رواية ماسة الأركان الفصل الثالث والثلاثون33 بقلم ميفو السلطان
كان اركان غاضبا ومشتعلا يصرخ فيها.. يوم ماياخدك اموتك انت بتاعتي بتاعتي ....ليبدا في تمزيق ملابسها ويجتاحها بعنف لتنتفض هيا وتصاب بتشنج وخوف وتتذكر وقت ان اعتدي عليها لترتعش وتصاب بهستيريه ..احس بها رغم غضبه ليدرك ماكان سيفعله انتفض برعب وعاد لروحه وقام فورا وشدها يلقيها في احضانه وهيا تتشنج صرخ بحرقه ..... اهدي أهدى مش هعمل حاجه اهدي يا قلبي اهدي كان يمسد عليها مرعوبا حبيبي انا اسف اسف اهدي يا عمري. حملها وجلس يحتضنها وهيا لا حول ولا قوه ....ظل يهدهدها حتي بدات تهدا ودموعها تسيل كان كل ما يفعله يتلمسها بحنان وحب ويهمس لها ....اسف والله اسف انا زباله حقك عليا اسف اهدي يا عمري ....لتبدا في الهدوء والارتخاء كانت تشهق كل حين واخري وهو محاوطها ...هامسا... اسف والله اسف خلاص انا ماعرفتش اتحكم في نفسي ماتحملتش تبعدي عني او حد يقربلك ماسه بالله عليكي انا تعبت وبحبك والله بحبك ليه نعمل في بعض كده ليه تخليني اموت واغير واتصرف تصرف زباله ليه بتحولينا لحاجه وحشه شوفي انت بين ايديا بالدنيا مش عايز حاجه والله ماعايز غير كده. ماسه كفايه يا قلبي انا تعبت مش معني كده اني زهقت لا والله لا تعبت قلبي موجوع وتاعبني عليكي وعليا. قبل راسها.... انا اسف الف مره والله اسف وبحبك.
تنهدت وتململت ليشدها.... لا ورحمه ابوكي ماتتحركي سيبيني اهدي سيبيني يوم احس بيكي رايقه وراضيه مسد عليها وقبلها قبلات متفرقه هامسا ....انت حبيبي ولا ليا حبيب تاني واجع قلبي والله واجع قلبي. لتتململ وتقوم وتبتعد ظل جالسا بغلب تنهد وقام يقترب منها .
همست.... ابعد ماتقربش.
احتضنها من الخلف.. مش عايزه حبيبك يقرب ليه خايفه مني والا من نفسك خايفه تحسي انك عايزاني خايفه تسامحيني. ماسه انا عايزك وبحبك عشان خاطري كفايه وجع.
همست.... كفايه وجع انت اللي بتوجعني انا مابعملش حاجه.
تنهد.... يعني دا كله وماعملتيش دانت من ساعه ما دخلتي حياتي وانا شايف السواد.
شدت نفسها وهتفت...... طب روح مالكش دعوه بسوادي حل عني بقه .
تنهد وشدها الي احضانه.. احلي سواد علي قلبي والله ابلعه وافرح بيه كده... بس حبيبي يهدي اهدي يا قلبي وبطلي تحرقينا والله بقينا نأذي بعض.
هتفت بطفوليه.. انا مالي بيك انت اللي وحش .
ابتسم وشدها.. مالك بيا دانت في قلبي يا عمري واه وحش بس بحب والله وبموت في حبيبي... ليحس بلينها رفع وجهها وابتسم ....نفسي اخدك في حضني وارتاح.
همست.. يلا نمشي من هنا جدو مستنينا.
هتف.. عايزه تمشي وتسيبيني صح اهون عليكي ..مسك يدها يضعها علي قلبه ده موجوع والله موجوع حملها .
لتشهق.... بتعمل ايه نزلني.
هتف بهيام..... لا انا تعبت وعايز قلبي في حضني وبس .
هتفت خائفه.... اوعي بلا حضنك بلا بتاع ليك عين اوعي.
انزلها الفراش ونزل عليها يثبتها نظرت اليه قاطبه لتهتف ....برضه عافيه كل حاجه عافيه ل.
تلمسها بحنان ليرجف قلبها.. لا يا قلبي اللي بين ايديا دلوقتي مش ماسه اللي كرهاني انا حاسس بيكي وشايف عيونك وحاسس بقلبك اللي بيدق.
همست.. بيدق.. لا مافيش حاجه بتدق.
وضع راسه علي قلبها هامسا دا بيصرخ وحاسس بيه سيبيه شويه ريحيه سيبي نفسك شويه انت تعبتي وانا تعبت ونفسي احس يوم براحه ...اقترب وقبلها ليهمس.... نفسي احس بحبيبي بقه والله ماعت قادر ...ظل ينظر اليها وعيونه تطلبها وتصب عليها العشق لتسيل دموعها عشقا والما نزل يهيم بها بهدوء لتستكين لبرهه ظل يلمسها لمسات حانيه لتذوب بين يديه لترتجف لتنساب ليزيد من قربه وقبلاته لتحس انها لم تعد قادره لتحاوطه بيدها رجف قلبه من السعاده اندفع وهام بها عشقا لفتره خلعت قلبه وروت شح مشاعره ليهيم ويهيم لتنساب بين يديه يتلقفها كيفما شاء ليحس ان حبيبته راضيه بين يديه مر وقتا تحامل علي نفسه ليبتعد وهيا مغيبه جميله وجهها يشع حمارا ...همس ....نفسي اكمل بس خايف منك ليحتضنها ويشدد عليها لتنام في احضانه خجوله مما فعلته ظل يمسد عليها ويغرقها في مشاعره وكلماته العاشقه لتحس براحه تنساب بداخلها لتنام اخيرا بين يدي حبيبها ليلصقها به ويحس براحه كانه كان في صراع هلك قلبه.
استيقظت ماسه في الصباح لتجده مكلبش فيها لتظل تراقبه خفق قلبها بهدوء جلست تراقبه وعيونها تشع عشقا .. ايه يا ماسه بتحبيه وهو بيحبك سامحي بقه تعالي علي نفسك . طب انا موجوعه بس بحبه كانت عيونها تنساب منها المشاعر تنهدت لتنتفض عندما فتح عينه لتحاول ان تبتعد احتضنها مسرعا ويلف ويركن عليها .
هتفت..... اوعي ايه فيه ايه.
ابتسم ابتسامه صافيه .. فيه احلي صباح علي احلي عيون.
هتفت .. اوعي كده..
ضحك ....يعني اصحي علي عيون حبيبي بتبصلي كده واوعي دا حتي عيب في حقي.
لترتبك.. ابصلك ابصلك ازاي انت عقلك خف اوعي بلاش هبل.
ضغط عليها لترتجف.... طب بصيلي وقوليلي ان حبيبي مكنش بيبص وسرحان وهيمان لما كل قلبي.
لتتململ .....اوعي بلا سرحان بلا بتاع اوعي انت ليك عين تكلمني بعد اللي حصل منك امبارح.
تنهد.. مش حبيبي راق ونام في حضني زي الملاك. دنا فضلت طول الليل ابص لقلبي ماعرفت انام من فرحتي لا واصحي علي عيونه اللي بتشع حب وحشتيني ووحشني عيونك الحلوه.
همست.... بطل بقه اوعي احنا مش كده.
ضحك.... مش كده ازاي داحنا كده وابو كده دا حبيبي بين ايديا بالدنيا بس صباحو قمر وهو قمر وانا سحت ونسكت بقه عشان انا جبت اخري لينهال عليها ويتوه معها لتنساب بين يديه وهو يطير بها ومعها الي دنيا عشقه الذي هلك قلبه ليبتعد اخيرا ويهمس لا انا كده كتر خيري وحبيبي يعقل بقه ويبقي مؤدب الا انا خلاص قررت اتجوز.
قطبت و ارتجفت.. تتجوز انت قليل الادب يعني قاعد تحب وتسحسح وجاي تقلي هتتجوز طبعا اكيد مش غبت عنك بقالي سنه لازمن تتجوز لتضربه.. روح اتجوز والا اخبط راسك في الحيط. لتقوم مغتاظه وهو مبهوتا لتذهب وتعود وتخبطه بس يكون في معلومك لو اتجوزت هنتطلق فاهم لتخبطه بالمخده مين السحليه اللي هتتجوزها نام اتخمد ونام علي قله ادبك لتتركه مذهولا وترزع الباب ..وهو مذهولا من تحولها ..مانا هتجوزك يا هبله ليجدها خرجت ومسكت احد علب الشامبو وكبتها عليه صارخه .،قوم بقه اتجوز والله لاقطعلك ديلك انام في حضنك وتقوم تتجوز جنازه تشيلك ..ومت عليه العلبه وتخرج محترقه ليظل جالسا ينظر لنفسه ويزيح الشامبو من علي وجهه . حبيبي اتجنن اه ليظل ساهما.. ليبتسم قلبه حبيبي غيران اتجوز ايه دانا هموت عليكي يا عبيطه سنينك.اعمل ايه اقوم ارقعها علقه تعقل به لا كظه خلاص والله لاخدها وهيا ماهتنطق .. ليتنهد ويقوم يري أشغاله. .
قامت وذهبت لجدها تقبله ليهتف.. عامله ايه حبيبتي كويسه.
هتفت..... كويسه يا جدو.
هتف.. طلعتي روحه والا لسه.
قطبت..... هو مين.
ضحك الجد .....هيكون مين اللي عليه العين اركان يا اخره صبري .
خجلت وهتفت .....بتقول ايه يا جدو.
هتف... بقول ليكي حقك تعملي وتسوي بس أركان فعلا اتظلم اننا خبينا كان المفروض اقوله انا جرحت رجولته مش ببررله عملته بس ليه حق يتوجع دا غير انه اتوجع قبل كده وانت بتحبيه. اهو بقاله يامه بيلف وراكي حاولي تحسي بيه انا مش بقول كده عشان حفيدي او اجبرك بس انا وقفتله ومفهمه اني مش هسيبك له وهو ماهموش وبيدور وراكي سامحي حبيبتي وعيشي .
سهمت هيا قليلاوتنهدت فهذا تريده فعلا لتحس انها لم تعد قادره علي بعده اكثر من ذلك لتقرر ان تسامحه وتعيش حياتها سعيده بحبيبها .
دخلت ساندي علي ماسه في العمل لتهتف.. ممكن نتكلم.
لتقف ماسه امامها .....اتفضلي .
هتفت.. ماما قالتلي اكلمك ونشوف حل للي بينا.
هتفت ماسه باستغراب.. وايه هو اللي بينا.
هتفت..... اركان يا ماسه اللي بينا.
هتفت ماسه .....بمعني.
لتقول ساندي.. شوفي يا ماسه من سنين وانا بحب اركان ومهيئه نفسي ابقي مراته جيتي انت لخبطي الدنيا وحصل اللي حصل وبعدتي سنه وانا ضبطت نفسي ارجعله تقومي ترجعي وتشغليه يبقي كده كتير.
لتغضب ماسه من وقاحتها لتهتف..... والمطلوب .
هتفت.... انت مش عايزه اركان سيبهولي يا ماسه.
بهتت ماسه.... اسيبهولك انت بتقولي ايه.
هتفت ساندي.... اللي سمعتيه انا واحده بقالي سنه بحاول انسيه وانت جيتي لخبطتي الدنيا بصي انا ماليش في لف والدوران عايزاه ترجعيله مش عايزاه سيبيه وانا اخده.
هتفت ماسه .....اظن دي حاجه خاصه.
هتفت ساندي .....خلاص اروح اقوله انك عايزاه.
لتنفعل ماسهوخجل.... انا ماقولتش كده مالك انت وهتاخديه ازاي.
هتفت.. بصي يا ماسه احنا بنسهر في شقته بالليل واظن انت عارفاها سهره فرفشه تعالي بالليل وشوفي اننا بقينا مع بعض وتصدقي انه نسي وانا قادره انسيه .الراجل لما الست تقرب منه حتي لو مش بيحبها مابيقدرش يقاوم انت بعيد ونافراه وانا حلوه وعايزاه وزي مانتي شايفه جسم مايتسابش.
لتشعر ماسه بالقرف... مش مصدقاكي اصلا اركان مش كده.
هتفت.... طب هبعتلك رساله بالليل مستنياكي تشوفيه في حضني اديني هتفق معامي لو بقي ليا تبعدي وماتدوريش عليه دي لعبه واللي يكسب خلاص التاني ينسحب هدوء وانا اهوه بتفق معاكي عليه يبقي ساعه لما تلاقيه في خضني تبعدي ... لتتركها
هتفت ماسه بوجع وخوف .... لا اركان مايعملش كده اركان بيحبني.. لتقضي اليوم وهيا مقهوره تحس انها ستجن. من كلام ساندي .
ذهبت ساندي لاركان لتهتف.... بقولك ايه يا روكي معلش عايزه مفتاح شقتك واحده صحبتي في زنقه ومحتاجه مكان ..خرج المفاتيح واعطاها لها لتذهب وتبدا في التخطيط لنهش قلب تلك الجميله .مر الوقت وبعثت لاركان برساله .. الحقني يا روكي صحبتي اتخانقنا ووقعتني مش قادره اتحرك دماغي اتخبطت في الترابيزه ..
هب هو بحسن نيه وذهب اليها وجدها علي ارض حجره النوم تتصنع البكاء كانت قد اعدت خطتها بعثت لماسه في تلك الاثناء ان اركان معها . حملها اركان وضعها عالفراش وهيا تبكي هتف... اجبلك دكتور هتفت.... لا اعملي عصير دايخه هموت.
قام يحضر لها العصير لتقوم وياتي هو لتأخذ العصير وتترنح وتوقعه عليه هتفت ببكاء ..... اسفه والله اسفه انا واحده مابتفهمش انا اصلا مش شايفه قدامي منها لله كت بنجدها تقوم تقهرني.
ليطبطب عليها.... محصلش حاجه حبيبتي عادي.
هتفت..... لا روح اقلعه انا هاخده الغساله اغسله وانشفه ..هتف ..مافيش داعي .
هتفت ..الغساله بتنشف في غشر دقايق ...
تنهد وخلع قميصه ليهتف .....لا انت تعبانه انا هعمله.
لتقوم وهيا تترنح.... لا يا روكي والنبي ماتقهرنيش عايزه اشغل نفسي انسي اللي صحبتي عملته. ليستسلم ويعطيها القميص ويجلس بالخارج .
دخلت الحمام وخطتها تسير كما هيا.
عند ماسه كانت قد بعثت لها ساندي رساله انها مع زوجها وهيا في احضانه وبعثت لها صوره لها تغمز لها باحد اركانوالشقه ...
اشتعلت ماسه لتذهب الي بهاء وتحكي له ...هتف.... انت هبله يا ماسه حد يتفق مع واحده علي جوزها لا طبعا ماصدقش ان اركان يعمل كده.
هتفت.... طب تعالي معايا خايفه.
هتف.... يا بنتي اعقلي بلاش هبل اركان مش كده ماتدوريش تخربيها ازاي اكتر العند اخرته وحشه.
هتفت...... مانا هروح وارتاح بس واصالحه والله هو خلاص انا هصالحه رغم انه وحش بس هصالحه.
تنهد.... عامله زي العيال عيني فيه واقول اخيه.. بصي هاجي معاكي بس ماليش دعوه لو ضربك ماهحوش عنك اركان مابيهزرش في الحاجات دي الا كرامته.هتتفقي عليه عيب كده هو مش لعبه بينكو اعقلي لو عرف هيزعل انه اتلعب عليه اركان في حته كده ماتتعديهاش .
هتفت..... طيب بس تعالي انا عارفه ان اركان مايعملش ومش هقوله حاجه ...كده بس حابه اقهرها عشان تسيبنا في حالنا يا بهاء انا مقهوره صحيح خبيت عليه بس كان غصب عني صحيح هو ليه حقة في حاجات بس انا اتوجعت من الدنيا وبطلعه عليه يستحملني شويه مش من حقي.
هتف ....اه حقك بس احنا الرجاله بنزهق من الخصام وهتيجي ساندي تصطاد وغيرها تصطاد البعد مش الحل .عندنا احنا لازم نحس بالست وتفضل قدام عنينا احنا مشاعرنا حسيه اكتر منكو البعد عندنا جفا وبيقسي القلب ازعلي براحتك بس ماتبعديش عنه لازم عينه تشوفك ويحس بيكي انما كتر النفر بعيد بيقسي غصب عنا.
لتتنهد.... طب يلا بس وهروح وابهدلها قدامه مش هسكتلها خلاص اركان بتاعي ويتنيل يصبر بقه علي ماتصالح.
هتف بهاء.... والله انت لاسعه بس لو عرف انك متفقه معاها هيطين عيشتك انت حره قولتلك بلاش هتقلب غم واحنا ماصدقنا الغم اللي فات هيروح بدماغك الطوبه دي.يا ماسه كلو الا انك تتفقي عليه .
لتشده.... يلا بس.. ليذهبو وتصعد هيا الاول وبهاء وراءها لتخبط علي الباب .
فتح لها اركان لتبهت كان عاري الصدر اندهش من وجودها ليهتف ماسه بتعملي ايه هنا ماقولتيش انك جايه.
لتحس بقلق كانت لا تصدق ولكن منظره اقلقها لتهتف انا كنت.. كنت معديه لقيت عربيتك ومعايا بهاء تحت اهوه قولت اعدي عليك .
اقترب كان لا يشغل باله بساندي. ليبتسم لها كان قلبها ياكلها لتحس انها اخطات فكيف تتفق مع تلك الحقيره ولا تصدق زوجها وتتركها تثبت لها ان زوجها خائن وتتفق عليه وتجعله يحس انه موضع اختبار وعدم ثقه...لتستدير وتهتف.. طب هستناك تحت مع بهاء لتسمع صوتا لتتسمر مكانها.. كانت ساندي قد خرجت لتهتف مين يا روكي. لتستدير ماسه ليهوي قلبها وتقف والوجع يمزق احشائها عندما وجدت ساندي في حاله خلعت قلبها عندما ....
هياخد اكتر بطل حزين في القاره 😆😆😆يا رب ماتكسبي ولا تربحي يا ساندي ..ولفي بينا يا دنيا ...