رواية انكسار انثي
الفصل السادس عشر16
بقلم نوسه حمد
عربيتنا بقت واقفه ف الاستوب وكان سايقه علي وكنا نضحك ونتونس ونحكي بأيام زمان فجاه اشوف حمزه واقف جنب العربيه القدامنا في الاستوب وكان مبهدل وملابسو مبهدله وحالتو بالبلا انا بقيت منططه عيوني وحيلي مات عرفت انو ح يجي جنب عربيتنا وبقيت اشحد في الله الاستوب يفتح عشان نحنا نمشي قبل حمزه م اجي اقيف جنب عربيتنا علي شاف حمزه وبقا مندهش انا كنت راكبه معاهو قدام قال لي ياهو قلت ليهو اي وبقينا مهجومين قلت ليهو اتحرك سريع من الاستوب افتح عشان منه م تشوف ابوها بالحاله دي قال لي سمح م تابعنا كلامنا سمح حمزه جا وقف جنب الشباك وكانت حالتو تصعب علي الكافر انا قلبي انقطع وحسيت انو الدنيا دي كعبه كعبه شديد معقوله حمزه اول حب في حياتي وبعد اهتمامي ليهو ابقا كده وعزري ح يكون شنو لمنه اني خليت ابوك مجنون ومشيت بيك مصر واتزوجت انا كنت بتحجج بي انو هو اتزوج وجدعنا ورغم انها دي الحقيقه بس الحقيقه عقبا جن حمزه بسبب ود عمو الله ينتقم منو
حمزه بقا واقف جنب الشباك وبعاين لي شديد قال لي اديني جنيه انا جيعان انا بقيت مزهوله وقلبي انقسم النص قلت لي علي امشي امشي عشان م قدرت اتحمل اشوف حمزه كده قلت لي علي اتحرك سريع وكنت منفعله شديد لدرجه انو صوتي عالي بس م فكرت ليهو وعلى بقا مرتبك شديد قرب يطقش حمزه لمن نحنا بقينا نكورك والعربات الورانا كوركو في علي في واحد قال ليهو دا مجنون م عليهَو لوم حتي لو قطع الظلط غلط انتي ح تكون الغلطان وخلي بالك من الشارع لو سمحتا قال ليهو سمح
ميان قالت ي الله حرام علي اهلو يخلوهو يطلع الشارع مفترض اعتنو بيهو لانو مجنون م عليهو لوم انا غلبني البقولو واتلفت وراي قلت منه م شاركتنا في الكلام مالا لقيتا تركيزا كلو مع حمزه لمن وشها بقا احمر عاينت ليها قالت لي ماما خلي علي يرجع قلت ليها يرجع وين ي بت قالت لي ماما خليهو يرجع ولا نزلوني هنا علي قال ليها مالك ي منه فشنو الزفه بتفوت علي وانا ماشي اسلم اختي لي راجلها في الزفه قالت ليهو طيب نزلني واصرت انها تنزل وعيونا بقن شرار ميان قالت ليها مالك ي منه قولي بسم الله منه قعدت تعلي في صوتها قالت ليها م مالي شي بس ممكن تنزلوني هنا قلت ليها منه انتي ي بت جنيتي ننزلك عشان شنو قالت لي دا بابا صاح انا اتجمدتا تماما علي قال ليها ي بت ابوك البجيبو هنا شنو وابوك م مجنون قالت ليهو لا دا بابا ي علي وانا بحس ومنه انفقعت بالبكا وانا كنت علي الهبشه وقلبي مقطوع ع حمزه وزاتي انفقعت بالبكا ميان قالت لي ماما دا حمزه ابو منه قلت ليها اي ياهو منه من غير م تشعر ولا تتمالك نفسها قالت لي حرام عليك اقسم بالله تكذبي علي وتقولي لي ابوك اتزوج فيني وطلقني ومشيتي عرستي عمو محمد ليه ي يمه عملتي كده دا العلمتيني ليهو وبقت تبكي وحاولت تمسك من علي الدركسون عشان يوقف العربيه وكانت منفعله قالت لي بابا لو لقيتو فات من محلو دي م ح ارحمك قلت ليهو علي وقف العربيه ممكن قال لي طيب النصل الصاله وادخل مع اختي واطلع اجيبكم قالت ليهو لا نزلني وهسي علي وقف العربيه منه نزلت ومشت اتجاه الاستوب قلت لي علي سوق ناس ميان وادخلو الصاله انا بقيف مع منه وح نرجع لي حمزه ميان قالت لي لا ي ماما ح نمشي معاك معقوله نخلي منه كده ونحنا نمش الصاله قلت ليها معليش ي ميان بس اسمعي كلامي نحنا ح نجي علي قال لي برسل ليك صحبي قلت ليهو م مشكله بطلب ترحال وبقيت جاريه ورا منه وكانت بتبكي لمن منهاره ووصلت محل ابوها كان واقف ولقتو لسه واقف وبشحد ف الاستوب
وسمعت ابشع الصفات لي ابوها من الماره😭 لقتو واقف جنب عربيه وماسك في قزازها وكانت فيها بت وولد من جيل الزمن دا البت لمن شافت حمزه قالت ليهو وسخت القزاز زح بي غزارتك دي وكانت شينه بس متسمحه بالغصب وحمزه كان مصر يقيف ويشحدهم وهي بي اسلوب مستفز زحت يدو لمن حمزه كان ح يقع ومنه جات مسكتو وحضنتو عليها وكانت بتبكي بطريقه لفتت انتباه كل الماره والعربات وقفت وحمزه مره يضحك ومره يبكي انا قلبي انقطع قالت ليهو بابا انا منه بتك والناس بقت مندهشه وبعاينو ليهم البت قالت ليها وقت ابوك انتي مميزه كده م تلميهو عليك ولا ياها دي نهايه الزمن تجننوهم وتخلوهم الفو بالشوارع واعذبو الماره وكانت بتنظف ف القزاز بي منديلها بطمام بطن منه جاتا ادتا ليك كف انا لمن انخلعت قالت ليها اتلمي انتي العاقله خليهو ابوي وانا لي الشرف انو اكون دا ابوي لو مجنون ولا شديد وانتي م عارفه الظروف م تتكلمي في الناس البت كانت لابسه لبس شين زي البنشوفو في الافلام نزلت علي منه بتي لمن الولد المعاها نزل مسكها منها وشاكلها ودخلها في العربيه ونزل اعتزر لينا ومنه م ركزت معاهو وهو شكلو ولد ناس وراقي شديد منه قالت ليهو بابا دي انا منه بتك عاين لي كويس ح تعرفني حمزه اتلفت علي قال لي نوسه انا لمن انخلعت حمزه عرفني قلت ليهو اي نوسه انا قال لي وينا منه قلت ليهو هدي منه ي حمزه وبتك بقت دكتوره قال لي لا انا بتي صغيره دي م بتي وديتي بتي وين وبقا اكورك الولد جانا راجع قال لي خالتي ارح اوصلكم بيتكم وقفتكم في الشارع شينه وبعدين الناس كان بصورو في بتك لمن كانت حاضنه المجنون دا قالت ليهو دا م مجنون دا ابوي وامسك لسانك عليك وما قلنا ليك تعال وصلنا منه بتتناقش مع الولد علي وميان جو راجعين وعلي لمن شاف حمزه وحالتو لمن دموعو جرن قال لي نوسه ارح البيت وركبا العربيه ومشينا الشقه قلت لي علي خلاص امشي ع اختك خليني انا ومنه وسوق معاك ميان وم اوصيك عليهم الاولاد ديل امانه في رقبتي قال لي خلاص الننزل اجيب ليكم جلابيه من ابوي لي حمزه قلت ليهو طيب مشا جاب الجلابيه وجا منه طلعت ملابسها ومسحت مكياجها وكانت زعلانه مني شديد شالت الجلابيه وقالت ليهو بابا ادخل استحما وهو م فاهما بتقول فشنو قلت ليها منه انا ابوك مطلقني م بقدر ادخل معاهو الحمام وانتي دا ابوك حمميهو قالت لي طيب ودخلتو الحمام وانا كنت منتظراهم برا قلبي موجعني وانزكرت حمزه كان بشحد عشان جيعان طلبت ليهو اكل لانو ناس علي كانو مقفلين شقتهم وحاسبت بتاع الدلفري وختيت الاكل في الصفره ومنه جابت ابوها وجات وشكلها حلقت ليهو شعرو قلت ليها منه بتعرفي تحلقي قالت لي لا يا ماما بس دا ابوي اعرف عشانو اي شي قالت ليهو بابا صلي وحمزه م فاهم كلاما وتركيزو كلَو مع الاكل قلت ليها منه ابوك جيعان خلي ياكل قالت لي طيب حمزه لمن شاف الاكل قعد اياكل بطريقه شينه منه قالت ليهو لا ي بابا م كده وهو سمع كلاما وبقا هادي قال ليها كيف وبقت تاكل فيهو وهو كان مبسوط واكلتو لمن شبع وكان جيعان شكلو ليهو ايام م اكل قال ليها الله يعرس ليك ومنه دموعا بقت جاريه قالت ليهو ان شاء الله ي ابوي وانت الحا توافق علي العريس قال ليها انا قالت ليهو اي قال ليها وابوك وين منه قالت ليهو ابوي انت قال ليها لا لا انا بتي صغيرا م كبيره وانتي سمحه ونظيفه وعندك قروش كتار وانا قروشي عند متوكل منه عاينت لي قلت ليها متوكل دا ود عمو ودا السبب في الابوك فيهو دا وبقيت احكي ليها بالحصل منه قالت لي امي انا م ح اسامحك قلت ليها منه انا م بي يدي حاجه قالت لي كان تخليني م تسوقيني معاك حتي لو ابوي مطلقك قلت ليها حبوبتك طردتني حمزه
قال لينا ماشي انا منه قالت ليهو لا لا ي بابا انت م ح تمشي انا بتك وتاني م ح اخليك قال ليها لا لا انا ماشي انوم ف الشارع منه قالت ليهو نهاي م بتطلع وهو مصر قال نعسان الا امش انوم ف الشارع منه طلعت معاهو وشالت ليها سيوتر بتاع برد قلت ليها ي بت جنيتي انتي م بتطلعي من هنا قالت لي لا بطلع وح اخاالف كلامك ي ماما انا م صدقت لقيت ابوي فكرك ح اخليهو تاني مستحيل قلت ليها اها ح تلفي معاهو بالشوارع انتي بت فتاه قالت لي اي بلف معاهو ومستحيل اخليهو وانتي م مجبوره ع انك تقيفي مع ابوي بس دا ابوي وليهو حق علي وانا مستحيل اخليهو وطلعت فاتت انا بقيت ابكي اتصلت علي امي قعدت تتبكا وم رضيانه لي حمزه الحصل ليهو نهاي وبقت تدعي علي امو قلت ليها محمد جا قالت لي اي دخل هسي قلت ليها طيب انا عاوزه استاذنو اقعد يومين لمن اشوف نهايه حمزه شنو ومنه بتي راكبه راس قالت م بتخلي ابوها قالت لي اي تخلي كيف دا ابوها اوعك تقيفي في طريقها قفلت الخط اتصلت علي محمد وحكيت ليهو ومحمد غيور لدرجه بعيده من حمزه الما واعي غار قال لي شوفي ي نوسه ولا دقيقه م تقعدي في السودان وانا م سمحت ليك تقعدي بكره مواعيد الطياره تجيبي اولادك وتجي وقفل الخط في وشي وانا بقيت بين امرين اقعد مع حمزه ومنه واخرب بيتي ولا اخلي بتي مع ابوها بعد الوصلت ليهو دا كلو وم عارفه البحصل ليها شنو اها انتو رايكم شنو؟؟؟؟؟؟؟؟؟
