رواية غرام نمر الصعيد الفصل السابع7والثامن8 بقلم نرمين حمدي
أدهم بيفتح الباب ليجد غرام امامه
أدهم بصدمه: غرااام! يخر*ب بيتك اي جابك هنا دلوقتي
غرام: هتسبني واقفه علي الباب كدا
أدهم بيبص برا شقته لحسن يكون حد شايفهم وبيسحب غرام لجوا بسرعه ويقفل الباب: انتي اكيد اتجننتي
غرام بعياط: انا فعلا هتجنن لو سيبتني ياأدهم انا لسه بحبك وعايزاك
أدهم ببرود: والمطلوب مني اي
غرام: انك متسبنيش انا مش قادره اعيش معاه
أدهم بيعمل حركه ند*اله وبيسجل كلامها من غير متاخد بالها: اممم يعني انتي عايزاني اروح ليونس واخدك منه بالسهوله دي مش كدا... انتي عايزاني ارمي نفسي في النار عشان خاطرك
غرام بتستغرب كلامه: وهو انا مستاهلش
أدهم: ياغرام افهمي انا مينفعش اعمل كدا دا ممكن يخفيني ومتعرفليش طريق
غرام: خلاص نهرب انا وانت بعيد عن هنا وانا هرفع قضيه خلع ونتجوز
أدهم بخبث: انا عندي حل احسن
غرام: اي هو قول بسرعه
أدهم بيبصلها من فوق لتحت ويحاوطها بزراعيه: نعيش مع بعض من غير جواز يعني تجيلي كل فتره ذي مجيتي دلوقتي
غرام بتحاول تبعده عنها: انت اكيد اتجننت اي الي انت بتقوله دا
أدهم بيحط ايده علي وجهها: يابت انا بحبك وانتي بتحبيني ومحدش هيعرف حاجه متخافيش لحد ميونس يطلقك وانا هتجوزك
غرام بعصبيه: وانت شايفني رخيص*ه كدا... كنت فكراك هتقدر مجيتي ليك لحد هنا وتمسكي بيك بس الظاهر كدا انك بايعني
أدهم: مهو بصراحه كدا الحب مبيأكلش عيش واحده زيك متجوزه واحد ذي يونس النمر تحاول تستفيد منه باي حاجه
غرام بعياط: ياأدهم انت مكنتش كدا مش انت ادهم الي حبيته لا قولي انك بتهزر وكل الي قولته دا غلط
أدهم: اه انا مش ادهم الي انتي حبتيه انا من دلوقتي مش هفكر غير في نفسي وبس ولازم اكسر يونس ذي مكسرني قدامكم
غرام: وهتكسره ازاي بقي
ادهم بيبصلها بر*غبه: بيكي ياروح أدهم
غرام بتخاف وبترجع لورا: قققصدك اي يعني
أدهم بيضحك: لا لا لا متخافيش انتي برضو بنت عمي
اسمعي كل الي هقولهولك تنفذيه وإلا يونس هيعرف انك جيتيلي هنا وعايزه تهربي معايا وشوفي بقي هو هيعمل فيكي اي ولا عمي صابر والي هيجراله من تحت يونس اصله معرفش يربي بنته
غرام بتتصدم بالي بتسمعه: اه ياو*سخ ياز*باله اتفووو عليك
أدهم باستفزاز: ياستي ماشي يلا بقي الحقي امشي لحسن حد يشوفك هنا يابيبي وتبقي فضيحه بجلاجل هبقي اكلمك باي
غرام بتجري علي الباب وتمشي وهي مش مستوعبه الي حصل
غرام مشيت علي السرايا ولما قربت عليها فضلت تبص حوليها في كل حته بس شافت الرجاله قاعدين قدام السرايا فقررت تدخل من الباب الخلفي
فريده كانت طالعه من المطبخ وشافتها: مالها دي بتبص حوليها وكأنها عامله عمله
غرام جريت علي فوق ودخلت اوضتها وقفلت علي نفسها بالمفتاح وانهارت من العياط فهي دلوقتي بقت في ورطه كبيره وأدهم مش هيسيبها إلا لما يستفيد منها جيه في بالها سيناريوهات كتير بالي ممكن ان أدهم يطلبه منها ليقاطعها
****
فريده لصباح: بقولك اي
صباح: ايه
فريده: انا حاسه ان البت غرام وراها حاجه ومخبياها
صباح: حاجه ايه دي
فريده: انهارده شوفتها وهي داخله من الباب الخلفي وشها اصفر وبتتلفت حواليها ذي الي عامله عمله
صباح: يبقي تخلي عينك عليها الايام دي لو مسكنا حاجه عليها هتبجي ذي الخاتم في صباعنا
ليقاطعهم مجئ جليله: فريده روحي يابتي اعمليلي كوبايه جهوه
فريده: ماشي يامرات عمي
جليله لصباح: انا بجول تنزلي شويه من علي ودن فريده ياصباح
صباح بعصبيه: وانا عملت ايه عاد ياجليله حرام اتكلم مع بتي ولا ايه
جليله: لاه مش حرام بس كلامك ليها هيخرب بيتها وانتي فهماني
صباح: اطلعي براها ياجليله بتي وانا حره فيها اخرب بيتها اولع فيه براحتي
جليله: اديكي جولتيها بتك وانتي حره فيها لكن يونس لو اضر بسببك هتشوفي مني وش عمرك مشوفيه
صباح باستهزاء: حوش حوش انتي يعني مش عارفه ولدك دا يضر بلد بحالها ولا يتهزله رمش
****
في الشركه
يونس في مكتبه مش طايق نفسه وبيزعق في اي حد بسبب غرام وعنادها لينادي علي السكرتيره بحده
السكرتيره بخوف: نعم يايونس بيه
يونس بحده: الورج دا ناجص ليه فيننننن الباجي في يومكم ديه
السكرتيره: زين بيه مضي عليهم يافندم
يونس: ماشي ابعتيهولي
السكرتيره: حاضر
ليأتي زين: في ايه يايونس
يونس: الغي الصفقه الاخيره دي مش عايزينها
زين: دا ليه يعني انت عارف الشرط الجزائي بتاعها كام
يونس بغضب: مهو انت لو تسألني الاول مكانش حصل كديه انت بتمضي علي مزاجك وأولع انا
زين: أفهم بس في ايه
يونس: يعني بالعجل كديه مضينا صفقه معاهم جبل كديه وطلعوا روحنا عبال مالشحنه وصلت وموصلتش كامله ولحد دلوجتي بيسددوا في الباجي الي هما 2 مليون جوم انت توقع معاهم صفقه ب 8مليون يازين
زين: انا موقعتش الا لما اخدت منهم ال 2 مليون دول وبعدين انا مسلمتهمش الفلوس غير لما استلم الشحنه
يونس: امم كويس ماشي بس المهم تلغيها برضو ومش مهم الشرط الجزائي ديه
زين: خلينا نمشي الدنيا بس وانا هتعامل
يونس: اعمل الي تعمله انا حذرتك وانت حر
*** في المساء
في السرايا
في غرفه غرام جائها مكالمه من أدهم
غرام: خير عايز اي
أدهم: اخبارك ياقلبي
غرام: وجع قلبك... خلصني وقول عايز اي
أدهم: 100 الف جنيه يكونو عندي بكرا
غرام بخضه: يانهار اسود انت اكيد اتجننت انا هجيبهم منين دول
أدهم: جرا اي ياغرام دا انتي مرات يونس النمر يعني الفلوس دي بالنسباله ولا حاجه
غرام: مقدرش اطلب منه حاجه مقدرش يابني ادم
أدهم بزعيق: مشاكلك دي تحليها مع نفسك بكرا تكون عندي الفلوس وإلا انتي عارفه انا ممكن اعمل اي
غرام بعصبيه: بكرهكككك بكرهككك ياأدهم
أدهم: دا مجرد كلام لكن في الحقيقه انتي روحك فيا
غرام بعياط: منك لله
وفجأه بيدخل يونس 😮
الفصل الثامن
ليدخل يونس فجأه وغرام بتقفل المكالمه بسرعه
يونس: بتكلمي مين؟
غرام بتوتر: هاا لا دي وحده صحبتي
يونس: اممم ماشي
ليتركها يونس ويذهب للحمام ليأخذ شاور
لتضم غرام قدميها اليها وتدفن وجهها وتبكي بحرقه لا تعلم ما الذي ينوي عليه أدهم فاذا اخبره سيقتلها هي وابيها حتما
حتي خرج يونس وهو عاري الصدر لتقع عينه عليها وهي تبكي ليذهب اليها ويجلس بجانبها ويرفع لها رأسها: في ايه
غرام بتمسح دموعها: مفيش حاجه
يونس بحده: هو ايه الي مفيش ولا انتي هتبكي عمال علي بطال كديه
غرام حاولت تألف قصه: صحبتي الي كنت بكلمها هتعمل عمليه ومش معاها المبلغ
يونس: وانتي عامله كل ديه عشان صحبتك
غرام: اه دي صحبت عمري
يونس بصلها وابتسم علي براءتها وحبها لغيرها وقام من جنبها اتجهه لدولابه فتحه واخد منه مفتاح واتجه ليها تاني
يونس: خدي
غرام باستغراب: بتاع اي دا
يونس: دا مفتاح الخزنه خليه معاكي وخدي الي انتي عايزاه
غرام مش مصدقه نفسها: دا بجد!!
يونس: امال هزار
غرام: شكرا وانا اوعدك اني هرجعهوملك
ليضحك يونس: وترجعيهم ليه انتي مراتي وفلوسي هي فلوسك
غرام بصتله واحتقر*ت نفسها اوي: بس فريده لو عرفت ه
ليقاطعها يونس: متعرف وايه يعني فريده بتاخد ضعفهم في اليوم انتي بس الي مكبره الموضوع
ليرتدي يونس التيشرت ويتجه ناحيه الباب
غرام بتقوم من علي السرير: رايح فين
يونس: رايح انام
غرام بعفويه: عند فريده
يونس يجذبها اليه: اكيد. بس لو عايزاني انام هنيه موافج
غرام بتبعده عنها: احم تصبح علي خير
يونس يبتسم بخبث ويتركها ويذهب
*****
في غرفه فريده
يونس دخل ووهو مزاجه رايق سمع احلي تصبح علي خير في حياته
فريده: باين عليك مبسوط ومزاجك رايق
يونس: رايق جوي جوي
فريده: وياترا بقي اي السبب
يونس قعد علي الكنبه بيفكر في غرام: مش عارف كل الي اعرفه اني مبسوط ومزاجي فوج
فريده قعدت جنبه: طيب ياحبيبي بما ان مزاجك رايق انا كنت عايزه منك طلب
لينظر لها يونس: خدي الي عايزاه يافريده
فريده بفرحه: لا بقي دا انت تقولي علي الي خلي مزاجك رايق كدا عشان اجيبه يعيش معانا
يونس: مع الوجت هتعرفي
فريده: اه صحيح مقولتلي انت هتطلق الز*فته دي امتي
يونس: سبيها للظروف
فريده: يعني اي سبيها للظروف هو انت ممكن متطلقهاش
يونس بغضب: دي حاجه ترجعلي اطلج مطلجش انا حر متدخليش
فريده بغضب: بس دا مكانش اتفاقنا الولد الي هي هتجيبه دا هيبقي ابني انا كلكم وعدتوني بكرا جاي تغير كلامك دلوقتي لي يايونس
يونس: وهو انا جولت اني مش هطلجها انا جولت سبيها بظروفها
فريده بتقترب منه: طيب طمني وقولي انك هطلقها
يونس: ياستي هطلجها ارتحتي كديه
فريده بابتسامه: اه ارتحت
يونس بضيق: طيب سبيني انام ولا في حاجه تاني
فريده: تصبح علي خير ياحبيبي
يونس يتذكر ما قالته غرام: كانت ناجصه حبيبي دي
فريده بعدم فهم: يعني اي
يونس: لاه ولا حاجه
******
في اليوم التالي
غرام صحيت اخدت شاور ونزلت وراحت للمطبخ
نعمه: صباح الفل ياست غرام ايه الي مصحيكي بدري كديه
غرام: قولت اجي اساعدك في تحضير الفطار
نعمه: يالهوي لاه لاه ياست غرام ارتاحي انتي وانا هحضره
غرام: ياستي متقلقيش انا اخري احط الاطباق اختك فاشله جدا في المطبخ
نعمه بضحك: متجوليش كديه انتي ست الستات ياست غرام
ليقاطعهم دخول ورد: بتهببوا ايه
غرام: تعالي تعالي نخترع حاجه خلينا نبوظ
ورد: يلا قبل ميصحوا
نعمه: دا ربنا يستر بجي هههه انا هحط الاكل علي السفره عبال متشوفو هتعملوا ايه
غرام لورد: هاا هنعمل اي
ورد: بقولك ايه انا مش قد المطبخ وحواراته انا هعمل شاي ويارب ميبوظش
غرام: هههههه خليهم اتنين بقي
نعمه جهزت السفره وصحت الكل
وكان ناقصهم ورد وغرام الي بيفننوا جوا
عتمان: امال فين ورد وغرام يانعمه
جليله: تلاجيهم مش راضين يصحوا
زين بتلقائيه وتسرع: طبعا مبتك بتنام 5 الصبح
عتمان باستغراب: وانت عرفت منين عاد
زين: هاا اجصد شكلها بتنام 5 الصبح
صباح: صحيهم يانعمه
نعمه: الست ورد والست غرام صاحين من بدري وجاعدين في المطبخ
يونس باستغراب: وهيعملوا ايه جوا
نعمه: بيخترعوا حاجه جديده بس قرروا انهم يعملوا شاي ويطلعوا
الكل بيضحك حتي خرجوا من المطبخ وهما ماسكين الشاي
زين بسخريه: فاشلين
عتمان: خلاص الغدا عليكم انتو الاتنين انهارده
غرام: نهار اسود يبقي هتاكلوا اسوء اكل شوفتوه في حياتكم
صباح: مهو انتي لو امك معاكي كانت علمتك حاجه بدل ماانتي مش نافعه كديه
كلام صباح وجع غرام اوي مماتها ماتت وهي صغيره
لينظر لها يونس ويلاحظ تغير ملامح وجهها للحزن ثم يقول لصباح: بجالي سنتين متجوز بتك ومشوفتش حاجه منها يعني... حتي محاولتش جبل كديه
صباح شعرت بالاحراج فلم تتوقع ذلك الرد من يونس
عتمان: خلاص خلاص يلا اجعدوا ياولاد عشان نفطر
بعد حوالي ساعه
فريده لنعمه: نعمه انتي يانعمه
نعمه: نعم ياست فريده
فريده بتبص علي غرام وباستفزاز: ناديلي صابر الجنايني يعملي قهوه لاحسن مصدعه
لتنظر لها غرام ويغلي الدم في عروقها
نعمه: اااا طيب اعملهالك انا ياست فريده
فريده: بت انتي هتناقشيني ولا اي قولتلك ناديهولي
غرام بغضب: بابا مبيعملش قهوه لحد بابا شغله في الجنينه مش خدا*م عندك
فريده بضحكه مستفزه: انتي يابت نسيتي نفسك ولا اي انتي هنا مجرد واحده متأجره بالفلوس عشان تخلف وبس
غرام: متأجره!! انتي اكيد اتجننتي
فريده بتهمسلها: لي هو انتي متعرفيش... اننا هناخد ابنك ونراضيكي بقرشين ينفعوكي بدل بهدله ابوكي دي ولا يونس مقلكيش
غرام اتصدمت من كلامها ورجليها مبقتش شيلاها
فريده: قولتلك اني انا الي في قلبه وانه مستعد يعمل اي حاجه عشاني