رواية انكسار انثي
الفصل التاسع عشر19
بقلم نوسه حمد
منه كانت تبكي قالت لي انتي السبب في دمار ابوي قلت ليها كيف ي منه وانتي وين هسي قالت لي انا راجعه الخرطوم قلت ليها مشيتي البلد قالت لي اي وحبوبتي اتوفت قلت ليها سجمي قالت لي ليها سنه وم شفتي اعمامي وخساستهم قلت ليها كيف قالت لي بحكي ليك بعد ارجع و المفاجأه انفال اتزوجت متوكل الشال قروش ابوي قلت ليها شنو شنو قالت لي زي م اقول ليك وخليني اصل وبحكي ليك اي شي
انا بقيت محتاره محمد قال لي قومي انا صحيت الاولاد وطلبت لينا اكل وانا كنت م مركزه معاهو نهااااي قال لي نوسه مالك فشنو منه مالا قلت ليهو منه كَويسه بس في مصايب حاصله قال لي كيف بسم الله فشنو قلت ليهو انفال بت عمتي الكانت متزوجه حمزه قال لي مالا قلت ليهو اتزوجت متوكل الشال قروش حمزه قال لي لا لا ياخ بت عمتك دي قليله اصل قلت ليهو شديد بس م اتوقعتها للدرجه دي شالت راجلي وعرستو قوه م قلت شي بس كمان تتزوج متوكل وشكلو في كلام كتير حاصل منه قالت لي لمن اصل البيت
قال لي نوسه خلاص البقا بقا ودا ماضي م تعيدوهو قلت ليهو انا م شغاله بي الماضي بس منه بتي دا ابوها من حقها تسأل عن اي شي وامشو اكلو انا م عندي نفس قال لي لا م ح ناكل بدونك ارح قومي مشيت معاهو وم كان عندي نفس بس رضيت عليهم ساي انجبرت اكلت وسمعت صوت التلفون بضرب مشيت لقيتا امي قالت لي بتك فاتت البلد وللان م جات قلت ليهاا اي يمه هسي كنت بتكلم معاها م تشفقي وجايين ف الطريق وكلاما م عجبني قالت لي في شنو كمان قالت لي انفال اتزوجت متوكل قالت لي سجمي بت عمتك دي جنت ولا شنو قلت ليها م بعرفها والله حيرتني زاتو قالت اتزوجت حمزه عشان توجعني وتكسرني م قلت شي قلت دا نصيب بس تتزوج متوكل كيف يمه انا راسي ج يطق قالت لي هوي ي بت مالك ومالا عيشي حياتك وابقي ع اولاد محمد ومحمد عشره والحاصل كلو م عندك فيهو شغله قلت ليها كيف يمه شكلو في مصايب حاصله الننتظر منه تصل وتحكي لينا قالت لي سمح م اوصيك ع نفسك ومنه هدي انا معاها وعلي م مقصر مننا وامو زاتا بت اصول وسمعت لي خبر عجبني بالحيل قلت ليها شنو يمه قالت لي علي قال داير ميان انا لمن زغرتا لمن امو حكت لي انتي مهدي الطريق لي محمد قلت ليها ان شاء الله وسر معاك يمه ميان زاتا عجبا علي قالت لي نفسي اكون راجلي قالت لي شوفي الزمن ي بتي لفه ولفه وجاب علي وين وشوفي الصدفه العرفتك بيهو قلت ليها زي الحلم يمه قالت لي اي والله
محمد قال لي دا منو قلت ليهو دي امي قال لي زي السمعت اسم ميان بتي في كلامكم قلت ليهو بتتجسس علينا ولا شنو قعد اضحك قال لي لا والله بس انا ميان بتي معودها ع الصراحه وقبيل قالت لي عاوزاك في موضوع لمن خلصنا اكل ورتني الحاصل كلو ودايره تشوف راي وانا م عندي رأي فوق رايك انتي بتعرفي علي اكتر مني رايك
شنو قلت ليهو والله م شاء الله عليهوادب واحترام وميان تستاهلو قال لي انا م عندي مشكله وبسال منو والفيهو خير يعملو ربنا قال لي بالمناسبه انا م سمعت اسم ميان في خشمك بس حسيت احساس انكم بتتكلمو في الموضوع دا قلت ليهو فعلا والله كنا نتكلم فيهو قال لي خير ان شاء الله قلت ليهو منتظرا منه تحكي لي قال لي م وصلو قلت ليهو كدي اشوفهم واتصلت علي منه قالت لي خليني اعشي ابوي ونتكلم
قلت ليها تمام قلت ليها وديتي للدكتور قالت لي اي وبدينا ليهو العلاجات وكل اسبوع عندو مقابله قلت ليها ان شاء الله ي بتي ربنا يشفيهو ليك وتفرحي بيهو وافرح بيك قالت لي امين يمه وان شاء الله ابوي ابقا كويس وكان م خليت عمي متوكل اكلم روحو م ابقا اسمي منه قلت ليها لا ي منه قالت لي خليني النخلص واجي احكي ليك قلت ليها سمح
بقيت منتظراها لمن رجعت لي قالت لي م عارفه ابدا ليك من وين بس ح تنصدمي يمه قلت ليها ي بت م تشحتفي روحي احكي لي قالت لي علي قال لي نتصل علي احمد صاحب ابوي واتصلنا ليهو ورحب بينا وم كان مصدق اني منه مفتكرني الدنيا لطشتني وحكيت ليهو اني كملت جامعه وطلبت منو يودينا الحله وم حكا لينااي شي الا لمن وصلنا البلد مشينا بيت ناس حبوبتي احمد اول خبر قالو لي انو حبوبتي اتوفت ودخلت البيت لقيت اعمامي لمن احمد قال ليهم دي دكتوره منه الله حمزه كلهم انخلعو قلت ليها وابوك قالت لي ابوي حلف م ينزل من العربيه وعشان حالتو النفسيه قلت لي علي خليك معاهو وم شفتي يمه اعمامي بي قروشك ودهبك الاديتي ليهم عملو شنو احمد قال لي حبوبتك شالت القروش والدهب ومسكتهن عليها وابوي ودتو من شيخ لي شيخ واعمامي شالو القروش شغلوهن وفي سنه الله فتحها عليهم وبي حبوبتي رطبت وابوي مجنون لافي بالحله وانا م قدرت اتكلمت مع واحد لانهم كلهم ركبو لي وش وم استقبلوني ولا لي الشرف يستقبلوني طلعت منهم طوالي والكلام دا حكاهو لي أحمد صاحب ابوي وحكا لي بالظلم الانظلمتيهو انتي وجبوبتي الله يغفر ليها حقنا قلت ليها تاني شنو قالت لي الشي التاني لو حكيتو ليك يمه بتقعي قلت ليها قولي ي بت فشنو قالت لي انفال مرت ابوي اصلا كانت حبيبه متوكل قلت ليها شنو شنو قالت لي زي م اقول ليك وهو الوزاها علي ابوي وزواجها كان خطه عشان هو كان بكره ابوي وكانت هي بتكرهك واتفق معاها انها تاكل عقل ابوي وتسوقو السعوديه بعد تتزوجو وتخليهو يمسك شغلو ليهو هو ومجرد م يستلم الشغل هو يلعب لعبتو ويدمر ابوي...............
