رواية عصافير الغرام
الفصل الثالث عشر13بقلم تسنيم محمود
عارف انا وسيم جدا على فكرة
صدمت همس وقامت وقفت من مكانها وصرخت بجنون
مليكة بصتلها بعدم فهم هل هذه مجنونة ام ماذا؟
وزعت همس نظراتها في المكان وملقيتش حد ابتسمت باحراج على غباءها: بصي هو جنون بس مش بيخوف يعني او مش هتتعدي
ضحكت مليكة عليها وعلى طريقتها في الكلام
واحد من الحرس: في حاجه يا هانم
مليكة: احم... لا يا عمو مفيش
الراجل استغرب ومشي وهو بيخبط كف على كف: ولسه، شكله هتتغير قوانين كتير بالبيت
همس: طب دلوقتي معاد العلاج يلا بينا
مليكة باحباط: يلا
.....
بالمستشفى
المدير: حمدا لله على سلامتك يا بطل
أيهم: الله يسلم حضرتك
جاسم: عامل ايه يا أيهم
أيهم: لوكس يا برنس
جاسم بقلق وبعض الخوف: فيك نفس انت للهزار؟ انت تعبان دلوقتي يا أيهم
المدير: مكبر الموضوع ليه يا جاسم باشا هو كده كده عارف انه ضابط وحياته واقفة على شعرايه مش كده يا أيهم
جاسم اتكسف وبص لأيهم بحزن: اسيبكم تتكلموا براحتكم.. والف سلامه عليك يا أيهم، عن اذنكوا
خرج جاسم وهو محرج جدا وقفاه يقمر عيش
بص أيهم للمدير باحتقار من معاملته لصديقه: جاسم مش وحش عشان تعامله المعاملة السم دي
المدير: عارف بس هو خرع
أيهم بغيظ وضيق: يبقي ما تعرفوش جاسم صاحبي وانا اعرفه اكتر من اي حد... يمكن موت أقرب الناس ليه بنفس الطريقة هو اللي مأثر فيه
المدير: ارتاح انت لسه تعبان.. وخرج
دق هاتف أيهم: الوو
عدي: اخبارك عامل ايه يا بوص؟
أيهم ببعض التعب: كويس وانت؟
عدي بقلق من نبرة صوته: مالك يا أيهم في ايه؟
أيهم: مفيش حاجه متشغلش بالك
عدي: انت متصاب صح؟
أيهم بتعب: اه اتصبت في صدري
عدي بذعر: إصابة جامده يا أيهم.. أيهم رد
أيهم ابتسم على حب صديقه له: متقلقش انا زي ما انا.... قربت توصل؟
عدي: لسه واصل حالا
أيهم: أخيراً وحشتني ياد يا عدي
عدي: بيني وبينك عشر دقايق بالكتير
أيهم: تمام عشان تشوف المغامرات اللي بتحصل هنا
عدي: حصل حاجه تانيه غير حرق المخزن؟
أيهم: يييه دا انت قديم اوي
عدي: من امتى يعني؟
أيهم: من أيام رد قلبي يا غالي
عدي ضحك: لا شوقتني.. انت ف مستشفى ايه؟
أيهم: ***
عدي: تمام انا جايلك، سلام
.....
في مقر شركات العسيلي
حمزة: انا اللي بطلع منين برضو؟ ولا انت اللي بتخبي ايه؟سامر بتوتر: هااه.. لا مفيش
حمزة: مش فايقلك خالص يا سامر.. عايز اخلص شوية ورق عشان اروح لأيهم
سامر اتنهد براحة: احسن برضو، عدي راجع امتى؟
حمزة: النهاردا بإذن الله
سامر: يابن الذين مفيش حاجه بتخفى عليك
حمزة: مبقاش حمزة العسيلي يابني.. وصدقني عدي اخويا زي أيهم بالضبط
سامر: ربنا يديم المحبه بينكم... مع ان أيهم قال انك قولت ملناش دعوة بموضوع اخته
حمزة: ابدا يا سامر بس مش عايزه فيما بعد يحس انه مدين لحد بشئ قعد طول عمره يعاني ويكافح ف الساحة لوحده لحد ما وصل لمكانته دي، وكمان هو كل السنين دي مبطلش يدور على اخته و امه واجي انا أو انت او أيهم ببساطة ونقوله ان دي اختك لمجرد الشك؟ وممكن تكون لعبة! هي لحد الان مقالتش حاجه غير اسمه وعمره بس
سامر باعجاب: يابن اللعيبة دا انت مخك ده صاروخ
حمزة: قل أعوذ برب الفلق
سامر بخبث: والبنت اللي انتو بتقولوا انها ممكن تكون اخت عدي دي حلوة؟
حمزة بغيظ و غيرة: وانت مالك... إياك اسمعك تجيب سيرتها على لسانك
سامر ضحك وهو بيهرب لبره: يالهوي ده انت واقع لشوشتك
حمزة في نفسه: ومين سمعك
.....
في مكان آخر
مجهول١: لازم نعرف مكانهم بأي طريقة ممكنة
مجهول٢: ليه؟
مجهول١: انت حمار يابني ... لازم نوصل لعصام لازم يطلع احنا محتاجينه جدا
مجهول٢: وهنعرف مكانهم منين؟ ده اللي بياخده حمزة العسيلي مش بيتعرفله طريق درة
مجهول١ بضيق شديد: عارف عارف... بس ممكن يطلع ميار لأنها بنت
مجهول٢: لا ده جنان رسمي انت متعرفش ميار دي عملت ايه بغباءها... دي بسببها اخت حمزة العسيلي بقت مشلولة انت فاهم؟
مجهول١: احسن ولسه
مجهول٢: والحل؟
مجهول١: عندي فكرة جهنمية!!
مجهول٢: ها
مجهول١: **** وبكده هنكون ضامنين خروج ميار زي الشعرة من العجينة
مجهول٢: يابن القردة
مجهول١ بصله بغضب كاد ان يفتك به: اطلع بره
.....
في فيلا العسيلي
تجلس مليكة وهمس في غرفتها
همس: اوضتك حلوة جدا
مليكة: ميرسي...
همس: مليكة ممكن أسألك سؤال؟
مليكة: ممكن بس اخد شاور وبعدين نتكلم
همس بابتسامة: طبعا
دخلت مليكة اخدت شاور وغيرت هدومها وخرجت
همس: يالهوي ع الجمال ما شاء الله عليكي... لبسك كله كده يا لوكه؟
بصت لنفسها وكانت لابسه شورت جينز وبلوزة قصيرة وكانت شيك جدا ودى عادتها: يعني
مليكة بنوته جميلة جدا يلقبونها بالفتنة من شدة جمالها جذابة كيوت وهادية جدا .. عيونها بلون البحر تقريبا كأن البحر سكن عيناها شعرها اسود قصير ع الموضة بشرتها بيضاء وقصيره .. ولكن تخاف من حمزة رغم معاملته الهادية الحنونة معها، بتحب اللبس والفاشون وتهوى السباحة مثل أيهم... عمرها ١٦ سنة، شطورة جدا في دراستها.. يحبها اخوتها جدا
مليكة: ممكن تسألي سؤالك
همس دمعت: هو اللي انا قولته عن عدي ده صح
ارتبكت مليكة فهي لا تفعل شئ دون الاستئذان من حمزة
همس ببكاء: بالله ردي... انا اخويا اسمه عدي ومن زمان اوي افترقنا نفسي اشوفه مره واحده
مليكة في سرها: هو متشوق اكتر منك بس انا معرفش أجاوبك ازاي دلوقتي... سامحني يارب،، بصي يا همس انا معرفش حاجه عن حياته هو صاحب ابيه أيهم بس
همس: عارفه انا محتاجاه جدا في الوقت ده بالذات يعني ولا هو ولا بابا انا مليش حد يقف في ضهري انا بقيت خايفة اروح بيتنا
مليكة: ليه بتقولي كده يا همس؟
همس: عشان ماما عمرها ما صدقتني سبق وعملت كده مع عدي اخويا وخسرته. او بمعنى أصح مش هي ابدا اللي خسرت انا وحدي خسرت كل شئ بابا وبعدين اخويا وبعدين امي باعتني عشان خاطر جوزها
.....
في بيت همس
حمدي: ياما حاولت افهمها انها عيب اللي بتعمله وما اقتنعتش بكلامي
صباح: بس انا بنتي مربياها وما تعملش كده ابدا
حمدي: بتغير منك... ولا انتي مش واثقة فيا؟
صباح نهرته: متقولش كده انت جوزي وعمري ما اظن فيك
حمدي: طيب خليكي مصدقاني ومهما يحصل اوعي تشكي فيا... بنتك دي بنتي اللي مخلفتهاش بس هي مش فاهمه كده
صباح مسكت ايده وباستها بحب: ربنا يديمك فوق راسي... هنزل بالليل اجيب شوية حاجات واجي
.....
في المستشفى
عدي: سلامتك يا أيهم... عامل ايه دلوقتي؟
أيهم: كويس والله، هي دي اول مره اتصاب؟
عدي بقلق: لا بس دلوقتي الإصابة خطيرة وف مكان حساس أفهم بقا وخاف على حياتك شوية انت ليه مش مهتم بنفسك وليه دايما مضحي بحياتك كأنها ملهاش قيمة عندك؟
أيهم: لأن ده شغلي واظن انت اكتر واحد تفهمنى
عدي: لا مش فاهمك خالص، يعني بص لنفسك وبص للعيشة اللي انت عايشها حياة آخر رفاهية... عيلتك حواليك أخوك جنبك وسندك على طول عمره ما زعلك في حاجة رغم اني لو مكانه مكنتش هكتفي بدفنك حي !!
أيهم ضحك: كنت بقول على حمزة مفتري طلعت انت جاحد يااخي...
عدي: اومال حمزة فين؟
أيهم: جاله اتصال مهم من المقر وفي ورق لازم يخلص وكده يعني
عدي: اممم خلاص اسكت وبطل كلام
أيهم: هربني يلا
عدي رفع حاجبه: افندم؟
أيهم: من امتى بحب قعدت المستشفى انا؟ انجز يالا
عدي: أيهم أفهم خطورة الموقف اللي انت فيه
حمزة من وراه: عايز ايه يا حبيبي؟
ابتلع أيهم ريقه بصعوبة: لا يا حمزة عايز سلامتك
عدي بشماته وهو بيقف عشان يسلم على حمزة: ناس متجيش غير بالعين الحمرا
حمزة حضن عدي: عامل ايه؟ ليك وحشه
عدي: وانت والله
أيهم بصراخ: آآآآآآه ناس تحضن وناس تموت من الغيظ
حمزة: أيهم لم نفسك وعدي يومك على خير
أيهم: انا عايز سامر حبيبي
سامر: عيونه
أيهم: حبيبي يا برو.. خرجني من هنا بسررررررعة
سامر بضحك: حاضر
عدي: اول مره مليكة متجيش تشوف حبيبها هي فين؟
كلهم بصوا لبعض وسكتوا
عدي وزع نظراته بينهم: مالكم في ايه؟
سامر: مليكة اتعرضت لشلل في الأطراف يا عدي
عدي وقف بصدمة: بتهزر صح؟ اكيد بتهزر
حمزة: لا
أيهم: يابني الخبر كان في كل حته اصلا صحافة واعلام ... بص كان بالخط العريض كده انفصال رجل الأعمال العملاق حمزة العسيلي عن خطيبته ميار الجمال وإصابة اخته بشلل في الأطراف لفترة مؤقته.... اومال انت كنت فين؟
عدي ضحك: كنت في الصعيد ياخويا
.....
بعد مرور بضعة أيام من وجود أيهم بالمشفى
أيهم بملل: يا حمزة ابوس ايدك خليني امشي حاسس اني هتجنن لو قعدت اكتر من كده
حمزة ببرود: عاجبني الوضع ده
أيهم في سره: نفسي اقوم اخنقك بس للأسف الشديد
حمزة: ادامك اتفضل
برق أيهم من الصدمة: لا انت اكيد مش هندسة ابدا
حمزة ضحك: انت لوحدك اللي عندك قدرات خاصة ولا ايه؟
.....
في فيلا العسيلي
مليكة بذهول: مشاء الله تبارك الرحمن شعرك طويل اوي
همس وهي بتخمس في وشها بضحك: قل أعوذ برب الفلق
مليكة وهي تضحك من حركاتها الطفولية: ليكي تصرفات غريبة
همس ضحكت جامد: ده انتي اللي مش بتفهمي عربي يا لوكا
مليكة: امم اعمل ايه بقا؟
همس: بقولك ايه ما تيجي نلعب
مليكة: تمام بتحبي تلعبي بالميه؟
همس بطفولة: طبعااااااا يلا بينا...
بدأوا برش الميه على بعض ولكن مليكة كانت حركتها بسيطة انها تتحرك بالكرسي .. وصوت ضحكهم عالي
مليكة مسكت دورق مليئ بالمياه
همس بضحك وصراخ: لاااااااااااا ... دخلت اول غرفة قابلتها في وشها وكانت ضلمة جدا ومش شايفة حاجه
الخدم: يالهوووي حمزة بيه هييجي يطربقها فوق دماغنا
خادمة: وفوق دماغنا احنا ليه؟ مش هي اللي دخلت تشرب بقا
خادمة أخرى: احنا بنخاف منه كده ليه؟
باقي الخدم: عشان انتي جديده زيها كده ولسه ما شفتيش منه غير الهدوء وده للأسف الهدوء اللي قبل العاصفة.... ميغركيش الحنية اللي بيتعامل بيها دي ... ده الخطر
ابتلعت ريقها بصعوبة بالغة وهربت على المطبخ
مليكة: همس خلاص مش هرش عليكي انتي فين؟
صعقت مليكة حينما تذكرت انها من الممكن أن تكون داخل جناح حمزة!!!!
.....
عاد حمزة وأيهم من المستشفى بعد اصراره
حمزة بصدمة: ايه اللي بيحصل هنا؟ غرقانة كده ليه يا مليكة
نظرت له ببراءة: كنت بلعب
حمزة بعصبية: نعمم؟ لعب ايه ده؟
خافت ووشها ضرب الوان: انا اسفة
شدد حمزة على شعره بغضب حارق وسابها ومشي
.....
بالداخل
كانت غرقانه وهدومها بتنقط وشعرها كله ميه ومكان مظلم للغاية لا ترى به أي ضوء
سمعت صوت الباب يفتح ضحكت وفتحت هي الباب و واحد اتنين تلاته وسكبت دورق المياه فوق حمزة
صدمة حلت على جميع من يراقبون من الأسفل وهرب الجميع من أماكنهم
برقت عنيها على آخرهم ووقع منها الدورق وتحطم أصبح فتات رجعت بضهرها لورا وهي هتموت من الخجل والكسوف
وهو بيقرب بابتسامة خبيثة
تزحلقت من المياه وخوفا من نظراته وكادت ان تسقط وهو بتلقائية وضع يده خلف ظهرها فأصبحت بحضنه!!!! وتلاقت نظراتهم العاشقه
.....
داخل الجناح الخاص بأيهم
أيهم: ملوكه وحشتيني
مليكة: وانت وحشتني اوي ...
أيهم: بتعيطي ليه؟
مليكة بعياط: ابيه حمزة بيزعقلي
أيهم ضحك: خلاص متحمريش اوي كده يا حبيبتي... آسف بالنيابه عنه
مليكة ضحكت وحضنته
أيهم: ايه اللي عمل فيكي كده بقا؟
مليكة بصتله: امم مش هنخلص... كنت بلعب مع همس، اقولك سر
أيهم: قولي
مليكة: همس دخلت جناح ابيه حمزة
أيهم برق من الصدمة وبعدها ضحك: العببببببببببب
.....
همس اتكسفت جدا وخدودها حمرت وأصبحت أحمر من حبات الفراولة الناضجة
حمزة بعد عنها ولف وشه الناحية التانيه وتكلم بغضب: مسمعتيش ان الأوضة دي خط أحمر؟
همس: انا... بص هو... وبعدها حطت ايدها على شعرها وافتكرت ان حجابها مفيش صرخت وقفلت الباب في وشه
صدمات بتنزل على حمزة زي الرز ...
هدومها كانت لازقه على جسمها ومعرفتش تعمل ايه وهي عارفه ان مليكة هدومها كلها شورتات وبنطلون وهكذا وهذا اللبس لا يناسبها ابدا
قعدت تعيط ورا الباب وحمزة سامع صوتها تكلم بصوت حنين: همس متعيطيش
همس مسحت دموعها: انا عايزة مليكة
حمزة: تمام
دخل حمزة اوضة أيهم والغضب بيفر من عنيه
أيهم شافه ومقدرش يسيطر على نفسه من الضحك
بصله بغضب أعمى: اخرس خالص يا حيوان حسابك معايا بعدين
أيهم بهدوء: احم، آسف
حمزة: تعالى يا مليكة متخافيش
مليكة بخوف: ابيه حضرتك هتزعق
مسح حمزة على وشه بغضب: يادي النيلة... مش هزعق يلا
بعد مرور وقت طويل
مليكة: همس انا اسفة
همس ببكاء: اخوكي هزقني عشان دخلت اوضته من غير ما اعرف
مليكة: والله مفيش حد بيدخل الجناح الخاص بابيه حمزة ابدا غير داده سميحه بس عشان تنضف
همس: ده بيقولي الأوضة دي خط أحمر، مفيش غير الخدم كمان اللي هيدخلوا اوضتي ويقفلوا في وشي الباب
مليكة: معلش يا همس هو صعب شويه
همس: انا مش بأيدي ان اشتغل خدامة على فكرة وانا مش محتاجه الفلوس
مليكة: خلاص ممكن ما تزعليش منه
همس مسحت دموعها: لا هزعل منه ليه انا كنت اعرفه؟ انا مجرد جارية عنده بشتغل شغلي واروح زي اي حد هنا
.....
في غرفة الرياضة
كان يلعب تلك التمارين الرياضية الشاقة بدون رحمة وهو يتذكر كيف كان يصرخ بها ويخبرها انها مجرد خادمة لا أكثر
حمزة ضرب ايده في المرايا الموجودة بالغرفة ونزلت قطع صغيرة لم يبالي بالجرح الموجود بيده وكيف كانت تنزف ولكن كان قلبه هو الذي ينزف عندما يتذكر كيف فعل ذلك بحبيبته
دق خادم على باب الغرفة وهو ينتفض خوفا
تعصب حمزة كثيرا: ايه عايز تدرب معايا؟ ولم ينهى كلامه حتى كان الرجل مسحوب للداخل بقوة
القاه حمزة أرضا: يلا يا شبح
الرجل وهو ينتفض رعبا: حم.. حمزة بيه
حمزة بسخرية: متخافش يا بيضه مش هقتلك
الرجل برعب: اهدى يا باشا... انا مش قد حضرتك
حمزة بصوت جاهوري: عايز ايه
الرجل: ام ميار هانم بره وعايزة تقابل حضرتك
حمزة اتنهد وشاور للراجل يخرج والرجل خرج جري
.....
في مكان آخر
مجهول١: نفذت اللي قولتلك عليه؟
مجهول٢: بالحرف يا فندم... وتلاقيها عنده دلوقتي
مجهول١: على شغلك يلا
مجهول٢: حاضر
مجهول١: خلاص كده هتشتغلي لحسابي يا ميار ومش هسيبك ابدا... وخليكي موهومه ان سليمان بيه هو اللي قتل ابوكي.... ههههههههههههه
.....
جاء موعد ذهابها إلى منزلها لبست هدومها وجات خارجه وهي بتعيط بهستيريا لحد ما خبطت ف حد
همس: اسفة ما اخدتش بالي
بصلها وهو ساكت والدم بينزل من ايده بصت للدم اللي بينقط ادامها ع الأرض ورفعت وشها
همس مسكت ايده بتلقائية: ايدك بتنزف
حمزة: انتي طيبة اوي يا همس
همس: عارفه... جابت علبة الإسعافات وضمضتله الجرح، عن اذنك .... ومشيت بسرعة وهي منهاره من العياط
.....
أيهم: يا نهار اسود كنت جيت شفت اللي حصل من تلات ساعات
عدي: ايه الكلام؟
أيهم: تعال وانا احكيلك او مش انا مليكة
عدي: تمام انا نازل دلوقتي
أيهم: سلام
.....
في فيلا العسيلي
بدل حمزة هدومه إلى حلى سوداء اللون وصفف شعره ووضع برفينوم خاص به ونزل للأسفل
حمزة: أهلا بيكي
سمر: ازيك يا حمزة يابني
حمزة: كويس... كان اسمها ايه بنتك منار ميرال ميار ايوه ميار
سمر بعدم فهم: تقصد ايه يا حمزة
حمزة: حمزة؟ اممم انتي مش فاهمه فعلا ولا هتستعبطي عليا؟
سمر: بنتي فين يا حمزة؟ انا ليا ١٠ أيام معرفش عنها حاجه
حمزة: هو انا كنت ولي أمرها ولا ايه؟
سمر: ابوس ايدك يابني لو تعرف مكانها قولها ترجع بيتها احنا اخر مرة اتخانقنا ومن يومها ما شفتهاش
حمزة: شوفي لطفي فين هتلاقي بنتك معاه
سمر: لطفي مين؟ انت بتتكلم معايا ازاي كده انا حماتك
حمزة ضحك بصوته كله ضحك ساخر: حماتي؟؟؟ كانت قبل عشر ايام حماتي دلوقتي مش في قاموسي كلمة حماتي دي
سمر: يابني انا مش فهماك خالص
حمزة: بقولك ايه بنتك دي مش هتعرفيلها طريق درة مره تاني سمعاني؟؟ ولا المحروس عصام وطارق بيه
سمر بصراخ: عملت في بنتي ايه؟
حمزة ببرود: ولا حاجه.... ويلا بره وقتك معايا خلص
سمر: مش هخرج من هنا غير لما اعرف بنتي فين؟
حمزة: هقولك المختصر المفيد... بنتك بتشتغل مع عصابة هدفها الوحيد هدم عيلة عريقة زي عيلة العسيلي وده في أحلامها طول ما انا واخويا على وش الدنيا عارفه بنتك عملت لأختي شلل بقت مش بتتحرك فاهمه؟ انا مش فاهم هيا ليه مع العصابة دي ولحد الان معرفتش حاجه عن العصابة دي غير بس ان عصام وبنتك وابنه شركاء فيها معرفش مين زعيم العصابة دي
صدمة حلت قسمات وجه سمر لم تعد تنطق بحرف واحد
حمزة: وقتي يا مدام سمر اتفضلي ولا انادي الأمن يخرجوكي من هنا؟
معلش انا هتاخر شويه عشان في مشاكل عندي في ومش هعرف افتح النت لمده يومين
#يتبع
#علق ب 20 كومنت ومتابعه لصفحتى الشخصيه
#الفصل_الثالث_عشر
غادرت سمر بحزن عميق ولكنها لن تيأس حتى تعرف طريق ابنتها
صعد حمزة إلى غرفة أيهم وجده شارد للغاية حتى انه لم يشعر بوجود احد بالغرفة
حمزة: أيهم أيهم... ثم اكمل بصوت مرتفع قليلا: أيهم
أيهم بانتباه: نعم يا حمزة
حمزة: فينك بكلمك؟
أيهم: سوري ما اخدتش بالي
حمزة قعد وأيهم حط راسه على رجل حمزة واغمض عيناه قائلا بجدية: حبيتها؟
حمزة: فوق ما تتصور يا أيهم
أيهم ضحك: دا انت واقع من زمان اوي بقا
حمزة: من اول يوم جات فيه هنا وانا مش قادر ما افكرش فيها
أيهم: ياااه كنت لسه خاطب ميار
حمزة ضحك: يابني انا خاطب ميار دي علشان بس متحسش اني حاسس بقلق من ناحيتها غير كده هي بالاسم خطيبتي كانوا عايزين يعرفوا كل تحركاتي بأني اتجوزها وانا نفذت اللي ف بالهم
أيهم: يابن الايه كنت فاكر ان انا وحدي اللي اعرف الاعيبها
حمزة: ومقولتليش ليه؟ مش جايز اكون ما اعرفش
أيهم: بص يا حمزة دي البنت اللي انت اختارتها من وسط ملايين البنات اجي انا واقولك اختيارك غلط لأسباب بزنس وكلام من ده؟ أكيد لأ
حمزة: كنت خايف اني مش اصدقك وأصدق اي لعبة هتألفها ميار مش كده؟
أيهم سكت.. حمزة بصله بغيظ: انت مجنون صح؟ أصدق واحده ما اعرفهاش غير من كام شهر وما اصدقش اخويا؟!!!
عم الصمت على المكان لبضع دقائق
أيهم: حمزة
حمزة: نعم
أيهم: البنت دي اخت عدي صح؟
حمزة بضيق: هي سألت مليكة... ومليكة قالتلها متعرفش حاجه عن حياته الشخصية
أيهم بفخر: تربيتي... حلوة الخطوة دي
حمزة بغضب: هتخلي اخلاق البنت زفت زيك يا حيوان
أيهم ضحك: متقلقش
حمزة: إياك تفكر تجند مليكة بأي طريقة.. فاهم؟
.....
صباح اليوم التالي استيقظت تلك الجميلة كعادتها صلت القيام ومن ثم صلاة الفجر وقراءة وردها اليومي كما اعتادت منذ صغرها
قررت انها لم تعد تهتم به وكأنه ليس موجود... هو لم يقل سوى الحقيقة المره، وهي لا تستطيع التخلي عن هذا العمل ليس لحاجتها للمال ولكن هي تريد عمل تقضي به أكثر الوقت حتى لا ترى زوج والدتها
حضرت فطار وفطرت وخرجت متوترة جدا فاليوم هو أول أيام امتحاناتها
شافت فاطمة ماشية بتعرج على رجلها وماسكة دراعها بألم
همس: فاطمة حبيبتي ايه اللي عمل فيكي كده؟
فاطمة ببكاء مصطنع: اااااه منه لله البعيد
همس بعدم فهم: مين البعيد ده؟
فاطمة: بصي هو واد طويل وعضلات ومز آخر حاجه الصراحه عيون خضر وبشرة قمحية ولحية خفيفة وشعره طويل وناعم ونزل من عربية إنما ايه اوبهااا ااااه... بس حيوااااااان اااه
همس بذهول: احم وشوفتيه فين الحيوان ده اا قصدي المز ده يووووه قصدي الواد ده
فاطمة: هقولك بعد الامتحان
همس: احم ااه يلا يلا
دخلوا الامتحان
.....
في مقر شركات العسيلي
سامر بتعب: ااااه منك لله يا حمزة كفاية كده
حمزة: خلاص قربنا نخلص
سامر: طب انا جعان
حمزة: تمام روح اطلبلنا اكل
سامر: يارب إفراج
.....
في المخزن
ميار بصراخ: انتو يا حيواناااااااااااات
عصام بتعب وإرهاق شديد: كفاية حرام عليكم
طارق: هييجي امتى ابن الكلب ده؟
بوكس قوي من يد واحد من حراسة المخزن: ده عشان حمزة العسيلي مش بن كلب ياروح امك
عصام بتوسل: آسف آسف بالنيابه عن ابني... بس حرام عليكم انا راجل كبير ف السن
الراجل بسخرية: دلوقتى بقيت كبير في السن؟
طارق بتعب ووجع من شدة الضرب: فكوني عايز اخد الجرعة هموووووت
عصام: طلعونا واحنا نوعدكم اننا مش هنقربلكم تاني
الراجل: النهاردا آخر اليوم حمزة باشا او أيهم باشا هييجوا
عصام بخوف وتعب شديد: طيب طيب
وخرج الراجل وسابهم
ميار: ورحمة ابويا ما هسيبه
طارق بحقد: منكم لله معرفتش اخد البنت ..
عصام: اوعدك اني هجبهالك بس اصبر عليا
.....
في فيلا العسيلي
أيهم: داده سميحه يا داده
الداده: نعم يا أيهم يابني
أيهم: عايز افطر واقع من الجوع
الداده: يابني الساعة ٤ العصر فطار ايه ده؟
أيهم: مش مشكلة بس يلا بسرعة
الداده: حاضر
أيهم رن على عدي:.... الو
عدي: خير ياخويا لسه فاكر ان ليك صاحب تسأل عليه؟
أيهم: انا نسيتك اصلا .. مجتش ليه؟
عدي: بس وربنا امبارح كان يوم اسود من قرن الخروب
أيهم: ليه ايه اللي حصل؟
عدي: خبطت ف بنت بالعربية اللهى يتقطع لسانها
أيهم ضحك: ههههه شتمتك ولا ايه؟
عدي: خسارة لسانها في شكلها اللي زي القمر
أيهم: اوبااا انت وقعت... تعال نتغدا بره
عدي: انت مجنون يالا؟ العملية معداش عليها غير كام يوم بس
أيهم: تعال عشان مش هقدر اسوق
عدي برجاء: أيهم بليز ناس كتير ضاعت من حياتي مش عايزك تكون واحد منهم
أيهم ابتسم: متقلقش عليا انا كويس اوي .. هستناك سلام
عدي بقلة حيلة: سلام
.....
في مقر شركات العسيلي
بعد مرور ساعات طويلة
كان يتابع عمله بحرفية شديدة ويدرس المشاريع الجديدة
السكرتيره: المندوبة اللبنانيه وصلت مسيو حمزة
سامر برق عنيه وشاورلها تخرج
حمزة ضحك ورجع بضهره لورا واغمض عيناه براحة: مش عارف انت مالك بيها
سامر بغل: عملالي عقدة كرهتني ف لبنان كلها
حمزة بضحك: ليه دي حتى لطيفة
سامر: لطيفة يبقى تقابلها انت لكن انا لا... انا فرحي خلاص شهر وكل شوية شذا تشوفها معايا تطلع جنونها عليا وانا مش ناقص
حمزة: ربنا يخليهالك يا صاحبي
سامر بابتسامة: عقبالك يارب ... ثم اكمل بهروب: انا انا افتكرت العماير اللي فاضلها يومين وتتسلم... سلام
حمزة ضحك على منظره وحركاته الطفولية: هجيب أيهم يقابلها
.....
عند همس
فاطمة: الحمد لله الامتحان عدى على خير
همس: ايوه والله كنت خايفه منه اوي الامتحان ده
فاطمة: تعالى نتغدا في اي مكان كده كده في فرق تلات ايام بين الامتحانين
همس: عايزة اروح الشغل هتأخر
فاطمة: ياختي روحي قال شغل قال لينا كتير مخرجناش سوا
همس: يلا وأمري لله
ودخلوا مطعم حلو
فاطمة: هتطلبي ايه يا همسة؟
همس: مليش نفس
فاطمة سابت المنيو وبصتلها: همس انتي لسه زعلانه من موضوع امبارح ده؟
همس بشرود: لا يا فاطمة عادي ... هو مقلش غير الحقيقة
فاطمة بهزار: هو الواد مز زي اللي ع المجلات ولا؟
همس: ياختي اتنيلي انتي كمان ده مغرور ومتعجرف وعصبي وعملي جدا بزنس بس بيغير في العربيات زي هدومه ربنا يزيده..
فاطمة ضحكت على صحبتها.. همس بغيظ وانتباه للي بتقوله: بتضحكي على ايه انتي التانيه؟
فاطمة بضحك تحاول اخفاءه: احم... لا مفيش خلينا نطلب الأكل
همس: اطلبي انتي على زوقك
فاطمة: تمام، وطلبوا الأكل... رجلي وجعاني اوي اللهي ينشك في قلبه البعيد
همس ضحكت جامد وافتكرت صحبتها وهي بتحكيلها اللي حصل معاها
فاطمة بغيظ: كملي انتي ضحك وانا هروح الحمام واجي
همس: اوك
فلاش باك
نزلت فاطمة واختها سجى راحوا المول... وبعد فترة ليست قصيرة
فاطمة بتعب: حرام عليكي يا بنتي والله عندي امتحان بكره
سجى: خلاص خلصت
فاطمة: تمام انا هخرج وانتي خلصي وتعالي ورايا
سجى: اوك
خرجت فاطمة من المول جري تاخد نفسها لحد ما جات عربية واصتدمت بها
لم يكن الاصتدام جامد فلم تتأذى كثيرا
فاطمة من وسط بكاءها: اه يا حمارة يا حيوانه يا بنت الحمار
نزل من سيارته: انتي كويسة؟
فاطمة برقت عنيها: يخرب بيت جمال اهلك انت طالع من رواية ايه؟ هو ده وقته... انت واحد مش واحدة؟ طيب نعيد من تانى... اه يا حمار يا حيوان يابن الحمارة
صدمة حلت عليه وهو لا يستوعب ما يسمع الأن: مين ده يابنت المجنونة انتي؟
فاطمة: احترم نفسك يا حيوان
عدي وعنيه بطلع نار: مين الحيوان ده يابت؟
فاطمة: في حد هنا غيرك يا احلى اخواتك؟
عدي: بت انتي احترمي نفسك..
فاطمة ببكاء: لسه هتديني درس ف الاحترام كمان يا حيوان
خرجت سجى وظلت تبحث عن فاطمة وجدتها ملقاة على الأرض فزعت: فاطمة حبيبتي ايه اللي عمل فيكي كده؟
فاطمة ببكاء ومازالت على الأرض وشاورت على عدي
سجى: عملت فيها ايه؟
مسح على وشه بغضب: واحده طالعه بتجري اعمل ايه انا؟ خبتطها بالعربية
سجى باحراج: احم انا اسفة
فاطمة: بتتأسفيله ليه هو اللي متخلف وماشي يخبط في خلق الله
اتعصب جدا وظهرت عروق رقبته من الغضب ولكن حاول التحكم بنفسه
سجى: بس اسكتي خالص مش عايزة اسمع صوتك... معلش يا اخ ممكن بس نروح المستشفى
عدي: اه طبعا... ثم اكمل بخبث: هتقدري تمشي ولا اشيلك انا يا حلوة؟
فاطمة بصدمة وهي تقول في سرها: ياريت... تشيلني ايه يا متخلف انت؟ انا كنت بنت اختك؟
باااااااااك
على الجانب الاخر
الجارسون: أهلا وسهلا أيهم باشا... ازيك يا عدي باشا نورتونا
الاتنين: بنورك يا راجل يا طيب
أيهم: انقذني واقع من الجوع
عدي: حاضر يخرب بيتك... هتاكل ايه؟
أيهم بغيظ: هناكل جاموسة ... ما تنجز يا عدي
عدي ضحك: طيب طيب.. وطلب عدي الأكل، هروح الحمام
أيهم: اوك
مشي عدي متجه نحو الحمام لحد وان تو ثري
فاطمة: آآآآآآه... ورفعت وشها وهي وعدي في نفس واحد: انت؟؟؟؟!!
عدي: انتي؟؟؟؟!!
فاطمة: انت بتراقبني ولا ايه؟
عدي خبط كف على كف: القدر يا قمر ... ودخل الحمام وسابها هتولع من الغيظ
فاطمة في نفسها: يالهوي مستفز بس قمر.. ايه اللي بقوله ده استغفر الله العظيم واتوب اليه، ودخلت الحمام
.....
في مكان آخر
مجهول١: تمام احنا كده كده ضامنين خروج ميار
مجهول٢: وميار هتعرف ازاي اننا عايزينها مش ممكن بعد ما شافت العذاب عنده عامل ازاي تنسحب من اللعبة
مجهول١ بثقه: طول ما هي واثقة ان سليمان هو اللي قتل أبوها عمرها ما هتتخلى عن تارها خلاص الشر كبر جواها، حمزة العسيلي عمره ما لمس واحده اصلا
مجهول١: يارب اللي بنعمله ده ميروحش هدر
مجهول٢: لازم نبدأ في الخطة الجديدة
مجهول١: وعصام؟
مجهول٢ بغموض: هيخرج
......
بعد شوية
أيهم: عدي يلا الأكل هيرد
عدي شارد في جميلته وملامحها التي خطفت قلبه
أيهم وهو بيهزه: عدي عدي
عدي فاق من شروده: هاااا
أيهم: لاااا دا انت مش معايا خالص
عدي: فعلا مش معاك... عايز ايه؟
أيهم: يابني الأكل هيبرد
.....
بعد مرور وقت طويل جدا
همس جات الفيلا وكل الخدم شايفينها وبيتهامسوا باسمها
مليكة شافتها وابتسمت بحب
همس بمرح: ملوكه عامله ايه؟
مليكة: انا كويسه خالص وحضرتك؟
همس: زمت شفايفها بزعل مصطنع: حضرتك تاني؟
مليكة: خلاص ممكن متزعليش
همس: لا زعلت
مليكة: امم اصالحك ازاي بقا؟
همس: زي السكر في الشاي ههههه
.....
مر يومين وهمس وافقت على زواجها من دكتور احمد وعملوا خطوبة ع الضيق واصبحت تعيسة جدا منذ هذا اليوم
.....
في فيلا العسيلي
همس ماشية سرحانة وهي لسه داخله الفيلا وقع هاتفها فانحنت بجسمها لتحمله من الأرض وجدت شئ ساخن جدا لم تتحمله يسقط على يدها تحرقها
صرخت بجنون من شدة الوجع
خادمة بمياعة: سوري مشفتكيش
نظرت لها همس والدموع تلمع بعيناها: حضرتك ليه بتعامليني كده؟
خادمة: عشان انا بحبه وهو مش شايفني... مش شايف ادامه غيرك من يوم ما جيتي
همس كانت تبكي من الألم... غادرت الخادمة سريعا عندما استمعت إلى صوت سيارة حمزة
فتح باب الفيلا على مصاريعه وما أن رأه الحارس حتى فتح له باب السيارة باحترام وطوع شديد
كم حلت السعادة ثنايا وجهه عندما رأها رفع نظارته الشمس واقترب منها وجدها تبكى وتمسك بيدها
مسك ايدها بحب: مالها ايدك؟
نظرت له بدموع تغرق وجهها الأبيض الرقيق الذي أصبح الحزن يخيم عليه
سحبت ايدها بسرعة ودخلت جري على مليكة
همس: مليكة ممكن علبة الإسعافات
مليكة جابت كريم الحروق وحطتلها على ايدها بهدوء: ايه الخاتم ده؟
همس بحزن: امبارح كان يوم خطوبتي
مليكة: مبروك يا همس... انتي زعلانه ليه؟ مش المفروض انك عروسة
همس: كان نفسي بابا او عدي اخويا يكونوا معايا في يوم زي ده
مليكة: اااه
همس: انا زهقت اوي ونفسي احكي لحد
مليكة: انا ممكن اسمعك على فكرة... متخافيش انا مش هقول لابيه حمزة
همس ابتسمت: ولا يهمك عادي بس كويس انك مش بتخبي عنه حاجه
مليكة: انا بقوله كل حاجة بتحصل في حياتي إنما لو حياة حد اكيد مش هقوله
همس وهي بتعيط بشهقات: عارفة من عشر سنين كان في راجل كبير ف السن وكان غني هارب من قضية يعني واحد من أصحابه بيشتغل معاه بيتاجر في المخدرات ولبسه هو القضية
وأولاد الراجل ده اتخلوا عنه فهرب لأي مكان ... جه في المنطقة بتاعتنا وعدي كان بيساعده ويشوف طلباته ويقعد معاه طول الوقت عارفه كان بيذاكر عنده ومش بييجي غير على معاد النوم
في يوم بعد ما رجع من المدرسة راح عنده شافه مقتول اترعب ورجع لورا بذعر وخوف رهيب... قعد مذهول شوية وبعدين قرب من الراجل بس كان لسه مقتول في وقتها.. الدم كان جديد، عدي قعد يحرك في الراجل وهو بيعيط هدومه اتملت دم خاف اكتر وكل الناس جيران الراجل ده عارفين ان مفيش حد بيدخل عنده او بيطلع غير عدي اخويا... خلاص ايقن ان الراجل مات... طلع من عنده وهو منهار من العياط وشافته واحده جارت الراجل طبعا قعدت تعيط وتصرخ والناس اتلموا عليها وساعتها كان عدي هرب قبل ما الناس يمسكوه
روح البيت وانا شفته خفت من منظره وسألته مالك قالي تعالى معايا... دخلنا نتكلم وحكالي كل حاجة وماما كانت بتسمع الحكاية مصدقتهوش وقالتله يطلع بره البيت ... طردته ومعرفتش عنه حاجه تاني ، مفيش كام يوم وقالتلي هتجوز.. اتجوزت وسافرنا امريكا ولسه راجعة من سنتين بس .... قعدت همس تعيط بهستيريا ومليكة بتدمع على حالتها
عدي دخل والدموع على وشه: همس!!
