رواية انكسار انثي
الفصل الثامن عشر18
بقلم نوسه حمد
منه قطعت قلبي بي كلاما م نفسي اخليها براي دي جناي الوحيد في الدنيا والله يازا الكان سبب في دماري ودمار حمزه في امات بكونو نعمه وفي امات بكونو وجع زي ام حمزه م عارفاها استفادت شنو بعد كسرتني وكسرت ولدها انا الدنيا جبرت كسري بس حمزه للان مكسور كان نفسي اقيف معاهو بس بي ياتو حق وزوجي م رضيان والليل كلَو افكر وادخل وامرق وكل دقيقه بلقا منه نايمه وملصقه سريرها مع ابوها خايفه منو يطلع وم تلم فيهو تاني وع قدر م اتوجعت علي قدر م فرحت انو منه اتقبلت وضع ابوها وكانت مستعده تواجهه الدنيا وم خجلت منو ولا من مرضو
تاني يوم نحنا سافرنا مصر وانا كانو شالو قلبي ومنه قالت لي ح اودي ابوي لي طبيب نفسي وصفو ليها وح تمشي البلد
وعلي قال لي م تخافي علي منه ان شاء الله ح اقيف معاهم وامي قاعده زاتا م مسافره هسي وانا داير اشوف موضوع ميان عشان بعد تمشي انتي تكلمي ابوها قلت ليهو ان شاء الله
اول م وصلنا امي اتحرك عشان تمشي لي منه وتنزل معاهم ف الشقه ومحمد كان مافي في الشغل انتظرتو لمن جا وكان زعلان مني شديد وسلام م سلم علي لمن اتحسست ميان بتو حست بي قالت لي ماما م تزعلي منو ابوي اصلا عصبي ومهما سمعتي منو استحملي عشاني انا واخواني نحنا م ح نلقا احن ولا اطيب منك انتي بقيتي لينا اكتر من ام ولو اطلقتي من ابوي ماف حاجه تلمنا لانو م والده منو وح نفقدك انتي ومنه وبراك شايفه الدنيا دي كعبه كيف هل انتي كنتي في يوم متخيله انو راجلك العرستي اعرس فيك ولا كنتي متخيله انو يطلقي ولا كنتي متخيله انو يجن دي حاجات كانت فوق تخيلاتك وفجاه الدنيا نزلت عليك مواجعها بس جمعتنا بيك وم عاوزين نخسرك ممكن تستحملي عشاني وعشان موضوعي انا وعلي قلت ليها علي فتح ليك الموضوع يعني قالت لي اي وانا شايفه انو زول كويس وود ناس وبالذات موقفو معاك اثبت لي رجالتو ومن قبل م اشوفو لمن حكيتي لي عنو اتمنيتو وربنا استجاب لي وعاوزاك تقيفي معاي عشان نتزوج علي دا الانسان الانا بفتش ليهو وحاسه اني ح اكون مبسوطه وانتي سبب في سعادتي يا ماما عليك الله م تحرميني قلت ليها ان شاء الله انا غير سعادتك انتي واخوانك ومنه بتي م عاوزه شي واتزكرت منه ودموعي جرن ومحمد جا داخل قال لي ميان اطلعي غرفتك ميان فاتت وغمزت لي ومحمد قعد في الكرسي قصادي وانا دموعي في عيني وتعبت من الدنيا الكل م اقيف تكسر ضلعي محمد رفع لي راسي بي يدو ومسح لي دموعي وكان متاثر لي شديد قال لي نوسه انا بحبك انا غلبني اتكلم وغلبني البعملو قلت ليهو وانا كمان ي محمد قال لي وانتي كمان شنو انا عاوز اسمعها قلت ليهو بحبك والله قال لي وحمزه قلت ليهو حمزه دا ماضي وانا قسمتي انقطعت منو وانا تاني م برجع ورا وبالذات انو ربنا اكرمني واتعرفت عليك مستحيل تاني اعاين لي راجل غيرك انا بحمد ربنا انو الدنيا جمعتني بيك قال لي الله يحفظك ي الغاليه وم يحرمني منك قلت ليهو امين قال لي قشي دموعك واعفي لي وانا مشكلتي م بعرف اعبر عن الغيره الجواي الا بي انفعال قلت ليهو حسيت بيك وكان نفسي تحس بي لانو انا دي بتي الوحيده قال لي نوسه انتي بتك الوحيده وهو كمان بتو الوحيده ولازم تقيف معاهو وانتي ناسيه منه دكتوره قدر الدنيا ودا اقل واجب ح تقدمو لي ابوها م تخافي عليها وهدي امك مشت ليها وان شاء الله ربنا يوفقهم وانا م اكذب عليك م بقدر اخليك تقعدي معاهم لانو انتي روح البيت وانا محتاجك اكتر منهم قلت ليهو ان شاء الله قال لي يلا اتصلي شوفيهم عملو شنو مسافه اجهز لينا اكل ناكل وانتي ارتاحي قلت ليهو شكرا ليك
اتصلت على منه وكانت زعلانه وم قادره تتكلم وكانت بتبكي قلت ليها منه مالك فشنو قالت لي يمه حرام عليك انتي ضيعتيني وضيعتي ابوي وغيرو متمتعين بي أملاكو قلت ليها منه انتي وين قالت لي راجعه الخرطوم قلت ليها مشيتي البلد قالت لي اي وي ريتني م مشيت قلت ليها بسم الله فشنو قالت لي يمه حبوبتي ماتت قلت ليها سجمي متين قالت لي ليها سنه والمصيبه يمه م ح تصدقي اعمامي وخساستهم قلت ليها فشنو ي بت قالت لي بحكي ليك لمن اصل وقبل م اصل اديك المفاجأه قلت ليها لسه في مفاجأت قالت لي انفال اتزوجت متوكل الشال قروش ابوي وبقا اغني راجل في الحله.؛...
