رواية غدر الزوج
الفصل الرابع عشر14
بقلم سهي وليد
و الا ليه ما اكلت مع عمر نجوى: كذابة المنافقة اصبري لي بادبك انا بس خلي عمر يطلع المساء خرجونا وصلنا البيت نفسية: ان شاءلله احسن عمر: اي كويس الحمدالله اكلت شنو اخر مرة عمر: مشيت اسلم لي نجوى لقيتها كانت حا تاكل ف خلت لي الاكل لانو قالت بتعاف و ما بتاكل مع زول في صحن واحد نفسية: اجي دا كلام شنو و زمان بتاكل معانا عادي شيماء: دا اكبر دليل انها سممتو و حتى ما اكلت معاو معليش لو اكلت نقول ما عارفة نجوى: انتي الجبتي الاكل اول متهمة انتي و بقينا نتناقش لحد ما عمر سكتنا نفسية: الموضوع دا ما بعدي علي خير انا حا اضرب للشرطة تجي و انتو الاتنين تمشو القسم دي جريمة قتل و ولدي كمان اصلو ما بنتهي علي خير عمر: ي امي هدا انا كويس مافي داعي نفسية: ابدا والله و لو حصل تاني نجوى: اضربي للشرطة فالنهاية الحقيقة حا تطلع مشينا القسم اتحرو معانا و ختونا حراسة انا نجوى عثمان اهلي كلهم مدينين ادخل اقسام و سجون ي حسرتي و وجعتي فتشو تلفوني ما لقو اي شي ضدي بس لما فتشو تلفون شيماء لقوهو كله كلام موت و سم و اجهاض و مكالماتها مع ناس ما مفهومين و. اخيرا لقو صورة و اسم السم في
الواتس كانت بتراسل صحبتها تاني يوم جابو صحبتها و انا طلعوني بريئة كنت دايخة و ما قادرة اقيف شايفة زول زي ود عمي عثمان بس طلع هو جاء علي سندني مشينا الصيديلة شال لي ادويتي و قعدنا في مطعم اكلت حتى قدرت اقيف علي حيلي عثمان: ليه وصلتي نفسك لي مرحلة زي دي ي بت العم نجوى: الحب غلاب عثمان: الحب ما كل شي ي نجوى والله العظيم امس لما شفتك في القسم احترت في امرك انا شغال في المحكمة العليا شفتك بالصدفة امس حكيت ليو كل الحاصل عثمان: انا ود عمك كان تضربي لي والله كان وريتو قيمتو و بالنسبة لي رفضك لي متفهم طبعا معظم البنات ما بحبو يرتبطو مع اولاد الاهل بس ما كل الاهل واحد بنات الزمن ديل غريبات ارح اوصلك البيت ماشة وين بيتك ولا بيت الحاج قلت ليو يوديني بيتي وصلنا نزلت و بقيت اصف لمن طلعو كلهم شكلهم جو من المحكمة ياداب نجوى: اها جبتي حق ولدك ع حسابي انا المظلومة نص عمري في البيت دا بعد دا ما كفاكم سجنتوني سجنتو مرا حامل الله يغضب عليكم نفر نفر وينو مربى النسوان دا عمرررررر ي عمرررر اطلع لي ي باطل تعال سرعة و بقيت اصرخ لحد ما طلع من جوا مشيت عليو ضربتو كف لمن اضانو صنت تففف عليك ي حقير تسجن مرتك الحامل...