رواية انكسار انثي
الفصل السابع عشر17
بقلم نوسه حمد
محمد اداني كلام زي السم وم راعا لي ولا لي مشاعر منه بتي وابوها في الظروف دي وكانت بتكلم بي غيره زياده عن اللزوم
اتصلت على امي حكيت ليها قالت لي راجلك م غلطان ودا بيتك م تخربيهو وبعد الله سترك ولقيتي ليك سند م تعصي كلامو بكره تجي في مواعيد طيارتك وانا بجي اقعد مع منه وابوها واصلو م بتجيهم عوجه كلام امي تقل قلبي والحمد لله انو امي عايشه وسندتني في كل محني قلت ليها الله م يحرمني منك يمه
قفلت الخط وبقيت اتصل علي منه وم بترد علي قلبي وجعني وناس علي لسه م جو من الحفله طلعت جنب الباب لاقتني ميان وكانت متوتره قالت لي يمه منه وين قلت ليها طلعت مع ابوها قال الا انوم ف الشارع وهي قالت م بتخليهو براهو قالت لي ابوي مالو اتصل علي جايط قلت ليها بحكي ليك كدي جيبي اخوانك وتعالي انا دايره علي اوديني نفنش لي منه وابوها قالت لي طيب انتظرت علي لمن جا وحاب اهلو دخلت باركت واعتزرت لي امو قالت لي اي كلمني علي وكنت دايراك تحضري فرحه بتي لكن م مشكله ان شاء الله تحضري فرحه علي ياهو ولدي وولدك قلت ليها ان شاء الله
سوقتا علي وحكيت ليهو قال لي كيف تخلي منه تطلع في الليل دا وكان زعلان شديد قلت ليهو قالت الا تمش مع ابوها وحكيت ليهو بي كلام محمد قال لي محمد دا شكلو راجل من حقو يزعل ومن حقو يمنعك تقعدي لانك م في عصمت حمزه وفي عصمتو هو قلت ليهو الحمد لله انحلت انا برجع مصر وامي بتجي طوالي بكره ح اكلمو يحجز ليها قال لي احمدي الله انو امك قاعده وبي صحتها وح تقيف مع بتك زي م وقفت معاك قلت ليهو الحمد لله وعاوزاك تطلع معاي نفتش منه قال لي والله انا زاتي م عارفه عقلك وعقل منه فات وين لمن خليتيها تطلع بليل قلت ليهو هي رفضت تقعد
. وطلعنا بقينا لافين بالشوارع ونسال لغايه م في واحد دلانا عليهم ومشيت لقيت منه راقده جنب ابوها ف الارض وكانت مغطياهو بالسيوتر بتاعا وهي لمن متكرفسه من البرد انا غلبني اعاين ليهم وقلبي حسيت بيهو انقسم علي نصين علي وقف العربيه ونزل قال ليها منه انتي جنيتي ولا شنو ودا شنو العملتيهو دا قالت ليهو علي م عاوزه نقاش ودا ابوي وحمزه كان نايم وغرقان في النوم قال ليها انتي م شايفه نفسك البرد دا كتلك قالت ليهو عاوزه اضوق الضاقو ابوي وماف زول عارف عنو شي وللاسف انا بتو كنت مفتكراهو سعيد ومع مرتو واولادو زي م امي حكت لي بس اتفاجاء انو ابوي جنا ولافي بالشوارع بشحد اللقمه البياكلا وبرقد في التراب وانا لابسه احسن لبس وعايشه
اجمل حياه وي ريت امي وضحت لي الحاصل علي ابوي دا كلو م كان حصل قال ليها دا كلو م مهم كدي قومي ارح البيت منه قالت ليهو انا مع ابوي محل م يمشي وم ح ابعد منو وح اعالجو وتاني مستحيل انا انوم ف سرير وابوي ف الارض وسوق امي وارجعو انا مرتاحه والله وم تخافو علي ربنا معاي علي قال ليها منه دقيقه م تكابري انا هسي ح اصحي ابوك واسوقو معاي قالت ليهو لو وافق انا م عندي مشكله وح اكون مبسوطه علي صحا حمزه وقعد اتكلم معاهو براحه وقدر اقنعو انو يمش معانا ورجعنا البيت لقيت ميان متوتره قالت لي ابوي اتصل م تابعت كلامها ابوها اتصل وكان غضبان شديد وقال لي كيف تطلعي من غير اذني وم تقولي لي بتي ف الشارع انتي زاتك عرضي م مفترض تطلعي مع علي بليل الناس تقول شنو وكان متوتر وانا غلبني ادافع عن نفسي لاني صراحه غلطانه قلت ليهو محمد عليك الله كفايه وانا بكره ح اكون معاك وح اخلي منه تجيها امي قال لي يكون احسن وقفل الخط علي قال لي نوسه اسمعي كلام راجلك وم تعصي كلامو قلت ليهو ان شاء الله قال لي بلمناسبه دي انا وريت امي وشافت ميان وانا جادي ان شاء الله قلت ليهو زين م اخترت والله ميان بت هاديه وبشوشه ربي يسعدكم وفات
منه جات طالعه من ابوها قالت لي يمه انا حاسه بيك وعارفاك واقعه بين امرين وسمعت عمو محمد بتناقش معاك وليهو حق يمه ارجعي ليهو وم تخافي علي انا بدبر حالي هنا مع ابوي وببدا ليهو العلاج وبجي لاحقاكم بس في مشوار لازم امشيهو قلت ليها وين قالت لي البلد قلت ليها لا ي منه قالت لي لا يمه لازم ابوي دا شكلو م مشا البلد وماف زول عارف عنو شي احتمال اكونو افتشو ليهَو قلت ليها خلاص بس خلي بالك من نفسك قالت لي ان شاء الله م تخافي علي والله كريم ومنه يوم بس حسيتا الهم عاوز اكتلها وحنيت في حالا ودا حال م اتمنيتو ليها بس ياها حال الدنيا مواجعا كتيرررررره....