رواية انكسار انثي
الفصل الرابع عشر14
بقلم نوسه حمد
انا ركبت مع امي وعلي وقلبي كان في حمزه💔💔💔💔 منه قالت لي ماما ارح نسوق بابا انتي م شفتي ابكي كيف وبقت تسأل فيني قالت لي بابا مالو قلت ليها بابا كويس ي منه😭😭 امي قالت لي بركه حمزه الجنا منه من سمعت كلام امي بقت تكورك قالت لي ماما يمه قالت بابا مجنون يعني بابا بقا زي المجنون الفي المدرسه انا قلبي وجعني قلت ليها يمه دا كلام شنو وبعدين حمزه كويس وغمزت ليها نظام م تقولي كده قدام منه وقلت ليها بابا اتزوج انفال وح يمشو السعودية منه بقت تبكي قالت لي لا لا ماما بابا دا حقي انا وانتي وبس انفال دي الله بسالها م تشيل ابوي مني ودموعا عشره عشره وبتقول لي يمه ارح نرجع بيتنا انا دايره ابوي وبيتنا ومدرستي انا غلبني البعملو بتي م فاهمه شي وقطعت قلبي💔💔💔
علي قال لي نوسه ارجعي اقيفي مع راجلك قلت ليهو علي انت نسيت القسيمه يعني😭 منه قالت لي القسيمه دي شنو يمه اكل ولا لبسه بي قلبي قلت ليها يا ريتا لو كانت كده بس القسيمه دي لو فهمتي معناها ح تعيشي مكسوره بسبب طلاق ابوك لي امك بس ان شاء الله تقدري تنسي ي بتي قلت ليها اي دي اكله بعملوها في المطاعم قالت لي ح نمشي ناكلا بي قلبي قلت ليها اكلناها وانتهينا 😭😭😭😭😭قلت ليها انتي تبري منها لانها اكله م حلوه حقت ناس زمان طالباها امي دي امي جاهزه للرد قالت لي انا قايلاني زيك انا م باكلا بس باكلا للزول وبدشرها ليهو بي نخرينو امي اصلا م بتفهم شغل الغمز بتدرعها طوالي. المشكله انا بغمز ليها وبتقول لي اوعك تغمزي لي يعني امي مصره بس تدخل مفهوم الطلاق لي منه بتي وهسي امي لو قالت لي منه امك طلقوها م بتفهم بس امي اصلها بتتكلم ساي وانا غلبني معاها وصلنا الشقه ومنه م رضيانه تدخل وتبكي بي اعلي صوت قالت الا ترجع تقعد جنب ابوها عشان يمه قالت هو مجنون وهو م مجنون بالتحانيس حتي انا وعلي قدرنا نقنعها انو ابوها اتزوج وح يسافر وكذبنا عليها وهي م ح تفهم حالتو النفسيه الماري بيها وانا زاتي م نفسي تشوفو م واعي ليها عشان كده احسن نبعد دخلت منه الغرفه ونومتها وجيت لي امي قلت ليها يمه خلاص نحنا مده اقامتنا في السودان انتهت قالت لي مده شنو وسودان شنو اسد نيتك تاني جيتيني بمصيبه قلت ليها يمه برا دعاك دا مافي شي غطس حجري ونحنا لازم نسافر قالت لي نسافر وين ي بت قلت ليها مصر قالت لي برري م بفوت بيتي قلت ليها يمه بيتك فيهو منو هو فاضي مافيهو زول واقيفي معاي انا بعد اطلقت شينه اطلع براي وانا عاوزه اطلع من السودان لانو انا اي حته فيهو بتزكرني حمزه وانا م اكذب عليك عاوزه انسي حمزه بي اي طريقه لانو جرحني ودمرني قالت لي تستاهلي اصلو م سمعتي كلامي انا وريتك من الاول قلت ليك اطلقي براك وبي كرامتك بدل جاب فيك بت عمتك البطريق دي قلت ليها السنين الانتي قلتي لي اطلقي فيها دي كانت من اجمل ايام عشتها مع حمزه ومنه كنتي دايراني انحرم من السعاده من بدري قالت لي اها انحرمتي ف النهايه قلت ليها م زعلانه لانو دا نصيبي انتي ختي يدك في يدي يمه اسندك وتسنديني قالت لي سمح قلت ليها نبيع الحواشه حقتك وحقت ابوي امي م تابعت كلمه حواشه سمح بقت تكورك التقول قلت ليها بيعي كليتك قالت لي دي من ريحه الغالي ونحنا الببيع املاكو زي الباع شرفو قلت ليها يمه ليك طولت العمر والعمر الفضل ليك دا خلينا نعيش مرتاحين بي نصيبي من ابوي بشتري شقه وبقروشك بشتري ليك شقه هناك تاجريها وتكون ملكك ونخت ليك حق الإيجار في البنك وتلميهن تاني تشتري حواشه قالت لي كده معليش امي اقتنعت لي وطوالي اتصلت علي ولد اهلي ف البلد قلت بيعها لي قال لي تمام وقلت لي علي بكره نطلع الجوازات وامي تمش البلد تودع اهلا وتجي نمش قال لي ظابط
مرت الايام وطلعنا الجوازات وبعنا الحواشه وجابت لينا قروش سمحه وانا كل م اتزكر حمزه قلبي يوجعني وحسيت انو الدنيا وقفت بمرضو وبي طلاقي والجواي م بعلم بيهو الا ربنا اتمنيت اموت ولا ابعد منو بس الظروف كده وجهزنا اي شي للسفر وامي مشت ودعت اهلا وجات انا قلت قبل اسافر امشي لحمزه اشوفو مشيت لقيت البيت مقفل جارتي القديمه قالت لي حمزه شالو عفشهم ورحلو البلد انا قلبي وجعني عرفت انو حمزه م كويس امي قالت لي انسيهو هو طلقك ورماك اوعك تاني تجيبي لي سيرتو قلت ليها م قادره شلت تلفونا واتصلت لي احمد صحبو قلت ليهو معاك نوسه حمزه كيف قال لي حمزه م كويس والله وامو مصره تباري بالشيوخ وبقا م واعي لي لي شي اليوم كلو فاتح صوره منه بتو وماسك لي امو عرسي لي انا داير اجيب زي البت دي ولمن نقول ليهو دي بتك بقول لينا لا لا دي بت صحبي واتصورت معاها انا قلبي وجعني بقيت ابكي احمد قال لي انتي لو شفتي حقيقه ح تموتي عديل انا بقيت م قادر امش ليهم وهو زاتو بقا م واعي لي ولا عارفني انا منو واهل حمزه م مقتنعين بي الدكتور قلت ليهو اديني رقم امو ملاني ليهو سالتو من انفال قال لي من يوما داك فاتت وتاني م عارفين عنها شي قلت ليهو طيب قفلت منو اتصلت علي ام حمزه قلت ليها خالتي كيفك وكيف حمزه قالت لي حمزه جننتي انتي وبت عمتك دايراهو يكون كيف قلت ليها الله يسامحك انا اتصلت اطمئن عليهو وعليك الله ي خالتي ودي حمزه لي دكتور م تدمريهو اكتر قالت لي ي بت هوي م عندك فيهو شغله موش سلمناك قسيمتك قلت ليها بس دا ابو منه قالت لي بتك الفقر دي زاتا م بتلزمنا وخلي عندك كرامه بعد طلقك ابعدي منَو قلت ليها الله اسامحك بس ابو منه في ذمتك وقروشو ودهبو الاديتك ليهن في ذمتك قالت لي حقنا ورجع لينا باقي لينا بت عمتك قفلت منها
اتصلت ع انفال لانو رقمها كنت حافظاهو صم اتصلت عليها وردت علي بدلع قالت لي الو قلت ليها سلام عليكم قالت لي عليكم السلام معاي منو قلت ليها معاك نكير لانها كانت مسمياني نكير..
