رواية انكسار انثي
الفصل الثاني عشر12
بقلم نوسه حمد
بعد اتصلت شاكلت المشرفه وبقيت ابكي واتحسر وامي م قصرت مثلنا الدور علي اكمل وجهه نسيبتي بقت مخلوعه وغالبا البتعملو قلت ليها دي الامانه المسككوك ليها قالت لي مالي انا روحتها م براها بتك طالعه ليك تلقيها بتمرق ساي انا اتمغست منها هسي دا رد ليها قلت ليها والله انتي بتعرفيني كويس كان بمرق ولا ماسكه بيتي ودي الحاجه الانتي ماغساك وقاطعه قلبك اني م بمرق وماسكه بيتي وبي اي طريقه كنتي بتخلقي المشاكل م عرفتها غيره منك حسد شنو بالظبط م قدرت افهم وم زعلانه اصلا ع. اي شي حصل منك بس كمان تجي عند بتي الطفله البريئه وتقولي بتمرق ساي م بسمح ليك وبتي صغيره لسه قلتي فيها الكلام دا بعد تكبر وتعرف المرقه والناس ح تقولي عليها شنو وع فكره بتي بت ولدك ولا كمان مشككه في الموضوع دا قالت لي والله دا شي بتعرفي انتي يختي انا غمزت لي امي نظام اردميها وامي استلمتا ليك انا قعدت اتحايل بي كوراكهن قلت ليهن انا ف شنو وانتن في شنو وبقيت انوح علي بتي المشرفه رجعت لي قالت لي بلغت الاداره وفتشو المدرسه وبتك للاسف ماف والافضل انكم تبلغو وانا بقيت اكورك امي جات جاريه قلت ليها خلاص بتي راحت وبتي م عارفاها فاتت وين طوالي نسيبتي اتصلت لي حمزه وبقت تتكلم معاهو انا وعامله نفسي ابكي وانوح قلت لي امي امسكي نسيبتي دي دقيها عشان نلقا لينا حيله انك تطلعي وعلي بجي اسوقك تمشي تقعدي مع منه وامي اوعك تطلعي انا بقعد هنا لمن اشوف الحاصل شنو تاني بزوغ منهم قالت لي سمح نسيبتي جات وبقت تتكلم كر علي هسي اقول لي ابوها شنو وهسي عزري شنو قلت ليها هسي لو م جينا نحنا انتي راقده تحضري ف التلفزيون قالت لي م ارقد راقده في بيت ابوك قلت ليها لا لا م بنتشرف زاتو ترقدي في بينا امي مسكتا ليك قالت ليها بيت ابوها انتي لاقياهو عشان ترقدي فيهو يا مقطعين ونسيبتي هاجت قالت ليها المقطع منو نحنا ولا انتو وقامن انضربن حجزتهن وقلت ليها يمه انا م ناقصاك ارجعي البلد قالت لي م برجع البلد الا نلقا بتك قلت ليها يمه عليك الله ارجعي انتي ح تزيدو العلي بي كوراكن دا قالت لي يعني بقت علي م دي نسيبتك بتاعت المشاكل قلت ليها يمه نسيبتي دا بيتا انتي نسيتي قسيمتي الفي يدك دي قالت لي تستاهلي قلت ليها م وقتو بنتفاهم لمن اجيب بتي قالت لي سمح هاك شهاده تخرجك دي انا لا عرفت اضحك لا عرفت ابكي قلت ليها شيليها وامشي قدمتها حدي الشارع واتصلت علي علي وصيتو وَريتو محلها ورجعت بقيت قاعده متحسره لازم امثل واجيد التمثيل وشكلو حمزه قطع اول تزكره وجاي راجع ولازم امغسو واقطع قلبو ودي كانت اول مغسه قطعت ليهو شهر العسل وانا من جواي دايره اضحك باعلي صوت شماته عليهو
المهم بقيت منتظراهم يجو و لازم اشوف منظر حمزه واحساسو شنو لمن يعرف بتو الراحت وحاولت انوم غلبني كل م اجي انوم اجيني حمزه في وشي وقلبي مقطوع الله اقطع قلبو وكل م اتزكر القسيمه اتمغس زياده وادعي عليهو قريب للصبح كده ناس حمزه جو وطبعا حمزه داير اجن وبقا ابكي زي الشافع وم قادر اصدق انو بتو راحت وانا زاتي بقيت امثل وبقا اكورك في امو انا لمن حننتني لانو م صاح اكورك فيها لاي سبب قلت ليهو حمزه امك م عندها ذنب قال لي اي السبب انتي تجدعي بتك وتفوتي تطشي قلت ليهو بتك سلمتك ليها شديده السبب انت ماشي شهر العسل مالك اول مره تعرس وهي وينا المره الموديها شهر العسل وتجدع بتك عشانا طوالي بت عمتي قالت لي قولي محروقه ساي قلت ليها انحرق عشان شنووووو وهو وينو الراجل البنحرق عشانو قالت لي وينو الراجل م كنتي ميته فيهو موووت قلت ليها كنت م بشوف يختي لمن موتا فيهو وم قايلاهو م راجل قالت لي حمزه راجل وسيد الرجال قلت ليها كان بس الشايفاهو هسي جنبي دا م راجل حمزه انحرق مني وطاخ اداني كف واتزكرت اني مطلقه بدل الكف اديتو ليك ميه كف لمن امو بقت مخلوعه وهو زاتو مخلوع قال لي انتي جنيتي قلت ليهو انت شفتا جن قسما عظما بتي دي م تتلقي الا اخليك تمش وتكلم نفسك واندمك ندامه عمرك م ندمتها وعرسك العاجبك دا بدشرك ليهو وكان م خليت تحلم وتنوم وتقوم بي وتطلب رضاي ابقا م اسمي نسيبه قال لي اظنك بتحلمي انا م بتلوي ضراعي ولو اتغيرتي لمن اتغيرتي انا م بتهمني تصرفاتك لانك م مرتي قلت ليهو ولا بتمني تاني اكون مرتك وصدقني الحياه الزوجيه تاني ح تبقا ليك زكريات واتزكر كلامي وانا لو بتي م اتلقت ح اشتكيك انت واتهمك انك ضيعتها ومشيت دخلت غرفتي وقفلتها علي حمزه جا طقا لي الباب قال لي نحنا جينا من سفر خلينا ننوم قلت ليهو تنوم شنو بتك رايحه هسي تطلع تفتش ليها ولا اقسم بالله انشر صورتك في الفيس واقول انت خطفت بتي واخليك في خشم اي انسان والمجتمع م ح يرحمك انت نسيت انو القضايا البتنطرح في السوشيل ميديا بتلقا حلول اكتر من الشرطه عشان كده اتجاوزني قال لي فيس شنو كمان انتي جنيتي قلت ليهو جنيت وقوتي دي كلها جبتها من ناس الفيس عشان كده اتجاوزني عشان م تخسر سمعتك حمزه حسيتو خاف مني بت عمتي قالت لي بتك شنو النابحانا بيها بتك بقت انفال محمد قلت ليها انفال شنو بتي م تجي بي ضفرها انتي انفال محمد هي كان عندها شخصيه م كانت شالت فضلتي قالت لي اكون
لمعلوميتك انا بحب حمزه من سنين قلت ليها شنو قالت لي السمعتيهو قلت ليها انتي خاينه وهو خاين قالت لي الحب م بعرف خيانه قلت ليها يعني الرجال كملو قبلتي ع حمزه قالت لي لا م كملو بس لازم احرق قلبك زي م امك حرقت قلب امي قلت ليها امك براها الكعبه وبعدين مشاكلنا م تدخليها في علاقتك بحمزه لانو دا م مبرر قالت لي مبررر وانا لو م عرست حمزه كان ح اموت قلت ليها ان شاء الله ارتحتي قالت لي شديد بس انتي بتريحي زي امك كابوس قلتا ليها لا انا م كابوس بس بحقق ليك حلمك ح ابقا ليك كابوس ح اخليك تندمي وزي م كنتي ح تحرقي قلبي ح احرق قلبك بس م تزعلي واتزكري انك انتي البديتي قالت لي م بتقدري انا سندي حمزه قلت ليها انسدني سمح عشان انا الما عندي سند دي ح اوقعك ومشيت منها قعدت في الحوش والدنيا كانت برد اول مره احس نفسي فعلا مكسوره حمزه بحب انفال وكان بغش علي وبوهمني بالحب كرهتو واتندمتا اني اتزوجتو وم سمعت كلام امي لمن قالت لي الولد دا اختيهو م عندو راي وبمش ورا كلام امو والناس م صدقتها كنت عميا وعامله نفسي بحبو بس عرفت انو اي اول ليهو اخر وكنت متوقعه منو اي شي والخزلان دا ابسط حاجه ممكن اتوقعا منو بقيت كرهانه نفسي ومتحسره علي عمري القضيتو معاهو وكل م اتزكر كذبو لي اتمغس منو وهو مفتكر انو كسرني بالقسيمه الاداني ليها وانفال مفتكره انها كسرتني وشلبتني لكن قسما لو م خليتهم يتمنو الضحكه تبقا امي م جابتني
دخلت جوه قلت ليهو تقوم هسي تبلغ ولا كمان ح تسكت بتك دي عرضك وحته منك وعشان عارفه القضايا بتاخد زمن وماف اهتمام للقضايا م خوفتا ناس الشرطه اصلو ليها لمن ادمر معنوياتو انا بكون خططت وطلعت بي بتي وح احرق قلبو
حمزه مشا وفتح البلاغ وبقا قاعد لا عرس زي الناس لا قدر مشا شغلو وكان ممسك شغلو لي ود عمو وبقا يومو كلو افتش لي منه وانا زاتي بعمل فيها روحي ماشه افتش وباخذ لي زوغه امش اتونس معاهم وبجي راجعه امي قالت لي علي دا ود ناس م قصر منها مرقت ليها القروش قلت ليها م تخلي يصرف عليكم عشان هو بعيد من اهلو وقالت لي اتونست مع امو وشكلهم ناس طيبين وامو بقت صحبتي وشكلو علي حكا ليها بي مشكلتك وهي شكلا زوله فاهمه قالت لي ولدها اقيف معاك لمن تسافري والزي علي دا م بتلقي بالساهل اريتك كان كنتي صغيره كان عرستك ليهو ديل الرجال ولا بلاش قلت ليها يمه انا لو كنت شافعه م بعرسو الزي علي دا م يستاهل اعرس واحده زيي
واعرسني عشان شنو ولاده م ح الد ليهو ويمه م تقلبي ع المواجع بعد انا بقيت قويه بتكلم معاها كده علي جا سلم علي قال لي اها ماشه كيف بقيت احكي ليهو بالمغس المغستو لي حمزه وبقا اضحك قال لي استاهل والله لانو م عندو عشره وبت عمتك قليله اصل قلت ليهو اي والله قال لي كلمت ليك صحبي عشان اطلع ليكم الجوازات وانا زاتي ماشي مصر عندي كورس ح امشي ليهو قلت ليهو تمام زاتو تبقا لي وزر م اكون براي قال لي لا لا م تخافي صحبي متزوج وبي مرتو هناك ان شاء الله الشقه الح تشتريها تكون جنبهم ومرتو شغاله هناك قلت ليهو كويس زاتو م اكون براي قال لي اي وبعد كده امشي عشان م تتاخزي ونخرب الخطه قلت ليهو م اوصيك عليهم قال لي عيب عليك دي امي ومنه دي اختي وامك م شاء الله من جات م مقصره مني بس انا خايف تنقبضي قلت ليهو لا انا حريصه وبعدي يومين حتي اجيكم ودعتهم ومشيت
لقيت ليك حمزه صوتو جايب اخر الشارع وماسك تلفونو واكورك ومن خلال كلامو عرفت انو ود عمو حول قروش حمزه لحساب برا البلد وهرب ودي كانت بدايه دمار حمزه ولقيت ليك بت عمتي ماده بوزها ونسيبتي شغاله ليها انتي ي يمه دخلتي علينا قدمك قدم شوم علينا وانا افكها ليك ضحكه بي اعلي صوووت وا شماتي عليهم امو اتمغست مني قالت لي انتي زاتك زيها قلت ليها العز الانتي فيهو وولدك فيهو جا علي راسي انا وبتي وقدمي كان قدم خير علي حمزه والله بعلم بي القدمهم قدم شوم فجاه حمزه بقا اكورك وجايط وببكي وانا قلبي وجعني بقا زي المجنون...
