رواية ماسة الأركان الفصل الخامس عشر15 بقلم ميفو السلطان
ما ان تلفظ محمود ان ماسه كانت عند حسام حتي أشتعل اركان ونهشت الغيره قلبه ليستدير وينظر اليها لترتعب وتنكمش اقترب منها وشدها وصعد بها الي الاعلي ومحمود وليلي يقفان يتشفيان فيها فيبدو ان اركان لا يريد وجود حسام.
هتف الجد غاضبا.. انت ايه محراب شر مالك انت كت فين وبتروح لمين.
صرخ محمود.. ايه مالي ايه.... اه مالي مش بنحافظ علي مالنا والا البيه ابن عمها ياخد ويكبش زي ماخد فلوسها باينها كانت عشقاه.صرخ الجد وشعر بالتعب ......انت تحترم نفسك بقه انا ساكتلك انما لحد كده وتلزم ادبك.
قال محمود عاضبا..... الزم ادبي عايزني استني اما تلهف ربع المجموعه وتروح ترميهم تحت رجل الحبيب اللي ماشي يتكلم عليها في البارات أنها كت بتترمي عليه فاكرنا مش هنعرف عنها حاجه جايب واحده متسابه تعملها ست علينا ويا تري ابن ابنك عارف سمعه مراته المصون ويا عالم كان بينهم ايه تاني عشان تكتبله فلوسها.
صرخ الجد.. انت تسكت خالص فاهم .....وضع يده علي قلبه .
هتفت صفاء وليلي.. ايه يا بابا مالك.. احس بالتعب ووجع في قلبه تحامل علي نفسه وهتف دخلوني أوضتي.. ونادولي ماسه..
تقدمت صفاء وليلي يدخلانه وهو قد أصابه تعب شديد.
سحب اركان ماسه وهيا مرعوبه من منظره يدخلاها ويرزعها لتقع علي وجهها و ينساب الدماء من فمها وانفها علي الحائط ويصرخ .... يعني الهانم المتسابه راحت للبيه ترجع الامجاد راحه للبيه ليه متجوزه دلدول هيداري علي فضايحك.
صرخ بقهر..... احترم نفسك بقه عيب كده..
شدها.. كت رايحاله ليه انطقي بدل ما اموتك.
نظرت اليه بقهر ولم تعرف ماذا تقول .مسك رقبتها وضغط عليها..... ايه فاكراني هعديها لا ورحمه ابويا هتقولي رحتي ليه لاما هخلص عليكي نهارك اسود انت قادره ليه كده لتنهار وتبكي صرخ ......اخرسي ....انطقي لاطلع روحك..
سمعا خبطا ابتعد وفتح الباب دخلت صفاء.. جدك تعبان يا اركان بسرعه ......اندفعت هي مسرعه لتجد ليلي جالسه والجد متهالك.. اندفعت إليه تحتضنه..... مالك يا حبيبي مالك.
دخل اركان.. جدي مالك نروح للدكتور.
هتف الجد........عمل فيكي ايه.. . عايز ماسه سيبوني معاها خرج الكل .
هتف ليلي..... فيه ايه يا بابا عايزها في ايه.
هتف بتعب ......انا تعبان سيبوني.. خرج الكل لتقترب منه وتبكي.. جدو مالك يا حبيبي
تنهد...... عمل فيكي ايه الطور ده فبكت..... حقك عليا انا اللي حطيتك في كل ده وماكنتش عامل حساب لكل ده ونفسي نرجع كل حاجه بس صعب لو الدنيا اتكشفت وعرفو الحقيقه محمود لو رفع قضيه هيكسبها مانا سلمتك حاجه وهيقعد يقول ويجيب كلام زباله وساعتها كل حاجه هتتوزع ويحط مسمار في نعش المجموعه ولو رجعنا لاركان برضه هيبقي تحايل وقواضي في ايه اديتك وايه خدت منك هبقي قدام الناس راجل اهبل بتجاب واتاخد.
هتفت...... طب هعمل ايه طيب .....اركان عرف اني رحت لحسام ومش هيسكت.
هتف..... اوعي تقوليله هتنفضحي يا حبيبتي انا عملت كل ده عشان استرك اركان لو عرف انه انضحك عليه مش عارف رد فعله ايه. ليشعر بالتعب اوعديني ان اتفاقنا ماحدش يعرفه وانت كده خدتي الصور يبقي ماحدش هيعرق ف حاجه خلاص ولما تطلقي من اركان كده تبقي اتجوزتي قدام الناس وتعيشي حياتك انا عايز بهاء يقف جنبك.
هتفت.... بهاء ايه بس يا جدي أركان مش هيسكت ده قلب مجنون.
هتف .....اسمعي يا ماسه بهاء عاقل وحقاني وهيقف جنبك.. اركان صحيح حقاني بس احنا خبينا عليه المصيبه بتاعتك لو عرف مش هيسكت انا عارفه هتاخده الكرامه وممكن ياذيكي انما بهاء لا بهاء بره وبيفكر ميت مره لو جرالي حاجه روحيله.
لتنتحب ......لا والنبي يجرا ايه بطل بطل.
هتف..... انا تعبان وحاسس ان عمري قرب وبتمني اموت ساعتها رجعي كل حاجه وأفلتي من بين أيديهم.. يلا ناديلي اركان.. خرجت تنادي اركان دخل.. سلامتك يا جدي.
تنهد.. ماسه امانه في رقبتك انا كنت عارف انها راحه لحسام يا اركان كان بينهم مشاكل قديمه وراحت تحلها.
صرخ اركان..... مشاكل ايه دي.
هتف الجد..... فلوسها وحاجتها راحت تحاول ترجع منه حاجه وانا اللي قولتلها يابني بطل حمقتك دي..
صرخ اركان بغضب ...من ورايا من ورايا ..
تنهد الجد ..اخرجي يا ماسه ....خرجت نظر اليه ....طب ناديلي بهاء بقه يجيب الماذون يطلقكو انت مش متحمل .
نظر اليه اركان بغضب ....نعم هو ده الحل في نظرك صرخ انت في دماغك ايه هو انا اهبل قدامك .والهانم هنوديها فين .
هتف الجد ....هوديها بقه انت مالك انا مخططلها خلاص وبهاء هيسمعلي مش زيك .
صرخ ....انت بتقول ايه .قصدك ايه وبهاء ماله.
هتف الجد .....ماهو انا هطلقها منك انا غلطت وبما انك ما دخلتش عليها هجوزها لبهاء في نفس القاعده.
تجمد اركان واحس بنار في جوفه .....بتقول ايه يا جدي .
هتف ....اللي سمعته انت قالب نار ومش طايق البت ليه كل ده خلاص نفضها انا تعبت. وبهاء يتهني بيها.
صرخ ...اركان باندفاع .....والله اموتها لو راحت لحد تاني....ارتبك ...اقصد انت عايز تعمل مشاكل وتقلبها نار لا خلاص هيا الزفته مراتي وخلصنا .
هتف الجد ......انا تعبان وعشا يابني حمقتك .
صرخ مقاطعا....خلاص خلاص بقه خلصنا دي عيشه هم..... وتركه وذهب.
دخلت ماسه تجلس بغلب كان منظرها بائس شفتاها متورمه وانفها ملطخ بالدماء جلست تفكر في مصيبتها.
دخل هو ينظر اليها ليلين قلبه علي حالها.. تنهد وقام يحضر ممسحه ووعاء وجلس بجوارها لتقطب جبينها وتحاول ان تقوم وتتركه اجلسها عنوه...... اقعدي واهمدي بقه انا علي اخري.
نظرت اليه بغضب بدا في تنظيف شفتيها وانفها وقام واحضر احد المراهم واقترب باصبعه يدلك جانب شفتيها وانفها.. شعرت بالخجل وابعدت وجهها تنهد ومد يده يداويها الا انه اطال في تلمس شفتيها وهيا تحترق.. يهمس.. انت ماقولتليش ليه ان جدو عارف وبتخبي ليه عليا انا جوزك.
رفعت عيونها.. تهمس جوزي..
هتف.. ايوه يا ماسه جوزك وهفضل جوزك لحد ما نخلص ومش معني كده انك تتصرفي كاني مش موجود. كان يداعب شفتيها باصابعه وهتف.. طب ايه رايك نبقي اصحاب..
رفعت عيونها فهتف .....ايوه هنستفاد ايه من النقار طول النهار والخناق.
همست...... هو انا بتخانق معاك انت اللي بتتخانق علي الفاضيه والمليانه وانا مابجيش جنبك.
تنهد.. اهبل يعني.. طب يا ستي نخلينا أصحاب ها ايه رأيك تحكيلي وتلجألي لما تعوزي حاجه.
لتهز راسها نفيا....هتف..... ايه طيب
قالت.. عشان.. عشان.. بخاف منك انت صعب وبتقلب بسرعه وانا تعبت وماعتش قادره اناهد انا نفسي السنه تعدي ونخلص.
رفع حاجبيه..... للدرجادي مش طايقه جوازاي انت مش عارفه ان فيه كتير يتمنو مكانك.
نظرت اليه.. انا بقه مابتمناش انا عملت كده عشان جدو وعشان انقذه وعشاني برضه مش هكذب.
هتف .......طب ليه عشانك هتستفادي ايه انك تخشي بينا فيه حاجه حاسس بيها.
هتفت....... اسمع يا اركان فيه حاجات انا ماقدرش اقولها وجدي عارفها فيا ريت ماتضغطش عليا ونعدي الدنيا وعلي رايك نبطل خناق لان ماعاش مستحمله .
هتف...... وانا موافق بس برضه مستنيكي تقوليلي علي كل حاجه وخاصه البيه ابن عمك لو جرب يقربلك.
تنهدت.. حسام... لا اطمن حسام خلاص وعدني انه ماعتش هيقرب حسام خد كل حاجه وخد فوق اللي خده مني خد وجع وخلاص ماعتش هتلاقيه في سكتنا.. ابتعدت تقوم تاخذ حمامها وتخرج لتجد صينيه بها اطعمه هتف.. يلا تعالي كلي انا بصراحه مش عايز انزل اكل تحت اعصابي مش متحمله.
تنهدت وهتفت.. لا معلش مش قادره .
اقترب وشدها.. تقعدي تاكلي من سكات عشان بترجعي تقولي بزعق وبتنرفز ااجلسها لتستسلم له وتجلس تاكل القليل و تنتهي تجده قد احضر لهم بعض المشروبات الساخنه لتاخذها وتخرج الي التراث وتقف تشربها ..احضر احد الشيلان وضعها حولها وظل واضعا يده حولها تململت.... همس ....اهدي انت تعبانه قلنا ايه لتتنهد وتستكين وتظل تشرب مشروبها
لم يعلم ماذا جعله يقول ذلك...همس... لسه بتحبيه.
هتفت.. مين احب مين
هتف ......حسام لسه بتحبيه لما بتتكلمي عنه بشوف وجع الدنيا في عينك.
شعرت بقشعريره في جسدها ليحس بها ضمها اكتر لتتنهد.. حسام ده سبب تعاستي كنت بحبه بس هو نزع حبه من قلبي. حسام.. حسام عمل فيا كتير عمري ماهنسي اللي عمله سهمت ...كنت عايشه امان الدنيا نايمه حضنه هو اماني ...صحيت علي سكينه في قلبي لتسيل دموعها. وتنتحب .صفحه حكايات ميفو
ادارها ورفع وجهها.. للدرجادي وجعك لتشهق بالبكاء ...احتضنها وهمس.. طب بس بس خلاص ظل يمسد عليها وهيا تنتفض فدنيتها اوجعتها ووجودها في احضانه شعرت ببعض الامان ولو امان زائف .اخذ مشروبها وحملها لتشهق ....همس .....اهدي وارتاحي اهدي.. ذهب بها الي الفراش واراحها واندس بجوارها وشدها اليه لتحاول ان تبتعد الا انه لم يعطيها فرصه وضمها بقوه لتستكين وتسكت عقلها فهيا تحتاج ان تنام مره بامان ....ظل يمسد عليها لتنساب وتنام اخيرا بين يديه ظل هكذا يشعر بشئ داخله راحه في قربها همس.. يا تري جواكي ايه وانت مالك قلبك واكلك عليها كده وكنت هتموتها لما راحت للحيوان ده.. انت مش بتاع مشاعر واحاسيس ظل يتلمسها..مالي قلبي هينفجر كده شدها اكثر وظل يتاملها ونزل يتلمس شفتيها ليشعر بجسده ينساب وووجهه لامس وجهها لينام اخيرا محتضنا اياها..
قامت هيا في الصباح لتجده محتضنا اياها لتشعر برهبه من داخلها وكيف نامت باريحيه لتحاول ان تبتعد سمعته يهمس.. راحه فين..
تنهدت..... هروح فين عالشغل.
شدها اليه وهتف .......لا ماليش مزاج.
نظرت اليه باستغراب.. هو ايه اللي مالكش مزاج طب وانا مالي.
هتف ......مانا مش هقوم دلوقتي.
هتفت....... طب خليك انا هروح مع بهاء.
شدها وانحني فوقها لتشعر بالخجل.. اخر مره اسمعك تقولي اروح مع بهاء انت هتروحي مع جوزك وترجعي معاه فاهمه.
هتفت...... بس الناس ماتعرفش وحياه جدو اوعي بقه هتاخر عالشغل
هتف مداعبا انفها....... والله ماليا مزاج اتحايلي عليا شويه.
غضبت لينفجر ضاحكا ويهتف.. اهوه هتعضي فيا انا عارف.
هتفت.. بس بقي سيبني مش قولت هنبقي اصحاب.
انحني بالقرب من وجهها لتشتعل وتحمر خجلا.. طب وانا عملت حاجه بقولك نريح و نروح براحتنا يبقي تهدي كده.. وانت محمريه وقمر كده..
هتفت بخجل..... بطل والنبي عيب كده.
هتف.. عيب اني اقول عالجمال انه جمال وبالذات لو كان بتاعي.
تململت...... بطل بتاعك ايه انت بتهبد انت مش بتحب واحده اوعي لو قفشتك هتسود عيشتك.
ضحك ....طب ايه رايك ازود بزياده عايزها تقفشني وأشوف هتسود عيشتي ازاي والقمر محمر في حضني كده. ماسه انا مابحبش لميس ولا عايزها من اساسه.
بهتت ونظرت اليه مدهوشه ....هتف.. هيا اللي لازقه بغرا وغلبت اطفشها بس اقول ايه اقترب يتلمس خدها..... ماتيجي نطفشها سوا الا كيد الحريم بيجيب نتيجه..
اشتعلت وهتفت.. اوعي بلاش قله ادب نطفش ايه اوعي بلاش قله ادب انت اتجننت مش قولنا هنبقي أصحاب .
هتف...... طب مانبقي اصحاب وحبايب الا انا ماعرفش مش علي بعضي من ساعه مانمتي في حضني وبصراحه مبسوط عالاخر.
دفعته وهبت..... لا انت حالتك صعبه اوعي اوعي ايه ده وهربت مشتعله من امامه.
استلقي علي ظهره تتلبسه حاله من السعاده وهتف.....اه والله حالتي صعبه مش علي بعضي لا البت دي ماتتسابش ليقوم وينتظرها عالباب خرجت و خجلت من نظراته ابتعدت مسرعه وذهبت لتخرج ملابسها اقترب يقف ورائها هتف هامسا بجوار اذنها....اساعدك.. ارتبكت وهزت راسها كانت مشتعله من قربه وهو مستمر في مشاكستها فصرخت..... ماتبطل بقه انت ايه ده.
ضحك.. وحاوطها يحاصرها لتحني راسها همس..... ماستي ممكن تبصيلي..هزت راسها خجلا همس بالقرب من شفتيها.. ايه خايفه تبصيلي..
ابتلعت ريقها ونظرت اليه.. اخاف اخاف من ايه..
تلمس وجهها.. مثلا تطبي فيا مثلا.
نظرت اليه باستخفاف .. اطب فيك ودا من ايه.
رفع حاجبيه..غمز لها ..ولو حصل تكوني ليا .
ارتعشت ..بطل مافيش كده احنا قولت اصحاب ...مش هيحصل .
هتف ونظراته تاكلها انا لو عايز يحصل هيحصل ...هزت راسها..ضحك... لا لا انا مش سهل يا ماستي..
هتفت بخجل.... بطل بقه انت اتهبلت.
ضحك .....تصدقي باين وهبل بهبل بقه اقترب منها يلمس شفتيها لترتعب وترفع يدها تمنعه مسك يدها وضعها علي الحائط ويغوص معها وفيها لفتره من الزمن خلعت قلبه ولاول مره انشلت وقلبها يصرخ ابتعد بصعوبه همس بين شفتيها.. لا كده كتير عليا ايه النار دي انت تاخدي العقل.. ظل مستمتعا بقربها يتلمسها كيف يشاء وهيا ساهمه وهو مجنون باستكانتها ..همس ..لا تاخدي العقل ... لتنتفض فجاه وتدفعه وتهرب من امامه .
ضحك وهتف.... اهربي اهربي بس علي مين ليستدير يجهز نفسه حتي يذهبا الي العمل.
دخلت هيا الحمام مشتعله تضع يدها علي شفتيها وترتجف.. هو انهبل مش قال هنبقي أصحاب ايه قله ادبه دي كل شويه يبوسني قلبي هيوقف.. يا لهوي بترعش ليه كده عمل فيا ايه ده يا بت انت خفيفه كده ليه هو بيتسلي بيكي.. لا خلاص احنا اصحاب هو قال ولو قرب هبعده خلاص كده دا قليل الادب قوي اجمدي دا بتاع ستات هتروحي فيهةفين يا غلبانه...
خرجت لتجده يقترب لتستغفر ربها.. وتهتف يلا نمشي..
ابتسم واقترب ومد يده وهتف..... هتمشي كده تنظر لنفسها كانت تلبس بنطالا واسعا وبلوزه نص كم ولكن بفتحه صدر.. هتفت.... مالي هدومي واسعه..
واقترب ولمس فتحه بلوزتها..... وفتحه السقف دي ايه بتهوي علي روحك.
نظرت اليه مغتاظه.. انت بتتحكم ليه مش الست لميس وبنت عمتك بيلبسو افظع من كده.
اقترب يحاوطها.. اه بيلبسو.. حرك يده علي جسدها.. بس ده بتاعي يبقي حاجتي تتعري يا حرمي المصون.
قطبت.. ايه بتاعك ده هو انا حاجه تقولي بتاعك. رجل كنبه انا.
ضحك وتحسسها وتتحول عيونه لغزل فاضح لتشتعل.. لا حاجه ايه انت حاجه تانيه مسك يدها ويديرها يتأملها.. مزه جامده بس لازم تتخبي برضه..
دفعته.... بطل بقه عيب كده الله.. تنهدت وذهبت لدولابها وتاخذ وشاحا وتضعه عليها ليتاملها ويقترب ويضبط الوشاح يخفي جسدها و يتنهد.... تمام كده يلا بينا.
نزلا ليجدا صفاء وليلي اقتربت ماسه تقبل صفاء وتسلم علي ليلي. هتفت ليلي.. ايه أكن متصالحين يعني ده كان فيه حريقه امبارح قولنا هيبقي فيها طلاق.
اقترب اركان.. طلاق ايه يا عمتي بعد الشر ماسه مراتي واللي يحصل بينا بيعدي زي اي زوج وزوجه.
هتفت ليلي..لا والله هبله انا .
ابتسم وشد ماسه ...شدها وادارها ..حقه زعلان يا واخد عقلي مش اتصالحنا امبارح وكت ليله نار .اشتعلت ماسه واحمرت فانفجر ضاحكا اقترب ولمس شفتيها ...حبيبي بيتكسف اقترب وقبل جانب شفتيها فارتعشت...... ماتيجي نطلع فوق وحشاني .
همست ...بطل عيب كده .
غمز لها وتجاهل الجالسين .....عيب ايه بقولك وحشاني من امبارح وانت قمر ومحمريه كده ،،ابتلعت ريقها ووجهها اصبح كالطماطم .همس شوفي يا عمتي ماستي كل اما اقرب بتحمر بتجنن عليها .
هتفت عمته ..ماتحترم نفسك بقه .
ضحك وشد ماسه يحتضنها ...مابقدرش قربها بيخليني مش علي بعضي نظر لماسه ماتجيبي بوسه .
ارتعبت واشاحت بوجهها ..ضحك وهتف ...شفتي يا عمتي عموما هروح المكتب واهريها بةس مانا مابستحملش شفايفو القمر تبعد عني ..ضحك ونظر لعمته .
هتف ...ارتاحي يا عمتي بقه ...
هتفت بغل.... اه طب ماشي ابقي هات ابن عمها بقه ووجب معاه مش واخد فلوس الهانم.. الا ليه يا ماسه ادتيله فلوسك حد يسبب فلوسه لحد.
ارتبكت ماسه... اقترب اركان يحتضنها.. والله ماالكيش فيه هيا حره تدي
تجيب هيا حره.
هبت تقف... ولما تدي فلوسنا لسي حسام ده يبقي ايه الحل يا بيه وربع المجموعه يطير.
هتف.. ليه اهبل انا طب يلا بقه عشان نكد الصبح ده يلا بقه انا قرفت. لتقف ليلي بغل تراهم ينصرفو لتستدير لصفاء....... انت ايه مش عارفه تعملي حما عالبت ايه هبله.
هتفت صفاء بغلب.. مالك يا ليلي اعمل حما ليه البت طيبه.
هتفت ليلي..... اسكتي اسكتي بلا طيبه بلا زفت اما نشوف محمود هيعمل ايه #حكايات_mevo
قرر محمود ان يذهب لحسام يستقصي اي معلومات عن ماسه.. دخل عليه ليهتف .....حسام باشا..
هتف حسام.. محمود بيه خير.
هتف محمود.. شوف انا هخش في الموضوع.. بنت عمك لينا عندها اصول وشركات وعايزهم يرجعو.
هتف حسام.. طب وانا مالي هرجعهملك ازاي.
هتف محمود..... ليلي اخت مراتي سمعتك وانت بتهددها وما تعرفش انت ماسك عليها ايه.
هتف حسام.. ماعتقدش ان اللي بينا يهمك.
هتف. واخرج شيئا من جيبه يعطيه له و يهتف ....وكده..
نظر حسام ليجد شيكا باتنين مليون جنيه ابتسم وهتف.... ايه ده.
قال.. دا كادو محبه وطالبين تقف جنبنا.
ضحك حسام..... والله كان بودي بس اللي كان معايا هيا خدته.
هتف محمود .....وايه ده.
هتف حسام ... لا خلاص هيا خدت وانا قبضت..
وقف محمود غاضبا.. لينتش الشيك.. يعني مش محتاج ده..
مد حسام يده وهتف .....استني بس نتفاهم.
نظر اليه محمود.... حلو اوي نتفاهم.. جلس محمود .
قام حسام ونظر اليه بخبث و....
والف الف مبروك ....حزن موصل حزن مكمل حزن لما وصلنا لاكبر حزن ياختااااي