رواية ظلمت اختي
الفصل الاول1
بقلم روان
نتعرف أنا أحمد عمري 23 سنه شخصيه قاسيه وصعبة عندي أخت واحده اسمها رزان عمرها 18سنه بتخاف مني موت .. صحبي عمر كان عندنا مشروع وأتفقنا نعملو في بيتهم صحيت الصباح رزان جابت لي الشاي وشكلها كانت عايزه تقول لي حاجه أنا بزهج : مالك دايره شنو؟ رزان (خايفه وبتمتم ) : ع ع عايزه عايزه .. أنا : مالك ي زفت دايره شنو ؟ رزان عيونها رقرقت : لأ م عايزه حاجه م أشتغلت بيها شلت حاجاتي ومشيت لعمر ( طبعا عمر عندو تلات أخوات م بعرف متحملهم كيف أنا رزان م متحملها ) قابلت صحبي ف الشارع سلمت عليهو مشينا بيتهم فتحت لينا أختو عمرها 10سنه اسمها شهد كانت لابسه بجامه لمن شافتني جرت لبست طرحه وجات عمر بهظار كده قال ليها : أحم م تتكرر تاني شهد : ههههههه شوف الولد لاعب دور السوبر مانيه ومشت وهو قاعد يضحك ( أتذكرت لمن صاحبي جا بيتنا ورزان فتحت لي الباب نهرتها وقلت ليها طيري خشي جوا حسيت بيها أتحرجت م أهتميت ) بعد شويه جات أختو الصغيره عمرها 5 سنه اسمها شيماء عمر شالها سلم عليها ف خدها قال ليها سلمي على خالو أحمد سلمت علي وتاني رجعت قعدت ف حضن أخوها أستغربت لي عمر بعامل أخواتو بالطريقه دي ؟ ضيفوني وبدينا نشتغل فجأه عمر تلفونو أتصل رد عليهو وقال : ..