدوه اذا تعرفين شي كولي اريد ارتاح
مها....تردين احجي وياااا
علا....لا اني سئلتج كلت ايجوز تعرفين شي اني مااعرفه
برائيج هذا الوضع عادي
مها....اذا مامقصر وياج بشي عوفي براحته واذا نام بغرفه وانتي بغرفه كلش عادي
بس لا تدخلين احد بحياتكم الخاصه لان تصير مشاكل
علا...اني بس سئلت اختي لان هي قريبه عليه
مها...ترا شغله عاديه انتي حساسه حيل
علا...انتي تشوفيه عاديه بس اني عندي مو عاديه
مها...كبري راسك اطلعي غيري جووو لا اضلين تفكرين هيج الموضوع مايسوه
علا....شكرا اخذت من وقتج
مها....حبيبتي ادللي
جمانه السعيدي
بقيت انتضره وكالعاده دخل وهو كله لهفه عليه ويسولف ويضحك
علا....ألبوم حاولت افتح الكنتور بس مانفتح
واثق...ياا كنتور
علا...الكنتور الزغؤر بغرفنك
واثق... اي اني قفلته لان بي أوراق مهمه تخص الشغل
واخاف تضيع اذا محتاجته افرغه من الاوراق
وانطيج المفتاح
علا...لا شكرا بس عندي بعد سوال ولازم اجاولني علي
واثق....اي حبيبتي كولي
علا...إلى متى راح نبقى هيج
واثق....شنو قصدج
علا....كل واحد ينام بغرفه اني ماعاجبتك اتندمت على هاي الزواجه
تكره هاي الغرفه ننقل غرفةالنوم للغرفه الثانيه
اذا عندك ذكريات بهاي الغرفه او مااتحبه
واثق....حبيبتي اسعد يوم اليوم الي شفتج وتعرفت عليج بي وبعمري ماراح اندم على هاي الزواجه
انتي حبيبتي حبيبت عمري ياريت ملتقين من زمان
بس اني حتلو مزوج محتاج بعض الخصوصيه اني احب هاي الغرفه واحب انام وحدي اذا هذا الشي مايزعجج
علا....لا يزعجني انت تنام بمكان واني بمكان
واثق....اني راح ابقه يمج لمن تنامين واروح انام
علا...هم تعوفني
واثق....انتي ليش تردين تسوين مشكله
يعني تعاملي ويه الموضوع عادي اكو بنات تزوج وزوجه
يدخن او يشرب خمر او يكون عندا مرض
تعوفه برائيج اذا تحب انسان لازم تقبل بي بكل ضروفه ووضعه اي كان
اني احاول اخليج اسعد وحده بلدنيا بس محتاج منج هاي الخصوصيه
وعلى فكره مها اتصلت بيه وحجتلي كلشي
ممكن أسرار ببتنا تبقى بينا احنا الاثنيين وماادخلين بيه اي احد ممكن
جمانه السعيدي
علا....اسفه اكيد ممكن بس خليك قريب مني احس بلامان
اكثر اذا اشوفك قريب
واثق....حضنته حبيبتي اني وين رايح صدكي ودي اخليج بعيوني اخليج بكلبي ولو انتي ساكنه كلبي
علا خلص شهر واحنا وضعنا مثل ماهوووو هو ينام بغرفه واني بغرفه شكد حاولت اقرب علي يصدني مايقبل
المشكله هو مامقصر وياي باااي شي
ملابس اكل طلعات مصرف
اهلي بجوون اروح عليهم ماعنده مشكله
خلال شهر المعاشره صارت بينا كم مره يعني عبالك مزوجين صار سنيين مو عرسان جدد
المشكله هو طلب مااحجي ولا اكول الاي احد ولا ادخل احد بحياتنا
بس اني هذا الموضوع شاغل بالي خاصتا واحنا بعدنا عرسان جدد واني كل النهار وحدي
جمانه السعيدي
حتى امي شكت بوضعي
امي...ماما انتي اكو مشاكل بينج وببن زوجج
علا...لا ياستار ليش
امي...الي يشوف فرحتج قبل الزواج ولهفتج على واثق مايشوفج هسه شنو المشكله
احسج متملله ضايجه
علا...مابيه شي وواثق نفسه ماتغير يحبني ويخاف عليه
امي...خاف حامل
علا...لا مو حامل بس اضوج لان يعوفني وبطلع للشغل كل النهار
امي...حاولي تشغلين نفسج بااي شي اطلعي ليش ماتسافرون
علا...مايقبل نسافر يكول ماتكدر اعوف شغلي واسافر
امي...اسبوع واحد غيرو جووو
علا...اليوم احجي وياا بلكت يوافق اني كلش محتاجه سفره حتى تتغير نفسيتي
من رجعت من اهلي
انتضرته لمن اجا كعد على الكرسي
اجيت كعدت بحضنه
علا...عندي طلب
واثق...كولي عيوني انتي
علا...اني مو اطلبك سفره مال شهر العسل
حسيته ضاج جان حاضني حيل شويه بعد جسمه عني
واثق...اذا تردين تسافرين سافري وياا اهلج
علا...شنو وياا اهلي اريد وياك حتى ننجمع بغرفه وحده
اني وياك اكيد من نسافر مراح اتاجر غرفه وحدك
واثق....اسف حبيبتي مااكدر اسافر اذا تردين تسافرين وياا اهلج ماعندي مانع واني انطيج مصرف يكفيج
علا....كمت من حضنه وكتله شكرا اني زعلت اني اريد اسافر وياك لو مااسافر
واثق....حبيبتي ليش الضغطين عليه مااكدر
علا كلش ضجت مااعرف شبي ولله شغلته تحير
جمانه السعيدي
علا الحد مافات على زواجنا شهرين بيوم طفت الكهرباء بلسته الصبح طبعا اني مااكعد هيج وقت
اني ابقه بليل على النت وانام وجه الصبح اكعد بلثنتين الضهر من النوم
ابدي انضف واسبح واحضر نفسي لواطبخ
المهم الساعه بلسته الفجر طفت الكهرباء واني بعدني مانمت
سمعت واثق كعد استغربت بعد وكت ليش كاعد من الصبح
طلعت من الغرفه اريد اسئله اذا محتاج شي
شفته طلع من باب المطبخ بيده علاقه سوده
مشيت ورا طلع للشارع وعاف الباب مفتوح استغربت
طالع هيج وقت وبملابس البيت
لا بس برمودا وبدي
رحت ورا اشوف وين رايح وهاي العلاكه شنووو
شفته شمرها بلحاويه الي بلشارع يعني مو بحاوية البيت وورجع
من شافني واكفه بلباب مثل الكمز اتفاجئ بيه
واثق...هااا حبيبتي اسم الله حلمانه
علا...صباح الخير
واثق...صباح الخير
علا...وصل يمي حسيته مرتبك
واثق...ليش واكفه بلباب
علا...لا سمعتك كعدت واجيت اشوفك خاف محتاج شي
وشفتك طلعت وبيدك علاكه
راسا دخلني للبيت وطبك الباب
واثق...هاي أوراق مامحتاجه خليته بعلاكه وشمرته
اذا اكو بعد زباله اشمرها
علا...جان خليته بلحاويه هاي الي بابنا ليش رحت بعيد
واثق...يالله أليوم تحقيق من الصبح
اربد اتمشى بيه شي
علا...سكتت
واثق...شنو رائيج نروح نشوف مطعم ونترك ونرجع للبيت
علا... حسيته يريد يضيع السالفه رديت علي هسه لا مااروح بعدني مانمت اريد انام
واثق...براحتج حبيبتي
علا...دخلت غرفتي ونمت
وهو سمعته دخل للحمام بعدين غفيت ماادري
بعدها بديت اتملل اكثر من كعدت البيت خاصه هو يطلع الصبح يرجع المغرب
صح يتصل بيه اكثر من خمس مرات باليوم يطمن عليه
بس هم اضوج
علا...واثق اريد اشتغل شنو مخلصه النهار كله نوم
واثق...حبيبتي اني ماااريدج تعبين
علا...مو هيج حتى راح اصير سمينه من النوم والكعده على النت
واثق...شنو رائيج تشتركين بالجم تغيرين جووو وتتنشطين
علا...برائيك هذا حل
واثق...اشتركي شهر واحد واذا ماعجبج الوضع عوفي
علا...اوكي موافقه
فعلا اشتركت بلجم اروح العصر ومن يخلص واثق يمر عليه ونرجع للبيت سوا
شويه غيرت جووو
سوالف وضحك وعلاقات جديده وياا البنات
بس اني الوحيده الي كلشي مااحجي عن حياتي الخاصه
بس باقي البنات من يجن يحجن كلشي عن حياتهن الخاصه
بعد زواجنا بشهرين ونص صار موقف ثاني
طبعا الكابتن بلجم توصينا نشرب ماي هووواي علمود الرشاقه وهم زين للكبد والدماغ الماي
اني بليل شربت مي هواي كعدت تقريبا بلسته وربع تكرمون اربد ادخل للتواليت رغم اني مااصارغير ساعتين من نمت بس هواي شربت مي بليل
كعدت اريد ادخل تواليت
جان انعاد نفس المنضر كدامي مره ثانيه
واثق طالع وبيده علاقه سوده
شنو قصة هاي العلاكه وليش هذا الوقت بلذات
لا هلمره مراح اسئله السالفه مو خاليه ابد
شنو هذا الي يشمره بلحاويه كل يوم الصبح
دخلت للتواليت ورجعت سويت نفسي نايمه
بس طلع رحت اشوف شنو هذا الي شمره وصلت للحاويه
لكيت هواي علاليك سود
فتحت وحده بيه حفاض والثانيه ببه بقايا اكل
ووحده بيه ووورد صناعي مكطع
مافهمت اي علاكه الي هو شمرها
رجعت للبيت وقررت اشوف شنو الموضوع
وليش جاي يتكرر اكثر من مره
مامعقوله تكون أوراق واذا أوراق ليش مايشمرها بحاوية البيت ليش يشمرهن بعيد
للحكاية بقيه البارت الجاي راح نكتشف شنو السر الي
يحاول يخفي واثق