رواية خادمتي الفصل الخامس5بقلم فرح احمد
حوريه :نور كانت جارتنا في المنطقه زمان وعزلت
نور برتياح اه والله كانت احسن ايام
وجلسو جميعهم الا مسك
جاسر: انا نويت اني تنزل معاكم الشركه من بكره
مروان: الشركه تنور بيك ياحبيب اخوك
يوسف: بس اي اللي غير رايك كده
جاسر :حبيت استقر ويكون ليا شغلانه بقه
وكمل كلامه اومااال فين مسك مشوفتهاش من ساعت ماجيت
رحاب: في الكليه زمانها جايه
وبعد فتره قصيره دخلت مسك وسلمت علي جاسر ونور وقعدو في جو عائلي جميل وحوريه استطاعت ان تندمج معهم
معاذ ؛الدنيا ماشيه تمام واللي انتي عايزه كلو هيحصل قريب
فاتن: تسلملي ياحبيبي اهو انت كده ابن بطني بصحيح
معاذ وانا مقدرش أرفض ليكي طلب ياحبيبتي
سوسن :وبعدين هنعمل اي
محمود :انا مع هيثم في اي حاجه هيعملها
هيثم: المشكله انها مراتو انتو فاهمين هخدها منو ازي
محمود :يعني اي يا هيثم مش فاهم
هيثم :يعني مع السلامه انت واختك انا مش هدخل نفسي في مشاكل علشان بيعه خسرانه وبيمشي ويسبهم
كانت حوريه قاعده في الاوضه مع ابنها ومستغربه اي علاقه نور بجاسر وعرفتو ازي وافتكرت هي كانت تعرف نور منين
فلاش باك
حوريه :هو اي اللي بيحصل تحت يا ماما
سوسن: ده رجاله الشارع بيطلعوا نور وامها من المنطقه
حوريه: نور لي هي عملت اي
سوسن وهي بتتفرج من الشباك
استغفر الله مشين في سكه واحشه
حوريه: انتي بتقولي اي نور وامها محترمين جداا
قفلت سوسن الشباك ولفت لبنتها وقالت
ياحبيبتي انتي لسه صغيره تقدري تقوليلي نور وامها بيصرفو منين وهما مش معاهم راجل ومكنش حد بيشتغل فيهم واللي عرفنا بقه ان استغفر الله العظيم يعني بيدخ؛ل عندهم رج؛اله كل يوم
حوريه: ازي نور تعمل كده
سوسن: ملكيش دعوه بحد انتي يا حوريه ومتكلميش نور دي تاني
فاقت حوريه علي عياط ابنها
اي يا حبيبي مالك بس ايده انت سخنت اوي كده لي اعمل اي يارب
لقت نفسها بترن علي مروان يلحقها كان مروان لسه في القصر طلع علطول خدها هي ومالك علي أقرب مستشفي
مروان :اهدي يا حوريه هيكون كويس انشاء الله
حوريه: خايفه علي اوي ده هو اللي ليا في الدنيا
الدكتور: متقلقيش يا مدام البيبي كويس هو ياخد العلاج ده وهيكون تمام
محمود: انا هروح اصالح حوريه علي الاقل اطلع بقرشان من جوزها
سوسن: ده راجل كبيبر ومعروف يا محمود اوعي يحطك في دماغو ويعمل فيك حاجه
محمود: منا لازم اخد فلوس من جوزتها دي مش هطلع بلوشي انا
نور: مش هتصدقي لقيت مين هنا وكمان تبقه مرات مروان
نعمه مامت نور بصدمه: اي ازي وصلت لمروان ده
نور :مش عارفه بس الغريبه انها قالت اننا جيران وبس
نعمه؛ ممكن تكون نسيت او تكون في دمغها حاجه خودي بالك منها بس
نور: حاضر يا ماما يلا سلام
فاتن: ها يا معاذ عملت اي
معاذ: خلاص هتجبلي اللي انا عاوزو انهارده
فاتن بفرحه: لا شاطر ياواد
أستاذا مروان استاذه صافي عايزه تدخل احضرتك
مروان بأستغراب: صافي!!دخليها
صافي: ازيك يا مروان عامل اي
مروان :بخير اي اللي جابك هنا
صافي :مروان انا بحبك بس خوفت من الارتباط
مروان: خلاص ياصافي موضوع واتقفل وانا دلوقتي متجوز
صافي بصدمه: اي متجوز انا انا بحبك يا مروان
مروان: بتحبيني ولما انتي بتحبيني مفكرتيش في شكلي قدام الناس لما تهربي يوم الفرح انتي انانيه وانا مش عايز اعرفك تاني اطلعي بره
خرجت صافي من مكتب مروان وهي منهاره ومش عارفه هي راحه فين لحد ما عربيه خباط؛تتها ومحستش بحاجه تاني
حوريه: ايوا يعني انت عايز اي دلوقتي يا محمود
محمود: امك تعبانه يا حوريه وعايزين قرشين احنا مش عارفين نعيش
حوريه: وانا مش معايه فلوس
محمود: بقه العيشه والجوازه اللي انتي متجوزها دي ومش معاكي فلوس ده ازي ده
حوريه: اه مش معايه وابعد عني انت وامك بقه لان انا فاهمه انتو عايزين اي انت ازي اخ انت المفروض تخاف عليا بس انا هستغرب لي ده حتي امي مش خايفه عليا ولا فارق معها غير الفلوس وبس امشي يا محمود وابعد عني سبوني اعيش انا وابني
وخرج محمود وكانت حوريه لسه قاعده مكانها في الجنينه لحد ما حست بحد بيقعد جنبها
نور :مككن اقعد معاكي شويه
حوريه :اتفضلي
نور: عامله اي واحشاني والله من زمان مشوفتكيش
حوريه بقتضاب: الحمد لله انتي كمان واحشاني انا هقوم اشوف مالك
نور مالك يا حوريه انتي بتبعدي لي شكلك فاكره كل حاجه وبتستعبطي بس ومالو ادينا بنتفرج وضحكت بصوت عالي
يوسف: وبس كده ياعم جاسر شوفت الدنيا هنا سهله ازي
جاسر بضحك: سهله اوي الصراحه
يوسف: اول ما تتعود هيكون الشغل سهل معاك اوي كمان
جاسر: بأذن الله ياحبيبي
في المستشفى كانت صافي نايمه علي السرير والدكتور يعالج في جروحها
الدكتور: الحمد لله جت سليمه هي شويه كدمات بس
سيف: شكرا ليك يا دكتور
خرج الدكتور بعد ان اذن ليها بالخروج
سيف :انا اسف جدا يا استاذه ..
صافي اسمي صافي
سيف :انتي والله اللي كنتي بتجري في الشارع بسرعه
صافي: عارفه وبشيل عنك اي حرج انا فعلا اللي غلطانه
سيف: بعتذر مره تانيه وده الكارت بتاعي اي وقت تحتاجيني هكون موجود
صافي :شكرا ليك تقدر تتفضل انا بابي زمانو جاي
سيف: استني مع حضرتك طيب
صافي :لا اتفضل انت انا تمام
وخرج سيف ونظرت صافي في الكارت كان بيحتوى علي عنوان عياده دكتور نفسي وارقامو
صافي: سيف احمد عمران
دخل عليها والدها واطمن عليها وخدها ومشي
معاذ :ها يمسك جبتي اللي قولتلك عليه
مسك بخوف: لا يا معاذ معرفتش
معاذ بعصبيه: حاول أن يخفيها لي يا مسك لي
مسك :مروان كان في البيت ومعرفتش ادخل المكتب بتاعو
معاذ: انا مش هستني كتير لو الحاجه دي مجتش بكره انتي عارفه انا هعمل اي سامعه
وسبها ومشي
محمود: والله يما ده اللي حصل وشكلنا كده مفيش مصلحه
سوسن: بقولك اي سيبك من اختك خالص انا عندي ليك مصلحه حلوه اوي
محمود بتركيز :مصلحه اي
سوسن: في واحده من ستات الشارع هنا كنت بسألها علي شغل ليا وقالتلي علي شغل كده قبضو في اليوم الواحد ٥ تلاف جنيه
محمود: اي ٥ تلاف مره واحده ده شغل اي ده
سوسن: في كب؛اريه
محمود :اي
سوسن :مش هخرج برا الكب؛اريه هو كل الحوار اني هونس الناس اللي قاعده علي التربيزات اي رايك وانت هتكون معايا كمان
محمود بتفكير وطمع: مش عارف
سوسن بمكر :وكمان هيكون ليك قبض تاني غير القبض بتاعي
محمود: يبقه موافق يما
بيجي الليل وحوريه بتكون مش عارفه تنام بتطلع البلكونه شويه تشوف حد واقف عند البسين ومره واحده بيقع جوه بتتخض وتنزل جري تشوف من ده
بتتفجاء لما تلقي ......
