رحمه...شكيت صاير شي موزين بس تفكيري ماوصل ان امي وابوي ماتو توقعت حادث بسيط
او يمكن صارت مشكله
بس ماعرفت اني شمنتضرني ومن هذا اليوم حياتي
تغيرت كليا
اخذت تراك واحد ومنشفه ومعطر وغسول الوجه وشحاطه مال بيت وملابس داخليه قطعه قطعه
خليتهن بجنطه وبدلت لبست بنطرون جينز وحذاء سبورت
وبدي احمر لفيت شعري كبايه
وبديت اقفل بيتنا بعدين سويت لفه جبن وتوست
وسويت جاي بلغلايه
اشتغل واتحرك وبداخلي اكو قلق حاسه اكو شي موزين صاير
ارجع اكول لا لوصاير شي موزبن جان كال خالي
ايجوز شغله بسيطه ماتستوجب كل هذا القلق
جمانه السعيدي
اتاخر همام يله وصل
فتحت الباب وشفته ضايج حيل
رحمه...هلو همام شلونك
همام...هلو رحمه
رحمه...شكو شصاير ليش خالي هيج مخبوص خبص
اهلي بيهم شي
همام...لا مابيهم شي يله جيبي جنطتج وتعاي بسرعه
بينت علامات القلق والحزن على همام
رحمه...ما اطلع من بيتنا اله تحجي شصار
همام ...رحمه فدوه امشي لاتعبيني اكثر مااني تعبان
رحمه...دخلت جوه وكعدت على القنفه وكتله مااطلع اله افتهم شكوو
همام....اهوووو ليش تعبيني
رحمه...روح الله وياك اذا ماتحجي شكوو ماامشي منا خطوه وحده
همام...مااكدر احجي
رحمه...اهلي سوو حادث مو احجي بيا مستشفى احجي
طبعا اني حجيت هيج على اساس بس حادث بسيط يعني اهلي موجودين بس متاذين من الحادث وهو يخاف عليه ومايكول
ماجنت اعرف بلمصيبه الي صارت
هو من كتله اهلي مسوين حادث وبيا مستشفى توقع اني عرفت
همام....البقيه بحياتج
رحمه...بقيت صافنه بوجه شنو البقيه بحياتج منو مات
ماما ماتت لو بابا
همام....دنكت وكلت بنفسي اني ليش حجيت
رحمه...احجي منو مات همام احجي منو مات ماما لو بابا
همام...بقيت ساكت مااعرف شكول وشنو الرد المناسب
رحمه...انت تشاقه مو اكيد تشاقه
هذا مقلب اي اكيد مقلب همه ووين هسه
همام...البقيه بحياتج ثنيينهم ماتووو حادث على الطريق
وراحو ضحيته ثنيينهم
وهسه الجثث بلمستشفى
جمانه السعيدي
رحمه....همام شبيك اي جثث هسه همه راح يوصلون
بابا كال ساعتين نوصل وساعتين نرجع
هسه يجووون انت مشتبه
اكيد مشتبه لا تتشاقه وياي هيج شقا ابد
تقبل اكول على امك وابوك ماتو
همام...اهدي رحمه قضاء وقدر
رحمه...بدن دموعي ينزل شنو قضاء وقدر شنووو قضاء قدر اني بعدني زغيره ومحتاجتهم
اصلا همه بعدهم زغار بعدهم شباب
همام...الموت مايعرف لا زغير ولا جبير
يله اذا حابه تودعيهم تعاي انروح للمستشفى
رحمه...اااي اي اروح وياك بس مو حتى اودعهم حتى يرجعون وياي البيتنا
انت مشتبه اهلي مايعوفوني
مسحت دموعي وطلعت قبله وعفت حتى الجنطه الي حضرته اخذها وياي
همام....وين المفاتيح
رحمه...هياته على الميز لا تقفل بس الباب الخارجي هسه نرجع اني وياهم للبيت
جمانه السعيدي
طلعت قبله ودموعي تنزل امسحه وتنزل
مااريد ابجي اذا اابجي يعني صار شي موزبن
صعدنا بلسياره واني كمت مااشوف من البجي
مسحت دموعي واكول لا مايعوفوني وحدي ابد
مجرد افكر يعوفوني بلدنيا هاي وحدي قلبي ينقبض
لا مايعوفوني اني مااكدر وحدي اصلا بعدني زغيره
وكلشي مااعرف
ليش كلبي انقبض ليش احساسي يكول بعد مااشوفهم
كمت ادك على كلبي بايدي لميت ايدي وقبضته وكمت ادك على كلبي
همام ...شبيج رحمه لزمت ايدها ليش اضربين صدرج
رحمه...كلبي مقبوض يكول بعد مااشوفهم خل اضربه
حيل حتى يوعه وينتبه لان كام يخربط
همام...اسنغفر الله ربي واتوب اليه
سمي باسم الله كولي يالله
رحمه...يالله الكاهم منتضريني ومابيهم شي وتطلع جذاب
همام انت جذاب اهلي مابيهم شي
همام...بقيت لازم ايدها وكلبي ينعصر عليه عصر اني ليش اجيت ولله تكسر الخاطر خطيه
اباوع عليه دموعه مايوكفن ابد
جمانه السعيدي
وصلنا للمستشفى ونزلنا
رحمه...باوعت شفت خالي واكف برا ويدخن وشكله مخربط
ركضت علي خالو وين ماما وين بابا
راسا حضني وكام يبجي
ادفع بي عوفني عوفني لا تبجي انتم كلكم جذابين
اريد اريد اشوفهم
بقه خالي حاضني وببجي يبجي من كل كلبه
رحمه...خالو عوفني الله يخليك عوفني بس عافني دخلت للمستشفى اركض
اركض بس مااعرف وين اروح
التفت خالي وهمام وراي
رحمه...وووينهم ووينهم خالي
خالي...اهدي حبيبتي ماتكدرين تشوفيهم
رحمه...ليش عطت بصوت عالي ليش ليش مااشوفهم
خالي...اخاف عليج
رحمه...شبيه كمت اضرب على وجهي شبيه هياتي كدامك
مثل الحصان ليش مااكدر اشوفهم
اريد اودعهم اريد اسئلهم ليش عافوني
مو اني الزغيره المددله شبسرعه عافوني
كمت املخ بنفسي واضرب على وجهي
همام حضني وكمش اديه حتى لا اضرب نفسي
وخالي يبوس بوجهي
خالي...يابويه احتركو بلسياره اجسادهم كله احتركت
مااكدر اعوفج تشوفيهم
هو كال ذني الكلمتين واني الدنيا صارت سوده بعيوني
كمت مااشوف اي شي
راسا فقدت الوعي
اخر كلمه سمعته همام صاح ههههاااا رحمه شبيج ولزمني
وعيت واني بلطوارء وايدي بيه كانونه وهمام وزوجت خالي واكفين على راسي واحد منا واحد منا
رحمه...بس فتحت عيوني اذكرت ماما وبابا
كمت ابجي
ام همام...لا تبجين حبيبتي اترحميلهم ادعيلهم
رحمه...معليه اريد ماما وبابا اريدهم
ليش عافوني اريدهم
اخذوني ادفنوني وياهم مااريد ابقه بهاي الدنيا
منو اليه من بعدهم لا اخ ولا اخت
ليش مافكرو بيه قبل لا يرحوون ويعوفني
ام همام ...استهدي بلرحمن واقريلهم الفاتحه الله يرحمهم
غمضت عيوني اتمنى كل هذا يطلع حلم
ليش الناس جاي تعازيني بااهلي
شبسرعه بعدني مامصدكه ماتووو
لحد يعازيني ولحد يكول البقيه بحياتج عقلي بعده مامصدك موتتهم
جمانه السعيدي
سكتت وكمت مااحجي ابد
همام خاف عليه راسا راح جاب الدكتور واجه
الدكتور فحص النبض
...لا تخافون مابيه شي بس من اثر الصدمه
بعد ماحجيت اي شي حسيت كل الكلام الي بكلبي كلته
وبعد ماكو داعي للكلام ابد
خالي وأكرم اخذو اهلي للمقبره دفونوهم
واني بقيت طول النهار بلمستشفى
ماعندي طاقه الاي شي
اخر النهار الدكتور كال تكدرون اطلعون
أجر سياره همام وطلعنا من المستشفى اني وياا وامه
اخذوني البيتهم
لان خالي قرر يسوي الفاتحه بيته
بلبدايه صعدوني فوك بغرفة همام حتى اا اشوف الناس
وتأثر اكثر
وخالتي كاعده يمي تخاف عليه
مااكدر اكل ولا اشرب دموعي ينزلن وساكته
خالي كل شويه عايف الزلم وجايني يطمن عليه
بس اني ماكو اي ردت فعل
ساكته مااحجي اي كلام ودموعي يجرن
خلصت الفاتحه
خالي نزلني جوا عدهم غرفه زغيره
بيه سرير وكنتور بابين وزوجت خالي راحت اشترتلي ملابس اسود تراكين ودشداشه
طول النهار معتكفه بلغرفه
خالتي بقت يمي للسبعه شكد حاولت اطلعني من هاي الازمه
بس ماكدرت
تعرفون ليش
لان اني بعدني مامصدكه اهلي ماتو
معقوله هلكد يحبوني ومتعلقين بيه ويعوفني
كل يوم انام واكول باجر اكعد ويطلع كلشي حلم
وارجع البيتنا وماما وبابا يستقبلوني
وترجع حياتي مثل ماجانت اكيد هذا كابوس
الاحساس بالذنب محطوط خالي
اكثر الوقت يكعد يبجي
لان هو الي ضل يلح عليهم يجون
مايعرف هذا كله قدر ومكتوب
وهذا اليوم كان آخر يوم بحياتهم