رواية غدر الزوج
الفصل العاشر10
بقلم سهي وليد
نجوى: والله لو يجيب مية ما فارقة معاي اسي دا شكل وحدة متاثرة اكيد لا ولا حا اتاثر بي شي بباي و مشيت لقيت في ترحال وصلت البيت و جسمي مولع نار ما عارفة دي نار الغيرة ولا مرض استحميت بي موية باردة و قعدت الليل كله افكر و مقلقة شديد ما نمت لي 4 صليت الصبح و شربت كباية حليب بالوز و نمت ما صحيت الا الضهر استحميت صليت و قلتا انزل تحت شوية
نفيسة: هلا فيك ما شاء الله وارثة لمن نايمة قدر دا نجوى: ي عمتي المجاكرة ما بتنفع شوفي ليك مواضيع غيري انتي في عمر امي و احتمال اكبر انا بحاول احترمك و ما اقلل ادب انتي كمان احترمي نفسك لو مضايقة من وجودي خلي ولدك يطلقني و بس ريحي راسك نفسية: ي بت هيييي ما عندنا طلاق كشرت وشي و طلعت برا البيت ماشة وين ما عارفة بس حسيت نفسي مخنوقة ماشة و ما حاسة بالناس لا الوقت ولا المكان بالي بعيد و براجع شريط حياتي كله شايفة حاجة جاية علي حتى وعيت علي اني في نص الظلط و العربات دي طايرة عديل لا قدرت اقيف ولا امشي ما عرفت اعمل شنو وووووووو كوووو ضربني بتاع موتر ما وعيت علي شي الا و انا مرقدة في
المستشفى لمست بطني و انا خوفي كله علي صغيري جاء الدكتور نجوى: د البيبي كيف طمني د: في زول طبيعي بتصر ف كدا ماشة في نص الظلط الانتحار حرام الحنين كويس بس خلي بالك تاني مرة جاتك ضربة خفيفة في راسك ما خطيرة و عندك رضخ في رجلك اليمين ما تتحركي كتير بس الف سلامة عليك الحمدلله انو جوالك ما فيو رقم سري اتصلنا لي اهلك حل يجو و طلع انا حمدت ربي انو البيبي بخير بفكر الدكتور بكون اتصل لي منو جات امي داخلة و معاها ريم و ابوي طلع من الشغل جاء قلبو الغرفة بيت بكااا طبعا الدكتور حكى ليهم عن الحمل و خرجوني وصلت بيتنا الحبيب و الامان الوحيد الفي الدنيا دي هو بيت الاهل رقدت طوالي لانو الحركة صعبة و اهلي ما مقصرين في خشمي باكلوني و امي الليل كله مساهرة معاي و اخواتي و نعمة السند بوصلوني لي الحمام و بمشوني و مكمدات موية سخنة لي رجلي والله العندو اهل حنينين زي الله اداه و ابوي دا اي شي بحبو يجيبو لي من برا لي 3 يوم زول كلف نفسو يتصل لي ماف هنا اتاكدت انو ماف شي برجعني هناك تاني تميت اسبوع لقيت مكالمات من عمر ما رجعت ليو المساء كدا سامعة صوتو رضوى سندتني طلعت برا لما شافني انصدم و وشو بقا ما بتفسر جيت قعدت بكل هدوء حتى ما سلمت عليو ريم حابت لي الدواء ....