رواية انكسار انثي
الفصل الحادي عشر11
بقلم نوسه حمد
شلت بتي وعلي رفع قزاز العربيه وبقينا واقفين م اتحركنا وعلي كان زهجان وبقا اكورك انا لمن انخلعت منو قال لي شوفي بلاي الحيوانه دي واشر علي المشرفه بتسوق الترحيل بي ياتو فهم لو م اتاكدت من كل الطلاب حضور قلت ليهو علي نحنا م دايرنها تعرف انو زاتو شلناها قال لي اي انا عارف بس دي مسؤولية ودي همجيه منهم مفترض
مالم تتاكد من الطلاب الترحيل م اتحرك شبر وبي ياتو فهم حركت الترحيل غنم هم م اطفال احتمال اكون واحد في الحمام او م طلع من الصاح انها تدخل الحضور واحد واحد والماف قبل الترحيل اتحرك تبلغ الاداره وهم يتصرفو موش تحرك الترحيل وبعد تصل بيت الطالب م تلقاهو حتي توري الإدارة واكيد المدرسه هنا بتكون قفلت ودي مسؤوليتها قلت ليهو انت شكلك جديد في السودان دي ابسط همجيه ممكن تشوفا وهو كان زعلان شديد ودي اكتر حاجه خلتني اطمئن ليهو واتحركنا منه قالت لي ماما انتي كنتي وين ودا منو قلت ليها دا علي اخوك واخوي ان شاء الله قلت ليها منه المعاك منو ف البيت قالت لي معاي حبوبه وبابا فات السعودية عرفت انو حمزه اتزوج وهنا انا انبسطتا عشان انتقم منو ومن حبوبه العاملا حارسه بيتي وبتي قلت ليها انا ح اوديك مدرسه احلي من دي منه قعدت تبكي قالت لي لا لا ي ماما انا دايره صاحباتي قلت ليها منه اسمعي كلامي عشان نحنا بابا فات خلانا ولو رحلنا لمدرسة تاني ح يجي لاحقنا قالت لي ماما انا يمه م دايره اقعد معاها قلت ليها لا تاني ماف يمه بس انتي اسمعي كلام ماما سمح قالت لي حاضر على قال لي بتك بريئه شديد ودا م زمن اجدعو فيهو الشفع وبالذات انتي عشان م عندك غيرها و الإنسان الحبيتي ظلمك قلت ليهو لخير ي علي وربنا يسعدو وونحنا لازم ندبر لينا حاجه عشان م اعرفو اني ورا الموضوع دا شلت تلفونو اتصلت علي امي قالت لي ي بت الله يرضا عليك البتعملي فيهو دا خليهو قلت ليها يمه انا م عملت شي غلط والله وقعني في ولد ناس قاعده معاهو امي قعدت تكورك سجمي سجمي قاعده مع ولد دايره تشني سمعتي قلت ليها انا واثقه من نفسي وبعدين يمه علي دا انا الدو عديل قالت لي في النهايه ولد مهما كان عمرو قلت ليها م تسبقي الحوادث انا دايره اعرف حمزه سأل مني قالت لي غبيانه م صدقو جدعتي ليهم بتهم وبعدتي من وشهم وللان ماف زول سال منك ولا جوني قلت ليها يمه ظااااابط انتي اسمعيني انا عاوزاك تساعديني بالسكات قبل اي شي قالت لي اها فشنو تاني بعد جدعتي بتك قلت ليها يمه منه هدي معاي وانا خطفتها وقالت انها قاعده معاها حبوبتا وحمزه عرس وسافر قالت لي اي عارفاهو قلت ليهو لا لا تمام يمه انا دايراك تسمعيني للاخر وتنفذي كلامي قالت لي شنو قلت ليها تركبي هسي وتجي الخرطوم انا بلاقيك وعلي اساس انا م هربتا انا من الاول جيت بيتنا وانتي لمن تكوني معاي هم بصدقو قالت لي سمح قلت ليها سريع قالت لي سمح
علي قال لي ناويه ع شنو قلت ليهو اصبر لي بس قال لي م تتهوري بس ممكن قلت ليهو حاضر ولا خوفتا مني قال لي لا انا م خايف اقسم بالله انا عندي نظره وشايف البراءه ف عيونك بس شكلو الصدمه كانت حاره عليك قلت ليهو شديد والله
علي وصلناا الشقه وقال لي النجيب ليكم اكل قلت ليهو تمام انا كنت مشتاقه لبتي وقعدت تحكي لي قالت لي ماما بابا بقا سمح احترت في كلاما بس م ركزتا قلت ليها مرتو سمحه قالت لي لا لا قصيره قدري قعدت اضحك قلت ليها يستاهل قلت ليها مرتو سلمت عليك قالت لي لا لا عاينت لي كده وقعدت تحاكي لي فيها وانا ميته بالضحك وبتي
كانت مبهدله شديد اظن من يوم طلعت ماف زول سرح ليها علي بعد ساعه جا وجاب لينا اكل قال لي امك قالت وصلت امشي اجيبا قلت ليهو لا لا ي علي مالي الدرجه دي والله وانت م مقصر مني قال لي العفوووووو زي والدتي امك قلت ليهو انا بمش ليها بس انت اقعد لي مع بتي قلت ليهو وامي الليله ح تجي تبيت معاكم هنا وانا ح امثل انو بتي اتخطفت وكده ونهاي امي م تطلع ولا منه قال لي بس المدرسه قلت ليهو منه اصلا صغيره وشاطره خليها م تكمل زاتو علي قال لي لا لا م تدمري مستقبلها قلت ليهو لا ي علي بتواصل تعليم لمن تبقا دكتوره زيك ان شاء الله بس انا لو م حنظلت علي حمزه عرسو دا ابقا م اسمي نسيبه وبعد امغسو واحسسو بالذنب بطلع لي بتي الحواز وح امشي مصر قال لي مصر عندك فيها منو قلت ليهو ولا زول بس انا عندي دهب كتير وقروش بمش اشتري لي شقه واعلم بتي واخلي حمزه متحسر باقي عمرو كلو قال لي طيب لبست عبايتي وطلعت وصيت علي علي منه بتي ومشيت ونهاي م جاني احساس انو اخاف عليها لانو شفت الاحترام في وش علي مشيت لاقيت امي وسلمت عليها قلت ليها يمه تقولي انو انا كنت معاك قالت لي سمح مشينا البيت طقيناهو جاتنا نسيبتي لمن شافتني انا وامي لمن انخلعت دخلت وسلمت عليها وباركنا ليها امي قالت ليها البنات كملن يعني لمن ولدك اعرس انفال قالت لينا بري براهو قال دايرها انا انخلعت حمزه عرفها من وين ولاقاها كيف حسيت انو مقصوده اني انشلب م ركزت كتير قلت ليها م مشكله الله يسعدو وانا جيت اسوق بتي وخلي حمزه يرسل لي قسيمتي نسيبتي قامت فتحت الدولاب قالت لي دي قسيمتك مفترض ارسلها ليك من زمان بس انشغلت ف العرس اقسم بالله قربت اتف ليها في وشها بس احترمت سنها قلت ليها لا لا م مشكله هدي جيت براي وشلتها وانا العبره كانت خانقاني كان نفسي اكورك باعلي صوت معقوله ي حمزه هونتا عليك للدرجه دي معقوله تنسا حبي ليك ولهفتي ليك معقوله تبدل احترامي ليك بكراهيه وعشان منو عشان واحده اصلا م بتجي جنبي بي شي بس اتمالكت نفسي وبقيت مبهوره بي امي كانت ساكته خشمها م فتحتو قلت ليها منه وين ح اسوقها معاي لمن تكبر حمزه اجي اسوقها ان شاء الله
قالت لي بتنا من هنا م بتطلع قلت ليها دي بتي قالت لي بتك مرقتي خليتيها براها دا اسلوب ليك ودا سبب طلاقك قلت ليها الأسلوب دا اتعلمتو منكم انتو وبتي ودعتها لي الله الزي لا تضيع ودائعه وطلعت وثم ثانيا انتي م من حقك تتكلمي وانا م جيت استاذنك جيت اشيل بتي وقومتا بقيت اكورك منه منه قالت لي منه م جات من المدرسه قلت ليها كيف الكلام دا الترحيل زمنو فات انتي محرسنك زي الوان الفاتحاها ومنتكيه تحضري في مسلسلاتها دي ولا محرسنك منه قالت لي بت ولدي م مقصره منها قلت ليها واضح تقصيرك لمحت تلفوني الما بغباني في الطربيزه مشيت شيلتو واتصلت في رقم المشرفه وردت علي قلت ليها انا بتي م جات الترحيل حصلت فيهو مشكله ولا مالكم اتاخرتو قالت لي الترحيل جا في وقتو انتي بتك م جاتك طوالي اتزكرت كلام علي قلت ليها انتي مسؤوله منهم كيف م تفكري ليها قالت لي انا م مديني قروش زايده عشان احسب الطلاب قلت ليها م سألتك من مرتبك ودي مسؤوليتك حتي لو بدوك جنيه نحنا م لينا دخل..
