أنتهى الجزء التانى من القصة على زواج مصطفى من أيلن وتلميح يامن لقدر بحبة أو اعجابة الله أعلم وجدها رضوان كان شاهد،،،،،
جنة التى رجعت لزوجها هل تضحى بشغلها وحلمها من أجل أبنها ورعايته ،،
جاسر أبن حازم وزوجتة فيونا التى تزوجها جواز صالونات ومتحررة ولديهم أبنة التى تركوا تربيتها لهنادى تربيها ولسة لم يعلم الجميع أن جاسر وحازم لديهم عمل خاص غير مجال الهندسة وهو تجارة المخد رات ،،وكل منهما ورث واحد من أبناءة المهنة وجعلة زراعة اليمين ذى جاسر جعل مصطفى خليفتة وحازم إيضا جعل جاسر ابنة الكبير خليفتة ومازال يعيش فى المنصورة بعيد عن زوجتة وبنتة بحجة يراعى الشركة والحقيقة أبوة حازم بعدة عن الشبهات هنا ،
هل غيرة وطبع مصطفى تتحملها تلك الصغيرة زوجتة التى تشبة الأطفال بجمال ونقاء قلبها ،،،، هل يتفق حازم وجاسر مع رضوان بعد كل هذة السنوات وبينهم نسب ،،هل دارين وزين يكملوا العيشة فى القاهرة أم يرجعوا الإسكندرية تانى ،،،هل مازال يعملون فى النصب أو تابوا وأكتفوا بمهنة الاستراد والتصدير. هل ماضيهم يؤثر على حياة بنتهم الدكتور قدر هل تظهر شخصيات جديدة تابعونى
بسم الله يارب يعدى الجزء دة على خير
________
بعد أنتهاء الفرح والجميع واقف أمام القاعة والمفروض إيلن تذهب لفيلا أهل زوجها وتعيش فى غرفة زوجها الذى جهزها أن حبيبتة التى تزوة فى أحلامه وخيالة بداخلها ،يتحقق الحلم وتكون معة وشريكتة العمر كلة ،،
أمل بصدمة/ تسافر دلوقتى عارف الساعة كام وجزر المالديف
هنادى شهقت/ لازم تتآجل ،،،،لازم أطمن على بنتى فى يوم ذى دة لازم تريح من الأيام أللى فاتت علشان تتحمل السفر
جاسر أخوها/ سيبك منهم ربنا يسعدكم
يامن / مطعتلش نفسك يا عريس بقت مراتك خلى بالك من أختى
حازم بغضب لأولادة / يا ولاد الكلللللللللب بعتوا أختكم لية أقسم بالله محد بايت فيكم الليلة فى البييييت يلااااا يا هنادى ولا أحلف عليكى أنتى كمان
هنادى بعتاب لزوجها / حضنت بنتها وذى أى أم عيطت بزيادة ودعت لها ورحلت مع زوجها
أمل حضنت إيلن المنهارة وقالت / متزعليش يا مرات أبنى أبوكى حمااااااار وغبى ياريتة جوزى
جاسر تنحنح بضيق ،،،،،فقالت هى أي مغلطتش أيوة لو جوزى كنت نسلت شبشبى على دماغ أمة ،،أوووف ،،أستغفر الله العظيم بيخرجونى عن شعوري ،،لازم ترحوا الفيلا تاخدوا هدومكم الأول، ،
مصطفى بغرور/ كل حاجة جاهزة فى شنطة العربية من الظهر وسلم على أمل،
حضنت هى ابنها وقالت وهى تجاهد نفسها من الدموع مش بحب حد فيكم يبعد عنى أول مرة تسافر وتسبني سفر طويل كلمنى يا قلب أمك ،،،،ثم قالت فى أذنة ،بلاش تقرب من إيلن على طول لازم تستريح من السفر وأنت يا ضنايا متجهدش نفسك خليك هادى معها لو رفضت الموضوع دة براحة عليها دة بنت مقفول عليها بسبب أبوها الحما ر ،، لو بتحبها أستحملها ،،هز مصطفى رأسة بتفهم وقَبل إيد أمة وذهب لأبوة وحضنة أوووى فلا ينكر جاسر أن مصطفى لة معزة خاصة فى قلبة عن أولادة الاثنين أقصد إللى عايش منهم وهو محمود الرسام ، وزين ، وآيلن فى نفس الوقت بين أخواتها الصبيان جاسر ويامن تسلم عليهم
جاسر/ أسمعى كلام جوزك ،مصطفى بيحبك
يامن بمشاكسة/ أيوة وبالذات أول لقاء و٠٠٠٠ ثم قطع الكلام من نظرة عين أخوة لة الحارقة
جاسر/ متخليش حد يتحكم فى حياتك ثم نظر لفيونا التى تحمل بنتها الصغيرة نائمة ومحتاسة فيها فهى أم على الورق وبس ،،،وقال فى أذن أختة أيلن عارفة لو جوزك أو أنتى سمحتى حد يدخل بينكم حياتكم باظت ربنا يسعدك
إيلن 😭/بابا
ترجل مصطفى ليهم وشد إيلن منهم وقال كفاية بوس وأحضان كدة وفتح ليها سيارة وركبها برفق فى المقعد الخلفى وهو ركب بجوارها وقال لأبوة معلش يا جاسر بية سوق انت العربية وروح ،،أخد السواق يوصلني المطار ويرجع بعربيتى
يامن بأصرار/ لا أنا أوصلكم
مصطفى/ لا ،،
يامن /كدة أبويا طردنى الليلة دى أروح فين مليش فى جو الفنادق أوصلك وأرجع عربيتك للفيلا وذى بعضة أنام عند خالتى أمى وعمى جاسر
جاسر/ لا أبوك يرميك ويبلينى بيك وأنت مش بتريح نفسك عامل ذى محمد الله يرحمة، ،
أتنفضت أمل من ذكر أسم أبنها الشهيد ،،،أدرك جاسر غلطة سحبها لحضنة بسرعة وقال فى أذنها كلام خارج ،،ضحكت وضربتة فى صدرة وقالت أتلم مشبعتش قبل الفرح
يامن نظر ليهم نصف عين وقال الكلام على أية ههههه لا راشق معاكم فى الفيلا الليلة
أمل / تنور يا حبيبى،،، يلا يا محمود نروح
جنة بتوتر/ لا ياخالتى أصل عاملة حفلة صغيرة كدة ومفأجاة لمحمود
أمل/ فين يلا نحضرها
جنة بتوتر دعكت فى إيدها/ حفلة خاصة بصالح جوزى فى فندق صغير
أمل فهمت / ودعت لهم بالسعادة وقالت هاتى محمد أبنك معايا علشان مش يعطلكم 😉
جاسر بعصبية/ هو أية إللى هاتى الواد وطبعا الفيلا فاضية وتخلية ينام معانا والبأف دة كمان ،،وشاور على يامن وقال ،، موجود فى الفيلا كل واحد كيف نفسة واتنسيت محدش فكر فى كلمتى
نظرت لة أمل ورفعت حاجبها وحملت حفيدها الصغير النائم على كتفها وشاورت بأيدها بثقة وقالت جاسر بطل قلة أدب ورايا على العربية راجل مراهق صحيح ،،،،وتركتة وذهبت للسيارة ،،،
ضحك الاولاد على الموقف
ويامن صفر وقال حلاوتك يا خالتى يا مسيطرة ،،شدة مصطفى من ودنة وقال يلا يا سواق الكلب على المطار
يامن/ علشان خاطر أختى بس أعديها وكل واحد ذهب لحالة
بقلم نجلاءفتحى عاشقةالكلمات
______
فى غرفة لفندق لا بأس بيها ينظرون لبعضهم كفى عتاب من يبدآ بالخطوة الأولى والخجل عنوانهم فى هذا الشئ رغم بينهم أبن من بدآ بالمبادرة ويخفف جو التوتر ،تقدمت جنة وهى تفرك إيدها من التوتر نحو زوجها وتعلقت فى رقبتة وقالت عقلى كان فين فى بُعدى عنك حقك عليا يا فنان ،،
حاوط هو خصرها بكسوف وقال بلسان عاشق جنتى بعدت عنى بمزاجها هل رجعت بمزاجها ولا أنضغط عليها
ماذا تقول لة أتقول مامتة أمل السبب أتقول أبيها يعلق لها المشانق طول أقامتها عندة،،،قالت بكذب جنتك بتدلع عليك تقبل
محمود بهيام حضنها بتملك وتنفس وقال جنتى تدلع فى أى شئ تانى براحتها معدآ بعدها عندى أنا وأبنك محتاجين جنة معانا ، حاولت هى تمشى أمورها معاة وقالت بتصنع الابتسامة،،،، سعادتى معاك معاك أنت وبس وهنا نظر ليها زوجها وأبتسم وأمسك أيدها برفق وجلسوا على حرف السرير مثل عروسة وعريس أول ليلة ليهم والخجل عنوانهم وقضوا ليلة بالنسبة لهم فوق السحاب
_____
فى فيلا حازم يجلس فى مكتبة يدخن بشراسة بنتة الان مع راجل غيرة وعقلة يصور سيناريوهات تجننة وهنادى تحاول تقنعة زوجها وأى حاجة تحصل عادى حلال ربنا ،،وهو مصمم على رأية ،،،
_______
فى فندق أخر شهير ناموا بهدوء جاسر وزوجتة فيونا وبنتهم لأن حازم طردهم برا الفيلا هذة الليلة ،
_______
[فى فيلا جاسر]
نزلت أمل من السيارة ودخلت للداخل وهى تحمل حفيدها محمد النائم على كتفها و٠٠٠٠٠