رواية امل الحياه الجزء الثاني2 الفصل التاسع9 بقلم يارا عبد العزيز
انصدم بشده و ضربات قلبه زادت بخوف شديد لما ملاقاش اي اثر ليها في الاوضه و هدومها مش موجوده في غرفة الملابس
حاوط جبهته بايديه بغضب مفرط و اتكلم و هو بيخبط رجله في الدولاب بغضب
طلع من الاوضه بسرعه و مليون سناريو بيجوا في دماغه و اللي بيزود خوفه اكتر انها تروح لاهلها أو حد فيهم يعرف يوصلها
رحيل كانت قاعدة في التاكسي ، لاقيت مكالمات من تميم عرفت انه اكيد عرف انها خرجت من القصر
كنسلت عليه و دموعها على خدها و هي بتفتكر كل الكلام اللي قاله
رنيت على روان لياتيها الرد في الحال
= عامله ايه يعين ماما
بقلمي يارا عبدالعزيز
رحيل بدموع و صوت متحشرج
= ماما انا مشيت من قصر النصراوي و انا دلوقتي في الشارع و مش عارفه اعمل ايه انا هاجي سوهاج يا ماما و اللي يحصل يحصل هعمل كل اللي عمي يقول عليه عشان اسر يطلق فريده هي متستاهلش كل اللي بيحصلها بسببي
روان بلهفه و حده
= لا يا رحيل اوعي تيجي هنا عمك مش هيسبك يبنتي بعد اللي عاملتيه دا ناويلك على نوايا كلها شر اوعي يا رحيل مش هتستفيدي حاجه انتي اللي هتتأ.ذي اسر عايز فريده يا رحيل و مش هيطلقها حتى لو اتنازلتي عن املاك ابوكي دا عمك مولع منه بسبب انه مخلاش الدكتور حتى يشوفه و طلع على القاهره
رحيل بخوف شديد
= يعني اسر هنا!
روان بحنان و هي بتحاول تطمنها
= حبيبتي اهدي يروحي متخافيش اسر خلاص مركب دماغه على فريده و مش هيجي ناحيتك هو كل اللي في دماغه دلوقتي هيرجع فريده ازاي معرفش ايه اللي في دماغه بقى و ايه مصلحته المهم انك حتى لو قدام عينيه مش هيجي ناحيتك ارجعي يحبيبتى قصر النصراوي هو آمن مكان ليكي من عمك و محدش هيقدر يحميكي منه غير تميم جوزك ارجعي يحبيبتى احسنلك
رحيل بعصبية و بكاء
= لا يا ماما مستحيل انا مش عايزة اعيش مع تميم مش هذل نفسي تاني معاه حتى لو عمي هيمـ.وتني انا مش هرجع للقصر دا تاني و لا هعيش مع تميم تاني
روان بقله حيله
= اممم ماشي يا رحيل هديكي عنوان بيت اهلي دا عمك ميعرفش عنه حاجه روحي بس انهاردة لحد اما نشوف حل متفضليش في الشارع يحبيبتى المفاتيح مع البواب اما توصلي خليه يكلمني عشان يرضى يديكي المفتاح روحي هناك و اقفلي على نفسك و بكره نتكلم اكون شوفتلك حل ماشي يا يروحي و متخافيش يحبيبتى انا معاكي و مش هسيبك
هزيت رحيل راسها بهدوء و هي بتمسح دموعها و حاسه بغصه في قلبها و مخنـ.وقه من كل الكلام اللي قاله تميم وصلت البيت و طلعت الشقه
دخلت فرديت جسمها على السرير بارهاق و دموعها على خدها مجفتش
ريان كان قاعد في الجناح و حاسس انه مضايق من كل حاجه بتحصل مع ولاده حاسس انه محتاج حياة جانبه بس مينفعش يكون اناني و فريده محتاجها اكتر منه
فاق من شروده على خبط الباب
قام فتح و لاقى تميم قدامه و باين عليه الخوف الشديد
بصله باستغراب و دخل الجناح
تميم دخل وراه و اتكلم بخوف
= بابا عايز ماما هي فين!
ريان بهدوء
= انت مالك كدا فيه ايه!
بقلمي يارا عبدالعزيز
تميم بخوف
= رحيل سابت القصر و مش عارف راحت فين
بصله ريان بحده و اتكلم بغضب
= و السبب!
قولتلها حاجه صح يعني انا هلاقيها منك و لا من اختك و لا من اخوك دا و انتوا صغيرين مكنتوش بتعملوا مشاكل كدا روح شوفها فين و رجعها احنا مجبناش بنات الناس من بيتهم عشان نأ.ذيهم
تميم بهدوء و هو بيتنهد بعمق
= و الله كانت ساعه غضب مني مكنتش اقصد انا بس من زعلي على فريده و هي اللي طلعت قدامي
هجيبها يا بابا انا بس عايز ماما عشان معاها رقم والدتها اكيد هي عارفه رحيل راحت فين
ريان بحده
= والدتك عند فريده في اوضتها و ابقى طمني
هز تميم راسه بهدوء و مشي و هو الخوف لسه بينهش في قلبه
نزل تحت غرفه فريده
خرجتله حياه بعد ما سمعت صوته اتكلمت بقلق
= ايه يحبيبي انت كويس
تميم بهدوء
= ماما معاكي رقم والده رحيل انتي كنتي خدتيه منها صح عايزاه
حياة بصتله باستغراب و اتكلمت بخوف
= عايزاها في ايه!
تميم بدأ يحكيلها اللي حصل ، اتنفست حياة بعمق و اتكلمت بهدوء
= ماشي يحبيبي متخافش هي اكيد عارفه مكانها و رحيل طيبه هي بس صعبت عليها نفسها و مشيت انت بس راضيها و هتيجي معاك على طول بس اتكلم معاها براحه يتميم
خد منها الرقم و اتكلم بهدوء
= هي فريده كويسه
حياة بحنان
= ايوا يحبيبى زي الفل
هز راسه بهدوء و مشي بمجرد ما طلع الجنينه ركب عربيته و رن على روان و خد منها عنوان رحيل
و طلع على المكان اللي قالت عليه
رحيل كانت خارجه من الحمام لابسه البرنص
سمعت صوت جرس الباب اللي مبطلش ، خرجت الصاله بخوف شديد و وقفت ورا الباب
اتكلمت بخوف
= مين!
اتنفس و هو بيطلع كل خوفه بمجرد ما سمع صوتها و اتكلم بهدوء
= افتحي يا رحيل
اتنهدت بغضب مفرط و فتحت الباب ، بصتله بدموع و دخلت
دخل وراها و قفل الباب
قعد على الكنبه
اتكلمت رحيل بحده
= جاي ليه يا تميم!
المفروض تكون فرحان اني مشيت هو مش انت ندمان على انك عرفتني و اتجوزتني جاي ليه بقى
تميم بهدوء
= بصي يا رحيل انا لحد دلوقتي مش عايز ازعلك على خروجك من البيت في وقت زي دا و من غير اذني مع ان اللي عاملتيه دا مش اخلاق واحدة متجوزه و انتي عارفه كويس اوي انك غلطانه
اتكلمت بغضب مفرط و هي بتقف قدامه
= هو انت بعد كل اللي انت قولته جاي دلوقتي تغلطني!
جاي تزود عليا طلعتني وش المصايب و دلوقتي بتطلعني مش متربيه و معنديش اخلاق
لو انت جاي عشان تزودها عليا امشي احسن و طلقني قبل ما تمشي كفايه عليا ذُ.ل منك بقى امشييي يا تميم امشييي انا مش طايقاك و مش طايقه نفسي
قام وقف و اتكلم بحده
= خبيره في تكبير المواضيع!
عشان شويه كلام قولتهم في ساعه غضب و خرجت بعدها على طول عشان احميكي من غضبي خديتي هدومك وطلعتي من البيت الساعه اتنين بعد نص الليل من غير ما تقولي لجوزك حتى و لغيتي وجودي خالص كنتي هتخسري حاجه لو كنتي رنيتي عليا و قولتلي تميم تعال انا عايزه اتكلم معاك و لا لأ متبقاش الست رحيل لو معملتش من حاجة صغيره مشكله كبيره
قال كلامه و قرب منها جدا و شبك ايديها في ايديه و اتكلم بهدوء
= عارفه لولا اني عارف ان الكلام اللي قولته زعلك و انك نفسك صعبت عليكي كان زماني دلوقتي مزعلك اوي يا رحيل و دا مش معناه اني مش هعاقبك بس مش دلوقتي عشان انتي لسه زعلانة
اتوترت من قربه الشديد منها و كانت لسه هتبعد بس مسك ايديها و قربها منه اكتر
خديت نفس عميق و اتكلمت برقه
= انت جاي هنا ليه!
رفع حاجبه بأستغراب و اتكلم بهمس و هو بيحرك ايديه على وشها بحنان
= جاي اخاد مراتي و ارجعها بيتها بس قبلها لازم اعتذر منها الاول على اللي قولته
كمل كلامه و هو بيقـ.بل باطن يديها بعمق عده قبلا.ت
= اسف عارف ان كل اللي قولته كان صعب بس و الله العظيم ما كان قصدي اي حاجه قولتها انا بس كنت مخنـ.وق و متعصب عشان اللي حصل مع فريده و انتي المفروض كنتي حاولتي تمتصي غضبي و تقدريه رحيل انا باجي عند اي حد من عيلتي و مش بشوف قدامي و خصوصاً فريده لانها بريئه اوي و بسبب برائتها دي الكل بيجي عليها دا غير انها بنتي انا اللي مربيها قولي ايه اللي يرضيكي و انا هعمله بس تعالي دلوقتي معايا بيتك
اتكلمت بدموع
= محتاجه ابقى لوحدي كام يوم انا مش عارفه انسى كل اللي انت قولته انت وجعتني اوي يا تميم حسستني اني حِمل كبير اوي عليك حقك على فكره انا السبب في كل اللي حصل مع فريده و انا لسه عند كلامي لو الحل ان اسر يطلق فريده اني اروح و اتنازل عن كل املاكي انا بجد معنديش اي مشكله اعمل كدا المهم فريده تبقى كويسه و تتخلص من كل اللي حصلها بسببي
اتنفس بغضب و اتكلم بهدوء منافي لي اللي جواه
= انا مش عايزاك تروحي و فريده انا عارف كويس هخلصها من الزبا.له دا ازاي يلا ادخلي البسي و هاتي هدومك هنرجع القصر
رحيل بحده
= مش عايزه امشي يا تميم محتاجه ابقى لوحدي مش هروح في حته انا هفضل هنا
بعد عنها و قعد على الكنبه ببرود
= خلاص نعقد هنا لحد اما تهدي
كانت لسه هتتكلم بس قاطعها و هو بيتكلم ببرود
= هتعرفي تعملي اكل و لا انزل اجيب
ضر.بت الارض برجليها بغضب زي الاطفال و دخلت الاوضه عشان تلبس
بص لطيفها و ابتسم بحب
لاحظ خروجها من الاوضه و دخولها المطبخ ، وقف على باب المطبخ و اتكلم بحزن
= بتعيطي ليه دلوقتي!
اعمل متابعه لصفحه الكاتبه يارا عبدالعزيز بينزل عندها قبل اي حد
هتفت بغضب و هو لسه مكمله اللي بتعمله و من غير ما تبصله
= انت مش بتديني اي فرصه افكر في حاجه و اقعد مع نفسي ديما بتحطني قدام الامر الواقع
وقف جانبها و لفها ليه و اتكلم بحنان
= عشان انتي لو اتسابتي هتبوظي الدنيا و هتأ.ذي نفسك مينفعش اسيبك لوحدك هنا مش هأمن عليكي اعتبريني مش موجود انا مش هعملك اي ازعاج و هنام في اوضه تانيه غير اللي انتي هتنامي فيها المهم بطلي عياط
كان لسه هيمشي بس مسكت فيه و حطيت راسها على صدره و اتكلمت بشهقات
= تميم متسبنيش انا عايزاك جانبي حاسه اني وحيده و مليش حد و باللي انت قولته حسستني اني عبٔ عليك و انك بس مخليني عشان تساعدني و بس و انا مش هقدر استحمل دا
ربط على ضهرها و اتكلم بحنان
= مين قال كدا!
شويه الكلام الاهبل اللي قولته في ساعه غضب رحيل انا تميم النصراوي و عندي مليون طريقه اجيب بيها حقك غير الجواز منك بس انا عايزاك و مش عشان اللي جيه في دماغك
طلعت من حضنه و بصتله ببأبتسامه خجل
مسك ايديها و قعدها على تربيزه السفره و اتكلم بحنان
= اقعدي هنا بقى و شوفي مهارات جوزك في الطبخ
ابتسمت بحب و اتكلمت برقه
= وريني يباشا
بقلمي يارا عبدالعزيز
خلع قميصه و حاطه على كرسي السفره و قرب منها و قبـ ل خدها بعمق اتحولت لعده قبلا ت على كل انش في وجهها
مسكت في ايديه و اتكلمت بخجل
= مش هتعمل الاكل!
مرر ضهر انامله على خدها و اتنهد بعمق
= هتحني امتى!
مش كفايه كدا
خفضت رأسها و اتكلمت بخجل و هي بتتهرب منه
= انا جعانه
اتنهد بقله حيله و بدأ يعمل الاكل بمهاره تحت نظرات الحب الشديد منها
في الصباح
و بالتحديد في كليه التجاره جامعه القاهره
دخل فارس مدرج الفرقه التالته عشان يبدا المحاضره
بمجرد ما دخل مليكه بصتله و ابتسمت بحب و هي بتفتكر كلامه اللي قاله الليله الماضيه
بدأ يكتب على السبوره و هو مديهم ضهره و بيبتسم على تصرفاتها
كانت قاعدة مركزه مع شرحه لحد اما سمعت بنتين بيتكلموا قدامها بهمس
= جميل اوي صح!
بفكر بعد ما يخلص اسأله على حاجه يمكن يشوفني و يحس بيا
كانت قاعدة مكوره ايديها بغضب مفرط و بتحاول تهدي نفسها بس كلامهم خلاها مش قادره
اتكلمت البنت الاخرى
= و الله تبقي جدعه لو عرفتي توقعيه هو باين مش متجوز و اعتقد ان اللي زيه ملوش في الارتباط ادخلي عليه بأساليبك كلها لحد اما توقعيه يمكن يتجوزك
أتكلمت مليكه بصوت عالي و هي بتبص لفارس
= يا دكتور لو سمحت البنتين دول قاعدين يتغزلوا فيك و انا مش سامعه حاجه منهم
اتكلمت واحدة منهم بغضب
= محصلش يا دكتور دا هي اللي قاعده تقول حلو و جميل و ياريت اعرف اوقعه
مليكه قامت وقفت و بصتلها بغضب مفرط
= انا!
طب تعالي بقى عشان انا ساكتلك من الصبح
قالت كلامها و مسكتها من شعرها بقوه
فارس راح عندهم بسرعه و اتكلم بغضب مفرط و صوت عالي
= مليكه سبيها مليكه بقولك سبيها
مليكه بصتله بدموع و اتكلمت بصوت متحشرج
= و الله هي كد.ابه هي اللي قاعده تتغزل فيك قدامي
فارس بغضب مفرط
= انتوا التلاته برا و استنوني في مكتبي على ما اخلص المحاضره يلااا
اتنفضت مليكه بخوف شديد و طلعت من المدرج و هي ماسكه دموعها من انها تنزل بالعافيه تحت نظرات الغضب منه
خرجت برا المدرج و بصتلهم بحده و غضب و طلعت قعدت في الكافتيريا و هي بتعيط
خلص المحاضره و دخل مكتبه لاقى البنتين موجودين و مليكه مش معاهم
بصلهم و اتكلم بحده
= كنتي بتقولي ايه بقى
بقلمي يارا عبدالعزيز
اتكلمت البنت بخوف و توتر
= هي اللي قعدت تتغزل في حضرتك و قالت ياريت اعرف اوقعه
فارس بهدوء ما قبل العاصفه
= و ايه كمان!
بصتله البنت و بلعت ما في جوافها بخوف شديد
ضر.ب على تربيزة مكتبه بغضب و اتكلم بفحيح
= و ايه كمان بسألك!
البنتين بصوله بخوف شديد و محدش فيهم اتكلم
مسك هاتفه و رن عليها اتكلم بهدوء
= هو انا مش قولتلك استنيني في المكتب و لا انا كلامي مبيتسمعش
مليكه بدموع
= عشان تسويني بيهم و انا اللي مراتك و تيجي عليا زي كل مره صح انا مش جايه يا دكتور و إن شاء الله حتى تفصلني من الكليه كلها
فارس بحده
= طب تعالي يا مليكه و متختبريش صبري عليكي اكتر من كدا
اتنهدت بضيق و قفلت المكالمه و قامت و راحت مكتبه
خبطت بهدوء و دخلت
فارس قام و راح عندها و حاوط كتفها بحنان
= كنتي بتقولي ايه بقى بتقول ياريت اعرف اوقعه قولتي كدا صح طب هتوقعني ليه
البنت بصتلهم باستغراب و اتكلمت بخوف
= عشان حضرتك تتجوزها
فارس بحده= اتجوزها!
طب ما هي مراتي كملي كملي و الله كلامك بيضحك
البنت بصتله بخوف شديد ، اتكلم فارس بغضب مفرط
= فصل من الكليه لمده اسبوعين دا غير ان مادتي انتوا الاتنين شلتوها يلا برا المكتب و الكليه كلها و ملمحش وش اي واحدة فيكم لمده اسبوعين و محاضرتي محدش فيكم يحضرها
البنات بصوله بخوف شديد و كانوا لسه هيمشوا بس وقفهم و هو بيتكلم بغضب
= اعتذروا منها الاول و بعدين امشوا
بصولها بغضب و اعتذروا منها و خرجوا و هم بيتوعدوا ليها
مليكه بصيت لطفيهم و هي بتبتسم بانتصار
فاقت على فارس اللي حضنها من ضهرها بحب و اتكلم بهمس
= حلو كدا
التفت ليه و اتكلمت برقه و هي بتحرك ضهر أناملها على خده برقه
= لسه ممكن الكل يعرف اننا متجوزين
قبـ.ل خدها برقه و اتكلم بحنان
= بس كدا اعتبري الجامعه كلها عرفت مش الكليه بس المهم متبقيش زعلانة
هزيت راسها ببأبتسامه ، اتكلم بهمس
= فاضل لسه نص ساعه على محاضرتك الجايه تعالي نقعدهم هنا و بعدين امشي
قال كلامه و قفل الباب بالمفتاح و مسك ايديها و قعد على الكنبه و قعدها على رجله و حضن رقبتها بايديه
أتكلمت بحزن
= ابيه عدي هيسافر اسكندريه عشان محتاجينه في الجامعة هناك هيعقد شهرين و ماما زعلانة خالص عليه
همس بحنان
= طب ما انتوا متعودين على شغل عدي و ايه اللي فيها
مليكه بحزن
= المشكله مش في كدا المشكله انه اكيد هيشوف تيا هناك و ماما خايفه من كدا انا مش عارفه ايه اللي يخليه يوافق حابب يوجع نفسه و خلاص
فارس بهدوء
= او يوجعها هي متخافيش على عدي خافي على تيا منه و من غضبه
اتكلمت بهمس و هي بتحط راسها على صدره
= ربنا يستر
في محافظة الإسكندرية
و بالتحديد في كلية الطب
دخل عدي بكل هيبته و اتكلم بهدوء
= اهلا بيكم دكتور عدي الهواري هديكم بدل دكتور امجد لحد اما يقوم بالسلامة نبدا محاضرتنا
بص على كل الموجودين و هو بيدور بعينه عليها
لحد اما لاقها بتفتح الباب و بتتكلم و هي بتنهج
= اسفه يا دكتور امجد بس.....
قاطعت كلامها و هي بتبصله بصدمه كبيره اتكلمت بهمس
= عدي!
اتكلم عدي بحده و هو بيبصلها بغضب
= عشان اول يوم ليا و انتوا مش متعودين هدخلك بس بعد كدا هتنطردي اتفضلي
بصتله بخوف شديد و ضربات قلبها شبه بتقف كانت هتقع بس سندت على البينج اللي قدامها و اتكلمت بصوت مرتعش و دموع
= انا هخرج حاسه اني دايخه مش هقدر اقعد لو سمحت انا بستأذن عن المحاضره
اتكلم برسميه و هو بيبصلها بغضب
= اتفضلي بس هتتسجلي غياب
هزيت راسها بخوف و خرجت بسرعه و هي بتهرب من نظراته ليها اللي كانت مليانه حده و غضب
دخلت الحمام و فضلت تعيط بقوه و هي بتفتكر كل اللي حصل ، مسحت دموعها بسرعه و غسلت وشها و خرجت قعدت في المكتبه
بعد نص ساعه لاقته داخل بيعقد جانبها و بيتكلم بحده
= عشر دقايق بالظبط و الاقيكي تحت في عربيتي و من غير شوشره
بصتله بخوف و اتكلمت بصوت مرتعش مهزوز
= انت عايز مني ايه!
تجاهلها و قام وقف و خرج برا المكتبه و نزل
بصيت لطيفه بخوف و نزلت وراه ، ركبت العربيه و اتكلمت بقوه عكس اللي جواها من خوف
= نعم!
طلع بالعربيه من غير ما يتكلم وقف قدام عماره كبيره و اتكلم بحده
= انزلي عايزاك في موضوع
اتكلمت بحده
= مش هنزل قول اللي انت عايز تقوله هنا انا مش طالعه معاك و مش هبقى معاك لوحدي في اي مكان
همس بفحيح و هو بيمسك ايديها بقوه
= انزلي يا تيا بدل ما انزلك انا غصبن عنك
فضلت قاعدة على كرسي العربيه من غير ما تتحرك
نزل من العربيه و فتحها من ناحيتها و شالها بغضب متجاهل تماما بكائها و توسلها بانه يسيبها و رعشه جسدها بين ايديه
طلع شقته و دخل اوضتهم و وقعها على السرير بغضب مفرط و