رواية جراح الحب الفصل الحادي عشربقلم جني
بس قبل ما ايديها تتمد على سارة بيوفقها حازم
-خالتو نبيلة !!
ردت ناهد : انت مالك ابعد عنها
-مش هبعد ياماما هي جت معايا ف انا مش هسمحلكو تمدو ايديكم عليها كفاية لحد كدة وكفاية اللي عملتوه!! وانا لسا ما اديتش ردة فعل على اللي عملوته ف مروان وجميلة
-عملنا آية ؟؟ هي ضحكت عليك وزرعت كلام ف دماغك
" بتمسكها ناهد من شعرها بس ايد حازم بتبعدها بسرعة عنا ... وبيوقفا وراه وبيحاوطها ب أيده وبيتوعدهم
: محدش يقربلها ! ..
-اخويا الي انت ساهمت ف أذاه هو ومراته رغم انك متربي معاه ياخالد عملت كدة في
-طب ابعد عنها يا حازم قولتلك هتجوزها
-سارة انتي عايزة تتجوزيه؟؟
ردت:اموت ومش هتجوزك يا خالد مهما عملت
"ويحاول خالد يقرب منها لكن حازم بيمنعه وفجأة سارة بتخاف ف بتمسك ف حازم اكتر وبتقول ب ثقة :
انا عمري ما هتجوزك .. ولا هسامحكم كلكم طول العمر وبكرهكم
ناهد : ف ستين داهية !! وأنت بتحاميلها ؟؟؟ روح معاها يا حازم
خالد : ماما !!
ناهد : اسكت انت يا خالد
حازم : سارة .. يلا
"بيبصلهم حازم بنظرة توعد وتحذير وبياخد سارة وبيمشي عل طول
----------------------------------------------
"بيروح مروان عند جيدا وبيخبط . ..
-اي دة اي ....
-عديمي عديني
-مالك يا مروان يا حبيبي ممكن اعرف سر الابتسامة دي
-مش حابب اقول عشان منتحسدش وكل حاجة تبوظ تاني
وهو بيقعد بأرتياح : حاسس ان في امل .. وأن جميلة مش زعلانة مني و ممكن ترجعلي !!
ـ-ماشاء الله اي التطورات دي
-جيدا هحكيلك مش قادر !! انا روحتلها وفصلت اتوسلها وحضنتها حاسس اني اول مرة احضنها من كتر بعدها عني بس هي مش كرهاني وحضنتني وفضلت تعيط ف حضني وقالتلي أن انا كمان وحشتها
بس على اخر لحظة مرجعتش وقالتلي أنها عايزة تقعد لوحدها شوية وطلبت مني امشي
-حلو اوي نضغط عليها حبة كمان وهتلاقيها ضعفت والقوة اللي متصنعاها دي هتروح بقا وكل حاجة هتتحل
-عشان قولتلها اني مش فارق معايا لا اطفال ولا اني اخسر كل ما املك علشانها وانا بحبها
-برافو عليك يا مروان خليك كدة لحد ما تلين
-هي المشكلة أنها بتحبني بس هي بتعمل كدة عشان قصة الحمل والخلفة
-خير أن شاء الله انا هفضل ادعيكو يارب ترجعوا
-امين يابركة..آيلا حبيبة خالو تعالي يا حبيبي
وحشتيني موت !! تعرفي انك شبة جميلة
-اول مرة اشوفك بتلعب معاها من ساعة الحصل
-مكتتش فايق والله يا جيدا انتي عارفة اني بحبك وبحبها اوي
صحيح اخبار جوزك
-يامروان للمرة المليون اتطلقنا وهو مش فارق معاه البنت د. غير انو اصلا سافر واستقر ف حياة جديدة
-قد آية هو ندل
-يلا ربنا يسامحه بس انا مش مسامحاه هه
-------------------------------------------------
" في العربية ....."
-كنت عايز اقولك على حاجة !! اوعي تهتمي بكلامهم محدش هيقدر يقربلك انا معاكِ
-شكراً عشان ساعدتني منهم
-انا مُجبر اعمل كدة يا سارة عشان انتي مني
-وهما منك برضو
-انا معاكي عشان انتي الحق معاكي انتي اللي صح .
-بس انت معرفتش التفاصيل كلها اوي
-بس انا مصدقك
-مصدقني؟ علطول كدة
-ايوة
-حازم !! انا اسفة بس انا مش قادرة حتى اثق فيك ! انا فقدت كل الثقة مبقتش قادرة اثق ف اي حد خصوصاً فيك
-متثقيش
-ياسلام
-طبيعي ياسارة ...احنا اة اتربينا سوا بس لما كبرنا مبقيناش نشوف بعض كتير عشان انا دائماً مسافر وكمان انا فجأة وقفت معاكي ...لازم متثقيش فيا وانا ابن اللي اذوكي ... انا اسف ياسارة حقك عليا انا متزعليش بعتذر نيابة عنهم
-لأ مش هسامحهم
-متسامحيش براحتك ..
عُمري ما هضغط عليكي ووصلي اعتذاري لمروان
-مروان لو عرف اني شوفت خالد ممكن يقتلني ولو عرف اني روحت هناك هيزعل مني عشان هو قالي مروحش وعارف أنهم هيأذوني
-عشان بيخاف عليكي ...انا بعزه وزعلان عليه بجد
-ربنا ياخدهم يارب وينتقم منهم و.... معلش نسيت أنهم اهلك برضو
ضحك حازم على كلامها
-----------------------------------------------
خالد : انتي شوفتي ؟ شوفتي ياماما اللي حصل
شوفتي وقف جمبها وحماها ازاي
ريم :دي كانت ماسكة فيه
ناهد :هشششش انا مليش دعوة بيها انا ليا دعوة ب ابني ...اخلص مروان واروقله
نبيلة :اة ياسارة اة !!! انتي تقوليلي انا كدة وتكلميني كدة ؟؟
ناهد :تربيتك ياختي
نبيلة:….
تربيتي ؟؟ انتي بتلوميني على أية يا ناهد
ناهد ::مش عايزين نتخانق
وانت يا خالد !! سارة ليك غصب عن اي حد حتى لو كان اخوك فاهم ؟؟
خالد : انا مش محتاجك تقوليلي
نبيلة : انتي بتقولي يا يا ناهد الولد كدة هيضيع نفسه مع سارة سارة عنيدة وصعبة ومستحيل ترجعله
خالد : مش انا يا خالتو ...وهتجوزها يعني هتجوزها! انا حبيتها مش هسيبها لحد غيري
"فجأة الباب بيخبط وبتكون غمزة اللي بتدخل بعصبية
ناهد:قالبة خلقتك لي
غمزة : هو دة اللي هيغرق ف حبي ؟؟ اللي هيغرق ف حبي سابني ومشي ولم هدومه واتخانق معايا وقالي هطلقك حتى لو هخسر كل حاجة
نبيلة بسخرية :قولتلك مش هتعرفي تسلكي لا مع مروان ولا مع سارة
ناهد بعصبية :اسكتي انتي يانبيلة!!!
انا هتصرف مع مروان !واضح انو لازم يشوف الورقة عشان يصدق أن
غمزة :ماما !! مروان بيحب جميلة ! بيعشقها مسحور وكأنها عملاله عمل !! مش عارفة حتى أقرب منه وإتكلم معاه
اعترفت بحبي بهدلني يا ماما
ناهد : ما عاش ولا كان اللي يبهدلك
خالد :اخوكي هيجبلك حقك يا غمزة بس اتقلي
غمزة :انتو كل حاجة عندكم بالأذى؟؟انا مش عايزاه يتأذي انا بحبه انتو مبتفهموش؟؟
نبيلة :اتأدبي يا بت
قولنا اتهدي هنتصرف !!
-----------------------------------------
"سارة بتكون وصلت وقاعدة مع مروان وجيدا ...
سارة: دي حاجة حلوة اوي يا مروان انك اتحسنت
-انا لسا متحسنتش يا سارة !! انا هموت عندي امل وفنفس الوقت حاسس انها مش عايزاني وخلاص قفلت على الموضوع بجد
جيدا :ياعم متقولش كدة انت عبيط ولا اي
دة اللي بينكوا عمرو ما كان بالساهل ف يهون
سارة: بالظبط
مروان : طيب انا هروح اشوف آيلا واقعد جمبها شوية
جيدا:روح روح ونام جمبها ..
....
سارة بعد ما مروان مشي بهمس : في حاجات كتير حصلت
جيدا: حسيت عشان كدة مشتو قولي
سارة : حاولو يمدو ايدهم عليا بس حازم مخلاهمش يقربولي
جيدا : حازم !! ابن ناهد !!! حازم !!!
سارة : انا برضو استغربت
جيدا : بس استني بس ازاي حاولو يمدو ايدهم اي الجنان دة
سارة : مكانوش طايقني بصراحة اديتهم كلام. كتير
جيدا : برافو عليكي !!! تخيلي لو كان حازم مش هناك كان آية اللي هيحصل يقتلوكي ؟؟
سارة :المهم قولت اللي ف نفسي اة مش كله بس مش مهم
جيدا : سارة !! اعقلي مروان لو عرف اللي بتعمليه دة هيبهدلنا كلنا
سارة : هو انا عملت أية يا جيدا انتي مجنونة ؟؟؟
انا كنت ساكتة ناهد استفزتني
جيدا : والله ؟ طب اسكتي ياختي
سارة : انا رايحة بكرة الشغل بقالي كتير مروحتش هترفد
جيدا : طيب يبقى تقومي تنامي عشان تصحي بدري يلا بسرعة
----------------------------------------------
" تاني يوم الصبح ...."
جميلة !! انا عارفة انو كان موجود امبارح وسبتكو تتكلمو !! ها وصلتو لحل
-لسا عايزني ارجع
-ارجعي يا حبيبتي !! بيتك وحبيبك هو كل حاجة ليكي متضغطيش على نفسك انتي بتحبيه
-بحبه ياماما!! بحبه بس اعمل اي ؟؟
-فكري براحتك يا جميلة انا تعبت من الكلام معاكي ف السيرة دي اعملي اللي انتي عايزاه
-هعمل يا ماما هعمل اللي انا عايزاه
-------------------
"سارة كانت لسا راجعة من الشغل ف طريقها وكانت لسا هتعدي
إلا انو خالد وقفها وبيسحبها لعربيته
-اوعى سيبني انت مجنون
-انتي مش نافع معاكي الزوق صح
-انت مجنون يا خالد اوعى من وشي
-هتيجي معايا ف العربية ولا اخدك غصب عنك ...
-انت عبيط !! فاكرني بتهدد يا خالد ؟؟
-هتمشي معايا ولا اخدك قدام كل الناس دي بالجر وساعتها انتي اللي هتزعلي ...
-انت فاكرني هخاف منك
"بيمسكها من دراعها جامد وبيشدد عليها ف بتتوجت ...
: اة..اوعى سيب ايدي
-والله العظيم يا سارة لو ما جيتي معايا ل قدام كل الناس دي هقول انك حاولتي تقربي مني وعايزاني اتجوزك وبتجري ورايا وهبهدلك واخليكي عبرة قدامهم وهخلي سمعتك ف شغلك زفت وتترفدي
ـانت مريض !! والله العظيم انت مريض ياخالد اوعى اة سيبني
-هتيجي معايا ولا ..
-سيبني وانا هاجي معاك ...سيبني
"بيسيبها خالد وبياخدها معاه ف العربية وفنفس الوقت سارة بتخدعه ومش بتلاقي قدامها حد يقدر ينقذها غير حازم لأن مروان ممكن يقتله من تهوره وكره لخالد ف بتبعله لايف لوكيشن وبتقوله "اخوك المتخلف جالي شغلي وهددني لو مجيتش معاه هيبوظ سمعتي ويتبلى عليا انا اضطريت امشي معاه ومش هقدر اقول لمروان عشان مجنون "
حازم بيكون قاعد ف شغله اول ما بتوصله رسالة مبيهتمش بس بيحس انو عايز يتفحها أما بيلاقيها من سارة بيتصدم ولما بيفتحها بيتصدم اكتر وبيتخض وبيجري عشان يلحقها
..... بيوصل خالد لبيته القديم ف مكان شبه مهجور
بينزل سارة من العربية بعنف
-اي يا سارة ؟ بتستخبي مني ف مين بس
خالد (بنبرة هادية بس مرعبة): إنتِ فاكرة إنك هتهربي مني؟ فاكرة إنك تقدري تختفي عني؟
(سارة بتلف بحدة وهي بتحاول تسيطر على رعشة خوفها. عنيها بتوسع وهي شايفة خالد بيقفل الباب وراه ببطء.)
سارة (بصوت مهزوز): خالد… إنت عايز مني اي ؟
(خالد بيقرب منها بخطوات بطيئة، عنيه مسلطة عليها بنظرة باردة.)
خالد (وهو بيهمس): عايزك انتي … انتي فاكرة إنك تقدري تهربي مني؟ أنا اللي سمحت لك تبعدي… بس دلوقتي وقت اللعب خلص.وعلى فكرة مش شرط اتجوزك !! انا لو عايزك هاخدك عادي
انا كل دة سيبتك براحتك
بس خلاص لا فارقلي اخوكي الغبي ولا حتى اهلك ولا اهلي .. انا هاخدك معايا نهرب
كدة كدة هتعيشي اسود ايام حياتك سواء معايا او لو فكرتي تبعدي عني
(سارة بترجع لورا وهي بتحاول تبعد عنه، بتتكعبل وبتقع على الارض خالد بيقرب أكتر، وبينزل لمستواها
: اية رأيك ننهي الجيم دلوقتي ؟
"انفاسها بتسرع .. دقات قلبها بتزيد وعيونها بتتملي خوف بتحاول تتظاهر القوة والثبات
سارة (بتحاول تتماسك): ابعد عني يا خالد… سيبني في حالي!
خالد (بهمس خبيث): لا… مش بعد اللي عملتيه. إنتِ تبعي… وهتفضلي تبعي.
(خالد بيمسك إيدها بقوة لدرجة إنها بتشهق من الوجع، عنيها بتدمع بس بتحاول ما تبينش ضعفها.)
سارة (وهي بتحاول تسحب إيدها): خالد… سيبني!
(خالد بيضغط على إيدها أكتر، وسارة بتحاول تفلت بس مش قادرة.)
حازم فجأة بيجي بعربيته اللي كانت بأقصى سرعة وبينزل ): ابعد عن سارة يا خالد
(عني سارة بتروح ناحية مصدر الصوت. حازم نزل من العربية واتجه ناحيته .)
خالد (بيضحك بسخرية): آه، جيت في الوقت المناسب يا أخويا… إنت دايمًا بتحب تلعب دور البطل، مش كده؟
(حازم بيقرب، صوته بيبقى أهدى بس في نبرة تهديد واضحة.)
حازم: قولتلك سِيبها .. ولأ انا مش البطل انا مجرد راجل ! مش بمشي ورا كلام شوية ستات
(خالد بيشد إيد سارة أكتر، وسارة بتكتم شهقة ألم.)
خالد (بابتسامة ساخرة): متحاولش تستفزني
(في لحظة، حازم بيقرب اكتر من خالد وبيبعده عن سارة بكل قوته وبيقف قدام سارة
" سارة بتقف وبتخاف وبتتشبث ف حازم وهي مش حاسة بنفسها
حازم (بنبرة باردة): انا مش هبعد عنها حتى لو سبتها دلوقتي
وحتى لو انت حميتها .. مش هنعرف تحميها مني انا هاخدها
(عني خالد بتضيق، بتهديد :كدة كدة هتجوزك ،ولو مش انا اللي اتجوزتك ،يبقى انتي مش موجودة
(حازم بيقف قدامها، عامل زي درع بشري، عينيه لسه على خالد.)
خالد (وهو بيضحك بخبث): فاكر إنك كده كسبت؟ اللعبة لسه مخلصتش يا حازم… ولا يا سارة.
(خالد بيستدير ببرود بس صوته بيلف في المكان.)
خالد: قريب… هتفهمي إنك ملكيش غيري.
-انا مش عايز اتصرف معاك تصرف ميعجبكش لأنك للاسف اخويا
-هه للأسف ان انت كمان اخويا يا حازم
(بعد ما بيمشي ، سارة بتحس برجليها بتخونها، بتترنح. حازم بيلحقها، إيده بتتسند على كتفها.)
حازم (بهدوء): إنتِ كويسة؟
(سارة بتهز راسها وهي بتحاول تسيطر على دموعها .)
هي بتتنفض وعنيها بتدمع
الخوف مسيطر عليها
(حازم بيبصلها.. بيحاول يطمنها ..
هي بتكون ماسكة ف دراعة
بتضغط عليه اكتر من خوفها وتوترها
لما بيحس بيها بيبدأ يمسك ايدها ويطمنها
-هو عمره ما هيقدر يعملك حاجة !! متخافيش ! انا معاكِ
بدموع :هو ممكن يعملي حاجة ؟
رد عليها وهو بيطمنها وبهديها :انا جمبك
مش هيقدر يعملك حاجة
_____________________
ناهد :مالك يا نبيلة ؟ قاعدة يختي مش على بعضك من صباحية ربنا
بتوتر :اصل في حاجة يا ناهد
ناهد :مصيبة ؟ عملتي اي
نبيلة :انا حلمت حلم وحش اوي
ناهد :هو انتي ياختي عيلك صغيرة عيب عليكي
نبيلة - لا يا ناهد انا حلمت ان جميلة حامل !
ناهد : حامل !؟
بضحك وسخرية : حامل من مين ؟ حامل اي يا ست انتي انتي اتجننتي البت مبتخلفش
نبيلة : ما هو …
ناهد : اية يعني ؟؟ بقولك اي انتي وترتيني
انطقي قولي في حاجة !!؟
نبيلة : مصيبة ولازم تساعديني فيها !!!
ناهد : عملتي اي
نبيلة : اصلها بتخلف !!
