رواية ست الشاي الفصل العاشر10بقلم سهي وليد
بختك ي بت امي اهااا و طبعا الشيلة خرافية الوووو هاني: العروس اخبارك مياس: ليه جبت شيلة قدر دا ما كان في داعي هاني: بسيطة عليك ي غالية ووبعدين انتي حا تعرسي كم مرة في العمر لازم تفرحي بالمناسبة الشيلة كلها من اختياري بتمنى تعجبك ولو ما عجبتك لسه في وقت امشي ما اختك و اشتري البعجبك تمام مياس: لا مافي داعي حلوة شديد قفلت الخط لانو مشغول طبعا شيلة خرافية ان شاءلله شيلة كل بت زوقو بسيط و حلو الوان هادئة و العجب الشباشب ناعمة كدا والله خسارة في رجولي فيهم شقة تدخل قبيلة 🤣 اتحبست اسبوعين بس و قلت ليو ما دايرة عرس اوفر حاجة بسيطة و فعلا سمع كلامي الاسبوعين تمو و انا بقيت حاجة تانية شعري طال و جسمي بقا حلو و العجب لوني رجع ابيض و ما مسحت كريم اصلا مرطبات بس و رجولي دي اشتغلو فيها صنفرة ولا فاضية عارضة شي ان قررت البس توب جرتق بس لونو احمر بي فضي و ما كان اوفر ما بحب الحاجات الكتيرة في اللبس بالذات الهتش اضاني الا قدوها لي التوب كان هادي لانو الذهبي ما كتير كم فراشة بس و الشبشب فضي مكياج هادي و خافت ما تتخيلو البساطة حلوة كيف طلعت قمر بس فاقدة اهلي و بتذكر في ايام عرسي انا و خالد و ناس امي ابشع شي انو امك تكون ما موجودة يوم عرسك ماسكة دموعي بالعافية ميار و محمد لمو قدام الكوفير و زفة ما حصلت فوضة مبالغة اصحلب محمد و ميار عملو جو برا و حالتو لسه العريس ما جاء اتاخر علي العروسات الجو قدامي كلهم طلعو الا انا جاء داخل عملت زعلانة و ما دايرة كلام هاني: الزول ما يتاخر حبة بس طوالي طلعت برا الكوفير الناس انصدمو طبعا دايرة افتح باب العربية جاء شالني زي صينية الاكل و رجعني جوا الكوفير حصني رجالة و الناس تضحك فيني مسك يدي هاني: ما انا البستغنى بسهولة ولا انا بضيعك من يدي طالة ما مسكتها يبقا ماف قوة في العالم حا تخليني افكها تاني يلا الناس منتظرانا و طلعنا طول الطريق هاني فرحان و برقص في العربية شي بي كتفو و شي يبشر فرحان بي شديد وصلنا بيتو العرس كان في الحديقة حسب طلبي نزلنا و طبعا قلت ليو ما بقدر ارقص اسلو طوالي لغاء الاسلو بخجل من الاهل والله في ناس في مقام امي و ابوي و حتى في عرسي الفات محترمة نفسي لازم كمان اهلا الحفلة اشتغلت و النلس هجيج لمن غلط و العجب هاني رقص لمن نفسو قام اتجرتقنا ودعنا الاهل و مشي
تكملة الجزء الاخير من ست الشاي
و مشينا شقتي اقصد شقتو وصلنا شالني دخلني البيت قعد جمبي هاني: من اليوم و لي قدام حا نتشارك اي شي افراحنا و احزانا و نعيش الحلوة و المرة مع بعض و الانفصال اخر حاجة نفكر فيها وعد ي مياس ما تشوفي من غير الخير اخترتك زوجة و شريكة لي حياتي حا نكمل سوا و نعجز مع بعض و نجيب اولاد يملو حياتنا تكوني زوجتي و ام اولادي و سندي ما بس المرأة محتاجة سند حتى الراجل بحتاج دمتي لي فرحة و بهجة ي قلبي بحبك ي سجم ولا ما سجم ساي سجمي ي يمة و احلا سجم مياس: افهم انك بتنبزني بطريقة حلوة ولا كيف هاني: المهم الفهمتيو اها اسي كيف و كيف مشتاق مياس: اسمع قلة ادب من اول يوم ما بتنفع انا نعسانة اختاني سمح هاني: ياخي انتي مرة ما نصحية ولا مالك هبلة دي و بقينا نتونس كتير مياس: هاني بخاف اخسرك لاني اتعلقت بيك و دموعي جرو علي زايد شوقي لي اهلي خلاص شلال بس هاني يهدي فيني و صبرني شوية
بعدها صلينا و المهم عارفين الباقي بقيت نرتو قولا و فعلا
مرت سنة علي زواجنا و بقا لي اخو و زوج و اب و حبيب و صديق متشاركين كل شي
و اخيرا بعد طول انتظار جبت احلا ولد سميتو حسام
عاشين حياتنا بما يرضى الله بنتشاكل بس ولا يوم خلاني انوم زعلانة ولا يزم حسسني انا بقدر يستغني عني و دا الشريك الصح شايلني في عيونو و حبو لي واضح دا الحاجة الوحيد الما بتتخبى
زول خذلك مرة بخذلك الف مرة ابعد عن اي علاقة سامة و الباعك ما بشتريك و الصبر بعدو فرج
ماف حياة مثالية بس نحن بنتاقلم
الحياة تجارب و دروس اهم شي فيها انك ما تكلع من عشاق الدنيا اعشق الاخرة و اعمل عليها و اجتهد
الزوجة الصالحة اكبر كنز و الزوج القنوع نعمة
تمت