رواية انت مرادي الجزاء الثاني2حفصه الاسد الفصل الخامس عشر15والسادس عشر16 بقلم يارا ابراهيم
يوسف:/هههههه استهد بالله بس اللي اعرفه انها مش كده يعني مش مزاجيه.
غيث:/فعلاً هيا مش كده بس ده بسبب الحمل.
يوسف بصدمه:/حمل....!
غيث ويارا اتوتروا فقالت يارا بهدوء وإبتسامه.......
يارا:/اه يا يوسف أنا لسة حامل.
يوسف بزهول وفرحه:/بجد طب الحمد لله بس... بس ازاى.
يارا:/هقولك.
بدأت يارا تحكي كل حاجه لي يوسف وبعد شويه قال يوسف..........
يوسف:/بجد أنتِ مش سهله ههههه انا بعد كده اخاف منك.
يارا:/عيب عليك.
غيث:/وصلنا اهه تحبي تاكلي شورما بطعم ايه.
يارا:/مش عارفه بس محلوله هاتلي كل الاطعمه وأنا هقعد اتذوق براحتي.
غيث:/مين كام لا لا كل الاطعمه.
يارا:/قل أغوذ برب الفلق.. ايه هتحسدني وبعدين انا مش باكل لوحدي يعني.
غيث بصدمه:/انتي هتستهبلي يعني هو البيبي اللي مش جاي كيلو هياكل كل كده.
يارا:/بقولك ايه روح شوف اللي قولتلك عليه لحد اما افكر هشرب ايه.
غيث بصدمه:/تشربي...!
يارا:/اه علشان ابلع بعد الأكل.
غيث:/وهو انتِ هيبقي فيكي نفس تشربي.
يارا:/أنت مالك هيا بطنك ولا بطني.
غيث في سره:/بطن..! دي بلاعه مش بطن.
يارا سمعته فقالت...........
يارا:/قسما بالله لو ما لميت نفسك لكون مأخره مده رجوعنا.
غيث:/لا خلاص... الصبر من عندك يارب.
يارا:/من غير برطمه لو سمحت.
رزع غيث باب العربيه فضحك يوسف جامد وهو بيقول.........
يوسف:/اله حرام عليكي والله بتعملي فيه كده ليه.
يارا:/ههههه بنكشه بس.
يوسف:/انا لاحظت إنه قريب منك جدا اكتر واحد.
يارا بحنية:/اه فعلاً مع إنه أكبر مني بسنه بس هو اقرب حد ليا حتي من هنا وفهد غيث مش مجرد ابن خالتي ولا اخويا في الرضاعه لا بحسه أبويا دايما بيخاف عليا انت عارف انه كان مسافر بره وماكنش المفروض ينزل في الوقت ده خالص علشان شغله بس مع ذلك نزل علشان يكون معايا في اصعب وقت كنت محتاجه لحد فيه بجد ده نعمه من ربنا ليا.
يوسف:/ياهه كل الحب ده وبتعامليه كده.
يارا:/مش بعامله كده علشان اضايقه بس بحب اشوف بحب انكشه بس.
يوسف بسرحان:/انا مستحيل ابقي في مكانته يوم من الايام.
يارا بإبتسامة:/انت اكتر.
يوسف بصدمه:/اكتر...!
يارا:/اممم اكتر.
يوسف:/حتي بعد كل اللي عملته.
يارا بحنيه:/خلاص بقي اقفل الموضوع ده وخلينا نبدأ من جديد وبعدين مهما كان انت اخويا.
يوسف بفرحه:/ربنا يخليكي ليا يارب وميحرمنيش منگ ابدا يا يورتي.
يارا بضحك:/ههههه انتم شوهتوا الاسم خالص.
قاطعهم دخول غيث هو بيقعد وبيقول..........
غيث:/طلبت بس طبعا هنطول علشان الطلبات كتير.
تفاجأ غيث لما يارا حضنته جامد وهي بتعيط فقال بخضه أب علي بنته...........
غيث:/مالك حاسه بحاجه ثواني هنكون عند الدكتورة.
يارا:/لا لا أنا كويسة.
غيث:/أمال مالك بتعيطي ليه.
يارا:/هو أنت مضايق من تصرفاتي معاك.
غيث بحنيه:/لا طبعا... مع انك اوقات بتزودي العيار بس مش مشكله فداكي اي حاجه وخلاص بقي كفايه دموع غرقتي القميص.
يارا:/خلاص اوعدك مش هزعلك تاني وبعدين لحظه بس انت كل اللي هامك معيطش علشان القميص اخص والف اخص.
غيث اتنهد وبص لي يوسف اللي كان بيضحك فقال.......
يوسف:/هههههههه معلش دي هرمونات هههه.
غيث:/ياسيدي هرموناتها علي قلبي زي العسل.
يارا:/ربنا يخليكم ليا يارب انتم والبيبي ههههه.
غيث:/وابو البيبي لأ.
يارا:/مش عاوزه اتكلم في الموضوع ده دلوقتي.
يوسف:/أنا مش فاهم حاجه هما متخانقين.
غيث:/تؤ ياسطا احنا عشنا مسلسل هندي من العيار التقيل فاتك كتير والله.
يوسف:/ههههه احكيلي.
غيث:/لا الموضوع كبير ويطول شرحه يارا هتبقي تحكيلك بعدين.
يارا:/خلاص بقي بعد اذنكم.
*****************
في لندن...............
كانت ليلي قاعده حزينة علي غير العادة بتفكر ياتري هيا السبب زي ما قال بس قاطع تفكيرها دخول نريمن اللي قالت..............
نريمن بمشاكسه:/انتِ جايه متأخره انهارده هيتخم منك.
ليلي بلامبالاه:/اخصمي.
نريمن:/ايه ده مالك فيه ايه.
ليلي هنا عيطت وقالت بزعيق..........
ليلي:/مافيش يا نريمن سبيني لوحدي بعد اذنك.
نريمن:/لا كده الموضوع كبير وانتِ قسما بالله لو ما اتكلمتي وقلتي فيه ايه ما هسيبك وانتِ عرفاني لازقه.
ليلي:/.................
نريمن:/طيب انتِ وجورج اتخانقتوا ولا إله اللي حصل.
ليلي بنبره سخرية ووجع:/ههههه لا طلقني بس.
نريمن بشهقه:/ليه طلقك ليه.
ليلي بدأ جسمها يترعش وبدأ نفسها يقل اول ما شافتها نريمن قالت..........
نريمن:/فين البخاخه.
نريمن:/طيب بصي حاول تاخد نفس وترجعيه يلا وانا معاكي.
ليلي بتأتأه:/م مش ع عارفه.
ليلي اغمى عليها نريمن اول ما شافت كده وقفت ساكته مش عارفه تعمل ايه عقلها وقف عن التفكير وقعدت تعيط وهيا بتهزها جامد وبتقول...........
نريمن:/لا يا ليلي لا مش هتسبيني انا ماليش حد غيرك علشان خاطري بلاش تمشي.
فجأة رن موبايل ليلي و أول ما شافت نريمن المتصل فاقت وردت بسرعه وقالت..........
نريمن:/الو يا يارا.
يارا:/نريمن.. وبعدين فيه ايه مالك وفين ليلي.
نريمن:/الحاله بتاعت زمان رجعت تاني بسرعه شديده اوي ومش اعمل ايه.
يارا:/طيب بصي ركزي معايا.
نريمن:/...............
يارا:/نريمن علشان خاطري اهدي واسمعيني علشان مش تخسري صحبتك.
نريمن بالفعل هديه فقالت يارا...........
يارا:/بصي انزل للصيدليه اللي في الشركة هتلاقي دوا اسمه *******هاتيه وحاولي تديهولها وبعدين روحي المستشفى علطول.
نريمن:/بس بس انا خايفه افرضي حصلها حاجه.
يارا:/ماتخافيش ربنا معاها يلا بس قومي بسرعه وانا هرن علي حد يجيلك.
قفلت نريمن مع يارا وراحت بسرعه تعمل اللي قالت لها عليه........
****************
عند يارا في العربيه اول ما قفلت مع نرمين قال غيث............
غيث:/في ايه ومالها ليلي.
يارا:/ليلي رجعتلها الحالة بس ربنا يستر لان في حاجه مخوفاني اكتر.
غيث:/اهدي ان شاء لله هتكون بخير.. انتِ بتعملي ايه.
يارا:/هتصل علي حد يروحلهم لان نريمن من صدمتها مش عارفه تتصرف.
يارا بدأت ترن علي حد فقال............
الشخص:/أخيرا افتكرتينا ياختي.
يارا:/مش وقته الكلام ده خالص يا كاميليا.
كاميليا:/في ايه مالك.
يارا:/روحي الشركه بسرعه بس كلمي الاسعاف الاول.
كاميليا:/طيب فهميني ايه اللي حصل.
يارا:/ليلي رجعتلها الحالة.
كاميليا:/ليلي... بس ليلي عندها.
يارا:/عارفه علشان كده بقولك روحي بسرعه.
كاميليا:/تمام اقفلي وانا هتصرف.
قفلت يارا وهيا خايفه ومتوتره جدا..........
غيث:/اهدي علشان التوتر مش حلو علشان البيبي.
يارا:/يارب جيب العواقب سليمة.
لحد هنا خلص part 26اتمنى يكون عجبكم ♥♥
******************
"نصيحه"
الفصل السادس عشر
عند مراد.........
كان قاعد في شقته بعد رفضه انه يروح الفيلا ويارا مش فيها كان قاعد بيفكر هيرجعها ازاي طيب هل هيستحمل بعدها عنه هي مش كانت بتكلمه بس علي الاقل كان بيشوفها او يسمع صوتها انما لما تسافر هيعمل إيه قاطع تفكيره صوت رن الموبايل والمفاجأة لما لقي الظابط اللي ماسك قضيه نهي و ريماس بيرن فرد.............
الظابط:/اهلا مراد بيه.
مراد:/أهلا بيك هو فيه حاجه.
الظابط:/كل خير بس المتهمين كانوا طالبين يشوفوك.
مراد:/مم طيب ماشي ساعه وهكون وصلت.
الظابط:/ماشي يا باشا.
قفل مراد بعد ما قرر انه فعلاً يروح علشان ينهي المهزله دي ويحاول يرجع حياته طبيعيه زي الأول لبس مراد ونزل ركب عربيته وانطلق لقسم الشرطه........
****************
عند يارا في الفيلا..........
كان غيث ويوسف قاعدين بيتكلموا وأثناء كلامهم نزلت يارا وهي لابسه فستان طويل بلون السما واكمام قصيره وشعرها مفرود في تسريحه جميله واللي زاد جمالها اكتر الحمل أول ما شافوها وقفوا متنحين فقالت يارا.........
يارا:/هو الاكل وصل.
غيث:/ما شاء الله تبارك الرحمن.
يارا:/في ايه مالكم متنحين الاكل وصل.
يوسف:/هه بتقولي ايه.
يارا:/بقول ايه انتم شكلكم شاربين حاجه.
غيث أخيرا انتبه وقال...............
غيث:/ازاي نازله بشعرك كده وازاي لابسه فستان بأكمام قصيره كده وبعدين هو انتي ليه حلوه كده.
يارا برفعة حاجب:/هو ايه اللي ازاي لمؤاخذه انتم اخواتي يعني محارمي فيه حاجه تاني.
واكملت بثقه ومرح:/فعلاً انا عارفه اني حلوه مش جديد عليا.
يوسف:/ههههه لا و واثقه من نفسك اوي.
يارا:/عيب عليك أختك بيترعب منها رجاله بشنبات.
يوسف:/امم يا جامد انت.
فضلوا يضحكوا هما الاتنين تحت نظرات غيث اللي كانت حاسه بشعور مش في محله قام غيث ودخل اوضته فقال يوسف.......
يوسف:/ماله ده فيه ايه.
يارا:/مش عارفه هروح اشوف ماله وانت خلي بالك من الباب علشان الاكل.
يوسف:/اشطا انا جعان اصلا.
يارا:/مين ياخويا.
يوسف:/فيه ايه بتبصي كده ليه بقول جعان.
يارا:/جميل خلي الداده تعملك اكل علشان اللي في دماغك من هيحصل.
يوسف:/يعني ايه الكلام ده.
يارا:/يعني الشاورما ليا هه.
يوسف بتأثر:/هو احنا هنخسر بعض علشان الشاورما.
يارا:/اه عادي.
يوسف:/وبتقوليها في وشي.
يارا:/اه.
يوسف:/غوري من وشي.
يارا برفعة حاجب:/بتقول ايه.
يوسف:/بقول براحه علشان الحمل.
يارا بضحك:/بحسب بس.
يوسف بغيظ:/ لا مش تحسبي ياختي.
كان غيث قاعد في الاوضه مضايق جدا وكان بيقول لنفسه...........
غيث:/لا يا غيث ده مش ينفع دي اختك.
غيث:/بس بس انا حاسس بإحساس اول مره احسه.
غيث:/يا رب شيل الموضوع ده من دماغي علشان انا مش عايز اخسرها.
قاطع تفكيره صوت الباب فقال غيث.........
غيث:/ادخلي.
يارا:/ايه ده أنت عارف انها انا.
غيث بحنية:/أنا عارفك اكتر من نفسك.
يارا:/احم مالك يابني بقيت نحنوح كده ليه انا مش متعوده علي كده.
غيث:/يارا عايز اقولك حاجه.
يارا:/ها ياسيدي.
كان لسه هيرد بس فجأة................
*********************
في لندن..........
كانت واقفه نرمين في ممر المستشفى وهي بتقرأ قرأن وبتدعي بس فجأة لقت كاميليا بتجري عليها وبتقول..............
كاميليا:/ليلي عامله ايه.
حضنت نرمين كاميليا ومش ردت تفهمت كاميليا الموقف وقالت........
كاميليا:/اهدي يا نرمين ليلي قويه وان شاء لله هتقوم بالسلامه.
نرمين:/في حاجات كتيره حصلت يا كاميليا.
كاميليا:/مش مهم اللي حصل انا وباقي البنات رجعنا وخلاص هنرجع ايد واحده تاني.
نرمين:/وهيفيد بإية شغلنا واحنا مش عارفين نحمي بعض.
كاميليا:/شووو احنا في المستشفي مش تتكلمي في الموضوع ده.
نرمين:/ليلي لو حصلها حاجه انا مستحيل اعرف اكمل يا كاميليا.
اتنهدت كاميليا لانها عارفه مدي علاقه نرمين وليلي مش انهم صحاب لا دول ولا كأنهم اخوات دايما مستعدين يضحوا علشان بعض....
كاميليا:/متقوليش كده ان شاء لله خير بس اللي انا مش فهماه هي ازاي رجعت لها لحاله تاني بعد ما الدكتور اكد لنا ان الحاله دي خلاص ما بقتش هتجيلها وانها تعالجت منها.
نرمين:/مش عارفه مش لحقت اعرف حاجه منها.
كاميليا:/طيب عرفتي جورج.
نرمين بكره:/ ما تجيبيش اسمه تاني على لسانك انتِ فاهمه وليلى اول ما تقوم هنطلقها منه.
كاميليا:/ايه اللي حصل.
نرمين:/مش عارفه بس اللي اعرفه ان جورج ليه علاقه بحالتها دي.
كاميليا:/المهم دلوقتي نطمن علي ليلي وبعدين هنشوف الكلام ده بعدين.
********************
فى قصر هرسن اتكلم جورج بعصبيه شديدة وهو بيقول............
جورج:/كيف لا يمكنكم ايجادها هل تعنون انني فقدت زوجتي.
الحارس:/لا اقصد سيدي ولا مدام هرسن حرصت جيدا عند خروجها كي لا نعلم اين هيا.
جورج:/كل هذا لا يهمني لديك ساعه ان لم تأتي لتخبرني اين زوجتي انت تعلم مصيرك.
الحارس:/نعم اعلم سيدي.
مشي الحارس ووقف جورج يأنب نفسه وهو بيقول..........
جورج:/يا تري انتي فين يا حبيبتي انا بحبك يا ليلي والله بحبك.
**********************
عند مراد..............
دخل قسم الشرطة بهيبة كالعادة ووصل لمكتب الظابط اللي كلمه فقال للعسكري.........
مراد:/قول للظابط مراد الالفي.
دخل العسكري وغاب شويه وبعدين طلع وقال بإحترام.......
العسكري:/مراد باشا اتفضل الظابط في انتظارك.
دخل مراد وسلم علي الظابط وقال...........
مراد:/هما عايزين يقابلوني ليه.
الظابط:/مش عارف والله بس اكدوا عليا انهم عايزين يشوفوك.
مراد:/طيب خليهم ييجوا لما نشوف اخرتها.
قام الظابط وبعدين شويه رجع ومعاه ريماس ونهي اللي اول ما شافت مراد جريت ليه وقالت...........
نهي:/طلعني من هنا ارجوك انا مش مستحمله القعده هنا واوعدك مش هتشوف وشي تاني.
مراد زقها بعيد عنه وقال..............
مراد:/اللي بيقرب من حاجه تخصني مش برحمه ما بالك انتِ اذيتي مراتي وحبيبتي وقتلتي ابني احمدي ربنا انك لسه واقفه عادي وبتتكلمي.
رجعت نهي وقفت جنب ريماس وقعد مراد وحط رجل علي رجل وقال.............
مراد:/عايزين ايه انجزوا لاني مش فاضي.
ريماس بثقه:/صدقني انت اللي محتاجنا مش العكس.
مراد:/اتكلمي من غير لف و دوران.
ريماس:/عايز تعرف عايزين نقابلك ليه.
مراد:/ياريت علشان انا صبري بدأ ينفذ.
ريماس:/علشان انا طيبه كنت عاوزه اقولك اني مراتك وحبيبتك زي ما بتقول بتلعب من ورا دهرك وانت زي المغفل.
مراد مسكها من رقبتها جامد وهو بيقول بصوت جهوري........
مراد:/اخرسي مراتي انضف من عشره زيك يا ح*قيره.
الظابط:/مراد سيبها خلاص هتموت.
نهي:/يا مراد خلاص دي بتطلع في الروح.
سابها مراد بعد شد الظابط ليه وقال..........
مراد:/قسما بالله لو فكرتي تلعبي بديك لكون قت*لك ومخ*لص المجتمع من اشكالك.
ريماس بسخرية:/اشكالي اللي مش عجباك علي الاقل مش كذابه و.
سكتت فجأة لما مراد ضربها بالقلم وقال.........
مراد:/اخر تحذير ليكي وبعد كده مش تلومي غير نفسك.
خرج مراد وهو في راسه الف فكره وفكره ركب العربية وساق بسرعه وفجأة...........