رواية غدر الزوج
الفصل الثاني عشر12
بقلم سهي وليد
اشجان: اذا الام كدا الاب كيف امي رجعت و حكت لي الحصل كله و بقيت قاعدة في بيت ابوي لي شهر كامل و ماف زول جاء ولا زول اتصل الغدر حار بالذات لما يجي من القريب بطني طلعت و دخلت الرابع في يوم قاعدة في الحوش بتبظ تلفوني باب بيتنا دق لبست توبي فتحت لقيت عمتي نفسية و سلايفي سلمت عليهم دخلو ضيفتهم ناديت امي من بيت الجيران و اتلمينا كلنا نفسية: كلامك الزمان ما عجبني ي عشة بس انا جيت لاني حسيت بي
غلطي جاية ارجع مرت ولدي زي ما طلبتي و انا بتعذر عن الحصل مني كله اعفو لي نجوى: بس انا عايزة الطلاق نفسية: ي بتي كدي اصبري اقعدي فترة الحمل دي و بعدت تضعي بعداك نشوف موضوع الطلاق عشة: كلام عين العقل بعد تضع الطلاق يتم قومي ي بتي ارجعي بيتك ربنا يصلح حالك سمعت كلام امي و انا ما نفسي ارجع نهاي جهزت نفسي و طلعنا وصلنا نزلت طلعت شقتي طوالي لقيتا نضيفة و مرتبة شكلو وحدة فيهم نظفت طلعت غيار استحميت اخدت الادوية اشجان جابت لي الاكل و طلعت ما اكلت منو احتمال سم ولا حاجة بتاذي الطفل لقيت تلاجتي مليانة عملت سلطة نزلت تحت و مستغربة من تعامل عمتي و سلايفي مقعول عشان حا اجيب ليها حفيد بس تتغير كدا عمر لي شهر ما شفتو نفسية: نادي لي عمر و مرتو من فوق اشجان مشت تنادي انا هنا الحيرة غلبتني استغربت سكنها معاي في حتة واحد يلا هانت خمسة شهور و اتخلص منو نزلو عمر: نجوى! نفسية: ايي جبتها امس المرة دي حامل اوعا تزعلها ولا تضايقها بي شي و من يوم الليلة اعدل بين زوجاتك الله بسالك ي ولدي بعد هم قعدو طواالي قمت دخلت شقتي شيماء: مالة مرتك عمر: ما عارف والله انتي صح ماشة السوق عشان اطلب ليك
ترحال ما بقدر امشي معاك شيماء: حبي عليك الله ارح معاي عمر: عايز ارتاح بكرة شغال و طلعت السوق قاعدة و بفكر في الراجيني شنو الباب دق طلع دا عمر خليتو واقف و دخلت عمر: حمد الله على السلامة ما رديت عمر: نجوى عليك الله ما تجهليني كدا انا اتزوجت ولا عملت الحرام عشان تتصرفي كدا نجوى: كلام كتير ما دايرة عمر: من يوم الليلة حا اقسم الايام بينكم نجوى: ولا تجيني وشك دا ما توريني ليو ايام شنو بتتكلم عنها خلي ايامك لي البدلتني بيها كلها 5 شهور و اتخارج من هنا لحدي الزمن داك ابعد عني خالص شكلو زعل و طلع بقيت عايشة شهوري بي تعب و قرف و كل ما يكبر بتعب زيادة عمتي ما بتقصر مهتمية بي شديد شعري بتسرحو لي.....