رواية انكسار انثي
الفصل الثالث عشر13
بقلم نوسه حمد
حمزه بقا طاشي شبكه وشكلو الصدمه كانت حاره عليهو و علي خبر بتو جاهو خبر شغلو الخسرو قلت ليهو حمزه ود عمك منو دا قال لي م عارف وكان لمن برجف انا قطع قلبي امو بقت تكورك وبت عمتي بقت منططه عيونا وانا همي كلو حمزه ونسيبتي وبت عمتي همهن القروش الضاعن وبقن اضغطن فيهو بالكلام والاسئله وانا عشان ضايقه الصدمه والفرق بين انسان يطبطب عليك وانسان اهممك وانا حمزه كان بطبطب علي وهو الوحيد القدر طلعني من الكنت فيهو وقدرت اواجهه المجمتع وتلفون حمزه يضرب لقيتو صاحبو ابا ارد عليهو شلت التلفون ورديت قلت ليهو فشنو ي احمد ودا منو الخسر حمزه شغلو قال لي دا متوكل ود عمو وانا اكتر واحده عارفه ود عمو متوكل كان بغير منو لانو اكبر منو بس م عندو قروش زي حمزه وطوالي حمزه بقيف معاهو وم صدق اظنو لقا في حمزه فرصه دمرو وحمزه تعب في شغلو وبعد ولدت منه حتي شغلو اتصلح وزي م بقولو منه بقت فاتحه خير عليهو قلت ليهو احمد حمزه م كويس انت وين قال لي في بيت العذابه اجيكم قلت ليهو تعال طمنو واقيف جنبو قال لي طيب وقفل الخط واحمد دا كان روحو ونفسو حمزه اكتر زول بحبو وداير ليهو الخير 🌹♥️
م عديت خمسه دقايق واحمد جا حمزه من شافو اتجرس زياده وبقا م فاهم اي شي انا لمن خوفتا منو قلت ليهو احمد حمزه دا م كويس انا بعرفو قال لي هو الجابو شنو من شهر العسل قلت ليهو منه بتو م رجعت من المدرسه وناس المدرسه م عارفين عنها شي احمد قال لي لا حول ولا قوة الا بالله العلي العظيم دي مصايب شنو الجات في راسو دي قلت ليهو كدي حاول طبطب عليهو وطمنو انو الراح كلو بجي بس هو لازم اكون قوي قال لي طيب ومشيت منو لقيت امو تتحسر قلت ليها حياتو كانت حلوه بس الله اجازي الكان السبب قالت لي قصدك منو قلت ليها عارف نفسو كان انتي كان بت عمتي قالت لي ي بت هوي انتي نسيتي نفسك انتي مطلقه م تدخلي فينا زاتو قلت ليها عارفه نفسي وانتي عارفه السبب المقعدني فجاه سمعت صوت حمزه بكورك ودخلت لقيت احمد اهجر فيهو في السرير وهو اقول منه منه وانا دموعي عشره عشره قلت ليهو حمزه قول بسم الله مني بتك بترجع انا كلمت اولاد اهلي اشوفوها قال لي نوسه انا داير بتي وانا خسرت اي شي م داير اخسرها قلت ليهو طيب اهدا شويه اي شي بتصلح حتي حسيت بيهو هدا انا لبست عبايتي وطلعت مشيت الشقه لقيت علي وامي ومنه اياكلو قلت ليهم انا دايره ارجع منه لحمزه حمزه خسر شغلو وودعمو سرق قروشو كلهن وحمزه بقا م واعي وما قادرين اهجروهو في السرير وبكورك بي اسم بتو امي قالت لي بركه عجبني ليهو ان شاء الله كلهم اجنو قلت ليها يمه دا ابو منه قالت لي ببو شرطك ان شاء الله قلت ليها يمه عليك الله دا م وقتك وحرام علينا نخليهو اجن بسبب بتو كفايه انو خسر شغلو قلت لي امي اديني القروش والدهب الاديتك ليهو قالت لي مودياهو وين قلت ليها ارجع لي سيدو قالت لي اسد نسيتك سيدو دا م طلقك وجدعك انتي وبتك وعرس فيك بت عمتك الزي البطريق دي قلت لبها عارفه يمه م تزكريني وانا اكتر واحده بتمني ليهو ادمر بس يمه م بتمني ليهو الجن قالت لي هوي ي بت هسي لو دي انتي الجنيتي
م كان اشتغل بيك ولا كان عبرك قلت ليها م مشكله عافيه ليهو بس يمه منه بتو والقروش حقاتو ودا دهبو قالت لي خلي بت عمتك تقيف معاهو موش فضلها عليك خلي يعرف الفرق بينك وبينا قلت ليها انا طالما قسيمتي في يدي وهو الطلقني انا بعد دا كلو م طلبت الطلاق م دايراهو اعرف الفرق بيني وبينها لاني ببساطه م ح ارجع ليهو بس م ح اقيف ومكتفه يدي وشايفاهو بجن قالت لي م اجن خلي امو تقيف جنبو قلت ليها انتي نسيتي انو حمزه دا الماسك البيت يمه امو تقيف معاهو كيف قالت لي هي الدمرتك والدمرتو قلت ليها يمه دي حصه مراجعه ولا شنو م كل الكلام دا انا عارفاهو قالت لي بزكرك فيك لانك هبله وعلي نياتك قلت ليها وإنما ع نياتكم ترزقون وانا خليني علي نياتي دي ودخلت جوه طلعت الدهب والقروش وامي مسكت مني منه علي قال ليها خليها ي خالتي ونوسه بتعرف الاصول وم هاين عليها تخليهو كده حتي امي فكت لي بتي ومشيت من بعيد لقيت الفريق كلو متلمي في بيتنا قالو لي حمزه شايل السكين داير اكتل امو ومرتو الجديده انا انخلعت مستحيل حمزه يعمل كده معناتا حمزه جنا وانا قلبي ادق لقيت اصحابو كلهم ماسكنو وبت عمتي قالو شالت شنطتا وفاتت قالت م بتعيش مع واحد مجنون وداير يكتلها واخوان حمزه جو كلهم
انا دخلت ليهو قلت ليهو حمزه دي منه ومنه بتي من شافتو ماسكنو الرجال مشت عليهم قالت ليهم فكو بابا وقعدت تبكي وحمزه دمعتو في عينو وم جايب لي منه خبر ومنه تقول ليهو بابا دي انفال صاح وهو م جايب ليها خبر انا قطع قلبي وحسيت انو خلاص حمزه انتهي قلت ليهو احمد ودوهو لطبيب نفسي حمزه دا لو حالتو اتاخرت تبقا مشكله امو قالت لي طبيب نفسي شنو نوديهو لشيخ يعزم ليهو قلت ليها شيخ شنو حمزه دا الدخلت فيهو خلعه والحصل ليهو حاجه م ساهله كونو انو يفقد اكل عيشو التعب فيهو قالت لي انتي السبب قلت ليها لو جينا لي سبب ي خالتي انتي السبب واتزكري كلامي دا كويس انتي الجبتي لي الدايه وانتي الدايره تخسرينا حياتنا بي اي طريقه وانتي الدخلتي فكره العرس ف راس حمزه بعد كان مقتنع بي قالت لي اقتنع كيف وهو م عندو الولد البشيل اسمو قلت ليها اها عرستي ليهو وجاتو الظروف الجننتو الولد البشيل اسمو اجيبو ليك من وين وينن القروش البرثن ولدو موش دا كان كل همك وجا القدر القال ليك مستحيل دا يحصل وانا م كنت سبب في دمار حمزه ولاخر لحظه
حمزه كويس لغايه م جاهو خبر شغلو اتغير وانا م جيت عشان انا وانتي ناخد وندي ف الكلام ولا نتشاكل قدامو لانو حالتو م بتسمح نتشاكل قدام عينو جيت اجيب ليكم القروش دي ودا الدهب الجابو لي حمزه وانا شايفه انو تودوهو لي طبيب نفسي الشيخ ح يزيد العندو لانو الداخل فيها دي صدمه لا عين لا سحر عشان تودي لشيخ وبعد ابقا كويس ادوهو القروش دي يبدا بيهن شغل جديد
حاولت اتكلم مع حمزه بس م ردا علي وبتو كانت تبكي وعرفت انو. دي نهايه حمزه قلت لي احمد انا ح اسافر مصر اربي بتي واشتري لي شقه وان شاء الله ربنا يشفيهو وبت عمتي م بت اصول بدل تقيف جنبو دا راجلها بس معليش فاتت خلتو في عز حوجتو للبطبطب عليهو احمد قال لي خليها انفال انا بعرفها كويس ومتوقع منها كده اقيفي معاهو انتي قلت ليهو ي ريت والله لو علي انا طوالي اقيف جنبو بس حمزه طلقني واداني قسيمتي ووجودي جنبو زاتو م صاح قال لي لا لا حمزه ح يرجعك قلت ليهو هو وينو حمزه حمزه الانا بعرفو خلاص راح وهو واعي عشان ارجعني قال لي استحملي قلت ليهو لا م اكذب عليك انا كل الجميل العلمتو ليهو اني رجعت ليهو دهبو وقروشو وعليك الله ي احمد م تسمع كلام امو وديهو لدكتور نفسي قال لي امو هي في زول بقدر عليها ان شاء الله انا ح اتكلم معاهم م ح اخليهم يودوهو لشيخ ودعتو ومشيت لقيت علي وامي واقفين لي ف الشارع انا كان نفسي اكورك ركبت في العربيه وقلبي كانو انقسم علي نصين م كان نفسي حمزه اجن اي نعم نفسي كان انتقم منو بس مالي درجه انو اكون م واعي بالحولينو.....
