رواية غرام نمر الصعيد الفصل الخامس عشر15والسادس عشر16 بقلم نرمين حمدي
غرام: اعمل الي تعمله ووريني هيصدقك ازاي
أدهم بعتلها التسجيل بتاعها في لحظتها: طيب اسمعي كدا وشوفي انتي بقي هيصدقني ولا لا
غرام سمعت التسجيل واتصدمت دا غير ان قاصص الجزء الي بتقوله فيه نهرب بس لكن الباقي مش موجود: انت ند*ل وواط*ي
أدهم: منا عارف ها بقي هتيجي امتي
غرام: ياأدهم انا دلوقتي متجوزه مينفعش اعمل كدا ابوس ايدك متعملش فياكدا
أدهم: ومكونتيش علي ذمته وانتي جايه تقوليلي نهرب
غرام بعصبيه: كانت غلطه وبضر*ب نفسي بالجذمه دلوقتي
أدهم: مش مشكلتي بقي لكن لوتسمعي الكلام من غير عند مكنش زماني بهددك دلوقتي لكن انتي غبيه مسكالي في المبادئ والاخلاق واحد ذي جوزك ديه مبيعملش حاجه غير انه بيظلم في الناس ويقهرهم اوقفي جنبي ونجيبه الارض
غرام بتلقائيه: اهو الظالم والقادر ده حسسني بأمان عمري محسيته معاك علي الاقل مفيش حد يقدر ياخدني منه وهو يقف يتفرج
أدهم: الله الله الله دا احنا وقعنا ومحدش سمي علينا بقي
غرام: ملكش زفت دعوه وسيبني في حالي وإلا انا الي هقوله علي كل حاجه والي يحصل يحصل بقي
أدهم: معاكي يومين لو مجتيش قولي علي نفسك وعلي عمي يارحمان يارحيم عشان انتي مش متوقعه الي هعمله ياغرام
غرام قفلت في وشه السكه وفضلت تعيط كتير
اما عن يونس فكان بياخد شاور
في الحمام الي برا الاوضه وخرج وهو لابس فانلا حمالات سوده وبنطلون تحت الركبه بشويه صغيرين ليرن جرس الشقه ويفتح يونس ليجد فتاه جميله في اوائل العشرينات بمجرد مشافت يونس قلبها وقع في رجليها وفضلت متنحه فيه ويونس فضل يحرك ايده يمين وشمال قدام عنيها عشان تفوق
لحد مغرام خرجت ولقته واقف علي الباب لتذهب اليه وتجد تلك الفتاه تنظر اليه بنظرات اعجاب
غرام الدم غلي في عروقها واضايقت جدا وهي بتبصله كدا وكانت عايزه تمسكها تضر*بها قلم يفوقها: في اي ياحبيبتي متبصيلي ولا انتي مش شايفاني
البنت فجأه فاقت وبصت لغرام ونظرها بيجي علي يونس الي دخل وقعد علي كنبه الانتريه ورجله علي الترابيزه لتلاحظ غرام وتسند بيدها علي الباب لتحجب عنها الرؤيه: هو ممكن نتعرف ونبقي صحاب انا ساكنه جديد في العماره هنا
غرام بضيق: لا معلش اصل احنا مش مطولين هنا الظاهر اننا هنمشي انهارده
البنت: لي كدا بس
غرام: معلش بقي نصيب يلا عن اذنك
البنت مشيت وهي بتفكر في يونس
البنت في سرها: يالهوووي دا اكيد مش طبيعي اي كل الجمال دا يابختك يابنت المحظوظه
غرام قفلت الباب وجواها نار مش عارفه مصدرها اي لتذهب ليونس وتقف امامه غاضبه: هو في اي بالظبط
يونس ماسك موبايله: في ايه
غرام اخدت الموبايل منه: علي فكره انا بكلمك
يونس ينزل قدمه من علي الترابيزه وينظر لها وبهدوء مرعب يمد يده: الموبايل
غرام بتهور وغضب شديد رمت الموبايل علي الارض واتكسر لميلون حته: اهو الموبايل
يونس بغضب: ايه الي انتي عملتيه ديه
غرام بغضب اكثر وهي مش عارفه بتقول ايه: ولو فكرت تتكلم مع بنت تاني هكسر الشقه دي كلها وهولع في العماره بالي فيها
يونس فضل متنح وبعدين وقف وابتسم بخبث وحط ايده في جيوبه: اه دا الموضوع موضوع غيره بجي
غرام بتراجع: غيره اااا لا طبعا غيره ايه انا رايحه المطبخ
ليجذبها يونس علي الحائط: ومين يعوضني علي الموبايل الي اتكسر ميت حته ديه
غرام هديت: انا اسفه انا مش عارفه عملت كدا ازاي
يونس بخبث: أسفك مش مجبول بس لو جولتيلي عملتي كديه ليه ممكن اجبله
غرام بتتهرب: انا هروح الم الزجاج ديه بعد اذنك
يونس مسكها ورجعها مكانها تاني: ايه الادب والاحترام ديه كله
غرام بتبص علي الموبايل الي كسرته ميت حته وهي مش مصدقه عملت كدا ازاي ولي اصلا
يونس بص علي الموبايل هو كمان: دا انتي زعلانه عليه اكتر مني
غرام: انا كنت متوقعه تضربني بالقلم بس انت خالفت توقعاتي
يونس: بصراحه كنت ناوي بس الحلو غار فيعمل الي هو عايزه
غرام: احمم انا مغرتش
يونس: اعمليلي جهوه مصدع اصل كلامك مش علي هوايا
غرام: طيب
غرام دخلت المطبخ وعملت القهوه وخرجت لقيته في البلكونه مولع سجا*ره وسرحان
حطت القهوه قدامه وكانت ماشيه بس هو جذبها وحاوطها بايده بيبه وبين سور البلكونه وبضيق: جهزي الشنطه ماشين الليله
غرام: دا بجد
يونس: امال هزار يعني
غرام: طيب لي
يونس: مش هو ديه الي انتي عايزاه ومصدعاني بيه وبعدين انتي نسيتي اني متجوز واحده تانيه وليها حج عليا
غرام: اه يعني انت عايز تمشي عشان فريده وحشتك مش كدا
يونس: ايوا عشان فريده وحشتني
غرام ملامح وشها اتغيرت للغضب ومشيت من قدامه عشان تحضر الشنطه فضلت تاخد الهدون من الدولاب وترميها بقوه في الشنطه
******
في السرايا
الكل قاعدين علي السفره بيفطروا
جليله: هو يونس فين كل ديه
فريده: شكله ابنك نسي انك متجوزني يامرات عمي
جليله: ينسي كيف بس هو بس تلاجيه في حاجه مضيجاه
فريده: اه فقرر يريح اعصابه معاها مش كدا
عتمان: مهي دي مرته برضو وبعدين هو بيعمل كل ديه ليه مش عشانك
ولا احنا الي هنعيده هنزيده
صباح: لاه ياعمي اعمل الي يريحك وفريده مش معترضه
عتمان: اه صح زين انا لجيتلك عروسه هتدعيلي عليها
زين بصله: جولتلك ياجدي مش وجته
عتمان: لاه هيحصل وذي مايونس اتجوز الي علي مزاجي انت كمان هتتجوز الي علي مزاجي ولا كلامي مبجاش يمشي عليكم ياولاد النمر
زين: يمشي ياجدي بس
جليله: مبسش ياولدي شوفها يمكن تعجبك
زين بص لورد الي كانت بصاله وعايزاه يقول لا بس هو صدمها: من غير مشوفها انا واثق في زوقك كفايه انها تكون اصيله
عتمان: عفارم عليك ياولدي البت دي تبجي بت عاصم السوالمي مفيش لا في ادبها ولا اخلاجها
زين بزعل: ماشي ياجدي
عتمان مقدر زعله لانه كان عايز ورد وفي نفس الوقت مش عايزه يستني تلت سنين وفي الاخر ميحصلش نصيب بينهم
***
يونس وغرام نزلو وركبوا العربيه ومتكلموش ولا حرف لحد موصلو
واول مدخلو السرايا فريده حضنت يونس جامد اوي: وحشتني اوي اوي اوي
غرام بصتلهم ووشها قلب لحد محست بألم بسيط جدا وراح في لحظتها
جليله: كنتو فين ياولدي جلجتونا عليكم
يونس: وتجلجو عليا ليه عيل صغير انا
عتمان: وهتكبر عليا انا ياد
يونس: لا عاش ولا كان الي يكبر عليك يانمر
غرام حست بألم تاني بسيط برضو 😕
الفصل السادس عشر
غرام حست بألم تاني بسيط: طيب عن اذنكم ياجماعه
جليله: روحي يابتي
يونس منزلش عينه من عليها لحد مطلعت السلم
زين: حمدلله ع السلامه يابو عمه
يونس وزين حضنو بعض: الله يسلمك ياخوي
زين يهمس له: عجبتك للدرجه دي
يونس يهمس له: لم نفسك وعدي يومك
عتمان: ع العموم كويس انك جيت كتب كتاب زين كمان يومين
يونس: مبرووووووك يازين
زين بزعل: الله يبارك فيك
يونس: ومين بجي الي امها داعيالها دي
عتمان: بت عاصم السوالمي ايه رأيك
يونس: مشوفتهاش جبل كديه بس سمعت عنها كلام زين
عتمان: اهاا شوفت يازين انا مش هخطارلك اي واحده كديه وخلاص لازم واحده تليج بعيله النمر
فريده بغرور: يعني هي الي فوق دي تليق بعيله النمر
يونس بحده: ومتليجش ليه مش كفايه انها هي الي هتجيب الولد الي نفسي فيه
فريده الدم بيغلي في عروقها من كلامه عليها: شايف ياجدو بيدافع عنها ازاي
عتمان: وانتي حطاها في دماغك ليه غرام مجرد فتره وهتعدي
فريده: لا دا ناوي يكمل معاها مش كدا يايونس ولا اي دا مش كلام واحد ناوي يطلق
يونس بغضب: اطلعي فوج
فريده بتطلع فوق وهي متعصبه
جليله بتهمس ليونس: براحه عليها مش كديه دي مرتك برضو ومن حجها تغير عليك
يونس افتكر غيره غرام عليه وجنونها لما بس فتح الباب للبنت: غيره! تعرف ايه هي عن الغيره يلا تصبحوا علي خير
****
غرام حطت الهدوم في الدولاب واخدت بيجامه وراحت تاخد شاور
ليدخل يونس الغرفه ويغلق الباب
يونس: غرام
غرام: ايوا انا في الحمام
يونس: طيب فين هدومي
غرام: حطيتهم في الدولاب عندك
يونس: لسه هياخد الهدوم سمع غرام بتكح في الاول مداش الموضوع اهتمام بس لما الموضوع زادت لدرجه انها قعدت خمس دقايق متواصله بتكح بطريقه مش طبيعيه
يونس خبط علي الباب: انتي كويسه
غرام بتحاول تتكلم بس الكحه مش سيباها
يونس كسر الباب ودخل لاقاها لافه المنشفه علي جسم*ها ومنزله راسها في حوض الحمام ومشغله الميه يونس بيروحلها وبيرفعلها شعرها: مالك ياغرام
غرام وشها بقي اصفر ورفعت راسها وسندت علي ايد يونس: انا كويسه كويسه
يونس بخوف شديد يضع يده علي وجهها: كويسه ايه انتي وشك اصفر
غرام: متخافش تلاقيهم شويه برد بس
يونس: لا انا مش مرتاح يلا البسي ونروح لدكتور
غرام: صدقني انا مفيش حاجه بتوجعني انا كويسه
يونس بيخبط علي الحائط وبغضب: لازم لازم ***ام العند ديه
غرام بتخاف من غضبه وبتعيط وبتترمي في حضنه بتلقائيه: كفايه عصبيه انت مصمم تخوفني منك
يونس قلبه بيقع في رجليه خاصه ان المره دي هي الي قربت منه وحضنته فما فعلته جعله يلين وينسي غضبه ليضع يده علي شعرها برفق وبهدوء: وهو انا بتعصب ليه يعني مش عشان خايف عليكي
غرام بتطلع من حضنه: خليك كدا علطول هادي وحنين مش عايزه اشوف يونس التاني
يونس: طلاج معارف كيف كلمه منك بتهديني كديه.... يلا خلصي واطلعيلي عايزك
غرام: حاضر
***
في غرفه فريده
صباح: انتي يابت اتجنيتي
فريده: ياماما انتو لي مش عايزين تفهموا البت دي خدت عقله خلاص يعني الولد هيتكتب باسمها
صباح: والعمل الي عملناه ديه مش هيموتها ويخلصنا منها ولا انتي نسيتي
فريده بسخريه: عمل اه العمل الي انا مش شيفاله اي تأثير لدلوقتي دا حتي يونس سابني ورحلها مشبعش منها طول الفتره دي
صباح: اتهدي بجي واعرفي مصلحتك فين من مصلحتك ان البت دي تفضل عايشه لحد متجيب الواد ونخلص منها
*****
غرام خرجت من الحمام ويونس كان قاعد علي الكنبه مولع سجار*ه ووقفت قدامه
يونس طفي السجاره وسحبها من ايديها وقعدها علي الترابيزه الي قدامه وقال بهدوء: انا بجالي فتره مش جليله معاكي ضايجتك فيهم كتير وعملتي حاجات غصب عنك كتير انهارده انا هبات عند فريده وهترتاحي مني شويه
يونس جاب سيره فريده من هنا وغرام حست بنار جواها من هنا هي كانت بتتمني انه يبقي ليها لوحدها ويبات معاها هي حتي لو هيخليها تعمل حاجات غصب عنها بس هي اتعودت علي وجوده معاها وبتمثيل: ماشي بات معاها
يونس حس من نبره صوتها انه بعد ميخرج مش هتخلي حاجه في الاوضه سليمه: تصبحي علي خير
غرام مرديتش ترد عليه وبمجرد مخرج رمت كل الي علي التسريحه في الارض وهدومه طلعتها من الدولاب ورمتها علي الارض وفضلت تعيط: ايه الي بتعمليه دا ياغرام بتغيري عليه؟.... بتغيري عليه من مراته الاولنيه وهو ولا شايفك اساسا وراحلها وسابك
لتمسك موبايله بتهور وبغضب من يونس وبتتصل علي أدهم
أدهم: روحي
غرام: انا جيالك بكرا بس لو فكرت تقرب مني ولا تعمل حاجه هيبقي عليا وعلي اعدائي
أدهم: وانتي تعرفي عني كدا انا عايزك ندردش مع بعض شويه
غرام فضلت تعيط لحد منامت علي هدوم يونس المرميه علي الارض
لحد بعد نص الليل الباب بيتفتح ويونس بيدخل وبيتصدم من منظر الاوضه لتقع عينه عليها وهي نايمه علي هدومه ليجلس علي الكنبه ويضع يده علي رأسه حتي استيقظت غرام وذهبت اليه وجلست علي ركبتيها امامه واضعه يدها علي قدميه ليبعد هو يده عن رأسه وينظر لما فعلته في الغرفه: ينفع كديه
غرام بصت علي الاوضه بصدمه وكأنها ليست الفاعله: اسفه
يونس: علي كدا كل مروحلها هتعملي كديه
غرام بحزن: غصب عني والله انا عارفه انها مراتك وليها حق عليك بس دي حاجه مش بايدي
يونس ينزل رأسه لمستواها: امال ب يد مين؟
غرام: بايدك انت.... طلقني وارتاح مني ومن الي بعمله ده
يونس اتنهد وبابتسامه: ولو طلجتك مين يكسر ويبهدل الدنيا كديه
غرام قامت من علي الارض وقعدت علي رجله: يعني انت عمرك مهتسبني ابدا مش كدا
يونس: الله الله الله الجرأه بجت وخدانا اهاا
غرام كانت قايمه بغضب: اه نسيت اصل المكان دا من حق فريده بس
ليسحبها هو من زراعها ويجلسها: يابت اعجلي دا انا سايبها وجايلك
ليقترب من شفتيها ويطبع قبله قويه يعبر بها عن اشتياقه لها
ليحملها يونس بين زراعيه ويضعها علي السرير ويفك زراير قميصه وهو ينظر لها
ثم جذبها اليه وظل يقبلها كثير وكأنه يعوض الساعات القليله الذي قضاها بعيد عنها
*
في اليوم التالي
أدهم بيتصل
غرام: في اي قولتلك جايه انت مبتفهمش
أدهم: مستنيكي
*
عند أدهم الباب بيخبط وأدهم بيعرف انها غرام وبتسرع بيقول:اخيراااا جيتي
ليجد نمررررررر الصعيد امامه😨