رواية غلطة في الحلال الفصل الحادي عشر11بقلم مونا مايكل
بسخرية_اه تمام هي مراتي 8 سنين وانا مش عارف
مرت ساعة ونص .. خرج الدكتور جريوا العيلة لعنده بينما ادهم حافظ على بروده
_المريضة مرت من الخطر بأعجوبة خصوصا الرصاصة جت فوق القلب شوية وهتفوق
_تمام يادكتور
خرج الدكتور من الممر .. لحظات خلت العيلة ترتاح ..بس ادهم كان محافظ على ثبوته وملامحه الباردة بعد اللي عرفه
_الحمدلله على السلامة يابنتي
_الله يسلمك ياجدو ..
بصت يمين وشمال عشان تشوفه بس الظاهر انه مضايق منها قامت بسرعة والجرح وجعها بس صممت
_هو فين ادهم
_جنب الباب مش عايز يدخل
بدأت تبكي جدها حس انها بتمثل بس استغرب لما حطت يدها على الجرح وبدأت تبكي بصوت فدخل ادهم ببرود _مالك يانورا بتعيطي ليه
عرفت انه مضايق بس الجرح فعلا بدأ يوجعها وبعدها حست بالدم تحت ايدها صرخت بصدمة_ا ادهم ده دممممممم انا بنزف
وقف ادهم بعيد لانه حس انها بتمثل
فضغطت هي على زر جنب السرير دخلت الممرضة اللي لما قربت لنورا شهقت وخرجت دخل الطبيب بسرعة وخرج كل اللي في الغرفة .. خيط لها الجرح للمرة الثانية و منعها تتحرك وتتوتر وخرج بهدوء
دخل ادهم للأوضة بعدما خرج الطبيب _دلوقتي حاسة بإيه
_تمام وتجاهلته ولفت للجهة الاخرى عشان ترتاح.. اتعصب ادهم
ببرود_لما اكلمك تردي عليا فاهمة
نظرت له بٱنكسار_لو مش عايزني طلقني .. اللي حصل مابينا غلط وانت صلحته
ضحك بسخرية_اه وايه كمان
_انا تعبانه ومش عايزة اتكلم كثير
_ليه معرفتنيش اني زوجك
بكسرة_انت كنت هتخطب وهتتجوز نور اختي لو مش واخد بالك !!!
_والورقة اللي مابيننا ..
_كنت هقطعها !!
_وقبل اللي حصل ليه مخبرتنيش ولا مخططة له .. وسلمتي نفسك ليا؟
ابتسمت بكسرة والم ما انا بستاهل_ادهم انا تعبانة خلصني عايز ايه
ببرود_ولا حاجة
وخرج من الاوضة بصت نورا لطيفه بحزن وبدأت تبكي بصمت
مر اسبوع وموعد الفرح قرب بس فرح ايه و احنا من يومها مش بنتكلم اتفتح باب الاوضة
ببرود_نورا لك اسبوع نايمة ومش بتاكلي مينفعش
_مش عايزة و ياريت تقفلي الباب وتخرجي ياما
_ادهم يانورا
اتعدلت وركزت في كلامها_مالو
_في البيت تحت
_عايز ايه هااا .. فرحنا المفروض يكون بكرة مش كده .. ياريت ماحبيته ويارت لو مكنتش متجوزاه .. ذليت ورخصت نفسي عشان واحد ميستاهلش