رواية وردة القاسم الفصل التاسع عشر19 والعشرون20 بقلم جنات
ورده طلعت وخبطت على باب اوضه ليلى وغسان فتحلها واستغرب لما شافها
ورده:مالك مستغرب ليه كدا يابن عمى انا اتجوزت مش موت
غسان باستغراب:يعنى ايه
ورده:اصلك مستغرب ومصدوم كأنك شايف شبح فحبيت اوضح انى لسه عايشه يعنى
غسان بضيق:وعايزة ايه
ورده:اكيد مش جايه اعرف اخبارك انا جايه لليلى هى فين
غسان:جوا تعالى
ورده دخلت وجرت على ليلى وحضنتها كتير اوى وغسان بيبصلهم اوى
ورده بعدت عنها وحطت ايدها على
بطن ليلى:حبيب قلب خالتو عامل ايه
ليلى:اتوحشتك جوى ياورده
ورده:وانتى كمان وحشتنى جدااا عامله ايه الوقت
ليلى:الحمدلله التعب بيچى ويروح
ورده:ربنا يخفف عنك ياحبيبتى ويقومكو انتو الاتنين لينا بسلامه
ليلى:يارب عقبالك ياوردتى
ورده بصت لغسان اللى بيبصلهم اوى:هو جوزك ماله ياليلى محسسنى انه شايف شبح انا ورده بنت عمك على فكرة
غسان اضايق من طريقتها وحب يضايقها:اه بنت عمى اللى ياما مديت ايدى عليها عشان اربيها اصل عمى ومراته كسلو يربوكى وياخسارة تربيتنا اصلك روحتى قصر المنشاوى
ورده بصلته اوى وقامت وقفت قدامه:لا انا الحمدلله جايلكو متربيه وكويس جداا التربيه اللى حضرتك متعرفش عنها حاجه ولا سمعت بيها اصلا يعنى ياسين مثلا متاكده مليون فى الميه انه ابن خالتى زهرة لكن انت لا ... انت طالع لعمى منصور واخد منه كل حاجه حتى جهله بتعتبرو الست عبده عندكو مالهاش اى قيمه تعالى بقي كدا نروح قصر المنشاوى اللى حضرتك بتتريق عليهم بيعاملو الست كانها تاج للبيت بس انا بكلم مين واحد مش عامل قيمه لمراته وبيعملها اسوء معامله واخرها راح اتجوز عليها واحده شمال تعرف ليلى مستهلش واحد زيك ابدااا
غسان اضايق من طريقتها ورفع ايده ولسه هيضربها بالقلم كان فى ايد صدته وغسان اتفاجأ انها ورده
ورده زقت ايده بعنف:انسي هقولك الكلام اللى قولته لعمى تحت ورده بتاعه زمان بح معتتش موجوده ولو فكرت بس مجرد تفكير تمد ايدك عليا اعرف ان قاسم هيحرمك من ايدك الحلوة دى
ورده بصت لليلى:انا هروح اوضتى يالى لى وااااه انا هقعد هنا يومين معاكى
ليلى:بچد ياورده واااه عچبتنى ورده الچديده دى
ورده:اه ياحبيبتى هروح اغير واجيلك يكون جوزك مشى
ورده خرجت من الاوضه وغسان مستغرب ازاى ورده بقوة دى وبص لليلى:هما عيله المنشاوى عملو فيها ايه
ليلى:قاسم جوزها السبب خلى عندها ثقه فى نفسها من اكتر
غسان:وحضرتك مبسوطه وهى بتتكلم مع حوزك بطريقه دى
ليلى:هى مغلطتش ياغسان انت اللى بدات الغلط وهى ردت عليك
غسان:اه دانت شكلك هتعملى زيها انا همشي بدل ماامد ايدى عليكى
ليلى:انسي
غسان:نعم
ليلى:بقولك انسي اللى كنت بتعمله فيا زمان مش هيحصل تانى ياغسان
غسان خرج من الاوضه ورزع الباب بكل قوته
•••••••••••••••••••
فى مكان الخاص بالمجلس كان موجود وهدان وسالم وكبار البلد والشيوخ
واحد من الشيوخ اسمه الشيخ عبده:مبروك رچوعكو سواا ياكبار البلد
سالم:الله يبارك فيك والحمدلله اننا جدرنا نرچع العيلتين سوا
وهدان:نشكر الشيخ عبده على فكرته اننا نچوز احفادنا
سالم:بس حفيدك غسان بعملته دى سهل علينا الموضوع
وهدان ضحك:حتى من غير عملته المهببه دى كنا متفجين اننا هنرچع العيلتين سوا بچواز احفادنا
واحد من كبار البلد:ماكنش يصح كبار البلد يكونو اعداء اكده
سالم:احنا مكانش اعداء من الاساس
وهدان:الحمدلله اننا سوا دلوك
••••••••••••••
بدر قاعد وفى حضنه فاطمه وتلفونه رن برقم من المقر الخاص بشغله ورد عليه:رائف عامل ايه
رائف:بخير يابدر عندى ليك اخبار هتفرحك
بدر:خير
رائف:قدرنا نحدد مكان جبران فين
بدر:دى الاخبار ولا بلاش وهنهجم امته
رائف:فى راجل تبعنا دخل وقرهم عشان نعرف نحدد عددهم واماكنهم عشان يكون سهل علينا الاقتحام
بدر:حدد كل حاجه وعرفنى ممنوع تاخدو اى خطوة من غير علمى
رائف:انت هتقطع اجازتك ولا ايه
بدر:الاجازة دى زى تمويه خليهم مطمنين انى بعيد عن الشغل فى الوقت الحالى
رائف:تمام هابلغك بكل جديد
بدر:تمام
بدر قفل وبص لفاطمه اللى بتبصله اوى
بدر:مالك يافاطمه
فاطمه: المكالمه دى من الشغل صح
بدر:انتى مركزة معايا
فاطمه:رائف ده اللى كان صاحب عمران مش كدا
بدر:ايوا هو
فاطمه:انت عندك مهمه جديده يعنى الاجازة خلصت
بدر:لا ياحبيبتى انا لسه فى اجازة
فاطمه:انت بتضحك عليا يابدر انت لسه قايل ان الاجازة دى زى تمويه انت عرفت حاجه عن اللى قتل عمران
بدر:فاطمه انتى عارفه مش بحب اتكلم فى الشغل
فاطمه قامت من حضنه وقعدت قدامه:مكنتش بتحب تتكلم فى الشغل اول جوازنا لما كنا كل واحد لوحده الوقت احنا واحد يابدر متخبيش عليا ونبي انت لسه بدور عليه
بدر:انا مش هرتاح غير لما انتقم لعمران
فاطمه بدموع:وانا وياسمين مش بتفكر فينا
بدر:انتو حياتى يابطه ازاى مش بفكر فيكو
فاطمه بدموع:لما عمران اتوفى كانت الصدمه كبيرة بس قدرت اتخطاها وانت معايا وكلكو معايا بس لو جرالك حاجه انا ممكن اموت يابدر
بدر اخدها فى حضنه:بعد الشر عليك ياقلبي وبعدين محدش بيموت ناقص عمر يابطه
فاطمه:انا مقدرش اعيش من غيرك يابدر عشان خاطرى بلاش تروح انت
بدر:حاضر يافاطمه ممكن تهدى شويا بقي ياسمين هتصحى على صوتك
فاطمه:فضلت تعيط فى حضن بدر لحد مانامت
•••••••••••••••••••••••••
ورده فى اوضتها كانت هتجنن وبتفكر فى كل كلام قاسم
ورده عماله تلف فى الاوضه وبتكلم نفسها:مستحيل قاسم يعمل كدا انا اصلا مش مصدقاه ...هو عايز يبعدنى عن القصر بس اللى مش فهماه ليه بقي ...طب اكلمه لالا اكيد الباشا بيجهز لكتب الكتاب.... معقول يتجوزها بجد...لالا مستحيل اكلمه ..طب اكلم فاطمه تسال بدر ..لالا بلاش..ياربي هتجنن وراسي هتنفجر من التفكير
ورده دخلت البلكونه شافت ياسين قاعد فى الجنينه لوحده:انتى اللى هتقولى على كل حاجه
ورده لبست اسدال ونزلت قربت منه
ورده:انت مروحتش كتب كتاب صاحبك ليه
ياسين:لا ماليش فيه هو اصلا مش عازم حد اللى فى القصر بس
ورده قعدت على الكرسي اللى جمبه:ايوا ماهو قاسم قالى على كل حاجه
ياسين:كل حاجه ازاى يعنى
ورده:قاسم اصلا مش بيخبى عنى حاجه انت مفكرنى معرفش اللى انتو بتعملوه
ياسين:يابن اللعيبه قاسم لا وعمال يقولنا محدش يجبلها سيرة لازم تبعد عن القصر
ورده:بس انا زعلانه اوى عشان مش موجوده فى القصر وكمان وقت كتب الكتاب
ياسين:وانتى زعلانه ليه بقي مانتى اكيد عارفه انه مأذون مزيف يعنى كدا وكدا
ورده فرحت بس حولت تبان عادى عشان تعرف كل حاجه من ياسين:بس اكيد هيطلعو سوا اوضتهم
ياسين ضحك:لا ماهو قاسم عارف هو بيعمل ايه هيحطلها منوم وهيخرج من الاوضه
ورده:مانا عارفه بس بردو
ياسين:انتى غيرانه ليه بقي قاسم لو كان عايز نوراة كان اتجوزها من زمان
ورده:طبعاا لازم اغير دانا كنت هتجنن لما شوفته نايم جمبها
ياسين:هو اه كان فى الاوضه بس مطلعش على السرير غير لما انتو قربتو من الاوضه هو كان شايف كل حاجه على الكاميرات اللى انا مش فهمه ازاى عرف انك هتروحى تسالى بدر
ورده:لان ببساطه بدر اقرب حد لقاسم هو اللى بيعرف هو فين
ياسين:فكرة بردو
ورده:انا هطلع انام عشان عندى كليه بدرى
ياسين:تصبحى على خير
ورده:وانت من اهله
ورده طلعت اوضته وفضلت تنطنط من الفرحه:انا عندى ثقه كامله فيك وكنت عارفه انك عايز تبعدنى عن القصر ماشي ياابن المنشاوى
•••••••••••••••••••
فى قصر المنشاوى سالم وحمدان وقاسم وبدر والمأذون كلهم قاعدين فى الصاله والحريم متجمعين فى المندرة نوراة اللى كانت طايرة من الفرحه انها اخيراا هتكون لقاسم وثريه اللى بتفكر هتعمل ايه لما تخلص على قاسم وبنتها تكون المالكه لكل املاكه
برا عند الرجاله
سالم:اومال الشيخ الكبير فين
الماذون:تعبان شويا وانا بطلع مكانه
حمدان:وصله سلامنا
الماذون:يوصل باذن الله
بدا كتب الكتاب وسالم كان وكيل العروسه بعد شويا سمعو كلمه الماذون(اللهم بارك لكم وبارك عليكم وجمع بينكم فى خير) الكل كان بيبارك لقاسم ولنوراة
ثريه يلا اطلعو اوضتكو ياعرسان قاسم طلع مع نوراة اللى وقفت قدام اوضه قاسم وورده بس قاسم مكمل مشي
نوراة:انت رايح فين اوضه اهيه
قاسم:لا احنا هنقعد فى اوضه الضيوف
نوراة:ليه بجى
قاسم:عشان دى اوضه ورده وانا مش عايزة اشوف اى حاجه تفكرنى بيها
نوراة فرحت:اذا كان اكده ماشي
راحو اوضه الضيوف وسعديه طلعتلهم العشاا قعدو اتعشو سوا ونوراة اول ماخلصت اكلها دماغها تقلت وكانت دايخه وفجاه اغمى عليها وقاسم نيمها على السرير وخرج من الاوضه
••••••••••••••••••
صباح يوم جديد نوراة بدات تفوق وراسها كانت مصدعه جداااا وسمعت قاسم بيتكلم فى البلكونه
قاسم:لازم نسلمها لشرطه وهما يتعاملو معاها يابدر......انا غيرت كل الخطه ثريه لازم تتعاقب على اللى عملته فى البنات واصلا الستات اعترفو عليها كل حاجه ضدها بكرة هبلغ عنها
نوراة اتصدمت من اللى سمعته ولما شافت قاسم خلص المكالمه عملت نفسها نايمه بسرعه وقاسم بص عليها وخرج من الاوضه
وهى قامت بسرعه ورنت على امها تجيلهاا
بعد شويا ثريه جتلها :مبروك ياعروسه
نوراة:عروسه ايه فى مصيبه ياما
ثريه:مصيبه ايه كفالله الشر
نوراة قالتلها اللى سمعته من قاسم
ثريه:نهار اسود ومهبب انا روحت فى داهيه
نوراة:هتعملى ايه ياما
ثريه بشر:لازمن هنيه ومنصور يشيلو معاي مانى مش هجع لوحدى......
روايه ورده القاسم
««الفصل ٢٠»»
قاسم راح على المكان اللى بيتجمع فيه هو والشباب وكانو مستنينه هناك
بدر:هاااا تمت
قاسم:عيب عليك
ياسين:ونبي احنا نسبنا من شغل الشركات ده ونشتغل فى المافيا
بدر:ماشي اشتغل فى المافيا وانا اول واحد هحط الكلبشات فى ايدك
ياسين بص لقاسم:عنيف اوى الواد ده
قاسم ضحك:مش وقت هزار ياياسين خلينا نركز
ياسين:اوكى اى اللى جاي
قاسم:اللى جاى من عندهم هما مش من عندنا هما يكشفو نفسهم بقي
بدر:تمام وانا رجالتى وراهم مكان مايروحو
قاسم:ورده عامله ايه ياياسين
ياسين ضحك:ورده هو انت عملت فيها ايه دى اى حد بيكلمها بتدخل فيه زى القطر
قاسم ضحك:ليه عملت ايه
ياسين حكاله على كلام ورده مع غسان لان ياسين وقتها كان خارج من اوضته وشافها وسمع كلامهم
قاسم وبدر ضحكو
بدر:كان نفسي اشوف شكل غسان لما قالتله الكلام ده
قاسم:طب يلا خلينا كل واحد يرجع على شغله
ياسين:انا هروح اوصل البنات الكليه
قاسم:بنات مين
ياسين:ندى وورده
قاسم:تمام
••••••••••••••••••••
فى قصر عيله رضوان
ندى وورده قاعدين مع ليلى فى اوضتها
ورده:عرفتى ازاى انها هى
ليلى بحزن:سالت نبويه الشغاله مين اللى عمل العصير جالتلى هنيه هانم
ندى:معقول فى ام تعمل كدا
ورده:اه هنيه تعملها لانها طول عمرها قاسيه مع الكل حتى بنتها
ندى:بس الحمدلله ان غسان اتغير معاكى ياليلى
ليلى:مين اللى اتغير هو بس حس بالذنب مش اكتر لكن هو نفسيه غسان كنت مفكرة انه اتغير لكن لما شوفته هو بيتكلم مع ورده عرفت انه مستحيل يتغير
ورده:ربنا يهديه ياحبيبتى عشان خاطرك وخاطر اللى فى بطنك
ليلى:يارب
ندى:ورده يلا عشان ياسين هيوصلنا الكليه
ورده:يلا سلام يالى لى
ليلى:سلام
ندى وورده نزلو كان الكل قاعدين
منصور:على فين العزم انتى وهياها
ندى:على الكليه ياعمى
هنيه:طب ندى وراحه كليتها انتى راحه فين يامجصوفه الرجبه
ورده اتجاهلتها:زهرتى ياقمر صباح القشطه
زهرة ضحكت:صباحك ورد ياوردتى
ورده:انا رايحه الكليه يازهرتى
هنيه بسخريه:وده من ميته يابت نجوان
ورده:لما اتجوزت واحد متعلم وعيلته كلها ناس مثقفه بيساعدو الست انها تطور من نفسها مش بيحبسوها ويعاملوها كانها عبده..يلا ياندى
ندى وورده خرجوو
منصور بص لهنيه:البت دى ايه اللى چرالها
هنيه:سانده ضهرها بقاسم باشا
زهرة:ربنا يهنيهم ويفرحهم
زهرة دخلت المطبخ وهنيه بصت لمنصور:ثريه عماله تتصل من صباحيه ربنا معرفاش عايزة ايه
منصور:ماتردى عليها وانتى تعرفى
هنيه ردت:عايزة ايه....حاچه ايه اللى مهمه...ماشي هنتجابل فى مكانا
هنيه قفلت:عايزانا نتجابل فى المكان بتاعنا الساعه ١٢ بليل
منصور:وليه بجى
هنيه:بتجول حاچه مهمه
منصور:اما نشوف اخرها ايه ثريه هانم
قاسم وبدر طبعااا متابعين كل حاجه من الكاميرات وقاسم كل تفكيره فى ورده وقوتها
بدر:انت مش معايا
قاسم ضحك:لا معاك حيطتو الكاميرات فى المكان اللى بيتقابلو فيه
بدر:كله تم ياكبير
••••••••••••••••••••
فى اوضه بدر فاطمه واقفه فى الحمام وماسكه اختبار الحمل اللى اداها نتيجه ايجابيه وهى مبسوطه جداا:انا حامل حامل
فاطمه لبست اسدال وخرجت بسرعه وراحت على اوضه كريمه كانت نجيه قاعده معاها
فاطمه فتحت الباب من غير ماتخبط:ماما
كريمه:مالك يابتى
فاطمه:انا حامل ياماما
كريمه ونجيه فرحووو
كريمه:الف حمد وشكر ليك يارب مبروك يابتي تعال فى حضنى
فاطمه حضنتها:الله يبارك فيك ياماما
نجيه:مبروك يافاطمه يابتى
كريمه:بدر اكيد هيفرح جوى
فاطمه باحراج:لو سمحتى ياماما عايزة انا اللى اقوله ممكن
كريمه:حجك يابتى ربنا يفرح جلبك زى مافرحتى جلبي
••••••••••••••••••
ندى وورده خلصو محاضراتهم واتقابلوو
ورده:انا مش عايزة ارجع القصر
ندى:اومال هتروحى فين
ورده:اقولك وتساعدينى
ندى:اساعدك فى ايه
ورده تعالى نقعد واحكيلك بس محدش يعرف وتساعدنى ماشي
ندى:من عيونى
بعد شويا وقت ياسين وصل قدام الكليه وخرجت ندى وركبت جمب ياسين
ياسين:هى ورده لسه مخلصتش
ندى:لا خلصت بس قالت زهقانه وعايزة تتمشي شويا
ياسين:تتمشي فين يعنى
ندى:معرفش ياياسين قالت عايزة تتمشي وهتشترى شويا حاجات وهترجع على القصر على طول انت خايف ليه كدا هى مش عيله صغيرة
ياسين:انا نهايتى هتبقي على ايدين اخوكى
ندى ضحكت:محدش يقدر يقرب من حبيبى ابدااا
ياسين:ونبي اسكتى اخوكى هيلعب فى وشي وهيعملى احلى خريطه
ندى ضحكت اوى وياسين مشي وبعد شويا وصلو القصر
••••••••••••••••••••
بليل قاسم رجع القصر كانت نوارة قاعده مستنياه:حمدلله على السلامه
قاسم:الله يسلمك
نوراة قربت منه:بجى فى عريس يسيب عروسته يوم صباحيتهم اكده
قاسم بعد شويا:معلش عندى شغل
نوراة:مالك ياقاسم
قاسم:نوراة انا تعبان وعايز اريح دماغى شويا ممكن اطلع اوضتى ارتاح
نوراة:طب احضرلك الحمام
قاسم:حاضر
نوراة طلعت عشان تحضر الحمام وتلفون قاسم رن كان ياسين ورد عليه:الو ياياسين
ياسين:ورده مرجعتش القصر لحد الوقت ياقاسم
قاسم:مش انت جبتهم من الكليه
ياسين:لا ندى قالتلى انها راحت تشترى حاجه وهتتمشي وترجع القصر ولحد الوقت مرجعتش
قاسم بعصبيه:وانت لسه جاي تعرفنى الوقت
ياسين:اهدى ياقاسم انا قولت هتشترى حاجه وترجع مافهاش حاجه يعنى
قاسم:اقفل ياياسين اقفل
قاسم خرج من االقصر بسرعه ونزل ركب عربيته ومشي بيها وفضل يرن على ورده مش بترد مرة و٢ و٣ وفى اخر مرة ردت:ورده انتى
ورده بخوف:الحقنى ياقاسم
قاسم وقف بالعربيه بسرعه:مالك ياورده
ورده:انا كنت بتشترى حاجه وفى رجاله جرو ورايا وانا خايفه اوى ياقاسم وماكنتش عارفه ارد عليك لانى مستخبيه منهم
قاسم:طب انتى فين الوقت
ورده:الارض الزراعيه اللى كنا اتقابلنا فينا انا مستخبيه فى الكوخ اللى هناك
قاسم:انا قريب منك دقايق وهكون عندك
ورده:بسرعه ونبي ياقاسم
قاسم:متخافيــــ....ورده ..ورده...الو
قاسم اتصل تانى بقي غير متاح طار على المكان اللى قالتله عليه بعد دقايق كان وصل المكان وقرب من الكوخ بحذر وفتح الباب واتفاجأ بان الكوخ متزين بالشموع والورد وفى تربيزة وعليها تورتايه وورده واقفه فى النص ولابسه دريس رقيق ابيض وفى ورد بلون لافندر وطرحه بنفس اللون
قاسم قرب منها:ايه ده
ورده قربت عليها وحضنته:كل سنه وانت معايا ياقاسم
قاسم :انتى عرفتى منين انه عيد ميلادى النهارده
ورده بعدت عن حضنه:مصادرى الخاصه
قاسم ضحك:يبقي ندى اكيد
ورده:صح
قاسم:وجو الاكشن اللى انتى عملاه عشان عيد ميلادى
ورده:مانت مكنتش هتيجى غير بكدا ياقاسم
قاسم:ومش انتى المفروض زعلانه منى ولا ايه
ورده حوطت رقبته:هو انا اقدر ازعل منك بردو
قاسم:اومال سبتى القصر ليه
ورده:نفذت اللى شوفته فى عيونك
قاسم حاوط خصرها:وايه بقي اللى شوفتيه فى عيونى
ورده:انك عايزنى ابعد عن القصر مش ده اللى انت عايزه عشان تنفذ خطتك
قاسم:خطه ايه
ورده:لا مانا عرفت كل حاجه
قاسم بعد عنها:مش فاهم عرفتى ايه
ورده:انا بصراحه مكنتش مصدقه انك ممكن تروح مع نوراة وجو ده وكنت هتجنن عشان اعرف الحقيقه وملاقتش قدامى غير ياسين
قاسم:بس ياسين مش هيحكلك ابدااا
ورده ضحكت:لا مانا ضحكت عليه وقولته انى عارفه كل حاجه وهو صدق وقر لوحده
قاسم:وليه بقي مكنتش مصدقه دانتى شوفتينى جمبها على السرير
ورده:بصراحه كان فى معركه بين عقلى وقلبي بس قلبي هو اللى فاز لانه عنده ثقه فى حبيبه انه مستحيل يجرحه ولما ياسين قالى عرفت انى امشي على طول ورا قلبي وبس
قاسم ضحك:انا قولت ياسين ده حمار ومحدش صدقنى بس لما اشوفه
ورده ضحكت:ياسين طيب جدااا كان دايما يدافع عنى ويقف فى صفى
قاسم:ياسين صاحب جدع
ورده حوطت رقبته:احنا هنقضى وقتنا كله نتكلم عن ياسين ولا ايه
قاسم قربه منها:اومال هنعمل ايه
ورده:نقطع الكيك مثلا
قاسم وورده قطعو الكيك سوا وقاسم اكل ورده حته فى بوقها وورده بردو اكلته
ورده شغلت اغنيه رومانسيه ورقصو سوااا
قاسم بهمس:ماتيجى نرجع القصر
ورده ضحكت اوى:طب قبل مانرجع مش عايزة تشوف هديتك
قاسم:انتى هديتى ياوردتى
ورده:لا فى هديه تانيه احلى ممكن تغمض عينك
قاسم غمض عينيه:ماشي ياستى اهو مع ان مافيش احلى منك
ورده راحت جابت تلفونها واخدت ايد قاسم وحطيتها على بطنها وفتحت صوت بيبى بيقول {Happy birthday dady}
قاسم سمع الصوت وفتح عينيه وبص لوردة اوى وبص على ايده اللى على بطنها
قاسم:ورده انتى بجد
ورده:انا حامل
قاسم شالها ولف بيها كتييييير اوى ونزلها على الارض:بجد فرحتينى ياوردة
ورده:ربنا يقدرنى ودايما اكون سبب فرحتك
قاسم:تعرفى انتى قدمتيلى احلى هديتين فى حياتى
ورده:انا قولتلك على الحمل بس ايه هى الهديه التانيه
قاسم:ثقتك فيا ياورده
ورده:انا بحبك اوى
قاسم:انتى عرفتى امته انك حامل
ورده:عرفت فى اليوم اللى قفشتك فى اوضه نوراة
قاسم ضحك:قفشتينى... طب ليه مقولتليش
ورده:انا كنت عماله استناك عشان تكون اول واحد يعرف ولما اتاخرت روحت لبدر وحصل اللى حصل
قاسم:مبروك ياروح قلبي
ورده:الله يبارك فيك ياحبيبي
قاسم:حد عرف انك حامل
ورده:ندى بس
قاسم:بلاش حد يعرف الوقت ياورده
ورده:حاضر
قاسم:يلا نروح
ورده بفرحه:هاجى معاك على القصر
قاسم:لا ياورده الافضل تفضلى عند اهلك اليومين دول
ورده بضيق:حاضر
قاسم:انا اسف ياروحى بس بجد خايف عليكى
ورده:عارفه ياقاسم
قاسم:يلا اما اوصلك
ورده:يلا
•••••••••••••••••••
قاسم وصل ورده على القصر وراح على لبدر وياسين عشان يراقبو ثريه وهنيه ومنصور من الكاميرات
قاسم دخل:وصلو ولا لسه
بدر:لقيت ورده
قاسم:اه الحمدلله
ياسين:كانت فين
قاسم بصله بشر:كانت عملالى مفاجاه لعيد ميلادى
بدر:مش هى المفروض زعلانه منك
ياسين:زعلانه ايه ياجدع صاحبك طلع مغفلنا وقالها على كل حاجه
قاسم:انا بردو اللى قولتلها على كل حاجه
بدر بص لياسين:انت عملت ايه الله يخربيتك
ياسين:والله ماعملت حاجه
قاسم:يعنى مش انت اللى قولتلها ان الماذون كدا وكدا وانى مش هابقي مع نوراة فى الاوضه والخطه كلها
بدر:الله يرحمك ياياسين كنت طيب
ياسين:هى قالتلى انك مش بتخبي عنها حاجه
قاسم:ضحكت عليك ياحيوان وانت صدقتها
بدر ضحك اوى:ونبي ورده دى حكايه
ياسين:يابنت الــ
قاسم:هاااا كمل كدا وانا هالعب فى وشك الوقت
ياسين:لا قصدى يابنت الناس الطيبه
بدر ضحك:والله الواد عمل فيك معروف ياقاسم مش كنت شايل هم انها زعلانه منك
قاسم:ورده حامل
ياسين وبدر بفرحه:مبروك ياصاحبي
قاسم:الله يبارك فيكوو
ياسين بص على الشاشه:وصلو اهم
كلهم بصو على الشاشه ودخل واحد من رجاله الشرطه وكانو سامعين وشايفين كل حاجه.....