رواية الاخ الاكبر الفصل التاسع والخمسون59 بقلم حبيبه
حان ميعاد الافطار وانتهى جميع من فى الشركه من الافطار..
انتهت ايمان من فطارها وذهبت لتؤدي صلاتها اولآ ثم عادت لمكتبها
توربيني: ايمان
ايمان: نعم يافندم
توربيني: خلصتي فطارك
ايمان: ايوه يافندم وصليت الحمدلله
توربيني: طيب ممكن قهوه ساده لو سمحتي
ايمان: تمام حاضر
#مرت دقائق وجاءت سوزن
سوزن: هاااي اريد توربيني
نظرت اليها ايمان بهدوء: اعطني ثواني
ايمان: مستر توربيني
توربيني وهو يرتشف القهوه بهدوء: في حاجه ياايمان
ايمان: استاذه سوزن بره
توربيني: تمام خليها تدخل وهاتيلي ملف المشروع اللي اديتهولك امبارح ياايمان
ايمان: تمام حاضر
سوزن: هاااي توربيني لما كل هذا الانتظار لقد مللت
توربيني :اعتذر سوزن كان لدينا افطار
سوزن: حسنآ
#ذهبت سوزن وقبلته في خده وهي تصافحه مما صدم التوربيني وجعل الدماء تغلي بداخله من الغضب فاهو لم يسمح لأي امراءه بالاقتراب منه هكذا سوى زوجته واثناء ذلك كانت ايمان تدخل المكتب وراءت ذلك صدمت ونظرت ارضآ سريعآ واستغفرت ربها واستدارت لتذهب ...
توربيني: ايمان استني رايحه فين
ايمان وهي تنظر ارضآ: احم ك كك كنت نسيت اعمل حاجه بس
#اخذ التوربيني يذكر سوزن تلك بأفظع الشتائم في سره....
توربيني: طيب ممكن الملف اللي طلبته منك
ايمان: اتفضل يافندم ده الملف اللي حضرتك طلبته
بعد اذنك
توربيني: رايحه فين
ايمان: على المكتب بره يافندم
توربيني: تمام اتفضلي
#ذهبت ايمان واستدار توربيني لتلك الواقفه خلفه ظل ينظر اليها بغضب وكم ود ان يكسر عظامها بيده
سوزن: ماهذه الثياب التي ترتديها تلك الفتاة لماذا تضع هذه الفتاه سكرتيره وهي بهذه الثياب ثيابها لا تتناسب مع سكرتيرة توربيني اقترح. ان تطردها وتضع فتاه عصريه اكثر مكانها فاهي تبدوا جاهله
اقترب التوربيني منها بهدوء مرعب: ومن الذي اعطاكي الحق لتحددي من تصلح ان تكون سكرتيره لي ومن انتي لتتحدثي عن سكرتيرتي بهذه الوقاحه لا تتخطي حدودك فأنتي مجرد عميله ارسلتها شركة لتمثلها فلا تتدخلي فيما لا يعنيكي
سوزن: توربيني اا....
توربيني بغضب: ثم اياكي والاقتراب مني مره اخرى والا اعدك بفصل راءسك هذا عن جسدك بيدي هل تفهمين.
ابتلعت سوزن غصه مرعبه في حلقه: مم ما ماذ
توربيني بغضب اكبر: هل تفهمين
سوزن بخوف من هذا الغاضب: ن ننن نعم نعم فهمت اعتذر اعتذر توربيني
توربيني: مستر توربيني لا تحذفي الالقاب بيننا
سوزن: حسنآ حسنآ مستر توربيني
#مر الوقت وانتهى الاجتماع بين توربيني وسوزن وخرجت من المكتب والا ان خرجت حتى تنفست براحه فاهي كانت خائفه منه ومن غضبه بشده
راءتها ايمان بتلك الحاله فقررت الاطمئنان عليها
ايمان: هل انتي بخير انسه سوزن
#نظرت سوزن اليها ثم تركتها وذهبت دون التحدث بكلمه واحده وتركت ايمان تنظر اليها بأستغراب
ايمان: ايه ده مالها دي انا مالي اما اشوف شغلي خليني اروح
#ثواني واتى اليها اتصال...
توربيني: ايمان
ايمان: تحت امرك يافندم
توربيني: تعاليلي على المكتب
ايمان: تحت امرك يافندم
#ذهبت ايمان ودخلت المكتب...
ايمان وهي تنظر ارضآ: تحت امرك يافندم
توربيني: بخصوص اللي حصل من شويه دااا كا......
ايمان: انا مايخصنيش يافندم دي تخصك انا ماليش اني اتدخل فيها انا بس اسفه اني دخلت فجأه كان لازم اخبط الاول اسفه بجد
توربيني: بس ماتتأسفيش وايه مايخصكيش ده لاء يخصك وبلاش فندم فندم فندم دي بطلتي تقولي مستر رشيد ليييه وانا اللي بجد اسف على المنظر المقرف اللي البنت دي عملته انا والله اتفاجأت بيها
ايمان: يافندم قولتلك انا ماليش دعوه مايخصنيش يخصني شغلي وبس
توربيني: لاء يخصك ياايمان يخصك اوي
ايمان: يخصني اذاي انا مالي باللي حضرتك بتعمله ماليش علاقه انا مجرد سكرتيره هنا وبس يعني ليا شغلي وبس
توربيني وبدون اي مقدمات : ايمان تقبلي تتجوزيني
♡♕♕♕♕♕♕♕♕♕♕♕♕♕♕♕♡
_*احذر ذنوب الخلوات ﴿ألم يعلم بأن اللّٰه يرىٰ﴾🩷🌸*_
_*• ذنوب الخلوات هي أصل الانتكاسات،*_
_*• وعبادات الخفاء هي أصل الثبات.*_
_*•قال: ابن القيم.*_
________________
_*• هناك خلواتٌ ترفعُ صاحبَها الدرجاتٍ.*_
_*• وخلواتٌ تجلبُ لصاحبِها الحسرات*_
_*• وعِباداتُ الخفاء هي أعظم أسبابِ الثَّبات.*_
_*قال ابن رجب رحمه اللّٰـه:*_`وإن خاتمة السوء تكون بسبب دسيسة باطنة للعبد لا يطلع عليها الناس.`
_*قال اللّٰـه تعالىٰ: ﴿يَسْتَخْفُونَ مِنَ النَّاسِ وَلاَ يَسْتَخْفُونَ مِنَ اللّٰهِ وَهُوَ مَعَهُمْ إِذْ يُبَيِّتُونَ مَا لاَ يَرْضَىٰ مِنَ الْقَوْلِ وَكَانَ اللّٰهُ بِمَا يَعْمَلُونَ مُحِيطاً﴾ [ النساء108 ]*_
_*يا عبد اللّٰـه لا تجعل اللّٰـه أهون الناظرين إليك بل راقبه تعالىٰ في السر والعلن في الظهور والخفاء فهو معك أينما كنت.🩷🩷_
♡♕♕♕♕♕♕♕♕♕♕♕♕♕♕♕♕♕
ومر الوقت وحان ميعاد الخطوبه تم تزين المنزل ببساطه وجمال
حضر فارس ومعه مربيته..
#كان يرتدي بنطلون وقميص من اللون الابيض وبليزر من اللون الازرق يحمل بيده بوكيه ورد انيق..
رحب بهم محمد وعز واسلام...
محمد: اهلاً نورتوا اتفضلوا ياماما
#خرجت اليهم ناديه ومعها ابنتها روان التي ترتدي خمار ونقاب من اللون البينك على فستان من نفس اللون هادئ وجميل فجأها به عز الذي حرص على ان يكون هادئ ومريح كما تحب كان ينظر اليها بحب كم يعشقها ويعشق رؤيتها امامه
ناديه: اهلاً وسهلآ اتفضلوا
#ذهبت ناديه واحتضنت سعاد بحب اهلاً ياست سعاد نورتي
بادلتها سعاد احتضنها بحب: حبييتي دا نوركم
ناديه: اذيك يابني الف مبروك ياحبيبي ربنا يسعدك انت وبنتي يارب عماد
عماد: نعم ياماما
ناديه: شوف روح يابني لو جاهزه هاتها ياحبيبي
عماد: حاضر
#ذهب عماد لغرفة روح طرق الباب
عماد: ياناس ياللي جوه المحاره خلصت ولا لسه الراجل مستني بقاله ساعه
فتحت له ندى: خش ياابو لسان ونص خش خلصنا يلا
#دخل عماد ورائ روح: بت ياندى هي مين المزه دي
روح: نعم ياروح امك انا روح ياض
عماد: روح مين معلش لاء بتهزري اسمك روح ذي اختي كمان
روح: حد يناولني الشبشب افكره بيا اجدعان
عماد بصدمه: ايه ده روووح اختي مش معقول
روح: مش معقول ليه ياض
عماد: روح اختي طلعت مزه اوي كده لاء انتم اكيد بتكدبوا عليا
مريم: هههههه لاء للاسف دي روح
روح: ايه ده انتي كمان يامريم في ايه اجدعان هو انتم اول مره. تعرفوا اني مزه ولا ايه انا طول عمري مزه بس انا اللي مش بحب اتكلم عن نفسي كتشير...
ندى: تبآ لتواضعك ياختي....
عماد: لاء بس بصراحه من ناحية مزه فاانتي مزت المزاميز ابت
روح بسعادة: بجد ياض ياعماد طالعه مزه يعني اتنفخ كده في نفسي واعيش الدور
عماد: طببببعآ من حقك ياحلووووووو
روح: ياولا خلاص هاتغر في نفسي كده
عماد: بس سؤال
ندى: اسأل
عماد: انتم بجد متأكدين ان المزه دي تبقى البت روح
اختي
روح وهي تمسك حذائها تعال ياحبيبي وانا هأكدلك انا روح اختك ولا لاء
عماد: اهدى احج بهزر بهزر بس وحيات امك ناديه بلاش جعفر يطلع النهارده وحيات امك وحيات امك
روح برقه: ماهو انت اللي تعصب ياعمده
عماد: هههههه احبك وانت ركيك
روح: ركيك يابيئه اسمها رقيقه ياذفت تصدق بالله يلا انا اتخنقت منك امشي ياض من هنا امشييي
عماد: بتكرشيني ياجعفر
#لم يكاد عماد ينهي كلامه حتى وجد حذاء روح يصوب في اتجاهه فركض للخارج وهو يضحك بقوه على جنان اخته...
روح بغيظ: عبوشكلك عصبتني
مريم: خلاص بقى اجعفر روقي قصدي ياروح
روح: يوووه انتي كمان يامريم دا انتم رخمين بجد يعني اطلع من هدومي يانااااس
مريم: يابت اهدى خلاص بهزر والله
ندى: يلا بينا بقى الواد خلل بره وماما هاتعمل مننا بطاطس
#مرت دقائق وخرجت روح وبجانبها ندى مريم
سعاد بأبتسامه: بسم الله ماشاء الله
نظر فارس ومحمد واسلام اليهم اصبح كل واحد ينظر لاسيرته بعشق وكأنهم غائبين عن العالم...
والله لا ارى سوى جمال تلك العيون التي اشعر اني اسيرها اصبحت اعشق ذلك الخجل الذي يظهر على وجهها كم ذادها جمالآ وذادها حسنآ كم اكره تلك الحدود الموضوعه بيننا كم اتمنى ان اتجاوزها لتكوني لي لي وحدي ياالله كم احبها...
عماد: احم احم ياشبااااااب
#انتبهوا جميعآ اليه ...
روان: هههههه عاوزين نعمل الخطوبه ياجماعه قبل السحور..
اسلام بدون خجل من احد : يالهوي علي القمر اللي هل عليا يخربيتك ابت ياندى طلعتي مزه ابت وانا ماعرفش جوزوهالي اجدعان بقى وخلوا عندكم شوية احساس بدل مااخطفها....
عماد: ايه يابني الجراءه اللي حطت عليك فجأه دي انت مالكش غير محمد يامحم......
#نظر عماد وجد محمد مستمر في النظر لمريم التي تنظر ارضآ بخجل كسا وجهها
عماد: احيه محمد مش معانا خالص
اسلام: محمد يامحمد محاميحوا يامحمح محمممممد
انتبه محمد لاسلام: ها نعم..
اسلام بصدمه: نهار فسكوز نعم محمد بيقولي نعم هيا الدنيا جرالها ايه اجدعان عشت وشوفت محاميحوا بيقولي نعم اقرصيني ياندى يااوختي يمكن بحلم
عماد: اقرصك انا ياسلوم
اسلام: اوعى تقرب عليا لاصوت واقول بيتحمرش بيا محمد ياحبيبي رد عليا انت كويس.....
محمد: حد يناولني الشبشب ياجماعه
اسلام: محاميحوا حبيب قلبي فينك. اجدع اتوحشتك
محمد: ماتقولش الاسم ده ياذفت
اسلام: اهدى اشبح ماتتعصبش الحقيني اناديه ابنك هايتحول عليا...
ناديه: تستاهل انت ولسانك ده اللي مش عارف تمسكه وبعدين اتهدوا يخربيتكم عاوزين نعمل خطوبة البت
#استعد الجميع لتلبيس الخواتم وقفت سعاد بينهم لتلبيسهم هي الخواتم حسب طلب روح ❤..
مال فارس بهدوء لجانب اذن روح: بصراحه طالعه ذي القمر ومحليه الفستان اوي اوي بفكر ابخرك لتتحسدي من عيني والله..
#ابتسمت روح بخجل وسعاده من كلامه التي اسعدها
شكراً
فارس: شكراً هي دي اللي انا خدتها منك ماشي استي العفو يااخت روح..
روح: هههههههه مالك بس متعصب ليه
فارس: اهو يعني مافيش شكلك قمر يافارس متشيك النهارده يافارس بوكيه الورد ريحته حلوه يافارس اي حاجه بلي ريقي حتى ياقاسيه...
روح: شكلك حلو مقبول يعني
فارس: مقبول قعدت ست ساعات اختار الهدوم
واتشيك واسرح شعري علشان ابقى حليوه كده وابقى حاجه فول اوبشن وفي الاخر اخد مقبول اسكتي ياروح اسكتي...
روح: هههههههه حاضر
اما مريم كانت تظن ان محمد سايبدي رائيه بها حتى ولو بأبسط الكلمات ولكن التزم الصمت احزنها ذلك والتزمت الصمت هي ايضآ...
#كانت روح ترتدي فستان سواريه اوف وايت رقيق وخمار من نفس لونه ابرز جمالها اما ندى كانت ترتدي فستان كشمير وخمار ايضآ من نفس لونه وتضع ميكاب رقيق كانت كالملاك وكانت مريم ترتدي فستان سماوي رقيق للغايه وخمار من نفس اللون ابرز جمالها ورقتها كانت جميله للغايه....
#تمت الخطوبه عليه خير وادي الجميع سهره لطيفه مليئه بالضحك والمزاح...
♡♕♕♕♕♕♕♕♕♕♕♕♕♕♕♕♕♡
*- نفسي الاقي حد جنبي ..*
*=وَنَحْنُ أَقْرَبُ إِلَيْهِ مِنْ حَبْلِ الْوَرِيدِ♥️🪻💚🌹♥️🌿".*
*- أنا مَش قادر أستحمِل ..*
*=لاَ يُكَلِّفُ اللَّهُ نَفْسًا إِلاَّ وُسْعَهَا💚🌹🪻♥️🌿".*
*- اللي أنا فيه مش بيتغير تعبت ..*
*= لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا ♥️💚💚💚💚🌹
*- بس دي صعبه اوي ..*
*= وَاللَّهُ عَلَى كُلِّ شَيْءٍ قَدِيرٌ 💚🌹🌹🪻💚
♡♕♕♕♕♕♕♕♕♕♕♕♕♕♕♡
ايمان بصدمه: اا ا اا انت بتقول ايه
توربيني: بقولك تتجوزيني
ايمان: لاء انت اكيد بتهزر صح مش معقول تكون بتتكلم بجد اكيد بتهزر...
توربيني: مابهزرش انا بتكلم بجد وهارجع اعيده تاني بقولك تتجوزيني...
ايمان: لاء
توربيني: لاء لاء ليه ايه سبب رفضك
ايمان: من غير سبب انا مش موافقه انا وانت مستحيل نجتمع مع بعض لا انت مناسب ليا ولا انا مناسبه ليك وانا بعد ماادفع السلفه اللي اخدتها من. الشركه هامشي ومش هاتشوف وشي تاني. بعد اذنك
توربيني: مش بمزاجك ياايمان
ايمان: يعني ايه مش فاهمه
توربيني: يعني مش بمزاجك ترفضي ولا تقبلي