رواية حبه لا يموت الفصل العاشر10بقلم شفق احمد
رواية حبه لا يموت
الفصل العاشر
راحوا واول ما وصوا الشقة خشوع دخلت وفلكس وراها امها كانت جيه علشان تحضنها
بس هي اتكلمت وقالت: انا وفلكس هنكتب كتبنا النهارده
أهلها كانوا في حالة صدمة إياد اتكلم وقال:
- بس احنا متفقناش علي كده
- اتفقكم ده لما تكون بنتكم هي اللي هتتخطب مش انا ...انا حره وده اخياري وبصراحه كده انا مش طيقاقكم ولا طيقة ابص في وشكم
- خشوع اه الطريقة دي اتكلم بأسلوب احسن من كده
فلكس اتكلم
- عيب يا خشوع دول اهلك مينفعش تكلميهم كده
زعقت بغضب : متقلش اهلي بس
كانت بتتكلم بطريقة وحشة وببرود
في اللحظة دي اتنين كانوا في عالم موازي وهما شايفين بنتهم بتكلمهم كده شيفين البنت اللي ربوها مش طيقاهم
كانوا محمد وفاطمة بيفتكرو اسلوب امها معقول تربيت بنتهم راحت معقول هتبقا نسخة من ممتها
كانت افكار كتير بدور في دماغهم
اتكلم محمد وقال : تمام واحنا معندناش اعتراض ..النهارده يبقا النهارده
ووجه كلاموا لاياد وقال : هات المأذون
إياد كان هيتكلم بس ابوه وقفوا
إياد مش عايز ان اختوا تمشي بالشكل ده مش عايز البيت يتخرب بسهولة ليه يتفرقوا وكل واحد موجوع من التاني
هو عارف ان اختوا مديقة ولو هديت كل حاجة هتتصلح بس ابوه بالي هيعملوا هيبعدها ومفيش حاجه هتتصلح
خشوع لما بباها قال كده اعدت بكل برود وهي بصه ليهم بقرف
وبعد وقت كتبوا الكتاب فعلا كان واضح عليهم كلهم الضيقة حتي فلكس مش راضي علي اللي بيحصل هو عايز خشوع بس مش كده
اول ما المأزون مشي خشوع قامت وبصت علي فلكس وقالت : فلكس عوزاه امشي مش طيقة المكان هنا
فلكس قام يمشي مع مراتوا
خشوع سبقت فلكس علي تحت
فلكس اول ما خشوع نزلت راح عند فاطمه وباس راسها وقال: متخفش يا ماما بنتك معايا
فاطمه انهارت هي عرفه انها خسرت بنتها خلاص
فلكس باس ايدها وقال : اوعدك يا ماما كل حاجة هتتحل
انتي عرفه بنتك اكيد هترجع بس هي مديقة
فلكس قام يمشي بس إياد وقفوا وقال: خلي بالك عليها يا صحبي
- انت بتوصيني علي مين متخفش طول ما هي معايا
إياد حضن فلكس وبعدها فلكس مشي نزل لقي خشوع سنده علي العربية واول ما شفتوا مسحت دموعها
هي كانت بتعيط هي بتحاول تمثل القوة وانها مش فارق معاها
هو فتح العربية وهي ركبت معاه وطول الطريق مفيش حد فيهم اتكلم كل واحد في عالم موازي
ولما وصلوا قدام فيلا كبيرة خشوع نزلت مصدومه هو ابتسم ليها وقال : عجبتك
- دي بتعتك ؟
- اه ليه بتسألي
- طلما عندك القصر ده كلو ليه لازق في شارعنا يسطا
- البيت من غير ناس ملهوش طعم ...البيت لما تخشيه هتلقيه هادي مفهوش رواح ...الناس فكرة ان اللي عيشيين في فلل وقصور مبسوطين ..لا بالعكس الحاجه الي ممكن تعمل من عشة قصر الاهل والناس بتوع البيت علشان كده فضلت شقة صغيرة عن هنا
- بتفهم يا فلكس والله
ابتسم وهو بيميل ويقول : فل تتفضل سمو الاميره خشوع
ضحكت وقالت : شكرا يا فارسي العزيز
فلكس طلع معاه علي اوضتهم وهو كان محضر ليها كل حاجة ممكن تحتاجها من ميك اب و هدوم
خشوع دخلت اخدت شور وطلعت وبعدها دخل فلكس
كانت اعده ببجامتها وسيبة شعرها الي مبلول علي ضهرها كانت بصه علي نفسها في المرايا وفجأة وهي بتأمل نفسها انهارت هي مش قدرة تمسك نفسها اكتر من كده
هي ندمانه على كلمها مع أهلها كده ندمانه على انها انهت الموضوع بينهم كده هي كانت فكرة لما تعمل كده هتستريح بس هي مستريحتش وفين الراحة في انها تجرح في أهلها
قلبها جواه ناار قيده هي مش قدرة
فلكس طلع وشفها كده راح عندها واخدها في حضنوا وهي مش مبطلة عياط
هو بيمسح علي ظهرها وبيواسي فيها
واخيرا اتكلمت في وسط بكائها وقالت: دول ما صدقوا انهم يخلصوا مني .....هما متمسكوش فيا كنت فكرهم هيرفضوا اننا نكت الكتاب بالشكل ده كنت فكراهم هيرفضوا بعدي عنهم
- يا عيوني انتي اللي طلبتي واكيد هما مش عوزين يضغطوا عليكي
- هما مش عيزني يا فارس
- مين قال كده ؟انتي بس اللي زعلك عماكي؟ انتي مشفتيش امك كانت عملة ازاي؟
- ازاي؟
- كانت اعده علي الكنبه
زقتوا وهي بتبعد عنوا وقالت : انت بارد اتصدق !!!
- انا بحبك اتصدقي!!!!
- جو المحن ده مش بيجي معايا
- انتي لسه شفتي محن
كان بيتكلم وهو بيقرب منها
- فاااااارس
- عيون الفارس
خشوع كانت نيمة في حضن فلكس
- فلكس
- امم
- هو ليه إياد مشي وساب البيت لما عرف الحقيقة؟
- علشان حرام يقعد معاكي
- ازاي انا اختوا من ابوه فا عادي
فلكس استغرب ازاي اختو من ابوه خشوع مش اخت إياد اصلا خشوع امها تبقا مرات محمد ابو خشوع مراتو التانية الي خنته مع اخوه امال هو طلقها ليه علشان خينه وزباله ولما حملت من اخوه جابوا ليه البنت ومشيوا يهربوا وهما مسافرين عملوا حدثة وماتوا خشوع مش اخت إياد من ابوه
فلكس فهم انهم مقلوش ليها الحقيقة...طب ليه ...كانوا قللها وخلصوا نفسهم ليه عملوه كل ده
فلكس كان سرحان
- فلكس....فارس
- امم معاكي يا حبيبتي
- مردتش ليه إياد مشي ؟
- انتي عرفه إياد...هو مكنش عايز يبقا فيه شبه في الموضوع
كان شكلها مش مقتنعه ....بس مشت الموضوع
وتاني يوم خشوع صحيت بصت جنبها ملقتش فلكس
قامت من علي السرير تبص حوليها لقيتوا واقف قدام المرايا الكبيرة وهو بيعدل هدوموا
لمل شافها صحيت قرب منها وباس رسها وقال :
صباح الخير يا عيوني
- صباح النور ...بتتشيك ورايح علي فين؟
- بدأنا شغل متجوزين بقاا
- رد من غير لف ودوران
- الشغل
- والله
- والله العظيم تحبي تيجي توصليني يا ماما
- لا يا روح ماما ..انا وثقة فيك بس خليك فاتح فونك اول ما توصل اتصل عليا فيديو كول علشان اطمن عليك
ضحك وقال: تطمني عليا برضو
- طبعاً انا عندي كام فلكس
قام يمشي وقال: طيب يا لمضة حضري شنطنا علشان هنسافر بكره
- ليه ؟
- شهر العسل
خشوع بفرحة :هنسافر فين ؟
- لا دي عليا سلميلي نفسك بس
- انا كده بدأت اقلق
- بردة والله
- بس بحبك والله
ابتسم وقال: وانا بموت فيكي والله
وكان ماشي هي ندهت عليه بخضة: فلكس صليت الضحي
- عيب عليكي الحمد لله صليتوا
قال كده ومشي
وجه بكره وفعلا ً سافروا وده فعلاً كان احلي شهر تعيشوا خشوع هي كانت خيفه تكون اختارت غلط بس لا اختيارها كان صح فلكس بيعشقها وبيتمني ليها الرضا ولو طلبت ايه هيعملوا.....هي كمان كانت بتبدلوا نفس المشاعر
بجد الحاجه اللي بتيجي بالحلال ليها طعم تاني
هي رفضت تكلموا من سنين علشان حرام وبعدوا وتفرقوا وكل واحد راح في حته ...اتجنبت الحرام وكل مره كان ممكن تكلموا فيها وهو مستنيها في مكان دروسها ...هي اتجنبت كل ده وفي الاخر كان نصبها ....بعد السنين دي كلها فعلاً نصيبك هيجيلك لو وقف قداموا العالم كلوا
فلكس كان عوضي ....مستعدة ادي ليه عمري ....انا وثقة فيه اكتر ما بثق في نفسي ..وهو كذالك
بس فرحت وفي نفس الوقت اديقت لما عرفت انو كان بيجرح نفسوا كل ما يفتكرني اديقت لانو كان بيئذي نفسوا بسببي
وفرحت لانو كانت بيعمل كده علشان بيحبني كان بيمنع نفسوا عني بالطريقه دي وفرحت لما عرفت اني كنت سبب توبتة وتقربه اكثر من ربه
بعد الشهر رجعنا وبعد رجعنا بأسبوع فلكس جه يقول أهلي عزمنا واياد هيزعل لو مجناش
كنت مش عيزا اروح علشان مفتكرش وجعي بس فلكس قالي علشان خاطري وهو اغلي حاجه عندي فا وفقت
لما رحنا ووصلنا و طلعنا فوق اهلي اتقبلونا بطريقة اول مره اعرف اني غليا عليهم كده وامي اللي كانت طيرا بينا بجد شكه انهم اهلي حتي ابويا كان مبسوط
اعدنا وبصراحه اكل امي كان وحشني فين ايام المحشي والبشاميل ولا صوابع الزينب الي انا بقول عليها صوابع فاطمه كنت اعده جنب فلكس نطيت رحت عند امي علي المطبخ فاطمه بت يا فطومي
هنا يا روح فطومي
- لا لا مش متعوده منك علي الرومانسية الزيادة دي معقول لسه زعلانه مني
- انا اللي غلطانه بعملك علي انك انسانه عقلة متجوزة كبيرة وراشدة انا الغلطانة...عوزاه ايه يا زفته
- ايوه كده دلعيني
- عملالي صوابع فاطمه
- عملالك كل اللي بتحبيه يا قلب فاطمة
كانت بتتكلم بدموع
- يا وليه انتشي نكد
إياد كان داخل وقال: متسبيها فرحانة بيكي يا حيوانة
خشوع بصت عليها وقالت بنبرة حزن مش اكتر مني والله
وبعدها حضنت امها
امها بعدتها وقالت : اخدتي عليا انتي برضو
- اهدي يا فطومي علينا ...وفين الاكل انا جعانة؟
جعانة يا قوم ....اكلوني حرام عليكم
- هو احنا بنعذبك حاضر هحضر بس اطلعيلي بره
خشوع طلعت ورمت نفسها جنب فلكس
ابوها سئالها : مالك ؟
- جعانة هموت من الجوع حرام عليكم
- طبعا يا انا لو حلفتلك اني مش بعذبها وبأكلها مش هتصدق بسبب اللي عملاه
إياد اتكلم: انت هتقولي منا عارف بتجوع وهي بتاكل
امها قالت : الاكل
وكلهم قاموا واكلوا في جو عائلي جميل
فلكس كان حابب الجو ده لانو اتحرم منوا طول عمرو
وبعد ما اكلو وحلو وخشوع اكلت صوابع فاطمه
قامت ودخلت اوضتها اللي كانت مفتقدها هي مشيت منها مم غير تخطيط وفجأة
دخلت وكانت مترتبه زي ما بتحبها وكل حاجة في مكنها بس كان في حاجه مختلفه لما فتحت دولابها لقيت ورق
لما فتحتوا اعدت تضحك تضحك بصوت عالي
كلهم راحوا علي صوت ضحكها ولما دخلوا وشفوها مسكة الورق فهموا اللي فيها
خشوع بصت لفلكس وقالت : عرفت ليه إياد مشي
مش علشان يتفاده الشبه علشان انا مش اختواا
كانت بتضحك بهستيرية
بصت لابوها يعني في الاخر لا هي امي ولا انت ابويا
ابوها بص ليها بحنيه وقال: تعالي يا حبيبتي نقعد بره وافهمك
ابوها هكلها انو كان متجوز تاني بعد فاطمه ومراتو دي خانتوا مع عمها الله يرحمه وهو طلقها بس في يوم بليل جرس الباب خبط فتحنا لقيناكي قدام الباب فاطمه دخلتك مع رفضي
وبعدها لقيت موبيلي بيرن ولما رديت كان عمك وقال : خليها معاك دي بنتي انا ومراتك الي خنتك معاها وبما اننا جبنها لما خناك يبقا خدها
المهم عرفت بعدها بيومين انهم كانو مسافرين بس عملوا حدثة وماتوا انتي صحيح مش بنتي بس انتي اغلي عليا من عمري صحيح جه علينا وقت وعلاقتنا باظت بس هتفضلي بنتي اللي ربتها وده غصب عنك فهمه انتي بنتي انا وبس
خشوع بصت لابوها بدموع وراحت عندوا حضنتوا وقالت : وانت ببايا حتي لو مش بنتك وغصب عنك هفضل بنتك وانا اسفه علي الكلام اللي قلتوا ليك قبل كده ...انا كنت مديقة ومكنتش اقصد انا بحبك اوووي يا بابا
قلب وروح وحيات وعمر بابا
كانت حضناه كأنها اخيرا لقيت الأمان ....هما أهلها وهي بنتهم غصب عن الكل
عده اليوم وخشوع وفلكس رجعوا علي البيت وحياتهم كلهم بقت مستقره وكل يوم جمعة بيتجمعوا عند اهلها من اول اليوم
عده شهر تاني بنفس الوضع
وفي يوم باب البيت خبط خشوع راحت تفتح لقيت واحدة وقفه قدمها
هي ابتسمت في وشها وقالت : اسعاد حضرتك في حاجه
زقتها ودخلت وندهت علي فلكس
فلكس نزل علي صوتها ولما شفها .....