رواية غدر الزوج
الفصل الخامس عشر15والاخيربقلم سهي وليد
انا دايرة الطلاق باقي اليوم دا ما حا اقعد معاك ولا ثانية واحدة و حسبي الله و نعم الوكيل فيكم انا حقي بلقاه يوم القايمة و ما مسامحاكم لي يوم الدين قعدت في السجن يوم كامل لا اكل ولا شراب اللهي العطش و الجوع دا تشوفو. يوم الوقف العظيم ورقتي تصلني والا حا اجرجرك في المحاكم نص عمرك و طلعت و انا ميتة قهر زول حبيتو 5 سنة و جاء غدر بي و اتحملت الزل و اي شي كعب عشانو و هو ما قدر يعمل ابسط شي عشاني يا خسارة الحب و يا خسارة العشرة والله مشيت بيتنا و حكيت كل شي لي اهلي و صممو اني ما ارجع تاني في يوم بطني وجعتني حمد لله عندنا داية جارتنا عشان الدنيا خريف و الشوراع فاضية ولدت في البيت و ما بنصح وحدة تلد في البيت لاني اتعذبت شديد والله و غير كدا احتمال البيبي يطلع مشروق او اي حالة طارئة بتحتاج مستشفى حمد لله جبت احلا بنوتة سميتها علي امي عائشة هي اكتر وحدة وقفت معاي في محنتي
تميت الاسبوع و عملنا الكرامة و اهل عمر و عمر جوا والله ما تصدقو طلع لي من نفسي قدر شتو بقيت شايفاه غريب كانو قبل اليوم ما كان زوجي وصلت مرحلة لما يجي بقيت اغطي شعري منو تميت الاربعين علي خير رغم انو تعب الولادة و سهر الليل بس لما اشوف عشوش بتي دا كله بنسى
نفسية: اعفي لي ي نجوى انا غلطت في حقك نجوى: سامحتك انا اصلا ما بشيل في قلبي و لا بحقد عمر: انا اسف عارف اعتذاري ما بفيد بس بالجد من اعماقي بعتذر عن الحصل نجوى: مسامحاك و كلهم اعتذرو لي نفسية: يلا ارجعي بيتك بعد دا نجوى: اسفة بس ما لي رجعة تاني انا ما عايزة شي غير الطلاق عمر طلقني انا ما حا اقدر اعيش معاك تاني قعدو شوية و طلعو بعد اسبوع ورقة الطلاق وصلتني بكيت قدرتي علي حياتي و بيتي الاتدمر بس عندي بتي بالدنيا مرت سنة كاملة و انا دخلت الجامعة و بقيت مواصلة دراستي اخواتي كلهم اتزوجو
عايشة سعيدة مع امي و بتي و ابوي عثمان طلب يدي بس رفضتو بقيت عندي فوبيا من الزواج و من النسابة و كتار بعانو من. الحاجة دي عمر بجي كل يوم يشوف بتو معاملتي معاه في حدود و لو في مناسبة او اعياد بجونا بس انا لي سنة و نص رجلي ما ختيتها في عتبة بيتهم لا حصل ولا حا يحصل بقيت مكرثة حياتي لي بتي ابوي بحبها شديد و ما. مقصر مننا انا نزلت شغل في معرض ملابس فتحو لي ابوي و بقيت شغالة و بمشي الجامعة و برعى اهلي و حياتي ممتازة
بس ما قادرة اتجاوز الماضي الاليم صعب
تمت