رواية ذئاب لا تعرف الحب الجزء الثاني2الفصل الحادي والستون61بقلم نجمه براقه
جويرية
في وقت الفسحة خرجت للحوش وبقيت اراقب الشارع لقيت ريان جه وواقف عند الشجرة ف خرجت من المدرسة بخطوات مبعثرة من شدة التوتر و وقفت عند الباب واستنيته يعمل اي حاجة يفهمني اذا هيسيب رساله ولا لا لغيت ما شاورلي علشان اروحله بصيت حولية لقيت العيال باصين نحيتي والعين ملحقاني وعشان كدة مروحتش وفضلت مكاني وهو فهم وسابلي الرسالة ومشي وبعدين انا روحت وقفت هناك ابص يمين شمال ولما اطمنت ان مفيش حد شايفني خدتها وكملت طريقي لغيت المحل اشتري بسكوت واثناء انتظاري لقيت ولد جه وقف عندي وقال لراجل
_ شيبسي لو سمحت
وبعدها استدار ليه بكل جسمه وقالي بإبتسامة
_ ازيك
مردتش وخطفت البسكوت من الراجل ومشيت متجاهله كلامه ونظراته الغريبة ليه وبعد ما وصلت دخلت الحمام عشان اقرا رسالة ريان لقيته بيقولي فيها
_ مبسوط بكلامك وحماسك ده ، واتمنالك النجاح وبلوغ كل غياتك وتحقيق كل ما تتمني وانا واثق انك هتقدري وهيجي يوم هيكون اسمك اشهر من النار علي العلم وهكون في الصف الاول علشان اسقفلك واقولك مبروك حققتي حلمي مش حلمك.
ده اولاً
و في حاجة تانية من اول الشهر وانا متردد اتكلم عنها ولا لا وحاولت كتير مجيبش سيرتها في اي رسالة بس محبتش اعديها.. عيد ميلادك يا جويرية ، المفروض يكون بعد بكرة. اخر عيد ميلاد حضرته ليكي هديتي مكنتش قد كده ويمكن سببتلك عقدة ومبقتيش تحتفلي بيه بسببي ويمكن معيدتي ليكي دلوقتي بتعيد المشهد اللي حصل قدام عينك ومع كدة مقدرش مقولكش كل سنة وانتي طيبة.. كل سنة وانتي أجمل انسانة شافتها عيني.. كل سنة وانتي البنت الوحيدة اللي حبيتها واللي عمري ما هحب غيرها.. وبالمناسبة دي انا اللي عاوز هدية منك.. عاوز اشوفك حتي لو العشر دقايق بتوع الفسحي .. ولو مقدرتيش مش هلوم عليكي وهتلاقي هديتي في نفس الشجرة
ابتسمت وتحمست وبقيت افكر ازاي اكون شجاعة واقابلة وانا اصلا بتكسف ابصله من بعيد وبعد تفكير خرجت من الحمام وانا بحاول امنع ابتسامتي وبعد ما وصلت للمكان اللي بقعد فيه تلاشت ابتسامتي دي لما شوفت الولد اياه واقف قدام باب المدرسة وبيشاور بصيت حولية ملقتش حد ف رجعت واشرتله علي نفسي ف اوم ايجابا ف قومت من مكاني وروحت عنده وانا حاسه بخوف شديد مع انه يبان سنه صغير يمكن قدي يمكن اكبر وشكله ميدلش انه خطر بس كنت خايفة وروحت عنده وقولت بربكة
_ انت مين
_ ممكن نقعد شوية وانا اقولك
_ لا.. انا معرفكش علشان اقعد معاك.. انا راجعه
هميت اني امشي ف قالي
_ استني بس
_ ايه
_ انا مش عايز منك حاجة ولا هضرك ، ده رقم تليفوني ابعتيلي ضروري
علقت عيني علي الورقه ف قال
_ انا عاوزك في موضوع يخص ريان
_ ريان؟
_ ايوه اللي بيسيبلك رسايل علي الشجرة ده.. متخافيش انا صاحبه
ازدادت لعابي بتوتر وطالت نظرتي للورقة قبل ما اخطفها منه واقول
_ طيب
وبعد ما خدتها مشيت وانا بفكر وخايفه مش عارفه ابعتله ولا لأ
#مليكة
رجع عمي احمد تاني يوم في وقت كنا كلنا قاعدين في الصالون وقف وزع نظراته بينا وبعدين قال
_ ازيكم
ردت ماما بجفا وهي بتبعد وشها عنه
_تمام
وردت خالتي ونظرات الشك في عينيها اما ايسل ف قامت ودخلت جوه والغضب كاسي وشها وده لفت انتباه الكل ف قال وهو بيتبعها بعنيه
_ مالها
قالت خالتي وهي بتقوم
_ هدخل اشوفها
ودخلت وسابتنا وهو جه قعد جنبنا مش عارف يقول ايه وطال السكوت بنا لغيت ما اتنهد بعمق وقال
_ متشكر انك مقولتيش حاجة ل مريم
بصتله بحده وقالت
_ انا مستنيه اعرف في ايه ، بس هقولها.. اختي شاكة ان في حاجه بتحصل وانا مش هقدر اخبي عليها كتير.. الراجل ده قتل بنتك ليه يا احمد
_ مشاكل قديمة.. بس انا مكنتش اعرف انه هو اللي عمل كدة والا مكنتش سيبته عايش لدلوقتي
_ اية نوع المشاكل اللي توصله أنه يعمل كدة
بعثر نظراته وقال
_ قضية تخص واحد قريبه
قولت
_ قضية شرف يا انكل
ارتبك بسبب كلامي وقال
_ لا لا.. قضية قتل
_ يعني مش عشان خدرت اخته وصورتها صور وفيديوهات وحشة وفضحتوها انت وخطيبها في يوم فرحها
زاد ارتباكة وهو بيبص للاوضة وبعدين بصلي وقال
_ اسكوتي دلوقتي
بصتلي ماما وقالت بصدمة
_ انتي بتقولي ايه.. احمد عمل كده
بصتله وقالت
_ انت عملت كده
مال ومسك ايدها وقال
_ مها ارجوكي وطي صوتك.. دي كانت غلطة في لحظة طيش ، كنت شاب و....
بتر كلمته لما جاله صوت خالتي بتقول وهي بتوزع نظراتها بينهم
_ اية اللي بيحصل بالظبط
وقف وقال بتوتر
_ مفيش حاجه.. مها بس متضايقة شوية وبتقول همشي ف.... ف...
قالت خلتي ودموعها بتلمع في عينيها
_في اية انا عايزة افهم.. انتوا كلكم مخبيين عني حاجة... مخبية عني ايه يا مها وانتي يا مليكة.. وايسل.. كلكم مخبيين عني حاجة انا مش فهماها
قولت بتوتر
_ مفيش حاجة يا خالته.. كنا بنتكلم عادي
قال
_ زي ما قالتلك يا حبيبتي مفيش اي حاجة.. اهدي عشان متتعبيش
قرب منها وحاول يمسك ايدها ف ذقته وقالت بصوت مختنق
_ متقربليش غير لما تفهموني في ايه.. مها فهميني في ايه متسبنيش لدماغي تودي وتجيب
قربت منها وقالت وهي بتهزها
_ ردي عليه
وطت ماما رأسها وبكت ف قالت خالتي بانفعال
_ هو في ايه بالظبط.. اية الصعب وخايفين تقولوهولي.. حد يرد عليه
قرب منها تاني وقال وهو بيمسكها
_ مفيش يا مريم.. هيكون في ايه يعني.. تعالي
زقت ايديه وقالت
_ متقوليش اهدي.. انا لو مفهمتش ايه اللي بيحصل همشي ومش هتعرفولي طريق كلكم
وقفنا كلنا نبص لبعض ومحدش فينا قادر يتكلم ف قالت
_ كدة.. طيب والله ما قاعدة دقيقة تاني
قالتها ودخلت واحنا التلاته وقفنا مكانا مش عارفين نقول ايه وبعد وقت خدت بالي ان ايسل دخلت وراها ف شهقت بصوت عالي وقولت
_ ايسل هتقولها
قال بصدمة
_ هي ايسل عارفه
مردتش عليه وطلعت اجري وهما ورايا لقيتها واقفه قدامها وبتبكي وخالتي قاعدة علي السرير دموعها بتسيل قبل ما توجه نظرها ليه وتقولي بصوت مختنق
_ صح الكلام اللي بتقوله ايسل ده يا مليكة ... احمد عمل كده فعلاً
مردتش ف جت عندي وقالت
_ ردي عليه احمد عمل كده فعلاً
بصتله وقالت بعد ما راحت عنده
_ صحيح انت صورت واحده وفضحتها
_....
_ طيب صحيح بنتي اتخطفت واتقتلت بسببك... بنتي ماتت بسببك يا احمد.. رد عليه ساكت ليه قول اي حاجه ، قول ان ده كدب وانا هصدقك.. بنتك اتدبحت بسببك
قال بصوت مختنق
_ كنت طايش يا مريم .. بس احلفلك علي المصحف عمري ما خونتك ، الكلام ده كان قبل ما اشوفك
قالت ببكاء
_ وبنتي طيب .. بنتي اللي دفعت حياتها تمن لغلطتك دي ذنبها ايه.. وانا ذنبي ايه اتحرم منها وقلبي يتحرق عليها.. مقولتليش ليه قبل ما نتجوز .. حرام عليك انا لغيت دلوقتي مش قادره اشيل صورتها وهي مدبوحة من عيني
كملت بانهيار وهي بتضرب فيه
_ بنتي ذنبها ايه!!! انا وهي عملنالك ايه حرام عليك
قال وهو بيحاول يهديها
_ مريم من فضلك اسمعيني.. كانت لحظة طيش وكفرت عنها.. ارجوكي اهدي واسمعيني
_ مش عايز اسمع حاجه .. انت اللي حرمتني من بنتي.. انت حرقت قلبي عليها.. مش هسامحك يا أحمد.. انت اللي دبحتها مش هما
بقت تبكي بانهيار لغيت ما وقعت واغمي عليها ف شالها ودخلها اوضتها وبعدها وقفت ماما قدامه وقالت
_ خليك بعيد عنها
بصلها ودموعه بتسيل علي خده وقال
_ خلوا بالكم منها
_ هي بخير طول مانت بعيد عنها.. اطلع ولما تهدي هاخدها ونمشي
_ لا خليها انا اللي همشي
قالها واستدار ف لقا ايسل وراه بتبكي قرب منها ولما حاول يكلمها سابته واتخبت في حضن ماما ف طأطأ راسه بخزي وسابنا وطلع
#خلود
كلمتني هاجر وطلبت مني اروح معاها نختار الفستان عشان الخطوبة بكرة وافقت وجهزت وقبل ما اروح اتلككت بالموضوع ده وروحت لزيد في البلكونة عشان اقوله لقيته واقف هناك بيشرب القهوة بوش عابس وكأنها مش عجباه بقيت بصاله شويه بتأمل شكله ومبتسمة لغيت ما انتبهلي وقال وهو بيستدير ليه
_ واقف هنا ليه
_ كنت جايه اقولك اني مش رايحة العيادة النهاردة
_ ليه
_ هروح مع هاجر نشتري الفستان
_ لا مش هينفع النهاردة في شغل ضروري خلي اي حد غيرك يروح معاها
_ هي طلبت مني انا
_ قولت لا.. النهاردة مينفعش خليها بكرة
_ازاي يعني بكرة مابكرة الخطوبة
_ معرفش المهم النهاردة هنروح العيادة
_ هو في شغل مهم قوي كدة
_ ايوة.. قوليلها مش فضيالها
قولت بإبتسامة
_ ماشي هقولها مش هروح.. وهغير واطلع علي العيادة
_ كدة حلو.. وانا رايح معاكي
استغربت طلبه وفي نفس الوقت كنت مبسوطه ف قولت
_ طيب
_ طيب بقولك ايه.. ممكن تمليلي المج الحراري قهوة
_ ليه ما انا ممكن اعملك في العيادة
_ لا اعملي اللي بقولك عليه.. ده لو سمحتي لو مش هجرح روح العنيدة اللي جواكي
قولت بكبرمصطنع
_ طيب قولي من فضلك اعمليلي قهوة
ضيق عينيه وقال
_ غووري اعملي قهوة
_ ايوة كدة ناس متجيش غير بالعين الحمرة
قاوم ضحكته وقال
_ طيب امشي
دخلت المطبخ وانا مبسوطة قوي لدرجة اني نسيت هاجر وعملت القهوة وحطيتها في المج ورجعت ادهاله ولكن ملقتهوش مكانه ف اتجهت ناحية اوضته علشان اناديه وقبل ما اخبط لقيته بيفتح باب البيت وبيدخل ولما شافني قالي يلا.. سلمت علي جدتي ومشيت وعند بيت عمي شبل لقيت هاجر ف قالتلي
_ اتأخرتي ليه
قال زيد
_ في شغل مهم مش هتقدر تيجي معاكي
رفعت حاجبها وقالت
_ شغل مهم اممم شغل بره العيادة ولا ايه
قولت
_ لا في العيادة
_ امال واخدين المج ده ليه
قال زيد
_ اصل مفيش بن هناك
_ لا فـ...
قاطعني وقال
_ يلا يابنتي اتاخرنا
قالت هاجر بخبث
_ يا خسارة لو فاضية كنت جيت معاكم
ميلت عليه وقالت بهمس
_ خدي بالك الواد ده مش مريحني
_ ليه
قال زيد
_ وبعدين طيب.. يلا يابنتي
قولت
_ ما لسة بدري في ايه
_ في حالات جايه بدري النهاردة
بقا يستعجلني بطريقة غريبة خلاني اخاف منه وخلاني متوقعة انه يعمل فيه حاجة علشان يعاقبني علي اللي قولته ومع كدة مقدرتش مروحش واضيع اي فرصة تجمعني بيه وبعد مسافة قطعناها واحنا ساكتين قالي
_ مالك
_ انت اللي مالك النهاردة
_ ليه بتقولي كدة
_ بتستعجلني وبتكدب علي هاجر بتقول في حالات جايه بدري وانا عارفة ان مفيش
ابتسم وقال
_ خايفة اخطفك
_ تقريبا هتقتلني
_ متوقاعها مني يعني
_ شوية
وقف العربية واستند بكوعه علي الكرسي وقالي
_ متوقعة اموتك بجد
_ لا بس بردو قلقانه حاساك مجهزلي حاجة
_ اممم صح.. طيب ايه رأيك تغمضي عينيكي
كمل وهو بيسحب قماشة سودة من ورا
_ خدي
_ ايه ده انت هتعمل ايه بالظبط
_ ده انتي خايفة اقتلك بجد اهو
_ لا مش كده انا حاسه انك هتعمل حاجه بس اكيد مش قتل ولا أزيه..يمكن ضرب
ضحك وقال
_ الضرب سهل عندك يعني.. متخافيش مش هيأذيكي يلا بقا غمي عينيكي
خدت منه القماشة وقولت
_ انا مش قلقانة منك علي فكرة
_ طيب اثبتيلي ده
خدت نفس وقولت وانا بربطها علي عينيه
_ اهو
_ إيه الثقة دي مش خايفه اموتك
_ انا بقلق من المفاجات لأني مش بقدر اتوقعها لكن واثقة انك مش ممكن تأذيني اذية كبيرة زي قتل مثلا
_ ليه مش قتل ، مش شيفاني وش اجرام ولا مش باين عليه؟
_ وش اجرام بس مش قتل يعني
_ بتحرجيني، كدة مش هقدر اقتلك..خلاص نخليها ضرب
قولت ضاحكة
_ يارب خليك معايا
مشي بالعربية وبعد مسافة قضيناها في الكلام عن اللي ناويه وقف وقالي
_ اوعي تشيلي القماشة ، وخليكي جايلك
_ رايح فين
_ مش هتاخر
خرج ورجع بعد شويه فتحلي باب العربية وخدني ومشينا شوية وهو ماسك ايدي وقالي
_ تعالي
_ اجي فين
شالني ونزلني علي سطح خشبي وكنت سامعة صوت الامواج حولية ف ابتسمت وقولت
_ انت جايبنا فين
_ خليكي مغمضة
_ لأمتي
_ لغيت ما اقولك
_ هتقولي امتي نفسي افتح
_ استحملي شوية
_ طيب بسرعة مش قادرة
_ لسة خايفة اعمل فيكي حاجة
_ لا خلاص مش خايفة بس نفسي افتح
_ مش هنتطول.. هاتي ايدك علشان متوقعيش
مسك ايدي وابحرت المركب وبعد دقايق حساهم بيمروا ببطيء
_ مطولين؟
_ لسه شويه
قولت بإبتسامة
_ هو منستش ليه
_ منستش إيه
_ طلبي بأننا نروح البحر
مجنيش منه رد وكأنه مكسوف يقولي انه حب يعمل حاجة تبسطني ف قولت
_ اقولك حاجه
_ قولي
_ عمري ما شوفت حد بشخصيتين زيك
_ ازاي
_ يعني
_ ايوة ازاي يعني اوصفيني
_ طيب وفي نفس الوقت قاسي
_ ممكن حتي انا بحس اني كده ساعات
_ مع الكل؟
_ اه
_ امال ليه بحس انك كدة معايا انا بس
_ يمكن عشان انتي بتغلطي كتير ف بـ....
قولت بزهق مقاطعة كلامه
_ تاني.. خلاص اسكت مش عايزة اعكنن علي نفسي.. ممكن اشيل البتاع ده بقا علشان حاسه نفسي هنام
_ ممكن
شيلت القماشة وبصيت حوليه لقيت نفسي في وسط البحر ولسه مكملين ابحار مررت عيني حوليه باندهاش وانا حاسه بالسعادة لغيت ما استقرّت عليه وقولت
_ ااالله المنظر جنان.. زيد انا بجد متشكرة قوي قوي قوي.. والله كدة كتير مرتين في نفس الشهر
_ علشان تعرفي اني مبنساش
قولت بإبتسامة
_ لولا العيب كنت قولتلك نكررها كل اسبوع
_ ليه عيب ممكن جداً علي فكرة ، بس كل اسبوع صعب ممكن نخليها كل شهر
_ بتتكلم جد
_ اه ليه لا انا كمان بحب البحر وبرتاح لما اجي هنا
_ جيت قبل كده
_ كتير.. كنا انا وصحابي في الكلية نيجي هنا نقضي اليوم لأخره
_ يابختكم .. ياااه البحر ده عشقي ياريت يكون في بيوت في نص البحر كنت اخترت اعيش في بيت منهم
_ في علي فكرة بس في جزر
_ وتطلع بكام الجزيرة دي
_ يعني ، تلاتة كدة
_ تلاته مليون
_ مليار
_ يا خسارة مينفعش اتنين ونص
_ لا للأسف تلاته كاملين
_ مليش نصيب.. يلا اشتري بيت علي جزيرة وامري لله
ضحك وقال
_ هبلة
قولت بإبتسامة وانا بتأمل ضحكته
_ لو جتلك فرصة تسكن في جزيرة هترفض
_ اكيد مش هرفض دي حاجة اي انسان يتمناها.. هدؤء ، بحر ، خضرة
_ تختار مين يعيش معاك
حك ودنه وقال مفكرا
_ اممم ممكن بشر
_ بشر! ... هتعيش انت وبشر في جزيرة لوحدكم
_ اه ليه لا اخويا احسن من الغريب
_ ايه دة ، انا اعرف ان الواحد يختار اللي بيحبه
_ ما انا بحب بشر حد قالك بكرهه
عقدت حاجبي بتذمر ف قال بإبتسامة
_ مالك
_ مفيش.. عاوزة اعوم ممكن
_ مش دلوقتي.. تعالي عاوزك
_ فين
_ هتعرفي بس غطي عينيكي
_ ليه
_ غطي بس
_ ليكون هترميني في البحر
قال وهو بيحط ايده علي عيني
_ ايوة هرميكي.. تعالي
مشيت معاه مسافة لغيت ما وقفني وقال
_ جاهزة
_ جاهزة
شال ايده من عن عينية ولما بصيت قدامي لقيت تربيزة عليها شيكولاته فيريروا روشية وعلبة هداية مقفولة ، وفستان يشبه للفستان اللي رميته في البحر وكيس بن كبير ف بصتله وقولت بذهول
_ انت جبت دول كمان
أومأ ايجاباً وابتسامة خفيفة علي وشه ف قولت بتوتر
_ انا كنت بهزر علي فكرة
_ وانا كنت بتكلم جد.. تعالي شوفي اللي جبتهولك تاني
_ تاني
_ ايوة
قالها واتقدم ناحية العلبة فتحها وطلع منها ساعة فضية بتلمع شكلها حلو قوي بصتلها بذهول وقولت وانا باخدها منه
_ مش ممكن.. انت جبت كل حاجة طلبتها.. انا والله كنت بهزر.. ليه جبت كل ده
قال وهو بيمسك ايدي ويلبسهاني
_ قولتلك وانا مكنتش بهزر... ايه رايك
_ تحفة.. شكلها حلو قوي
_ طيب استني افتكر الحاجة التانية هتعجبك أكتر ودي انتي مطلبتهاش
_ تاني
_ اصبري
مسك العلبة تاني وطلع منها طقم اكسسوارات فضي بردو وجه وقف قدامي وقالي وعينه في عيني
_ حسيتهم هيليقوا علي الفستان وهيكونوا حلوين قوي عليكي
حسيت قلبي بيخفق بسرعة وانا واقف قدامه وشايفة اهتمامه بيه وحبه اللي باين في عينيه ومكنتش قادره اتكلم ولا اعبر عن احساسي ودموعي غلبتني ف قال وعينه معلقة في عينيه
_ اتمنا يعجبوكي... خدي
مردتش ف قال
_ امسكي
_ زيد والله انا مش عارفة اقولك اية.. ليه جبت كل ده انا بجد مكنتش عاوزة.. كفاية قوي فسحت البحـ....
_ دي حاجة بسيطة
زادت دموعي وانا بصاله وبحاول اتكلم واقوله بحبك او احضنه بس مقدرتش ف مد ايده لمس وشي بدفا ولطف ومسح دموعي بأبهامة وقال
_ مالك ليه الدموع دي
_ علشان انا مش عارفه اقول ايه.. انا مبسوطة انك اهتميت وده المهم عندي.. زيد انا ...
قال وعينه بتطالع عيني
_ انتي آيه
حطيت ايدي علي ايده اللي بيلمس بيها وشي احتضنتها وقولت
_ انا فرحي وحزني وكل مشاعري بقت مرتبطة بتعاملك معايا.. يعني انا دلوقتي مفيش اسعد مني ولا حد خايف قدي انت بتعليني لسابع سما وفي ثانية بترميني لسابع أرض
_ مش عارف مالي انا نفسي مببقاش فاهم انا بعمل ايه ولا دلوقتي فاهم ايه اللي انا بعمله ده كل اللي انا عارفه اني مش حابب افتكر اي حاجة حصلت قبل كدة ممكن متفتحيش في اللي راح و....
اومات ايجاباً وغمضت عينيه انعم بلمست ايديه الدافية اللي بتاخدني من العالم كله ليه وانا حاسه بيها بتلامس خدي بلطف وابهامه بيلامس شفايفي وقربه بيزيد شويه بشوية وبيقولي بخفوت
_ انا مش عارف بيحصلي ايه لما بكون معاكي ، مبحسش بنفسي وكأني مغيب تماماً ، بكون زي الغرقان في دوامه بتسحبني ليكي ومبقدرش اقاوم.. انا مش بكون عاوز كده بس ساعتها بكون مبسوط وقابل الغرق ده من غير اي مقاومة.. بتعملي في إيه فهميني.
رفعت جفوني والتقت عيني بعينه ونزلت دموعي اكتر لأنه اخيراً نطق وقال اللي حاسس بيه ومع اني كنت مستنياها من زمان بس مقدرتش ارد صوتي كان مخنوق و واقف بين حنجرتي ف قرب مني اكتر انفاسه بدأت تلامس وشي وبيطبع علي شفايفي بقوة وشغف محضتني بأيديه الاتنين وكأنه بيعوض كل لحظة بعد فيها عني وكل لحظة كان بيقسي علية ويداري شعوره وانا سلمتله، سيبتله نفسي تماماً وروحت معاه في عالم تاني وبعد لحظات وفجأة وبدون مقدمات وقف عن قربه وافترقت شفايفنا واتنقل بنظراته بين عينيه بتوتر وهو بيصب عرق من جبينه وانفاسه بتتسارع وبعدين خد نفس وقال بتوتر
_ انا.. انا اسف ا....
قاطع كلامه صوت الراجل وهو بينده وقتها حررني من بين ايديه وبعد خطوة وقال بتوتر
_ شكلنا اتأخرنا هنا وقلق
مردتش وبقيت بصاله وبحاول استجمع انفاسي وايدي علي شفايفي بتلامس اثر قبلاته وشوفته بيتنقل بنظراته بين تفاصيل وشي وقال بعد ما اتنهد بعمق
_ مش عارف مبقدرش اتحكم في نفسي ليه وانا معاكي.. بلاقيني انجرفت ليكي بكل عواطفي واحاسيسي.. ولأول مره مش هقدر اقولك عكس اللي انا حاسه.. مش هقدر اقولك انك اختي وانك متهمنيش بالعكس انا مش قادر اصفي زهني منك .. انا حاسس نفسي تايه ومش عارف بعمل ايه.. مش عارف اتحكم في نفسي واقول ستوب هنا
لمعت دموعي وقولت بعد ما اترسمت ابتسامتي
_ وانا استنيت كتير عشان اسمع الكلام ده.. كنت يأست من اني اسمعه منك ، من الشخص الوحيد اللي انا حبيته
_ انتي مش فهماني.. انا مش...
_ انت إيه
مسح علي وشه وقال
_ مفيش.. هروح اشوف الريس وبعدين نتكلم
قالها وطلع وبعد شويه رجع وقالي من غير ما يبصلي
_ معانا ساعة.. هتعومي ولا نرجع
قولت بإبتسامة
_ نعوم
قال وهو بيستدير عشان يطلع
_ في لبس للعوم لو هتغيري
_ فين
_ في الشنطة تحت التربيزة
_ طيب
مشي وانا اتجهت ناحية الشنطة وانا بجري وبضحك زي المجنونة من كتر سعادتي بعد اللي قاله وخدت الشنطة وطلعت منها كاش مايوة كان حاطه جواها لبسته وطلعت لقيته واقف علي حافة المركب بلبس العوم واول ما وصلت عنده وحس بيه بصلي وقال وهو بيستعد لنط
_ مش هتسبقيني في العوم النهاردة.. قالها ونط في المية وانا قولت ضاحكة
_ تبقي لسة مش عارف انا مين
نزلت وراه وبقيت اسبح واحاول اوصله واسبقه ولكن مر الوقت وانا ملاحظة انه بيعوم بعيد عني وكل ما اقوله نطلع يقولي لسة بدري اطلعي انتي لو عايزة وبعد ما تعبت طلعت و وقفت ابصله ولما حسيت انه ممكن يتعب ويغرق قولت
_ كفاية كدة هتغرق... زيد اطلع يلا.. زيد!!!.. زيد انت كويس
مردتش عليه واستمر في العوم لدقايق لغيت ما فقد اتزانه ومبقاش قادر يسبح بشكل كويس ف نزلت تاني في المية بسرعة وسبحت لغيت عنده شديت ايده وانا بقول بقلق
_ انت كويس
قال بتعب وهو بيحاول ياخد نفسه
_ نزلتي ليه
_ انت كنت هتغرق.. كفاية كدة
بص حولية وقال
_ كفاية فعلاً اتأخرنا.. بشر قالي محتاجني
قولت بإبتسامة
_ وهاجر كمان.. ايه رايك البس الفستان اللي جبتهولي بكرة في الخطوبة
قال وهو بيسبح ويسيبني
_ حلو ... يلا يدوب نلحق.. قالها وكمل عوم لغيت المركب وانا وقفت للحظات ابصله بحيرة لأمره وبعد ما بعد عني مسافة رجع يبصلي ويقول
_ وقفتي ليه
_ جاية
روحت وراه وطلعت لقيته بينشف نفسه وبيقولي
_ ادخلي غيري بسرعة الريس هيرجع
قربت منه وقولت
_ طيب في حاجه
قال من غير ما يبصلي
_ لا مفيش انا بس لازم اشوف بشر هيزعل ويقول اتهربت
_ صحيح طيب
سيبته ودخلت غيرت هدومي وقبل ما اطلع فتحت علبة الشيكولاتة وخدت منها اتنين فتحت واحده منهم وانا ماشية وروحت عنده قولت وانا بقدمله التانية
_ ها
وزع نظراته بيني وبين الشيكولاتة وقال بعبس
_ مبحبش الشيكولاتة
_ دي حلوة قوي
_ مبحبهاش.. بالهنا انتي.. يلا لمي الحاجة اللي جوه وتعالي
_ طيب مالك في ايه فهمني
_ مفيش بس كنت ناسي بشر ودلوقتي هيزعل
_ طيب متضايقش هنوصل بسرعة
_ ان شاءلله.. يلا روحي لمي كل حاجة.. هتلاقي الشنطة تحت التربيزة.. الشنطة اللي جبتي منها المايوة
قولت بإبتسامة
_ ماشي.. وانا متشكرة قوي علي الهدايا وعلي الفسحة وعلي كل حاجة حصلت النهاردة
شاح بنظره عني وقال
_ ماشي بس يلا بجد اتأخرنا
_ حاضر
قولتها ودخلت جري لميت كل حاجة في الشنطة ورجعتله وقفت معاه لغيت ما وصلنا الشط وطلعنا بالعربية واتجهنا للبيت وكل الوقت ده بكلمه وهو يرد علي قد الكلمة وكل ما اسأله ماله يقولي بشر هيزعل و وصلنا البيت وهناك شوفنا عمي عبيدة قاعد في الصالون ف رميت عليه السلام ودخلت حطيت الشنطة جوه دولابي وطلعت جري علي هاجر علشان احكيلها ولما وصلت فتحتلي طنط جميلة حضنتها وقولت بسعادة
_ مساء الخير والف الف الف مبروك
قالت ضاحكة
_ الله الله الله الله يبارك فيك يابنت المجنونة
_ فين هاجر
_ جوه بتقيس الفستان
_ واووو اما اروح اشوفها
سيبتها ودخلت جوه لقيتها بتشوف نفسها في المرايا ف مسكت اكتافها وقولت وانا بلف بيها
❤_ نطق نطق نطق نطق
_ بس بس دوختيني ، ايه هو اللي نطق
_ اعااااا يا هاجر وربنا نطق سمعته بوداني وشوفته بعنيه الجوز اللي هياكلهم الدود
_ هو مين ده يخربيتك ما تقولي
قولت وانا بضحك بجنون
_ زيد الهلالي.. زيد الهلالي قالها اخيرا قالها وربنا قالها
_ قال ايه يابنت المخوتة.. اهدي وفهميني قال ايه... قال بحبك
_ تقريباً
_ نعم
_ قالها بس بطريقة تانية
_ زي ايه يعني
قولت بهيام
_ قالي وانا معاكي مبحسش بنفسي وبكون زي الغريق ودوامة بتشدني وكلام من ده... وبعدين قل ادبه وانا كمان قليت ادبي ياااااع
_ قليتي ادبك ازاي يعني
ضميت شفايفي وسكت ف قالت
_ عملتوا قلت ادب وسفالة
_ لا انتي ايه اللي بتقوليه ده.. حاجات طياري كدة
_ حضنك
_ اكتر شوية
_ باسك في خدك
_ اكتر سنه
_ احيييية باسك مشبك
قولت بضحك
_ اااه
جدت ملامحها وقالت
_ وسيبتيه
_ الاااا سيبته ده زيد
قالت باشمئزاز
_ علشان هو زيد عادي كدة يعمل اي حاجة وحتي من قبل ما يعترفلك اعتراف كامل انتي هبلة يابنتي امال لو مش عارفة رأيه فيكي كنتي خلفتي منه
بهتت ملامحي وقولت
_ يابنتي انتي مش فاهمة هو عبرلي عن مشاعره... وهو بيحبني ده جابلي كمية هدايا، وخدني في مركب في البحر.. المره دي غير كل مره المرة دي قالهالي ايوة منطقش بحبك بس قالها بمليون معني تاني
_....
_ مالك في ايه.. يابنتي والله اعترفلي بجد
_ يمكن.. خير ربنا يتمم علي خير
_ مالك في ايه انتي مش مصدقاني
_ مصدقاكي بس هو عملها قبل كدة ورجع يقولك اخواتك
_ لا ما المرة دي قالي مش اخته.. قالي كلام كتير يا هاجر.. اكيد مش هيرجع يقول عكسه
قولت بتخوف
_ مش هيقول عكسه المره دي ، والله اتكلم وقال حاسس باية... هو بيحبني انا واثقة في ده من قبل ما يقول
_ خلاص طالما واثقة انه اعترف وبيحبك ومدام مبسوطة عيشي حياتك.. بس بلاش يتكرر اللي حصل علشان بيقولك اللي بيشرب اللبن ببلاش مش هيشتري البقرة
_ بقرة ولبن ، كلامك بيوجع تصدقي.. بس انا متاكده انه مش هيخذلني المرة دي
#زيد
كنت قرفان من نفسي وكارها لابعد حد وحاسس ان سنين دراسة الطب النفسي ضاعت علي الفاضي لأني بفهم الكل وبعالج كل المشاكل النفسية وجيت عند نفسي مش قادر آآدبها و اوقفها عند اللزوم وغلطي كل مرة بيكون العن من المرة اللي قبلها لغيت ما بقا صعب عليه اوقف نفسي .
وبعد وقت وانا قاعد في الضلمة مش عايز اشوف حد ولا اكلم حد اتفتح الباب ف قولت من غير ما ابص
_ مش هتعشا
جاني صوت ابويا بيقولي
_ ومش هتتعشا ليه
وقفت احترام ليه وقولت
_ تعاله يابوي اتفضل
_ مالك قاعد في الضلمة ليه
قولت وانا بتجه ناحية المقبس
_ أبداً كنت عايز انام بس .. اتفضل
_ طيب تعاله اقعد هتكلم معاك
قعدت جنبه وقولت
_ اتفضل يابوي
_ شوف انا بصراحه كدة ومن غير لف ودوران وصلني كلام انك عاوز تجوز خلود
قولت بربكة
_ خلود! مـ مين قال الكلام ده
_ يعني مش عاوزها
_ لا خلود دي اختي
_ امال بيقولوا ميال ليها ليه
_ مفيش الكلام ده يابوي.. مين قالك كده
_ خالتك
_ لا يابوي هي فهمت غلط
_ متأكد ياد
_ ايوة يابوي متأكد.. وخلود متناسبنيش انا مش هتجوز واحده مختلفة عني في كل حاجة
_ وخلود مختلفة في ايه
_ كل حاجة يابوي.. انا مش عاوزها
_طيب ومالك محموق كدة ، في حاجة انت مش عايز تقولها
_ حاجة إيه لا مفيش.. انا بتكلم عن المستوي التعليمي والمادي ومتنساش انها تعتبر خدامة
_ لا هي مش خدامة انا متكفل بيها من صغرها وانت عارف
_ مش عارف بس مش عاوزها وخلاص
_ اكيد
_ اكيد يابوي
_ ياولدي لو في حاجة في عقلك قولي
_ مفيش حاجه يابوي.. مفيش اي حاجة.. مش عاوزها وبس
_ طيب لو مش عايز خلود تتصرف تلاقي عروسة انا اديتلك مهلة شهر لو تفتكر يعني ، بعد الشهر بيوم هقلب البيت عليك
قولت بصعوبة
_ ماشي يابوي.. خلي... خلي خالتي ودادة امينة يشفولي عروسة
_ ومتشوفش انت ليه
_ مش عارف .. خليهم هما يدوروا
_ يا واد في إيه احكي.. انت عاوز البت وحاجة مخلياك تمانع
قولت بنرفزة
_ يابوي مش عاوزها والله مش عاوزها.. انا بقول لحضرتك خليهم يشوفولي عروسة اهو
_ طيب هدي خلقك متنرفز ليه.. خلاص مش عاوزها مش عاوزها ، انا هخليهم يدوروا علي واحدة غيرها ومن دلوقتي ولا تزعل نفسك
قالها ومشي وانا قعدت مكاني عقلي هيوقف من كتر التوتر واكتر حاجة كانت مخوفاني و وجعاني هي اللحظة اللي خلود هتعرف فيها
#بجاد
بعد وقت واحنا في المستشفي جه الليل وخالي خد علاجه ونام وانا قولت لفاطمة
_كفاية كدة ، يلا روحي ارتاحي شويه
_ انا هبات مع بابا
_ بابا كويس ونايم روحي وتعليله الصبح
_ هيصحا يلاقي نفسه لوحده
_ ياستي مش هيصحي يلا بس.. انا بصراحه فاصل وعاوز انام علشان لازم اصحي بدري
_ ليه
_ بكرة خطوبة هاجر وبشر ولا نسيتي ، و ورايا كمان محاضره هخلصها وارجع اقف معاهم
_ الف مبروك
_ الله يبارك فيكي.. صحيح فكرتيني مجهزة حاجة تحضري بيها ؟
_ اكيد مش هسيبه بابا واروح مناسبات
_ لا ازاي لازم تروحي
_ مش هقدر.. مش هكون مبسوطة.. احضر انت وانا هقعد مع بابا
_ عندك حق اكيد مش هتمبسطي .. تمام ، وانا مش هسيبك هروح شويه اوريهم وشي واجي اقعد معاكي
قالت بإبتسامة
_ اوكي
_ طيب يلا بقا كفاية كدة
بصت علي باباها وبعدين رجعت تبصلي وتقول بخفوت
_ انت عارف انا بحبك
رديت بإبتسامة
_ حاسس
ضحكت برقة وقالت
_لأ اتأكد... انا مش عارفة كان ممكن حياتي تكون عاملة ازاي لو مشوفتكش
قولت وانا بتأمل وشها
_ ولا انا .. انا بحمد ربنا اني قابلتك.. بحمده اني مستعجلتش علي الجواز واستنيت لغيت ما جت اللي تخطف قلبي وعقلي وروحي .. انا بحبك يا فاطمة ، بعشقك
قالت بإبتسامة
_ انا بقا بتنفسك
_ تاني بتنفسك
قالت بضحك
_ اه
قولت بإبتسامة
_ عارفة
_ إيه
_ اكتشفت ان بتنفسك اقوي وصف لاأحساسي لأني وانا بعيد عنك بحس نفسي مخنوق
سكتت وطالعتني بنظرات كلها حب وشوق ف مسكت ايديها بوستهم وقولت وانا ببادلها النظرات
_ نفسي اغمض عيني وافتحها الاقيكي معايا ، يااااه حاسس الأيام بتمشي ببطيء شديد.. يارب يعجلها ويجمعني بيكي علي خير
ابتسمت ابتسامة خفيفة وجت بين ايديه حضنتني بقوة وكنت حاسس بأيديها بتتمسك بيه اكتر وكأني مسافر ومش هتشوفي تاني ف قولت بإبتسامة
_ بتودعيني ولا ايه.. مالك
_ مفيش.. مفيش غير اني بحبك قوي وبتوحشني وانت معايا
#خلود
كنت في اوضتي بسمع اغاني علي الهاند فري ومغمضه عينيه وسارحة في اللي حصل وابتسامتي مفارقتنيش لحظة ونفسي يجي تاني يوم بسرعة عشان البس الفستان اللي جبهولي واقابله ويشوفني بيه واشوف اعجابه بيه وقتها وبعد وقت وانا علي نفس الحالة حسيت بهزة في السرير شيلت السماعة وفتحت عيني لقيت جدتي بصالي بأستغراب وبتكلمني فوراً شيلت السماعة وقولت
_ ايه يا تيتة
_ مالك هيمانه علي نفسك كدة
_ مفيش.. بسمع اغاني بس.. ومبسوطة علشان خطوبة هاجر
_ يختي ان شاءلله دائماً مبسوطة وعقبالك انتي كمان
_ قريب هجبلك عريس في ايدي
_ هتجبيلي ايه.. امال إسلام راح فين
_ هو انا مقولتلكش
_ لا مقولتيش
_ طيرته
_ طيرتيه ازاي يعني
_ قولتله كل شيء قسمة ونصيب هي ناقصة
_ إيه يختي كدة من نفسك، مجبتيش سيرة ليه
_ نسيت والله يا تيته
_ نسيتي! ليه هو كان قط سربتيه ، ربنا يصبرني عليكي نامي
_ لا انا هسمع اغاني نامي انتي
_ طيب ياختي عنك ما نمتي
اتمددت وبعد لحظات قالت بحيرة
_ ودي نجيبهاله منين دي
_ بتكلميني
_ بكلم نفسي.. والله ما عارفه ايه الناس دي وهو في دلوقتي حد بيدور علي عروسة لحد
_ في ايه يا تيتة مين بيدور علي عروسة
_ زيد
_زيد!.... ماله زيد
_ قال دورولي علي عروسة وهما موكليني انا ادور مش عارفه اجبله منين
حسيت سكينة اتغرزت في قلبي وان الدنيا بتلف بيه ف قولت باستنكار وانا مش بيفصلني عن فقدان الواعي غير ثواني
زيد اللي قال ولا هما
_ هو قالهم يدوروله وهما قالولي