رواية جراح الحب
الفصل الثاني عشر
بقلم جني
-انتي مجنونة ولا اية يانبيلة ؟؟ ازاي يعني بتخلف
ردت بخوف : القصة طويلة !! موضوع ميتصدقش ،مش عارفة هتصدقيني ولا لأ
بصراخ :انطقي يعني اي بتخلف
-اهدي عشان اعرف افهمك بالراحة
-هديت ياختي وقعدت !! قولي ها سامعاكي
- انتي عارفة ان الجوازة دي من البداية مش على هوايا ومروان عاند كلامي وبرضو اتجوز جميلة وانا مبحبهاش ومن البداية كنت عايزالو غمزة
-وكل الزفت دة اي علاقتو بأنها بتخلف ومفهاش حاجة
-انا كنت مخصصالهم يوم ف الاسبوع عشان يجو عندي فيه وقولت لمروان اني هزعل لو مجوش
وفعلاً كانو بيجو .. ولو مكانوش بيجوا كان لازم انا اروحلهم وكنت كل مرة اشوف جميلة او تيجي اقولها انا عاملالك اكل بتحبيه واحط ف العصير مع الاكل.وبحطلها فيه مانع حمل مفعولة قوي اوي وعالي ..حتى هي اقتنعت اني بحبها وبعملها عصير بتحبه عشان بحبها وعشانها الغبية
دة غير ان هي اصلا كانت ف البداية مانعة الحمل ف الموضوع كان نافع جداً
وف اخر فترة بعد ما قررت هي ومروان انها تبطل تاخذ الدوا دة ! انا قلقت وقولت اني لازم احسس مروان ان جميلة بتكذب عليه وانها مش بتخلف ووهماه ان هي عايزة كدة
-انتي عملتي كدة ؟؟
-ياناهد افهمي !! هما متعلقين ببعض اوي
وانتي عارفة اني كنت بحب اشوف ردة فعلهم وكل مرة كانو بيقولو مش عايزين
روحت لما حسيت ان جميلة ابتدت تبقى عايزة
اتكلمت معاها من ورا مروان وفضلت اقنع فيها بالعافية انها تقول لمروان انهم يروحو لدكتور معين كدة عشان دكتور العيلة وكويس والذي منه
مكنش راضي بعدها رضيو
اتفقت مع الدكتور يبين ان المشكلة ف جميلة وان دة من زمان كنت فاكرة ان مروان هيفهم انها بتكذب عليه وانها لا بتاخد دوا ولا حاجة واصلا الدوا ا اللي كنت بحطهلها دة كان مدته طويله ممكن بالشهر او الاتنين
ويطلقها بس حصل العكس وفضلو مع بعض
ودلوقتي انا خايفة تكون حامل فعلا اصل احلامي بتتحقق وخايفة ان مروان يتعلق بيها اكتر
واصلا هي سابت البيت عشان كدة
ردت بصدمة :بقا كل دة يطلع مِنك ؟؟
وعاملالي فيها الطاهرة العفيفة
انا بس عايزة اعرف ازاي قدرتي تخليها متحملش كل دة ؟؟؟ ازاي يعني مكانتش بتغيب شوية
مبتجيش
-كنت بروحلها !! حتى لو بموت
-وهي مكانتش بتحس بحاجة
-تحس ب اية؟؟؟ دي غبية
-يخربيتك يا نبيلة دة انتي طلعتي مصيبة !!
بقا انا طلعت قدامك ولا حاجة
-ناهد الكلام دة ميطلعش قدام حد
بخوف :انا بس خايفة تحمل !! مش عارفة اعمل اي
-تحمل بقا مع نفسها ! كدة كدة هتطلق
-وانتي اي اللي ضمنك
-لو مطلقتش هنحل الموضوع دة هحاول الاقي طريقة
-اللي هي اي
-منا مش عارفة !! بس انا كمان هعمل اي
-وبعدين
-بصي هتتصرف !بس حتى لو حملت عادي هيقولو ربنا اراد وكرمنا
-تفتكري
-انتي يابت عبيطة ؟ هيمشكوا ازاي
دة انا نفسي حتى بعد ما سمعت القصة حاسة اني مش مصدقة تخيلي هنا بقا ميعرفوش ؟؟
-يمكن عندك حق
—____________________________
"جميلة وهالة قاعدين بيتكلمو "
-يعني انتي مش ناوية ترجعي لجوزك؟
-يوه يا ماما ما خلاص بقا ..الطلاق هو الحل الانسب لينا احنا الاتنين
-حتى بعد ما جالك ؟؟ يا حبيبتي دة بيحبك وانتي بتموتي فيه ! يابنتي انتي بتعذبي نفسك لية ؟
-ماما دي حياتي
-صح عندك حق بس انتي قولتي ماما !! يعني من حقي لما اشوفك بتعملي حاجة غلط اقولك لأ ياجميلة دة غلط !! واللي بتعمليه دة اكبر غلط
-انا مش محتاجة نصايح من حد انا لسا مصممة على رأي ومش هغيره ولو كلمني تاني هقول نفس الكلام
بتتنهذ هالة بقلة حيلة :ربنا يهديكي لأني تعبت منك
ردت جميلة بلا مبالاة :يارب
"بيخبط الباب وبتروح جميلة تفتح !!
بتتصدم اول ما بتلاقي غمزة على الباب
اللي اول ما بتشوفها بتبصلها بسخرية وابتسامة على الجنب وبتدخل البيت …
قالت بثقة :ما حلو بيتِك اهو ! خليكِ فيه بقا احسن
-وانتي مالك يا غمزة؟وبعدين اي سر الزيارة السعيدة دي !
-قولت اجي اسلم على مرات جوزي ال ان شاء الله هتبقى طليقته
بسخرية :واية اللي اكدلك اوي كدة اني هتطلق
-عشان هتطلقي غصب عنك
بصي يا جميلة من الاخر انا هقولك كلمتين
انتي ومروان خلاص مش نافعين مع بعض !!
وكدة كدة هو جوزي ف انتي هتبعدي عنه غصب عنك مش بمزاجك
ردت بسخرية : وان مبعدتش
بثقة: تبقي انتي اللي اختارتي وجبتيه لنفسك
جميلة افهمي بقا هتفضلي معجزاه
حلي عنه بقا انتي اية ؟ سحر اسود ملاحقه عشان يدمرله حياتو ؟ سيبيه لأهلك وبيته وحياته ومراته
ابعدي عنه
بعصبية : مرات مين يا حبيبتي انتي صدقتي نفسك ولا اية ؟؟ انتي متطوليهوش ياحبيبتي ! وبعدين اهل اي اللي اسيبهولهم دة انتو خربتو حياتو ودمرتوها ولسا عندكم استعداد تعملو في اي حاجة عشان مصلحتكم
-انتي فاكرة نفسك جامدة اوي ؟ سيبي مروان يا جميلة !! مروان ليا من زمان وهيفضل ليا
-انتي فاكرة نفسك ف مصارعة ؟ انتي نفسك واحدة حقيرة دمرتيلي بيتي وحياتي وخدتي مني جوزي
انتي صحيتي ب مروان عشان ترضي نفسك وهو مش بيحبك ولله ما بيحبك يابنتي فوقي دة يطيق العمى ولا يطيقك !!!
-ابعدي انتي عنا وكل حاجة هتبقى تمام
-انتي جاية تهدديني ف بيتي ؟؟؟ انتي مين انتي يا حبيبتي
-انا مرات مروان !! عايزة حاجة تاني
ردت بعصبية :طب اطلعي برة
-انا كدة كدة ماشية !انا بقولك بس ان كدة كدة مروان هيسيبك وهتشوفي
-هنشوف ! يلا اطلعي برة بقا
"بتطردها جميلة وبتقفل الباب وبتفضل واقفة مصدومة من الكلام ..
وبتدخل بسرعة على اوضتها ف بتشوفها هالة اللي مكانتش سامعة اي حاجة من التليفزيون بإستغراب
:انتي رايحة فين ؟؟ مين كان على الباب وكل دة بتكلمي مين
-مش وقتو يا ماما !انا هنزل
-رايحة فين بس ؟
__________________________________
جميلة بتنزل بسرعة وبتسوق ب اقصى سرعة وبتحاول تتصل بمروان لكنه مش بيرد ..
على الجانب الاخر غمزة اللي بتوصل البيت هناك وبتدخل بكل عصبية وبترزع الباب وبتتكلم مع ناهد
:انا الحيوانة دي تطردني ؟؟
ناهد بصدمة :طردتك
نبيلة :انا قولت مش هتعرفي تسلكي معاها
ريم :انتي قولتيلها اي يعني
-قولت لللي ماما قالتهولي قامت قالتلي انتي حقيرة و و و وطردتتي
نبيلة :جميلة طلعلها حس !
ناهد بتوعد :وربي يا جميلة لهوريكي ايام اسود من حياتك ..
غمزة بعصبية :هتعملي اي يعني
ناهد بتبص لخالد اللي قاعد بيسمع ببرود وماسك موبايله كأنه مش سامع
:انت يا زفت الطين قوم
-خير عايزة اي انتي كمان
-هو انت مش عايز تنتقم من سارة ؟!
اتعدل ف قعدته بسرعة وقال :اة
-إنا عندي الحل
رد بلهفة :اي هو
-اكتر حاجة تهزها اخوها
-ازاي يا ماما ؟؟؟؟…
-هقولك ..
_________________________________
على الجانب الاخر جميلة توصل لبيت جيدا
وبتطلع بسرعة البيت وبتخبط
جيدا بتفتح واول ما بتشوفها بتتصدم
-جميلة ؟! انتي جيتي ازاي بس
-ازيك يا جيدا ؟
-انا كويسة انتي اخبارك اي
-تمام هو فين الزفت دة
-هو مين ؟
-مروان بي !!!
-هو جوه ف اوضة آيلا تعالي
"بتدخل باندفاع وبتفتح الاوضة فجأة.. بيكون قاعد على الكنبة واول ما بتدخل بينتبه وبيتصدم وبيقف
بتروح عليه بإندفاع وبتتكلم :
انت فاكر اية يعني ؟؟؟ اني قولت هتطلق فتقوم هوب اروح على واحدة غيري
بتمسكه من هدومه بعصبية وبتكمل : ماهو حتة البالغة دي مش هتتشطر عليا وتقولي انك جوزها يا حبيبي !! انا قولت هتطلق بس دة مش معناه انك تزيط وتكمل معاها قال واي اية ؟ تحبها
دة عندها يا حبيبي
مروان مصدوم من كلامها وتصرفاتها .. مسك ايديها بهدوء نزلها من على هدومه :
اهدي !
-انا هادية ! شايفني مالي
-انتي عايزة اي دلوقتي ؟؟ تطلقي
-اة يبقا انت عايز تطلقني وخلاص بقا !! انا مبتهددش يا مروان فاهم
ومرة هقتلك مراتك دي واخلص عليها
-ياريت يا جميلة تبقي نفعتيني وشيلتي من على قلبي هم الدنيا
بعصبية: انت اي البرود اللي انت في دة ؟؟؟ بقولك مبتهددش سامع؟؟ البت دي جات لحد بيتي وهددتني
-وانتي اي اللي يريحك دلوقتي
-قوم هنرجع بيتنا
جيدا بصدمة : هو في اي انا مش فاهمة اي حاجة
بعصبي :اي اللي مش فاهماه واحدة هترجع لجوزها خلاص
اقولك على حاجة فلس موت اعمل اي حاجة بس كدة كدة هرجعلك غصب عنك مش بمزاجك
ببرود : ودة عشان انتي غيرانة ولا عشان صدقتيني
بنرفزة وصراخ : انا غيرانة ؟؟؟
-اة غيرانة انتي مش شايفة انك هتولعي مكانك ؟؟؟
بعصبي : طب اة يا مروان انا غيرانة وهولع وبحبك وانتكس هتتجوز حد غيري فاهم ؟؟؟
بضحك : يعني فعلاً غيرانة
جيدا : دة جدا يا مروان
رجعت مسكته من هدومه تاني وهمست بجز على اسنانها : طب بص !! متستفزنيش انا مجنونة ويلا هنرجع بيتنا
بتلاعب : لأ انا هطلقك مش انتي عايزة تطلقي
ببرود : طب والله للعظيم يا مروان هقوم مدياك بوكس فوشك عشان تفوق لنفسك كدة
-مانتي غيرانة
-قولتلك اة غيرانة ! مغيرش عليك لي مش من حقي ؟؟
انا بحبك واة بغير عليك و اة محدش هيقربلك
عشان متفتيش انا اصلا مكنتش هسيبك بس انت اللي اضطريتني !!
جيدا : كل ما تتخانقو وديلها غمزة
بنظرة حادة : متهزريش يا جيدا !!
جيدا : خلاص خلاص ،؛ انا هروح اكمل الغدا مع نفسكم
"بتخرج جيدا بضحك وبتقفل الباب
وبيفضلو على نفس الوضع لوقت ف بيقول
:انتي مش ناوية تسيبيني
"بتسيبه بقلة حيلة وبتقعد هي بعصبية وعنيها بتلمع .. ف بيقعد جمبها بهدوء وهو مبتسم لغيرتها عليه اللي اول مرة يشوفها .. وكمان غيرانة بالطريقة دي …
ف بيمسك وشها ب ايده وبيلفو ليها
بتبعد بنظرها عنه بس هو بيقولها : طب بصيلي
! انتي بتغيري عليا اوي كدة
ببرود :انت مفكرني غيرانة .. انا مبتهددش
وهي قالتلي هنشوف هيسيبك ولا لأ ..
ف انت مش هتسيبني يا مروان
وانا هفضل وراك وراك لحد ما تبعد عنك
-يعني جيتي عشان مبتتهدديش
-اة
-بس انتي غيرانة
-بس مبتهددش
-وغيرانة!!
بعصبية : متكترش معايا بقا
- بس انا اول مرة اشوفك بالعصبة دي عمرك ما عملتيها
-واديني عملتها بسببك !!
-انا مش فاهمة يا جميلة !! انتي لسا بتحبيني صح
سكتت شوية وردت بعد ثواني بقلة حيلة :
للأسف اة! انا حاولت ابعد بس البت دي استفزتني جامد وانا بصراحة مش بخلي حد يكسبني
-لو اعرف كدة كنت انا رحت اترجيت غمزة تروحلك من بدري عشان ترجعي
-عسل اوي تصدق !
-خلاص متتعصبيش تاني
" بتبعد بتاخد نفسها بعصبية وفجأة بتعيط ف صمت
بإحتواء : ايوا طب بتعيطي لية دلوقتي ؟ عشان مبتتهدديش
بصتله بحزن واتكلمت بنرفزة : هو انت بتحبها ؟
ضحك : بحب مين ؟غمزة
-اة
-احب مين بس يا جميلة !! دة انا كان ناقص ابوس رجلك عشان ترجعيلي واقول بحبك وف الاخر تقوليلي بحبها
بتشرح بنرفزة :هي قالت انك بتحبها وهتحبها
تقولي ف وشي ابعدي عن جوزي !! انا تقولي كدة
لأ انت جوزي انا
بضحك :والله ؟ انا جوزك انتي مش كنتي عايزة تطلقي
-انا هتطلق فعلاً بس مش دلوقتِ
-براحتك
-يعني مبتحبهاش ؟؟؟
بصلها بإبتسامة خفيفة انرسمت على وشه وبحنيه بدأ يمسحلها دموعها وبإيده بطلف مسك وشها :
يعني احب غيرك ازاي بس ؟ انتي قرطاس لب يعني
-طب ما تحترم نفسك
-انا بحبك انت ِ وبس ! متتعبيش نفسك وتفكري كتير ! غمزة انا هتصرف معاها وهلاقي حل
هنرجع لبعض وأحسن من الاول
ونقعد ف بيتنا مرتاحين
"حركت نظراتها بعيد ..بتهز رجلها بسرعة وبعصبية ولسا حزينة وحواجبها معقدة
ف بيهديها وبيبوس جبينها
-اهدي بقا .. انا مش مصدق اصلا انك جيتي تشوفيني انا وترجعيلي
-صدق بقا هعمل اي
قالت بأسف :ضاعت الكاريزما
بإبتسامة :مضاعتش ولا حاجة ! بس تعرفي انك وحشتيني جدا ً
قالت بحب :وانت كمان وحشتني ! مش حاسة بالأمان طول ما انت بعيد عني
-واعترفتي ؟ عامةً انا كمان حاسس بنقص
"بياخدها ف حضنه وهي بتبادله الحضن براحة
وبعدها بتقول :
يلا نطلع ل جيدا بقا
-يلا
_____________________________
"ف العربية ! ساكنة مكانها
وسارة قاعدة سرحانة والخوف والتوتر باينين عليها
بيبصلها حازم بأسف :سارة؟
مبتسمعهوش ف بيكرر :سارة ؟
بأنتباه :اية ؟
-انتِ تمام ؟
بتحرك راسها بالموافقة
-انا اسف على كل اللي اتحطيتي فيه دة
-انت .. ملكش دعوة
-حقك عليا انا
"بيلاحظ رعشة ايديها وخوفها ف عنيها …
بيتشجع وبيقول :
انا عارف انك خايفة .. بس متخافيش
بصتله بدموع :انا فعلاً خايفة ! رغم اني مش بخاف من حد ! خايفة ادخل مروان ف الموضوع دة يأذوه اكتر ما هم لسا بيأذوه خايفة عليه !!
ومرعوبة خالد يلمسني !! هو توعدلي ب دة وانه هيموتني
-انا هحميكي محدش هيقدر يقربلك ومروان مش هيعرف حاجة
-هتقف قدام اخوك علشاني !!
-في حل يا سارة هو صعب شوية مش عارف هتقبلي بيه ولا لأ بس هو مناسب وهيخليني اقدر اقف حتى قدام اي حد حتى لو امي عشانك ومحدش هيقدر يقولي تلت التلاتة كام
-اية هو
-بس تتفهمي ومش عايزك تفهميني غلط او تفتكري اني مقلاً كذاب براحتك عامةً وافقتي وافقتي موافقتيش براحتك برضو
-حل اية مش فاهمة !؟
-تتجوزيني يا سارة ؟؟؟