رواية ماسة الأركان الفصل الثامن والعشرون28 بقلم ميفو السلطان
كان اركان محترقا بعد ان حرقت قلبه ليهب هاتفا ورحمه ابويا لارجعك قطه مغمضه يا ماسه انا مراتي ماتعملش فينا كده .. ليستدير ويخرج الي حجره خالد و يدخل عليه .رحب به خالد فاركان شخصيه معروفه هتف. ....خالد بيه كنت عايز منك طلب واظن انت يهمك الافاده.
رفع خالد حاجبيه.. خير يا باشا حد يرفض النعمه.
هتف اركان ... ماسه.
قطب خالد..... اشمعنا.
هتف اركان..... عايزها.
رفع خالد حاجبيه.. وفكر .. والله يا اركان بيه انا ماحب ماعليا بس ماسه مختلفه شاور علي اي بنت وانا اجبهالك.
هتف اركان .....مليون جنيه حلو.
ابتسم خالد.... والله يا باشا نفسي بس ماسه مابتنزلش لحد.
قطب اركان جبينه وخفق قلبه بسعاده ...ليكمل خالد ...ماسه اخرها تلف في الصاله وانا مش هقدر اغصبها .
تنهد اركان وشعر كأن جردلا من الماء نزل علي قلبه المشتعل ان ماسه لم تندرج في ذلك العالم القذر هتف.. بس انا عايزها تبقي بتاعتي وتخرج من تحت طوعك.
قطب خالد.. قصدك اشيل ايدي من عليها واسيبها ليك تبقي مش في حمايتي.
هتف اركان ....بالضبط انا اللي اقول واتصرف انت متقفليش.
هتف خالد.... بس ماسه ليها مكانه ماقدرش ياباشا.
هتف اركان.. اتنين مليون وتسيبها وماتتعرضلهاش .
ابتسم خالد و فكر هتف.. طب هتستفاد ايه ماهي مش هتنام معاك بتضيع فلوسك.
هتف أركان ....دي بتاعتي انا بقه بس المهم منقطعش علي بعض اراضيك وتسيبها انا كفيل بقه اعمل ايه المهم ماتبقاش من محظيه خالد الريميسي وانا فاهم وانت فاهم انك مش بتسيب اللي تبعك يبقي نتفق.
هتف خالد.. طالما عايزها اوي كده نتفق وانا ليا الاستفاده خمسه مليون واسيبهالك مقشره أخرجها من تحت حمايتي.
ابتسم اركان.... ديل خالد بيه ..اخرج دفتر شيكاته ليعطيه له ويكتب المبلغ لياخذه خالد ويقف مبتسما.. حلال عليك يا باشا ولو انك هتتعب.
هتف.. هتعب.. ليتنهد ويهمس .....دانا هشوف السواد.. ليقوم خالد ويامر الحرس ان لا يتعرضو لاركان مهما حصل ليعود اركان للصاله ليرها تجلس مع احد الرجال وتتدلل عليه اقترب وهتف عايزك.. لتستدير بلا مبالاه وتضحك وتترك الرجل وتذهب معه هتفت ...اؤمر خير.
هتف.. من سكات كده يلا معايا.
قطبت جبينها.. يلا ايه يا شاطر انت اهبل لتستدير وتتركه شدها من يدها لتدفعه وتهتف ....لم نفسك بقه انا جبت اخري.
وقف امامها...هتفت بغضب... اخبط راسك في الحيط ليشدها لتصرخ وتنادى علي الحرس لتنصدم عندنا شدها اركان واحتضنها في وسط الصاله ولم يحرك الحرس ساكنا لتخاف وتقطب جبينها .
ضحك لتحاول ان تبتعد.... انت عقلك خفيف ابعد لاطين عيشتك مش عايزه اذيك.
هتف..... طب ماتاذيني هو انا اطول لما قلبي من جوا ياذيني .
لتحاول ان تدفعه فكلبش فيها وهيا تصرخ ....انت مجنون مش خايف علي روحك. اركان ابعد والله هخليهم يقطعوك.
هتف.. واهون عليك يا قلبي اركان حبيبك يتقطع لا ماعتقدش حبيبي اهون عليه.
صرخت.. انت اهبل ليه انت مش قدي هزعلك واحسرك علي شبابك اللي فرحان بيه .
ضحك.. هتزعلني يا مز انت حبيبي يعمل ما بداله بس نلم حالنا المبعتر ده يا قلبي خلاص كان فيه وخلص.
صرخت.... هو ايه يا مخبول انت اللي كان فيه وخلص اوعي بقه بسداغتك دي انا جبت اخري.
ضحك.. ماتجيبي بوسه وانت عسليه كده وحشتيني مراتي انهبلت يا جدعان ..
صرخت ....طب ابعد بقه عشان هسود عيشتك واناديهم يطلعو روحك .
اركان بسماجه.... ايه ماتنادي وريني هتسودي عيشتي السوده اصلا ازاي.
وقفت وصرخت في الحرس.. انت يا زفت منك له مش شايفين بنادي.. ابعدو البتاع ده عني.
ظل الحرس واقفين لا يتحركو لتصرخ ....انتو مخابيل طيب والله لاوريكو واطين عيشتكو لتدفعه وتتجه لخالد وهو وارءها لتدخل.. تعال شوف الزباله اللي بره دول البيه بيتهجم عليها واناديلهم ماييتحركوش تعال سود عيشتهم .
ابتسم خالد بهدوء.. اهدي يا ماسه مالك كده براحه حبيبتي.
صرخت..... بقولك البيه اتهجم عليا قوم خلي الزباله اللي بره يرموه بره..
اقترب اركان وجلس ووضع قدما علي قدم لتصرخ ....انت جاي تقعد ليك عين ..... خالد خرج الزفت ده بره.
هتف خالد.. ممكن تهدي ونتفاهم.
هتفت.... اما ترميه بره اهدي.
هتف.. طب ماهو ماينفعش.. البيه عايز بالجامد والاستفاده حلوه
لتبهت وتقطب جبينها هتفت بخوف.... استفاده انت اتجننت يا خالد
هتف.. لا ماتجننتش بس انت عارفه خالد البيزنس عنده هو الاساس انا اه انت عندي غاليه بس الفلوس ماحدش يقولها لا.
رجف قلبها. فلوس.. فلوس ايه.
هتف خالد.. اركان بيه عايزك وطلبك مني.
صرخت.... انت اتجننت مانت عارف.
ضحك.. اه عارف.. بس هو طلب اشيل حمايتي عنك واسيبك له
هتفت بذهول..تشيل حمايتك انت اتخليت عني يا خالد.
هتف.. طب اعمل ايه البيه دفع مبلغ يدوخ خمسه مليون برضه ما يترفضوش.
لتبهت وتتراجع وشعرت بوجع..... خمسه مليون.. دفع.. دفع ليك.. دفع ..ظلت ساهمه ..دفع عشاني خمسه مليون ..خفق قلبها ...الا انها ..
هتف خالد..اه يا ماسه.. اهدي كده انتو اكيد ليكو علاقه ببعض وهو عايزك وانا مش هقفله لأننا اتفقنا. انا ليا الافاده فوق ده كله انت بعد كده بقيتي حره دانتي تفرحي هتبقي بطولك انت بقه مع بعض اصطفلو انا بقيت بره القصه انا كلمتي سيف. وخالد خلاص خرج بره القصه لا عاد فيه تحكم ولا اجبار انت حره يا ماسه بس اللي بينكو انا ماليش فيه.
هتفت بغل.. اه صح ماهو دفع ماكل حاجه بتمشي بالفلوس انا ازاي مكمله هبل كده صح انت صح يا خالد الدنيا دي فلوس وبس
اقترب اركان ومسكها.. يلا يا ماسه اهدي ويلا من سكات نروح بيتنا.
شدت يدها بغل.. يلا فين يا شاطر.. انت عقلك خف.
هتف بغضب ....ماسه ماتخلنيش اتغابي عليكي انت مراتي.
ضحكت وانطلقت ضحكاتها.. لا والله لا بجد.. وحد بيدفع في مراته.. طب طالما قرف بقرف وماله مش دفعت.. فين بقه نصيبي.
بهت اركان..... نصيبك انت بتقولي ايه.
هتفت ....ايه هنام معاك ببلاش.
أقترب وهرس يدها .....اخرسي ولمي نفسك بقه انا جبت اخري فيه حدود ماتتعديهاش ماشي .
هتفت بغل.. هتمد ايدك تاني هسوي وشك بالاسفلت انت فاكرني ايه يا شاطر عشان خالد رفع حمايته عني بقيت لوحدي وسهله.. لاااا فوق دانا ليا بره رجاله ادك واد اللي يتشددلك اشاور بس يرمولك الخمسه مليون علي جزمتهم.. لتكون فاكر اني لسه الهبله بتاعه زمان اللي اتذلت ليك ولعيلتك الغلبانه المكسوره ... انسي انا بقيت حاجه تانيه وليا اللي يقفلك وممكن قوي ياخدوني ويسافرو ماتعرفلي طريق فاهدي علي روحك جوز ايه يابو جوز محامي بشلن ارميله قرشين ويخلعك انت باينك عايش من ايام زمان وفاتك فرق ايام وهرس فوق واعرف بتكلم مين.. نتفق ان كان خالد شال ايده وقبض انا بقه ماقبضتش وماليش سكه الا الفلوس هتدفع هكون معاك واه فلوس خالد ماليش فيها انا ليا فلوسي.مراتك علي راس راسي بس بفلوس عارف ليه لاني هخرج من حياتك برضه احنا اصلا مافيش بينا الا الفلوس اللي كت دايما بينا .
تجمد ونظر اليها بقهر ليهتف.... انت ازاي بقيتي كده.
هتفت بغل... فضله خيرك الرخيصه بتوريك الرخص علي اصوله.فاكر كلمتك انا عمري ما هصدق انك نضيفه ..اشرب من افعالك يابن السويفي . مالكش حيل قدامي يابن السويفي ماسه بتقولك زمان راح وهبله راح والايام اهه بتعيد من تاني عشان تقلي يا رخيصه عن حق.. هتدفع هتاخد.
هتف بوجع...... طلباتك.
هتفت ....اتنين مليون وابقي ليك تعمل مابدالك لفتره برضه مش علي طول وماهكونش لحد تاني ومش هقعد مع حد.
صرخ.... تقعدي فين احنا هنمشي من هنا.
نظرت اليه بخبث...... نمشي نروح فين.. انا مماتي هنا وحياتي لتجلس علي المكتب وتهز قدميها هتفت.. واول ليله معاك هتكون تحت زي اي حد.
صرخ وأقترب يعتصر يديها ...لمي نفسك بقه انت ايه مالك طايحه كده . وبعدين خلصنا وعرفت انك مش كده بطلي قله ادب هاه حرقنيلي قلبي يومين كفايه بقه . ماتخلينش اطلع قهرتي عليكي لتكوني فكراني سوسن وهمشي وار الست.
ضحكت..... مانت فعلا بقيت سوسن ومراتك مرمغت وشك في الارض ماتطلقني الله يستر أصلك الا لو حد عرف بفضيحتك هتبقي الفضيحه بجلاجل.. لتدفع يده.. دا اللي عندي ولو مش موافق غيرك هيوافق وانا كنت لسه مامشيتش في السكه دي انهارده اوعدك اول ليله هابقي ليا تحت مع البنات. براحتك وبدل ماتبقي سوسن هركبلك قرنين لتنطلق ضاحكه .
هتف بغل.... ماشي يا ماسي موافق هديكي وماحدش يقرب منك كان يريد ان يضمنها ويعلم انها تحرق قلبه كانت اول خطوه لخروجها خالد ورفع يده فهو مهما كان مبيرا ليس بقذاره خالد ...كان يهادنها ليخرج بها فهيا مازالت محاطه ببئر من القذاره وممكن ان ترتكب اي فعل جنوني ..
لتبتسم وتهتف ....طب ايه شخلل جيبك والا هنام بلوشي والا اول ليله كادو.
صرخ ....انت ايه اتجننتي اتقلبتي انت مش حاسه بنفسك دانا سالت عليكي طوب الارض من قهرتي.انا ليا سنه شايف السواد مش حاسه بيا خالص .
هتفت بسخريه.... لا حاسه. وكمان انا مبسوطه بنُسختي الجديده
انا لا عايزاك تسأل عليا لا فى الحلوه ولا فى المره ... عايزاك بس تطلعوني من دماغكم وهنبقى شاكرين ليك اوووى أنا إديت كل واحد مكان علي مقاسه و حطيت قلبي ف مكانه الصح ال يليق بيه انا للأسف الشديد اتربيت اوي ..اتربيت لدرجة أن انا مش عارفه اعيش لأني ما اتعلمتش اللف ولا الدوران متستغربش ماأنا ياما عملت وقولت وحاولت افهمك اني مش كده بس انتوا مقدرتوش
بس للأسف بقينا في زمن صعب وقلة الأصل ع كل لون بس تسلم الشدة ومرارتها يلي خليتنا نشوف الوشوش ع حقيقتها اهوه طلعتلك وش زي وشوشكو اللي بتنهش الصدر انجز واخلص هتدفع والا اشوف غيرك .
اغمض عينه يتحكم في اعصابه وهيا تستمتع بحرقته اخرج دفتر شيكاته وكتب لها الشيك لتستدير لخالد ايه رايك في تلميذك تربيتك.. هتف خالد ...ماسه انا بعزك وطلع جوزك وبيحاول يخرجك من هنا اخرجي معاه انا مش هقفلك .
ضحكت ..كتر خيرك ..اهو انا بقه مش هخرج الا بمزاجي ..لتستدير انا هستناك تحت في القوضه ابقي ابعته يا خالد هعيشك ليله ملوكي وتركته مشتعلا .
ليستدير ينظر لخالد بقهر هتف خالد.... انت عملت فيها ايه عشان تعمل فيك كده ماسه مش كده ودي اول مره اشوفها محروقه كده.. انت عملت فيها حاجه قتلتها.
تنهد اركان.. مش انا لوحدي اللي عملت كلو عمل.
هتف خالد.. بص انا عاشرت ماسه واعرفها كويس ماسه بتحرق قلبك ماسه استحاله تسلم نفسها لمخلوق اتعرض عليها ملايين وقصور بجواز ومن غير جواز بس هيا رفضت عموما سايرها وشوف هتخرجها من هنا ازاي ماسه فعلا تعرف ناس تقيله ومابقتش سهله ماسه هترجع لما تبرد نارها وماعتقدش انت هتعرف بقربك ده ترجعها ماسه عايزه قلبها يجبرها انها تحن وترجع بس ازاي ومين يرجعها دي بتاعتك اكيد ليها حد او سكه ترجعها فكر انما هتفضلو كده هتطحن فيك وتحرقلك قلبك ماسه ماعادتش قطه هيا قطه اه بس غلفت نفسها بخرابيش الدنيا
تنهد اركان ووقف يفكر في كلامه خرج يسال عنها ...اقترب منه حسام ..ايه عملت ايه .
نظر اليه غاضبا واقترب منه ليرفع حسام يده علي وجهه ايه انا مالي .
هتف حسام ..تروح تترزي في العربيه بره وتستناني ويمين الله لو اتحركت من مكانك لاكون هارسك تحت رجلي مفهوم .
هتف حسام واستناك في العربيه ليه ما استناك هنا و..
لم يكمل حسام ليرزعه اركان بوكسا صرخ حسام ..منك لله هغور دا عيشه طين علي دماغي وخرج مجبرا يلعن ايامه ومجالب يده السوداء ..
دخل عليها كانت حجره كبيره بها فراش كبير واضاءة تناسب المكان لينصدم عندما دخلت عليه تلبس قميص لينشل مكانه كانت هيا قد ذهبت الي احد الفتيات وطلبت منها ذلك لتحرق قلبه ظل واقفا يتاملها بغضب وهيا تجلس علي الفراش تحرك قدمها لتتنهد ايه هتفضل واقف كده ماتيلا تاخد تمن فلوسك..
لم يتحرك كان يغلي لتقوم وتتهادي وتقترب وتلتصق به لتضحك.. ايه عايزني اشجعك لتتلمسه بوقاحه ليمسكها ويلوي ذراعها لتتأوه هتف.. يمين بالله لو نطقتي والا عملتي حاجه لكون جايب رقبتك انا عملتلك اللي عايزاه هتزودي عن كده اركان هيوريك سواد قهرته وحرقه قلبه فلمي نفسك دفعها عالفراش لتنكمش كان منظره مخيفا اقترب وجلس وازاح بوجهه فمنظرها يحرق قلبه..
ظلت جالسه تشعر بالخوف والغيظ لتتشجع وتهتف.. ايه مش عايز ماتقول اقوم اجبلك واحده تانيه وتاخد فلوسك مانت مش هتاخد بيها انا مابنامش مع حد بلوشي اخد فلوس اشتغل بيها لتقترب وتجلس علي قدميه.. تعالي بس هبسطك دانت دافع مبلغ يهز يخليك تاخد قدامها ليله نار.. هنا لم يستطع ان يتحمل اكثر من ذلك ليستدير ويشدها وينام فوقها لتبهت وتري الغضب بركان في عينه لترتعش خوفا ليهتف بغل ايوه اترعشي اترعشي عشان هطيح فيكي واخلص عليكي غلبت اقولك لمي نفسك وانت طايحه ومزوده في الوساخه لما خلاص قتلك هيبقي علي أيدي عايزه تديني تمن اللي دفعته وماله ماهقولش دانا حتي جوزك وغايب ليا مده وقلبي انحرق بزياده ..لترتعب لينهال عليها لتصرخ وتقاومه لم تكن تظن انه سينفلت من نفسه ولكن حرقه قلبه وضغطها عليه جعلته يشتعل ظل معها وهيا تقاومه لتنهار وتنتحب خوفا وما ان سمع صوتها حتي توقف وظل واضعا راسه في رقبتها يحاول ان يهدا وهيا تبكي وترتعش خوفا تنهد اخيرا واستدر ينام وشدها علي صدره لتحاول ان تبتعد ليهتف بغضب حارق.. عدي ليلتك السود بدل ماخلص عليكي ونقلبها مناحه للصبح انكتمي انا فيه غلايه بتدور جوايا لو اتحركتي ههرسك بين ايديا لتخاف وتنكمش ليشدد عليها .
ظلت مستيقظه فتره لتحس بارتخاء جسده لتحاول ان تتململ فهو مشدد عليها ..صرخ... اتخمدي قولت في ليلتك السودا لتنكمش بسرعه وتنام بين يديه احس بتشنجها وبكائها تنهد وبدا في تمسيد جسدها حتي ارتخت ونامت بين يديه تاركه حريقه قد اشتعلت بداخله ظل يتلمسها بحنان.. طب ايه اعمل ايه قلبي اتحرق حرقتي قلبي اخرتها هموتك واموت نفسي يا مين صبرني للدرجادي اتوجعتي تتقلبي كده.. هموت حاسس اني هنجلط.. ليتلمسها بحنان.. لابسالي ايه هموت والله يا رب ايه القهر ده.. حقك عليا يا قلبي انا عملت فيكي كده استاهل قلبي ينحرق بس مش قادر هموت والله هموت.. دانا مت في بعدك سنه بموت من القهر طب دي هرجعها ازاي اخرجها ازاي من الزباله مكلبشه في المكان دا اتحولت فين ماسه الرقيقه قلبي اتوجع واتحول بقي حد تاني. ليهمس بحبك وعارف انك موجوعه يا عمري بس كان غصب عني عارف قدامي اميال عشان اوصلك واوصل لقلبك تاني. فكر فكر هترجعها ازاي ظل طول الليل يفكر كيف سيقنعها ان تعود اليه وتترك ذلك المكان الحقير وتخرج معه لتاتي له فكره اراحت قلبه فليس امامه الا تلك الوسيله ليرجعها بها.صفحه حكايات ميفو
قامت ماسه فلم تجده بجوارها لتتنهد وتجلس لتنزل دموعها.. هتكملي كده ازاي انت مش كده وهو ممكن يقتلك هتمشي معاه كده ازاي اركان امبارح انت حرقتي قلبه كنتي هتخليه يموتك .موجوعه منه اعمل ايه هموت.. لتسيل دموعها لتهمس لسه بتحبيه صح خايفه منه ومن قربه انت مانمتيش بقالك سنه نمتي امبارح زي الطفله اول مره من غير كوابيس هتعملي ايه اخرجي من المكان المقرف ده وعذبيه برضه بس انت ماصدقتي خالد يشيل ايده عنك كتي هتعيشي في الوحل طول عمرك. كت مرعوبه من خالد حتي لو عاملك كويس كان هيغدر بيكي في يوم ماهو مالوش مله ولا مبدا بس بس لتتنهد هو السبب هو اللي عمل كده. لتهمس ماهو ماهو برضه معذور حسام شوه صورتي واخر يوم قالي بحبك وهعيش معاكي وافرح بيكي وانت قولتيله بتحبيه يقوم ينصدم ويقولولو انك متجوزه عرفي ومتاخده وتبقي ضحكتي عليه.. . وجه اهوه ودفع فلوس كتير وانت دعكتي وشه اخرجي بقه من القرف ده انت اصلا كنتي ناويه تطفشي اه اتوجع زيك يا ماسه ماتبقيش ظالمه.. لتنهر نفسها.. ظالمه انا ظالمه وهما ايه هما ايه.. بتحني ليه ليه انت ايه ماعندكيش كرامه حتي لو مظلوم كان يصدقك او يسيبك مش يعتدي عليكي هو دبحك زيهم بطلي تحني قلبك ده ايه انت ماعندكيش كرامه ليه كده.. لتنتحب فهيا تعشقه وقربه يوجعها طب هفضل كده مش متحمله السفاله اللي بعملها دي انا ازاي سافله كده .انا قليله الادب قوي ليه كده دانا مابخليش راجل يلمسني ايه القرف ده اخص عليكي وعلي تربيتك ... لتتنهد ايه هو راح فين ليكون ماستحملش وطفش وسابك. لتجلس مقهوره.. هيسيبني صح عشان بقيت وحشه وقليله الادب وسافله لتنفجر في البكاء طب ايه اعمل ايه انا خايفه.. هيسيبني والا ايه.
ظلت جالسه تبكي حظها ووجعها منه زايد لتهمس بتحبيه ومش قادره علي بعده انت اتخلقتي تتعذبي وبس.. لتقوم وتغتسل وتلبس ليمر الوقت حضر اركان وحسام ..هتف حسام ..عايز انام انت مبيتني في الشارع من امبارح .
مسكه اركان من ياقه قميصه وشده اكتم احسنلك بدل ماهرسك وسط الصاله ... لتظل جالسه لا تعيرهم اي انتباه.. طلبها لتذهب اليه ...اقترب حسام ..خلاص بقه يا ماسه انا عارف اني زباله بس انت مش كده .
هتفت ..غور يا حسام من قدامي .
نظر اليها بغضب ...ماتحترمي نفسك بقه وتخرجي .
هنا استدار اركان غاضبا فاندفع حسام للخلف ..لا لا ماتحترميش انا مالي ...نظر اركان غور بره في العربيه ..ليستدير حسام متذمرا يشتم نفسه .
اخذها ودخل بها احد الكبائن.. هتفت بسخريه.... ايه عايز تقعد قاعده مزاج وماله قررت تاخد تمن فلوسك.
هتف بغضب ....لا مش لوحدي بصراحه معايا ضيوف هتخدمي علينا..
بهتت وشعرت بقلبها يتمزق ولكنها تجلدت وتقف ...وماله اخدم هيدفع برضه لتضحك وماله واخده انزل بيه تحت مانت نمت زي خيبتها امبارح..
قام يشدها وماله ....خديه وانزلي هتنبسطي قوي بيه وريني كده.. لتنظر اليه بغيظ وهاخده ماخدوش ليه لتشد بلوزتها وتعدل نفسها ليظهر نصف صدرها لتهمس انا جاهزه هعمل معاك احلي واجب لينفتح الباب لتنصدم وتشعر بالوجع الشديد لتحس بقهر وخزي مما هيا فيه لتنهار ويتكالب عليها الوجع والقهر والرخص الذي انغمست فيه ويغشي عليها عندما رات