رواية انكسار انثي
الفصل الخامس عشر15
بقلم نوسه حمد
قبل م اكتب الروايه في تعليقات شدتني انو شخصيه نوسه نفس شخصيه الاء ومثاليه زياده عن اللزوم نتفق انو نحنا لمن نقرا محتوي او روايه في كتير من الناس بتخت الاحداث في راسها وفي ناس بحاولو امشو عليهو او بعتبروهو تجربه حقيقه ولمن احصل ليهم نفس القصه بتزكرو الاحداث المرت عليهم في شخصيات الروايات بحاولو امشو ع النمط البكون ف الروايه ودي حقيقه انا شفتها بعيني يلا انا لمن اكتب روايه في حاجه بركز عليها جدااا انو انا برضا بالقدر وقسمتي ونصيبي مهما كانت الصدمه بس هنا انا لازم اجسد قناعتي بي اراده ربنا الما منها مفر وكونو انو انا اجسد في رواياتي القناعه دي حاجه زاتا م ساهله وم بتتكتب بالساهل ودايما التهور والانفعال بضرن الزول اكتر من من مواجع الدنيا البتصيبو 😭وتاني شي انا بركز عليهو حب الزوج وتقديس الزوج ودي حاجه ايجابيه لي اي واحده ح تمر عليها رواياتي وفي ناس كتيره بتمنو انو اكونو نفس الشخصيات الفي رواياتي لانهم للاسف لمن حصلت عليهم احداث نفس الفي رواياتي م اتقبلوها بصدر رحب واظهرو القوه في العدوانيه البتكون جواهم احتمال قوه الشخصيه بالتصرفات الكعبه بتكون مرضيه للشخص الواقع ف المصيبه نفسو لكن للحولينو بشوفوها غلط وتهور عشان كده تركيزي كلَو في الروايات بمختلف شخصياتها التوعيه والتصرف بحكمه قبل التحريض بالعدوانيه ودايما الخير بنتصر ع الشر ودا جزء من اهداف اي روايه انا بكتبها وكسره انا لسه شخصيه نوسه في انكسار انثي م جسدتها سمح 💔 وتانيا القوه و العدوانيه في رواياتي م بجسدها في الابطال بجسدها في الشخصيات التانيه ومصيرهم م بكون مرضي لانو نهايه الشر شر ودا كفايه جداااا 💔💔💔💔
#انكسار انثي 15
اتصلت علي انفال وردت علي بكل دلع الدنيا قالت لي الوووووو ومعطشاها لي تحلف تقول انا راجل قلت ليها سلام عليكم قالت لي اهلا معاي منو قلت ليها نكير معاك قعدت تضحك بي استفزاز قالت لي نكير داير شنو قلت ليها انفال انتي ليه م قعدتي مع راجلك في ظروفو دي موش انتي مرتو قالت لي اي انا مرتو وطالبه الطلاق حاليا قلت ليها تف عليك ياخ انتي م عندك دم ولا عندك مشاعر كيف تخلي راجلك في عز حوجتو ليك قالت لي انتي دايرني اعيش مع مجنون امسكني اكتلني بليل والناس م تجيب لي خبر قلت ليها انتي عارفه انو حمزه م مجنون والمجنون دا بقولو للزول المن قام مجنون وم واعي بشي بس حمزه م مجنون حمزه كان كويس والحاصل ليهو دا صدمه من تصرف ود عمو ودي حاجه م ساهله لانو قروشو دي م عملها بالساهل انتي بدل تقيفي معاهو تصفيهو بالجنون زيك وزي الناس وين الاصول الاتعلمتيها قالت لي اصول شنو هوي م تتفلسفي فيني هداك ليهو حمزه امشي احرسي انتي انا خلاص قسمتي معاهو انتهت قلت ليها لخير ليهو والله انتي معناتا اتزوجتي عشان القروش لانو هو من خسر شغلو انتي طوالي اتغيرتي قبل زاتو م يجن سمح قالت لي اكون لمعلوميتك انا اتزوجتو عشان اقطع قلبك عارفه ليه لانك انانيه وبتحبي نفسك وانا لمن عرفت انك م رضيانه زواجو وانك بقيتي م بتلدي بي اي طريقه وصلت ليهو وخليتو يتعلق بي قبل م يعرفني اني بت عمتك قلت ليها انتي بايخه والله مره وراجلها الدخلك بينهم شنو هدي من دخلتي حياتو دمرتيها وقعدتي الله ينتقم منك ي انفال زي م دمرتي حمزه بي تصرفاتك وهو المسكين مفتكرك بتحبيهو ياخ حرام عليك ي انفال ان شاء الله م تسعدي طول عمرك وبعد دمرتيني ان شاء الله ارتحتي قالت لي مرتاحه اخددت حق امي قلت ليها عمتي من اللحظه دي انا م بتشرف بي انها تكون عمتي زاتو وكل الكان بينها وبين امي مشاكل نحنا م لينا دخل فيها بس انتي انفطمتي على الشر وان شاء الله تحصديهو ي انفال وكتر خيرك وحمزه الله كريم عليهو
قفلت الخط وبقيت ببكي امي قالت لي مالك قلت ليها يمه انفال دبرت دا كلو عشان تعرس حمزه وتخلي اطلقني وتدمرني ودمرتو هو الما عندو ذنب شفتي مشاكلكم الزمان عملت فينا شنو وانتو زاتكم تشيلو في قلبكم ليه وعشان شنو يمه قالت لي هوي م تتبكي فيني دي عمتك حاربتني براها دايراني امش انا اتبكا ليها زيك كده واقول ليها لا لا م تشاكليني الله معاها وبعدين انا م قايله مشكلتي بتاثر عليك قلت ليها م مشكله
علي جا ساقنا المطار ومنه روحها ونفسها تشوف ابوها تبكي باعلي صوت الناس كلها بسالو من ابوها وين وانا اتزكرو دموعي تنزل م هاينه ع عشرتو بس الله اجازي الكان السبب بت عمتي وود عمو وسافرنا مصر وبدينا رحلتنا وسبحان الله م عندي سند الله وقع في طريقي علي وبقا لي سند واخ واظنو لو كان اخوي م كان وقف معاي كده واشترينا شقتين وفرشنا واحده وعلي عرفني علي مرت صاحبو وكانت شغاله هناك في مصنع وقالت لي بشوفك ليك شغل في الحسابات قلت ليها جدا وفعلا لقت لي شغل وامي كانت مبسوطه ومنه بتي دخلتها مدرسه وشقينا طريقنا برانا وعلي ودعنا ورجع وقال لي ان شاء الله الدنيا تجمعنا تاني قلت ليهو اعزمني لي عرسك بجيك مخصوص قال لي اكيد انتي اختي الكبيره وفات
مرت الايام وحياتنا كانت فل الفل مره اتصلت سالت من حمزه قالو لي جنا رسمي وبقا لافي بالشوارع انا قلبي انقطع واتحسرت عليهو وتاني قلت م ح اسال منو وقفلت علي كده
مرت السنين وانا شغاله فل الفل اتعرفت علي سوداني اسمو محمد وكان مقيم بي اسرتو وجا مصر لعلاج زوجتو واتوفت بي كانسر وكان معجب بشخصيتي وانا كنت بحكي ليهو بمواجع الدنيا الوقعت فيها وهو كان مبسوط بي وبي شخصيتي ولاول مره احب انسان بعد حمزه وكان اصغر علي حمزه وجميل شديد كنت بخفي منو مشاعري عشان م انصدم كفايه الصدمه الجاتني من حمزه بس لاحظت ليهو انو مركز معاي شديد ومركز في كل تفاصيلي لغايه م يوم حكا لي انو هو كان بحب زوجتو لدرجه الناس كلها
بتحسدهم وولد منها بتين وولد وتاني مرضت وجا عشان اعالجها و اتوفت ف مصر وتاني م رجع السودان وقال لي اهلو من الجزيره وكل مره بنقو فيهو في حته الزواج وهو خايف اقع في واحده تقلب حياتو وتدمرو هو واولادو وطلب مني الزواج قلت ليهو انا م بلد قال لي لو انتي عندك البت وانا الحمد لله والد الله ادينا طوله العمر ليهم ونربيهم كلمت امي وصحبتي واتصلت لي علي وريتو قالو لي وافقي ووافقت وعملنا العرس هناك في مصر ومحمد كان م شاء الله غنيان منعني من الشغل لاني م بحتاج ليهو تاني واولادو كانو راقيين وصغار ومحترمين وكانو بقولو لي ماما والحمد لله ربنا عوضني والحاجه الكنت فاقداها في حمزه تعلقي بي رغم البعملو ليهو بس م حصل شفتو متعلق بي زي محمد محمد من اتزوجتو حسيتو زي الطفل البحب امو لدرجه انو بغير عليها اكتر من اولادو وكنت بحس بيهو هادي وم بحب الجوطه وكده والحاجه دي شكلو عندو معاها موقف بس م عرفتو شنو احتمال لقدام اعرف ومرت السنين والدنيا بي مواجعها اهدتني راجل مكمل والكمال لله ربيت معاهو اولادو وبقو لي اكتر من اولاد وبتي منه درست طب لانو حلمها كان تبقا دكتوره وكانت بتسالني ع طول من ابوها بس بتحجج ليها بي انو ابوها متزوج وبعد منها غلبني اقول ليها ابوك جنا
علي اتصل علي وعزمني لي عرس اختو الوحيده واصرا علي اجي كلمت محمد قال لي جدا امشي انا م بقدر عشان الشغل اولادو قالو الا امشو معاي لانهم اشتاقو للسودان قلت ليهم جدااا وحجزنا ونزلنا السودان اجرنا لينا شقه جنب ناس علي وعلي عجبتو ميان بت محمد راجلي شديد قلت ليهو طوالي اخطبا ليك قال لي لمن اشوفا هي اول قلت ليهو تمام وميان كانت جميله فوق للوصف تشبه ابوها ولبسنا ماشين الصاله ومنه بتي كانت بتقول لي نمشي البلد لي بابا وعدتها اني اسوقها رغم انها ح تنصدم بس اعمل شنو مصيرها تعرف حقيقه ابوها وفي اشاره من الإشارات شفت حمزه الما بغبا علي وكان واقف بضرب في قزاز العربيه القدامنا وكانت حالتو كعبه شديد خوفت منه تركز معاهو لانها شافتو زمان وفي الصور المحتفظين بيها شافتو انا قلبي بقا في يدي...
