رواية ماسة الأركان الفصل الخامس والعشرون25 بقلم ميفو السلطان
ما ان فتح حسام الباب حتي هجم عليه اركان وانهال عليه ضربا وبهاء اندفع ليبعده الا انه كان مهتاجه لا يقدر عليه احد دفع بهاء ارضا وهجم علي حسام يضربه بهستيريه ...ظل يلكمه في وجهه وينهال علي حسام ضربا حتي خارت قواه ..طرحه ارضه وبهاء يصرخ ..كفايه هيموت في ايدك ..وحسام لم يعد له ملامح من اساسه حسام ....جلس اركان فوق صدره علي الا ض من تعبه صرخ.. انت ايه منقوع شر انت ازاي كده.... بنت عمك يا نجس ..توصمها بعار مش عارها ..توهمها بنجاستك وتسرق فلوسها انت ايه ايه مافيش شرف خالص عدمت دينك وشرفك يا عديم الشرف ...كان يلكمه ويصرخ فيه .... لحمك ودمك تعمل فيها كده يا فاجر تعيشها مذلوله ليه انت شيطان اعمل فيك ايه اموتك. قلبي محروق منك لله .
اقترب بهاء ودفعه بعيدا ..كفايه هتموته وتقلب نصيبه كفايه ...
صرخ ..نصيبه امال احنا في ايه الفاجر ورفسه في بطنه ..
صرخ حسام وجعا ....هتف ... اذا كت انا وسخ انت كمان تعمل فيها كده وتعتدي عليها.
هجم عليه ....ماهو من نجاستك عملت فيها كده عشان انت نجس وطعنتها دي لحمك يا كافر .
هتف حسام ....ماكتش اعرف انك هتعمل فيها كده انا عارف ان جوازتكو فشنك ومتاكد انها هتخرب ماكتش عارف ان اخرتها كده.
صرخ اركان ....تخرب والا تعمر انت مالك بيها وبجوزتها ليه ماقولتش ليه مش خدت فلوسها وارتاحت بتذلها ليه انطق انت ايه الشر ده.
هتف حسام.. انا.. انا كنت مغلول ساعتها منها انها عايزه تاخد الفلوس انا لو وسخ كت لمستها وهيا نايمه.
صرخ اركان.. لا و الله شريف يا واد انت بعملتك قضيت عليها ودعست وشها.
هتف حسام.... وانت بعملتك عملت ايه انت.
صرخ .....دبحتها بعملتي دبحتها... منك لله ليهجم عليه .... يمين بالله لاكون مخلص القديم والجديد ومطلعك شحات وجربوع تترجاني اعفو عنك .انا اركان السويفي من هنا ورايح هوريك النجاسه والخراب عن حق عشان تبقي تتجبر علي خلق الله يا نجس اعرف انك منين ماتروح هتلاقي اركان السيوفي في خلقتك وكل خرابه هطلعلك فيها وشركاتك اللي انت سرقتها دي هحصرك عليها هطلعك من شركتك بلبوص يا روح امك وماهيبلكش جنيه اعرف ان اللي جاي خراب عليك واتي هاخد حقها تالت ومتلت ..اذا كت اشتغلت نجاسه انا بقه هشتغل في النجاسه وحط الوساخه عليهم يا واطي يا عظيم الشرف انا هعرفك شرف ماسه يبقي شكله ايه ويتاخد حقها ازاي .
صرخ حسام بخوف ..... انت محسسني انك شريف قوي مانا عملت وانت عملت وخدتها غصب وهيا صاحيه ونهشت قلبها.
بهت اركان.... فكيف عرف ....خفق قلبه .. انت عرفت ازاي.
هتف حسام بقهر ... ماهي جت وسمعتني مافي الخمر ومشت.
وقف اركان يستوعب ما قاله ...جاتلك ماسه جاتلك ...
ليهتاج اركان.... نهار ابوك اسود بعني البت جتلك يا فاجر وانت سيبتها تمشي.
هتف.... مانا قولتلها تروح لماما مارضيتش احبسها يعني.
هجم عليه اركان مره اخري.... انت عايز تتقتل اقسم بالله سايبها في الشوارع يا فاجر يا عديم الرحمه كان حسام قد هلك من كثره الضرب مسكه بهاء..... ارجع بقه هيموت في ايدك.
صرخ اركان .....هموت البت جتله وسابها تمشي الوسخ سبتها تمشي في الشوارع منك لله منك لله.. بس لا والله لاحرق قلبك ومن هنا ورايح هرجعك جربوع شحات تعيش الجحيم عن حق قابل بقه اركان هينهش قلبك ازاي وتركه وهو عازم ان يخرب شركات حسام عن اخرها ويقتص منه لما فعله بحبيبته التي نهشت من الجميع.
قامت ماسه في الصباح جلست علي فراشها لبرهه ثم قامت تدعي ربها ...خرجت لتجد البيت هادئ و هناك احد الرجال يجلس ومعه السيده نجمه .
اقتربت ماسه خجوله وقف الرجل وهتف .....ماشاء الله دي ماسه يا نجمه.
هتفت.. اه يا خالد شوفت قمر ازاي.
نظر اليها الرجل..... لا فعلا تستاهل تجيبيني علي ملي وشي... ازيك يا قمر انا خالد.
ابتسمت بخجل نظر اليها برغبه وهمس لنجمه.. البت تخبل انا قلبي وقف ايه دي..
سمعها تقول.. استاذ خالد اهلا بيك.
هتف .....اهلا بالقمر دا يوم الهنا دخلتك علينا .. طب يا نجمه يلا عشان ننزل الشغل لتسعد ماسه انها ستبدا عملها لتقوم نجمه وتنزل معها ليتوقفا عند احد الاماكن كان مبني خلفي لتدخل فيه ماسه لتشعر بالرهبه ...كانت تمر بممر طويل انفتح الباب لتبهت فالمكان به اضاءه عاليه واصوات صاخبه لترتعب ماسه .
هتفت نجمه ....ماتخافيش تعالي لتدخل بها الي احد الحجرات وكان مكتبا كبيرا يطل علي صاله كبيره بها مرقص ديسكو كبير وبه الكثير من الفتيات الذين يبدو عليهم الفجور وهناك خمور توزع علي كل البارات لترتعب هيا وتنكمش .
ضحك خالد .....ايه مالك خايفه كده..
هتفت ماسه..... انت جايبني هنا ليه.
هتف خالد...... اسمعي بقه يا كتكوته.. دخول الحمام مش زي خروجه انت هتشتغلي هنا.
ارتعبت .....اشتغل اشتغل ايه..
ضحك.. عايزه تشتغلي ايه افرشلك السجاده وتصلي وسط البار.. هتشتغلي تقعدي مع الزباين وهننغنغك ولو ليكي طالعه هتاخدي فيها النص.
نظرت اليه ببلاهه........ طالعه.
ضحك... اه زبون يعني سهره كده نومه كده.
صرخت...... انتو بتقول ايه انت انا مش ممكن اعمل كده.
اقترب ومسكها بقوخ .....لا لا هتزعليني ليه انا خلقي ضيق انت قمر وتاخدي العقل وانا هكب عليكي فلوسي تبسطيني وتبسطي زبايني .
لتنفجر في البكاء.. بطل والنبي سيبني امشي انا استحاله اعمل كده ايه عايزني امشي في الحرام لا استحاله انا عايزه امشي لتندفع تحاول ان تخرج ...وجدت احد الحرس يقف امامها لترتعب .
هتف خالد..... بصي بقه خروج مفيش خروج اللي بيدخل هنا بيسمع الكلام والا بقه ذنبه علي جنبه.. هنلاقيكي مرميه تحت اي عربيه جته مالكيش ملامح اعقلي انت دخلتي مزاجي واللي يدخل مزاج خالد بيتهني.
ارتعبت وانهارت من البكاء لتقترب نجمه.. انت مالكيش حد وبت قمر استفادي هتتنغنغي فلوس يا بت.
هتفت بنحيب .....انا مش هعمل كده عايزين تموتوني موتوني.
تنهدت نجمه..... ماتخنيش مخك بقولك ايه انت حره .
هتف خالد..... بصي انت كده بتاذي نفسك يا تشتغلي من سكات يا هتتحبسي مايطلع عليكي نهار.
نظرت اليه بقهر..... انا مش هشتغل كده لو موتوني ويا ريت تموتوني وارتاح..
هتف خالد..... خلاص انت اللي جبتيه لنفسك ..صرخ في الحرس لترتعب ......خدوها لقحوها في السرداب واخرها ميه ولقمه ناشفه لحد اما تقول الله حق.. شدها ورموها في مكان مظلم ليس به فرش لتنام علي الارض وتنتحب من ما دخلت فيه.
دخلت عليها نجمه .....اسمعي يا ماسه انا مش هقولك خالد شكله ايه.. بس خالد قواد كبير وله ناس تقيله وكبرات البلد بيوردلهم نسوان خالد ماحدش يقدر عليه لو مين في بلده خالد مش فلوس لا سلطه ونفوذ ممكن يخفي اسمك اصلا من الدنيا...فاعقلي عشان ماهيسيبكيش انت حلو وجامده.
نظرت اليها ماسه........ حرام عليكي انت بتعملي فيا كده ليه انا لو علي رقبتي ماهبيعش شرفي..
لتهتف نجمه..... انت حره بس اتمني تصعبي عليه لان خالد فاجر وممكن يعمل اي حاجه اعقلي يا بنت الناس انت قدام طوفان ممكن يحرقك ...لتتركها وترحل لتنهار ماسه من البكاء علي حظها ودنيتها التي تدعسها كلما مرت عليها الايام.
عند اركان كان يعيش السواد يبحث عنها بجنون وكلما شعر بحرقه تربص لحسام وهجم عليه يبرحه ضربا حتي اصبح اسم اركان رعب حسام الوحيد ..كان ينعي ايامه وقلبه المحروق ...جلس في حجرته يحتضن ملابسها ويبكي احس بنار بداخله وقف امام المراه ينظر لنفسه بحقاره لم يحتمل فاندفع ولكم المراه لتنكسر وينشق يده كان الالم لا يحتمل ولكنه لم يتحرك نظر الي جزء المراه المتبقي وراي نفسه مشروخا .،هتف .،انت زباله انت زي اي حد منهم انت اوطي واحد حرقت قلبك بايدك انت تستاهل تتساب ..ازاي سمعت بحبك يا اركان وخدتهاش في حضنك ازاي منك لله ياهبل يا دلدول محمود عرف يلعبك صح عشان انت ارجوز عروسه في غضبك بتقلب مفيش ثقه ..منك لله يا محمود منك لله يا حسام ....احس ان دنيته اسودت وما زاد السواد اكثر ان الجد بدا في الرجوع الي الحياه بعد ان غاب في الغيبوبه مايقرب من شهر .
استعاد الجد عافيته وبدا يسال عن ماسه ارتبك اركان وبهاء اللذان ظلا ينظران لبعضهما ولا يقدران علي النطق .
هتف الجد.. ايه يابني مابتردوش ليه فين ماسه.
جلس اركان واحني راسه ولم ينطق هتف بهاء ....اهدي يا جدي هنقولك بس مش دلوقتي اما تبقي كويس.
هتف الجد.. ماسه بيها حاجه جرالها حاجه ..نظر الي اركان.... انت موطي راسك ليه ماتنطق البت فين.
تنهد اركان.. ماسه مشت يا جدي.
قطب الجد.. مشت.. مشت راحت فين دا مالهاش حد اوعي تقول راحت لابن عمها ماتنطق ساكت ليه.
تنهد اركان.... اهدي يا جدي ماسه.. ماسه.. ماسه سابت البيت ومانعرفلهاش مكان وبدور عليها مش لاقيها.
بهت الجد.. ليه ليه تطفش هان عليها تسيبني دا بنتي تسيب ابوها ازاي.. نظر اليه..... ليه عملتو فيها ايه ما اكيد عملتو حاجه ماتنطق انت مخرس ليه. احني اركان راسه ولم ينطق لم يكن يعرف كيف سيخبره تلك الفعله الشنعاء .
صرخ الجد .....انطقو انا تعبان مش متحمل..
احس اركان بالقهر وبدا في قص عليه كل شئ هنا الجد احس بضربات قلبه عنيفه احس بعصره في قلبه ...نظر اليه دامعا....عملت فيها كده يا اركان انت تعمل كده.. البت اتعمل فيها كده.. طب طب ليه تعملو فيها كده ليه والوسخ ده يعمل كده ليه.. سالت دموع الجد .....دي الامانه يا اركان دي الامانه اللي امنتهالك يابن ابني اخص عليك وعلي تربيتك انت ازاي زباله كده انتو ايه تسمع لمحمود ليه طب البت قالتلك انها مظلومه ماحسيتش خالص.. قالتلك جدي عارف ماصدقتش انت ايه... تفرق ايه عن ابن عمها طب هو ما لمسهاش تقوم انت تطعنها كده.
كان اركان تنهال دموعه هتف ......كفايه يا جدي انا موجوع كفايه.
انفعل الجد.. موجوع انت البعيد ايه ماعندكش دم وجع ايه اللي بتتكلم عليه والبت ايه دا مدبوحه يادي المصيبه يا ريتني ماسيبتهالك ولا جوزتهالكك كنت عايز احميها بيك اتاريها كان لازم احميها منك. جبتها وعارف انها مدبوحه مديهالك امانه ومخبي قولت جايز تحس بجمالها وقلبها بس البعيد حيوان مغرور حاجه تقرف انت تقرف ..راجل انت دلوقتي خدت حقك من الغلبانه ...دا كت هتموت عشان تحافظ علي مالك كت هتموت عشان تحافظ علي حياتي ..غلبت تقول بلاش يا جدي بلاش يا جدي .،بس انا غصبتها تتجوز حيوان زيك ... انتو ازاي كده يا قلب جدك زمانك متمزعه انت فين يا حبيبتي مرميه في انهي شارع مع مين بتاكلي وتشربي ايه نايمه والا متشرده.. فوضت امري لله... امشي يا اركان ماشوفش وشك قدامي الا اماتجيبلي حبيبتي ولو هموت عارف اموت مش عايز اشوفك ولا اشوف حد انا دنيتي وقفت علي كده البت يا تجيبوها وترجعوها يا تنسو انكو ليكو جد من اساسه. هتف بعنف... بره مش عايز اشوف حد.
اقترب بهاء ....اهدي يا جدي اهدي انت تعبان.
هتف.... خرجه مش طايقه خرجه حرقولي قلبي عالبت.. زمانها مرميه في الشارع منكو لله. وهاتلي الشربيني بسرعه .
بهت بهاء .،عايز الشربيني ليه يا جدي دا محامي شمال .
صرخ ..هاته انا عايزه هيجبلي حبيبتي وهيجبلي حقيها من حسام .
هتف اركان ..حسام ده رقبته هجبها يا جدي ده تاري وعاري وشرف مراتي .
هتف الجد ..ماليش دعوه بيك ..انا هاخد تار بنتي بايدي انا هعرف الكلب ده مين هو السويفي ...وانت بقه تخرج ماشفش وشك متبري منك لحد ما البت ترجع بره مش عايز اشوف خلقتك الوسخه ...
خرج اركان باكيا ليس بيده شئ شعر اول مره بالعجز فاركان رجل ذو جبروت وعنفوان احس ان جبروته زال واندثر وعاد كالطفل الصغير الذي فقد حاميه.
هنا تحول اركان الي حجر ...قسي قلبه ونهشه علي حبيبته التي تاهت في قسوة الحياه ليصب همه في الانتقام من اكثر شخصين يكرههم حسام ومحمود .بدا هو في الانقضاض علي شركه حسام يعطيها ضربه تلو الاخري ولا يتركه الا وقد اخذ منه مايملك لدرجه ان حسام اتي له وترجاه ان يتركه ويرحمه الا انه صرخ فيه انه لن يتركه طالما حبيبته ليست في احضانه لينهار حسام ويشعر بمدي الاجرم الذي فعله بابنه عمه وكيف جني هو ثمار نجاسته وفعلته الشنعاء..خربت الشركات وعاد مزلولا وباع كل شيء وعاش علي السحت من هنا وهناك هاربا من الديون والكل يصارع ان ينهش فيه واصبحت علاقته بوالدته من اسواء مايكون فهو ياخذ منها عنوه واقتدارا لكي يصرف ولكن الهرب والذل هما الصاحب والساحب لحياه الضياع لما فعله من بشاعه وقله شرف .
كما فعل اركان بحسام فعل بمحمود المثل ليقضي عليهم تماما وما اخذه محمود من الشركات قد خسره تماما فى صفقاته ليعيش محمود مذلولا بستجدي مالا من ابنه وزوجته بعد ان كان جبروتا لا يقدر عليه احد ولكنها الدنيا.. لا يبقي فيها حال علي ماهو عليه.
عند ماسه مرت الايام والاسابيع مر عليها شهرين وهيا محبوسه لا تستجيب لتدخل نجمه علي خالد.. اسمع يا خالد البت هتموت كده.
هتف.. تموت والا تولع يا تنزل تخدم يا تموت ونخلص حد يرفض خالد الوكيل حد يرفص النعمه.
هتفت..... طب اسمعني ايه رايك نشغلها في الصاله هيا قمر برضه تخدم عالزباين وجايز لما تشوف الفلوس والعز نجيب رجلها احنا مش مستفدين منها حاجه ايه رايك.واهو تقعد تنضف المكان دا قمر والسكران مابيعرف السوده من الكوده .
ظل يفكر ليهتف.. دي دماغها ناشفه ومش هترضي.
هتفت.... لا سيبهالي انا هتصرف بس تخدم من سكات وماتجبرهاش انها تنام مع الزباين مش هنكسب كده بس اهي علي الاقل نعري جتتها هتجيب زباين برضه فيه رجاله بتحب تتفرح ماتنامش ايه رايك البت هتموت مش هنستفاد.
ظل يفكر.. ماشي بس تلبس اللي نقول عليه .
هتفت.... خلاص سيبلي انا الطلعه دي.. لتتركه وتذهب لماسه التي كانت قد هلكت واحست ان دنيتها اسودت لتدخل عليها وتهتف.. برضه يا ماسه مش راضيه تليني دماغك.
هتفت ماسه بوهن.. خليه يموتني عشان ارتاح من العذاب ده.
هتفت نجمه... طب واللي يريحك... نظرت اليها ماسه .. بصي يا ماسه انا اقنعته انك تشتغلي.
هتفت ماسه بقهر.. مش هشتغل مش همشي في الحرام.
هتفت نجمه.. اسمعي بس.. هو انت اصلا ماتقدريش تسيبي البار هو مش هيسيبك خالد له رجاله ينهشو الجته هتروحي منهم فين وممكن يدخل عليكي اي حد انا مانعاه مش هتقدري
هو اخره الفلوس ..وانا اقنعته انك تشتغلي في الصاله توزعي وتخدمي عالناس وشويه مسخره مع هزار انما نوم لا.