رواية جراح الحب الفصل الخامس عشر15بقلم جني
-انت مدافعتش عنه لية؟ مش اخوك ؟؟
ضحك بسخرية ورد :اة اخويا فعلًا للأسف ..بس مدافعتش عنه عشان هو يستاهلها على كل حاجة بيعملها والعك اللي بيعكه
-انا مش مصدق ان دة كلامك
-مروان انا عمري ما شوفت منه حاجة تدل على انه اخويا .. ولا منهم كلهم حاجة تحسسني انهم اهلي
انا طول الوقت بعيد عنهم عشان مش عايز اقرب
ومن ساعة ما عرفت كل اللي حصل دة انا مش طايقهم مش عايز اعرفهم .. وبعد اللي حكتهولي على اللي خالد عمله معاك ومع جميلة انا مكسوف اقول انتو اخويا ومكسوف ابص ف وشك يا مروان
انا بجد اسف ومش عارف اقولك اي حقك عليا على كل اللي عملو دة
-متتأسفش يا حازم انت شخص كويس ومحترم وانا كنت عارف دة من البداية
بس انا ارتاحت لما عملت كدة وهديت
وخدت حقي منه كمان لما دخل على سارة اوضتها
-هو عمل كدة
-انا كنت موجود معاها مستحملتش وروحت متخانق معاه وللاسف معرفتش اضربه عشان كالعادة اتحامى فيهم
-هو انت كنت هتوافق عليه يا مروان لو قالك انو عايز يتجوز سارة وسارة بتحبه ؟؟
-اوافق على مين يا حازم انت اتجننت !!! دة انا لو هوأد سارة ومش هجوزها لواحد زي دة ..
-حتى لو بتحبه
-اة حتى لو بتحبه ومتقوليش بقا انت بتقف قصاد حبهم ومعرفش اية .. انا بنقذها من انها تقع ف شباك انسان وغد
-ولو كان حد تاني بس كويس
بإستغراب -انا مش فاهم سؤالك يا حازم انت عايز اية
-لأ بسأل فضول مش اكتر ..
هو انت متقبلني ؟؟
بعصبية :هو انا هتجوزك يا حازم في اي مالك ؟
رد بضحك :لأ والله خايف تكون شايفني زي خالد
-اتطمن انت احسن منهم
-انا مبسوط انك بقيت احسن
-عشان طلعت غلي فيه وخدت حقي منه
"أبتسم وسكتو شوية وبعدين حازم اتكلم بلجلجة "
-مروان هو انا ممكن اتكلم معاك ف موضوع
-انا ؟ اتكلم
-مش عايزة تفهمني غلط وانا عارف انو مش وقتو بس انا حسيت انك كويس وهتفهمني ف قولت اتكلم معاك ..
-قول يا حازم مبحبش المقدمات !
اخد نفس عميق ونطق :أنا بحب سارة وعايز اتجوزها
"مروان وقف وبصله بصدمة :نعم ؟؟ عايز اية ؟
-انا بحبها بجد وعايز اتجوزها !!ووالله انا مش زيهم ولا منهم وعمري ما هأذيها عشان انا بحبها وهي بتحبني
-يعني اي وهي بتحبك ؟؟
-يعني احنا الاتنين بنحب بعض
بعصبية :اي اللي بتقوله دة مش فاهم
رد بتوتر :بنحب بعض زي اي اتنين بيحبو بعض يا مروان !
-بس سارة عمرها ما حكتلي حاجة زي دي
-ايوا هي كانت خايفة تحكيلك
-مين انت عشان تقرر هي حاسة ب اي انت دخلت جوة قلب اختي ؟
-حاش لله يا جدع انا افتكرتك متفهم اكتر من كدة
-انا اختي عندي حاجة تاني ومش هديها لأي حد وخلاص
-انا عندي استعداد اعمل اي حاجة عشان اثبتلك اني بحبها وعمري ما هأذيها وياسيدي امضيلك على ورق بتعهد اني عمري ما هأذيها
رد بعصبية :ورق اي وتعهد اي هو انت بتشتري تلاجة؟؟؟
كتم ضحكته ورد :امال انت عايز اي طيب قولي
-عايز اشوف رأي اختي …
واسمع مش معنى اني قولت هشوف رأيها انك تنطلي كل شوية ..ومش معنى اني قولت انك شاب كويس ومحترم ومش عيلتك اللي ماشفتش بجنيه تربية يبقى تستعبطني
-مفيش الكلام دة ياعم
-انتو بتتكلمو ؟؟
اتوتر : الأ يعني صراحة انا كلمتها وقولتلها اني بحبها هي ك أخت مخلصة قالتلي لا انا لازم اقول لمروان
-شوفت انها محترمة ؟؟ يعني متستاهلش اي حد والسلام
وبعدين انت عملت اي ف حياتك عشان اقبل بيك
-الحمدلله درست واتخرجت واشتغلت وبقيت بسافر كتير و….
-هيعمل اي السفر الكتير يعني ؟؟ هيركبلك جناحات !؟ انا عايز اعرف عملت اي مش طموحاتك اي
-لأ دي مش طموحات انا بجد بسافر كتير لأني بيزنيش مان وبقيت حد معروف شوية
ولو على سارة ف انا هعمل كل اللي اقدر عليه عشان احميها واخليها سعيدة
-مممم !!! هفكر ف الموضوع دة وهرد عليك ..
-اة وفي حاجة كمان !!!
-خير
-ياريت لو يعني حضرتك وافقت لو ممكن الجواز يحصل ف اسبوع لأني مسافر
-نعم ؟؟؟لية هبيعلك موبايل بالقسط ؟
-والله سارة لا تلاجة ولا موبايل دي غالية عندي والله
وانا لو سافرت هطول اوي ف عايز اتجوزها وتسافر معايا
-اة يعني انت هدفك تبعد اختي عني
-مش هدفي والله !! بس فكر فيها انا مضمنش وعايز اتجوزها لاني بحبها واني عايز اتجوزها بالسرعة دي هو اني بجد بحبها من زمان
-انتو بتتكلمو من زمان يا حازم
-بصراحة اة
-بسم الله ماشاء الله ومش مكسوف تقولي ؟؟
-انا عايز ابقا صريح
-طيب امشي بقا من وشي وهفكر وابقا ارد عليك ان شاء الله
-طب اوصلك ؟
-لية اكتع؟؟ وبعدين معايا عربيتي متشكر
-طيب مع السلامة
-سلام يخويا
———————————————
"مروان بيقعد يفكر طول الوقت ف الموضوع لحد ما بيرجع البيت …
بتكون جميلة مستنياه ولما بيدخل وبتشوفه بتحضنه
قالت: انت كنت فين لحد دلوقتي ؟؟
-مش مهم تعرفي
-يعني اي مش مهم ؟؟ لأ لازم اعرف !! قولي يلا
-يوه كنت عند زفت الطين دة
-عملت في اي
-مش مهم المهم انو مماتش
-يخربيتك يا مروان عملت اي
"بيمسك ايديها وبيقعدها :ينفع تهدي وتسيبك من الموضوع دة عايز اتكلم معاكِ ف موضوع اهم
-بس ..
-اقول ولا لسا هتسألي كتير !!
-طيب قول
-انا لما قابلت حازم قالي انو بيحب سارة وعايز يتجوزها
بزهول:حازم !!!
-اة .. بس اقولك بصراحة انا حسيت انو كويس وانت عكس المهزق اخوه حتى المهزق دة انا من اول مرة حسيت انو زفت بس دة حسيت ان كويس
انا اكيد موافقتش بس انا عايز اعرف سارة ازاي بتكلمه من بدري لا وبتحبه وانا معرفش
-انا كمان بحس ان حازم كويس بس … انا معرفش الموضوع دة بجد
-يعني سارة محكتلكيش
-لأ محكتليش هي ممكن تكون خايفة من ردة فعلك مش اما. ..
-ممم
-وافق يامروان عشان خاطري هو كويس ولايق عليها وكمان انا نفسي نفرح بقا
-نفرح اي دة عايز لو وافقت يتجوزها ف خلال اسبوع عشان هيسافر
-طب وماله ؟ ميتجوزها هما اللي اتجوزو ف اسبوع احسن منهم
-انتي عبيطة يا جميلة !! انا اة بحبه بس مش للدرجادي وبعدين اديله اختي بتاع اي يعني مش فاهم
-هي سارة خاتمك ؟ او دبلتك ؟ لتكون قميصك المفضل ؟؟؟
لو مش كل دة يبقى لي متمسك بيها اوي كدة ومش عايز تجوزها ولا تخليها تحب حتى
-يوه !برضو مش مقتنع
-يا حبيبي افهم انا شايفة ان طالما هما بيتكلمو من بدري بقا خلاص وافق
-وافق !؟ دة انا لسا محاسبتش سارة !! بقا كل دة يحصل ونا معرفش حاجة !!
-يادي النيلة! مروان يا عمري انت لو استنيت حبة كمان ووافقت الجوازة دي مش هتتم لأن ماشاء الله المصايب بتتحدف علينا زي الرز
ولو عايز بجد تنتقم من خالد يبقى لو عملت كدة هيموت مكانه
-بس مش ف اختي !
-يابني متهما بيحبو بعض افهم
-مش مقتنع
-امال بتتكلم معايا لية امشي
-لالا اصبري .. طب بس اديني رأي منطقي
-طب على فكرة بقا سارة هي الي كانت حكيالي وحازم كان عايز يقولك من بدري بس اللي حصل دة كله منعه وكان عايز يقول ويحدد الفرح مثلا ف شهر او كدة عشان هو مسافر الله يمكن الواد ميرجعش
-وانا اختي مترجعش؟؟
-هنخليه أجل السفر حبة
-الله طب ما هو ممكن يأجل عبال ما يتجوزها
-ماهو مينفعش !! كل دة لأ
-بقولك اي انتي كلامك مش منطقي
-قال انت اللي كلامك منطقي اوي
-يعني اجوز البت ف اسبوع
-محدش ضامن عمره يابني !
-لا اله الا الله !! اما اشوف سارة وانا اخر من يعلم
وحيات امك يا سارة لهعلمك الأدب
___________________________
حازم بعد ما وصل عند سارة كلمها ونزلتله….
_ها طمني اي اللي حصل كله تمام
-متقلقيش كله تمام
-طب احكيلي اي اللي حصل
-لا مش هحكي
-يعني اي مش هتحكي
-عشان لما مروان يحكيلك تتفاجئ بجد
-لية هو حصل اي
-تاني نفس السؤال !!؟
-طب منا قلقت عليكم
-قلقتي علينا بجد
-ايوة ان….. بأنتباه : اكيد قلقت على مروان يعني اخويا يعني مقلقش عليه ؟
-لا حقك !! انا كلمته عننا
-و..
-لسا هيفكر !! اة ولو سألك قولي اننا بنتكلم من بدري .. و قولي كمان انك بتحبيني
-نعم بحب مين
-هو انا قولت انو بجد ؟؟؟ مثلي يا سارة مبتعرفش تمثلي !؟
-هحاول
-طيب انا مش عايز اطول عليكي اكتر من كدة
-مطوللتش ولا حاجة …
-يعني انتي كدة مبسوطة
-لا بس عايزاك تتطمني هو في حاجة حصلت او حتى كل حاجة كويسة
-انتي هديلي بالك الجميل دة وانا بقولك كل حاجة تمام على الاخر بس انا لسا مصمم اني مش هحكيلك حاجة عشان انتي لازم تتفاجئ بجد وإلا هيعرف اني حكيتلك
-طيب متقلقش !! مش هقول بس … وجيدا ؟!
مش مصدقاني اي الحل
-مثلي يا سارة مبتعرفيش تمثلي
خبطته ف كتفه: هو انت شايفني جاية من هوليوود!!
وبعدين دي كارثة احنا كذبنا كذبك
-كلو لأجلك !! وانتي موافقة ف متقوليش انا اللي خليتك تكذبي ها !!
-الله كانت كمان كذبت على مروان
-طب اعمل اي اسيبك تعرفي ؟ هيقفشك انتي هتقعدي قدامه على طول
-قصدك اي يعني
-قصدي انك بتحبيه وبتخافي على زعله ف عشان كدة بتقعي قدامه
-هه طيب يا خفيف .. قاريها انت
ضحك وبعدين قال
-عمومًا انا جيت اطمنك مش اكتر ومكنتش هاجي بس عشان قولتلك اني هاجي ف جيت وبرضو عشان متفضليش قلقانة !! والوقت أتأخر ومينفعش تقفي معايا ف الوقت دة ف انتي اطلعي قبل ما جيدا تنفجر بيكي وخلي بالك على نفسك
-طيب انا هطلع .. سلام بقا
-سلام
______________
"خالد كان متبهدل خالص ومتعور من كل حتة
ناهد بحرقه : يا حبيبي يا خالد !!!! اعمل اي .. اعمل اي اكتر من كدة
عملت كل اللي اقدر عليه عشان ابعدهم عن بعض وبرضو مفيش !! اية سحر اسود يارب ..
ريم : هو دة كل اللي فارق معاكي يا خالتو؟؟ وخالد اللي بيموت دة اي
نبيلة :انا صحيح مخدتش بالي من الكلمة اللي قولتيها لأخوكي!! اي بتحبيه دة بتحبي مين يا بت
بتوتر :انا هعملكم شاي
نبيلة :انتي يابت تعالي هنا ومتوهيش ! بتحبي مين حبك برص
انسي خالد خالص وملكيش دعوة بيه
ريم :يا ماما
ناهد بزعيق :انتي هتكتري لي يبت انت ِ؟ اسمعي الكلام واخرسي
وقومي فعلا اعملي شاي دماغي هتتفرتك
غمزة :مبصش ف وشي حتى !!!
نبيلة بسخرية منها :ياختي كتك وكسة عليكي وعلى عيشتك ! قال هو كان بيبص ف خلقتك قبل ما يكسر اخوكي عشان يبص بعدها
خالد اتكلم بصعوبة وبتعب وهو مش واعي:انا هموت..هموته
نبيلة برضو اتريقت عليه هو كمان :ياخي اقعد على جنب انت كمان !!! دة دشملك وانت ف اشد قوتك امال لو جالك تاني وانت كدة هتفيص مننا
ناهد :سيبي الواد ف حاله يا نبيلة
ريم :لا يا ماما على فكرة خالد مكنش واخد باله
نبيلة :اة تقريبا استوعب ان مروان مسح بي الارض ف اخر ضربة
ناهد :ما اسكتي بقا ياختي انتي هتفضلي نازلة فينا تقطين
نبيلة :اعوذ بالله ياختي انا سكت اهو
ناهد :والله العظيم لأجبلك حقك يا خالد
نبيلة :تاني ؟؟ تاني ؟؟ انتو مبتحرموش
ناهد :يكفيكي شر غضب الام لما تغضب لإبنها
نبيلة :هيهي .. كفاني يختي وشوفت لما شبعت
كتكو الهم .. انا قايمة انام
بضحك وسخرية :حطي لخالد تلج يابت ل وشه يبور
هههه
________________________
"تاني يوم الصبح … مروان وجميلة راحو عند جيدا وكلهم كانو متجمعين …"
-بقا انا يا سارة اخر من يعلم
-قولتلك والله غصب عني
-اة منا عارف
-يا مروان والنبي وافق عشان خاطري هيسافر
-ميوله انا مالي
-يعني يرضيك !! حرام عليك انا بقالي تلت ساعات بتحايل عليك
جميلة :ما خلاص بقا يا مروان الله
جيدا :معلش يا مروان خلينا نخلص منها على الاقل متبقاش شايل همها هي كمان من نبيلة واللي وراها وتركز على بيتك ومراتك وبس
وخادم هيسيبها ف عينيه
-انا متخليتش عنها يا جيدا
جيدا :مين قال كدة يا حبيبي !! بس هما بيحبو بعض
جميلة :انت عايز تقف لحبهم زي ما بابا مكانش هيجوزني ليك
-طب تصدقي ابوكي دة كان راجل بيفهم
جميلة :يادي النيلة السودة
اتنهد مروان واتكلم بجدية : انتي بتحبيه ؟؟
"مجرد سؤال مروان خلى سارة سرحت وفكرت ف كل حاجة حازم عملها معاها من البداية ومن اول يوم مكانتش طريقان فضلت تفكر كتير قبل ما ترد وبعدين قالت
: اة
- واثقة انو قد الوعد اللي وعدهولك وهيوفي بي
اتوترت وردت : ايوة
اتكلم بجدية : بصي يا سارة مفيش انسان عاقل ف تاريخ البشرية بيجوز ف اسبوع ..
ولا حد بيوافق وانا لو عليا ما كان عمري هوافق
بس انا حاسس ان في حاجة جواية بتقولي اوافق لأني مش ضامن الظروف
وف نفس الوقت مش عايز عشان خايف اكون بظلمك وف الاخر يطلع وحش
بس انا هفضل معاكِ لحد ما أتأكد انو قد كلامه وانك مرتاحة .. وانا موافق
ابتسمت جميلة لكلامه : الحمدلله انك وفقت .. وهو اصلا كل حاجة عندو جاهزة مش عايز غير سارة وبس !
جيدا ردت : يارب بقا كل حاجة تبقا كويسة ونرجع نفرح تاني عشان احنا بقالنا كتير مضحكناش
سارة التمست بحب وحضنت مروان وهو همس ف ودنها : بس لو كلمتيه من ورايا لحد ما تتجوزو انتي حرة ..
سيبيني اعيش دور الاب التنح شوية !!
ضحكت سارة وقالت : عيش براحتك
-انا همشي بقا .. وهبقا اعدي عليكي اخدك يا جميلة
-ماشي يا حبيبي مع السلامة
"مجرد ما مروان بيمشي جيدا وجميلة بيقعدو قدام سارة زي المحققين ..
بتتكلم جميلة الاول :
بصي بقا يابت انتي انا الموضوع من اوله لأخره مش مرتاحتيله .. وامبارح لما حازم كلمني وطلب مني اقنع مروان قبل م يجي وافقت وانا مش فاهمة ف فضلت اكذب على مروان واقول انك حكيالي كل حاجة عشان يقتنع وقولت اة دة كان عايز يقولك من زمان ..
بس حسيت ب حاجة غلط
سارة:فعلا عملتي كدة
جيدا :بقولك اي !! متوهيش انا قولت نفس الكلام من بدري وانتي وصيتيني برضو اقنع مروان
سارة بثت ب خوف : طيب هحكيلكم بس …
الاتنين : بس اية ؟
-اهدو !! ومتتعصبوش تمام ؟؟؟
"سارة حكتلهم كل حاجة وصت صدمتهم طول ما سارة بتحكي …
جيدا ردت : نهار ابوكي اسود انتي كل دة مش قايلاهولنا
-انا قولتلك محدش يعرف مروان …
جميلة : سارة !! انا بقولك لو انتي شاكة واحد ف المية انو مش صريح اوعي تكملي
جيدا : انتي واثقة ف كلامه
سارة : يوه يا جماعة قولت اة خلاص بقا
جميلة : براحتك يا سارة .. بس احنا زعلانين انك محكتيلناش !!
سارة : انتو شايفين انتو كنتو ف اية ولا ف اية !!!
جيدا : طب قومي اعمليلنا شاي عايزين نتكلم كلمتين على انفراد ومش هنقولك عشان تتربي وبعد كدة لما حاجة تحصل تحكيلنا
"زفرت سارة وقامت ولما اتأكدو انها مش سامعاهم
جيدا : انا حاسة ان في حاجة غلط !! البت دي وافقت لية؟
جميلة: هو اصلا حازم طلب كدة لية ؟؟ تفتكري بيحبها بجد !!
جيدا : حاسة ! وهي شكلها هتحبه بس هو انا متأكدة انو بيحبها باين عليه وحتى من كلامه
جميلة : انا كمان حاسة كدة بس مش هقولها عشان دي بت غبية
جيدا : انتي عندك حق خلاص اسكتي ؟؟
"خلصتو كلامكم واتودوتدو ؟؟؟"
"من بعد القاعدة دي … فعلاً مر الاسبوع .. مش بسلام اوي يعني لكنه مر بهدوء
حتى هدوء استغربوه من العيلة اللي شكلها بتخطط وساكتة كل دة .. غريبة عليهم دي
بس المهم ان الوقت عدا وجي وقت جواز سارة وحازم الغير منطقي بس مش مهم عشان هو بيحبها وخلاص بقا "