رواية غرام نمر الصعيد الفصل الثالث3والرابع4 بقلم نرمين حمدي
غرام دموعها نزلت وهي بتفتكر ان المفروض بعد كام يوم كانت هتتجوز أدهم الي باعها بسهوله
يونس يضع يده علي وجهها: لاه لاه مش عاوز اشوف دموع في الليله دي
وكل الي هجول عليه يتنفذ
غرام بتنزل ايده: مفيش حاجه هتتنفذ
يونس يمسكها من زراعها بقوه: يبجي تطلجي بكرا وشوفي بجي الي بتطلج يوم صباحيتها بيتجال عليها ايه ياحلوه
غرام فضلت تعيط بانهيار ياما تنفذله كل الي هو عايزه ياما سيرتها تبقي علي كل لسان
يونس بيبصلها وبيبتسم بخبث وبيقرب ايده ناحيه وجهها وبيمسح دموعها وبحده: مبحبش البكي الكتير
غرام بعياط: عايز مني اي
يونس وهو بيبص لجسد*ها برغبه: هكون عاوز ايه يعني
غرام بيأس واستسلام: انا قدامك اهو
يونس يبتسم ابتسامه نصر ويضع يده علي وجهها ويجذب وجهها ناحيته مقتربا من شفتيها وغرام مغمضه العينين وتنزل منها دموع كثيره حتي ثبت رأسها وظل ينظر لها ولملامحها الجميله حتي وهي تبكي فمنذ ساعات طويله وهي لم تتوقف عن البكاء فدموع تلك الصغيره أهلكت النمر حتي خبط بيده الاخري علي السرير وتفزع غرام لتفتح عينيها بخوف ليبتعد هو عنها
ويرتدي قميصه وهو يعطيها ظهره: مش من عاداتنا نشو*ه سمعت البنات
(وهنا غرام فهمت انها حتي لو مكانتش وافقت مكانش هيطلقها بكرا)
وسابها ودخل الحمام ياخد شاور
غرام بعياط وحزن شديد: كدا ياأدهم هان عليك الحب الي كان بينا هان عليك كل حاجه عشناها سوا دا انا وقفت قصاده وقولت لا وانت منتطقتش كنت مستنيه تتمسك بيا وانت بعتني
ليخرج يونس من الحمام وهو ينشف شعره
لتقع عينه عليها وكانت كما تركها وبحده: انتي هتفضلي جاعده كديه جولت مبحبش البكي الكتير انتي مهتفهميش
غرام: عايزني اعمل ايه يعني اقوم ارقص علي حظي الزفت الي جابني هنا
يونس بخبث: فكره برضو جومي
غرام بتبتلع ريقها ببطئ: اااقوم لي
يونس يقترب منها ويمسكها من زراعها ويوقفها: وريني رجصك عاوز اشوف
غرام: اااا مبعرفش ارقص
يونس يضع يده علي خصرها ببطئ جعل الدم يتجمد في عروقها وزاد توترها ثم جذبها اليه ليهمس لها وبتحذير: كلامي يتسمع من اول مره يلا
غرام بتحاول تبعد ايده عن خصرها بس مبتقدرش: قولتلك مبعرفش مبعرفش
يونس بحده: يعني انتي هتعاندي طيب انا بجي دماغي جذ*مه
غرام بتخاف من نبره صوته وبتعيط علي اجباره ليها
يونس بيضع يده علي وجهه ثم يمسح علي شعره وبزعيق:جولتتت بطلي بكيي
غرام: انت بتجبرني علي حاجات انا مش عايزاها
ليجذبها يونس ناحيه الحائط ويحاوطها بزراعيه وبحده: عشان مبحبش الكدب جولي الحجيجه
لتنظر له غرام والدموع محتبسه في عنيها ولسانها مش قادر ينطق
يونستأثر بتلك النظره البريئه: متبصليش كديه.. ها بتعرفي ولا لاه
لتنظر غرام للاسفل وبصوت منخفض جدا: اه
يونس: هتكلمي نفسك انتي ولا ايه عليلي صوتك ديه
غرام: اااه بعرففف
ليبتعد عنها يونس ويعطيها ظهره: يبجي اشوف واقيم بنفسي
غرام: نعممممممم
**
في الاسفل
فريده: انا مش قادره اصبر اكتر من كدا دا بقاله ساعه قاعد معاها
صباح: مهو كل ديه في مصلحتك كل مجعد معاها اكتر كل مفرصه حملها هتزيد والواد يتكتب باسم يونس النمر وفريده النمر
فريده: معقوله تسيبلي ابنها بالسهوله دي ياماما
عتمان: ومش معجوله ليه الفلوس بتعمل كل حاجه وانا مستعد ادفع من مليون لعشره والواد يتكتب باسمك انتي ويونس
زين: الشركه عايزه تمويل بلا تدفع من مليون لعشره
عتمان: ياد دا جزء من فلوس جدك يابن المر*كوب
ليقاطعهم مجئ ورد(اخت يونس) من الجامعه: مساء الخير
الكل: مساء النور
ورد من اول مدخلت وزين منزلش عينه من عليها وكأن حضورها الغي الجميع في عينه
ورد بنت عسوله اوي ملامحها هاديه وهي شقيه جدا في كليه علوم وبنتحب زين جدا وهو كمان بيحبها وهيتجوزوا بعد متخلص جامعه عشان عتمان مبيجوزش بنات العيله إلا لما يخلصوا دراستهم حتي لو هتتجوز ابن عمها
اما عن زين رجل قمحي البشره وعيونه بني فاتح وشعره ناعم ولونه اسود رياضي بيحب يلعب رياضه كتير بيحب يهزر كتير بس لما يتعصب مبيشوفش قدامه
جليله: عملتي مشاكل انهارده ولا لا
ورد: عيب عليكي ياست الكل انا بتعت مشاكل برضو
زين: لاه مين جال كديه انتي المشاكل نفسها
ورد بتخرج لسانها: ملكش دعوه
ليضيق زين عينه بوعيد لها
جليله: طيب روحي غيري هدومك دي عشان نعيمه بتحضر العشا
ورد: حاضر وقبل متمشي ورد
عتمان لزين: مش ناوي تتجوز يازين ولا هتجضيها كديه
ورد وقفت مره واحده وهي طالعه علي السلم واترسم علي وجهها ملامح الحزن فهي لم تتخيل زين مع غيرها
زين: ااا لاه مش وجته دلوجتي
عتمان بصرامه: امال متي عاد انا عاوز حفيد للعيله دي
زين: وهو الحفيد دي مش هياجي غير مني
عتمان: وليه نضيع وجت معاك شهرين لو متجوزتش الي انت عاوزها هجوزك انا الي انا عاوزها مفهوم
زين بعند: انا مش هتجوز غير الي انا عاوزها
جليله: زييين روح دلوجتي
زين: ماشي يامرت عمي
عتمان بغضب شديد: ويكون في علمك انا عند كلامي معاك شهرين يازين ووريني هتكسر كلمتي كيف
زين بصله بضيق وطلع علي فوق ليمر من اما غرفه ورد ويسمع صوت عياطها ليخبط علي الباب ويفتح الباب ويدخل ليجدها مرميه علي السرير وبتعيط زين دخل وقفل الباب وقعد جنبها: في ايه حد دايقك ولا ايه
ورد بتتعدل: انت بتعمل ايه هنا اطلع قبل محد يشوفك
زين بعصبيه: هتبكي ليه كلامي واضح
ورد بعياط اكتر: انت كمان هتتعصب عليا
زين يمسح علي شعرها ويمسح دموعها وبهدوء: تبجي سمعتي الي اتجال تحت مش كديه
ورد بعصبيه وعياط: اه سمعته وانت مهتبجاش لحد غيري يازين فهمت والله الي تفكر بس انها تتجوزك لاكون مموتاها وموتاك وموته نفسي
زين يبتسم: موتيني انا راضي وعلي جلبي ذي العسل
ورد ضربته ضربه خفيفه علي صدره: متقولش كدا بعد الشر عليك
زين بضحك: طلاج بحبك
ورد: يعني مش هتتجوز عليا يازين
زين: انا اتجوزتك عشان اتجوز عليكي اصلا
ورد: لا ياحبيبي انا كدا كدا مراتك اصلا ولا عندك مانع
زين بيبتسم بحب: لاه معنديش
ورد: طيب يلا اخرج عشان هغير هدومي
زين بخبث: متغيري جدامي مش انتي مرتي ولا هتغيري كلامك
ورد: يانهار اسود زيييييين
زين: ياعيونه
الفصل الرابع
زين: ياعيونه
ورد بتشاور علي الباب: اطلعععع
زين: ماشي ليقف زين ويتجه ناحيه الباب
ورد: زين
ليلتفت لها زين: اممم
ورد: بحبك
زين ابتسم ووضع يده علي وجهها: أكتررر
*******
في غرفه يونس وغرام
يونس بيمسك غرام من زراعها بقوه تألمها وبحده: اسمعييييي مش معني اني هادي يبجي هفضل علطول كديه انتي فاكره انك جايه الملاهي هنيه ولا ايه انتي جايه لحاجه معينه تخلص وكل واحد فينا يروح لحاله فهمتي... كلامي ديه مش هعيده تاني فاتعدلي بعد معدلك بطريجتي وطريجتي مش هتعجبك واصل
غرام بتتألم وبزعيق: انا قولتلك اني قدامك اهو لكن لو مستني انه يحصل بيني وبينك حاجه برضايا دا الي مستحيل يحصل
يونس يضغط عليها اكثر: مش عارف ايه الي مصبرني عليكي ثم يجذبها اليه حتي اصبحت ملامسه له وينظر لها: بس ومالو الحلو لازم ياخد وجته وانتي حلوه
لتتسلل يداه ناحيه خصرها ويمشي عليه ببطئ جعلها وكأنها مبنجه قدميها غير قادره علي حملها ولولا انه يمسك بها لوقعت من شده تأثير لمساته عليها
ليلاحظ يونس مدي تأثرها ويبتسم بخبث فهذه مجرد لمسه منه جعلتها هكذا ليستغل تلك التوهان الذي حل بها ويقترب من اذنها ويهمس: حلوه جوي
اما عن غرام: فهي تاهت في عالمه وتشعر باأنفاسه الدافئه علي بشرتها
ليقرب يونس اكثر ويقبلها بجانب اذنها مما جعل الد*م ينتفض في عروقها وتفيق من ذلك التخد*ير
ثم يرجع شعرها للخلف مقتربا من شفتيها الورديتين ليري علي ملامحها علامات الرفض وتتحول ملامح وجهه للغضب فعقله غير متقبل رفضها فهذه الليله تتمناها اي فتاه اخري فمن هي كي ترفض
ليبتعد عنها بغضب ويرتدي قميصه: معاكي فرصه لبكره لو متعدلتيش يمين بالله لكون موريكي الوش التاني
غرام بعند: وتديني فرصه لبكره لي كلامي مش هيتغير يايونس بيه مستحيل اخليك تقربلي برضايا لكن لو غصب عني فاعمل ما بدالك
ليعود يونس للخلف بغضب ويجذبها للحائط ليخبط بيده علي الحائط بقوه لتفزع غرام وترفع كتفيها وتغمض عينيها من الخضه: وديني... لاخليكي تبكي بدل الدموع د*م فاعجلي كديه واتجي شري واياكي تعاندي اياااااااكي
غرام بتفتح عنيها وبعصبيه: انت عايز اي هي عافيه هتتحكم في المشاعر كمان مش قبلاك قلبي مع راجل غيرك ولما بتقربلي ببقي عايزه اقتل نفسي
ليغلي الدم في عروقه ويضر*بها بالقلم ثم مسكها من شعرها: الي تتجوز يونس النمر تنسي اي راجل كان في حياتها حتي لو اخوها فهمتييييييي يابت ال*** ثم ضربها قلم تاني
غرام وقعت علي الارض تبكي ويونس اخد موبايله ومفاتيحه وسابلها الاوضه
****
في غرفه فريده
فريده كانت رايحه جايه في الاوضه مستنيه يونس يخرج من عندها ويجلها هي لتجد الباب بيتفتح ويونس بيدخل وهو مش طايق نفسه
فريده: في اي ياحبيبي مالك
يونس بضيق: مفيش هيكون مالي يعني
فريده قربت منه ووضعت يدها علي كتفه: يبقي اكيد الز*فته دي نكدت عليك مش مشكله ياروحي هي تنكد وانا أدلعك
يونس بعد ايدها وقعد علي الكنبه وولع سجا*ره وسند بايده التانيه علي الكنبه: انا هعرف كيف اعدل الي جا*بوها
فريده فجأه شغلت اغنيه وربطت الطرحه حولين خصرها ورقصت قدامه كانت بتتمايل يمين ويسار ويونس باصصلها بس مش مركز معاها كل تركيزه في تلك العنيده التي ترفضه
حتي تعبت فريده من الرقص لتجلس علي قدميه ليعود هو لوعيه: اي رأيك
يونس:في ايه
فريده بتقرب منه اكثر وبتفك زراير قميصه وبدلع: انت مش معايا ولا ايه
يونس: ايوه مش معاكي جومي عاوز انام
فريده: حرام عليك بجد انت بتعاملني كدا ليه يعني
يونس بعصبيه: بعاملك كيف يعني بجول عاوز انام فين مشكلتك ع المسا
فريده: انت مش شايف انك عصبي شويه
يونس بحده: وايه الجديد انا علطول كديه
فريده: انت وافقت علي جوازنا ليه بدل ماانت مش طايقني كدا
يونس بغضب : اه انتو بتعشجوا النكد يومكم مش بيعدي غير بالنكد!!
فريده بعياط: انا عملت كل الي اقدر عليه عشان اسعدك بس قلبك مش بيحن عليا ابدا
يونس طفي السجا*ره في ايده وبهدوء: فريده انا وانتي عارفين زين احنا متجوزين ليه واجابتي علي سؤالك انا اتجوزتك عشان عتمان وبس لكن بالنسبالي مفيش اي مشاعر من ناحيتك ولا من ناحيه غيرك انا راجل مش فاضي لحب ولا مشاعر دا كلام فاضي في الافلام وبس خليكي واقعيه كديه ومتحلميش اني في يوم جلبي يسيطر علي عجلي عشان مش هيحصل يلا ربنا يهديكي يلا ننام
فريده: طيب انت مبسوط معايا ولا لا
يونس: تصبحي علي خير
يونس قل*ع قميصه ونام علي السرير وفريده قعدت علي السرير وهي مضايقه: طيب ممكن انام في حضنك ولا مش من حقي
لينظر لها يونس ويفتح لها زراعه: تعالي
******
اما عن غرام فقضت طول الليل تعيط علي حظها المن*يل الي وقعها في ايد يونس لحد منامت من التعب