رواية ست الشاي الفصل الاول1بقلم سهي وليد
هاي انا مياس عمري 27 سنة اتزوجت من عمري عشرين و اطلقت من السنة الاولى بي سبب خلافات حا احكيها لي قدام امي و ابوي اتوفو بي سبب السكري ابوي بترو رجلو و امي جاتها كومة سكري عملت ليها جلطة
عندي اخ اسمو محمد اختي ميار كلهم اصغر مني بس اتخرجو من الجامعة و اسي شعالين وظائف محترمة ما زي ست شاي البسوى و الما بسوى برفع صوتو علي و اشتغلت شاي لانو وضعنا من موت اهلي كان صعب شديد و اخواني كل واحد مسؤل من نفسو و كان في جفا بينا بي سبب انهم اتربو مع اهل ابوي بعد مات و انا اتزوجت و طلعت من المدرسة من سنة 8 لاني اخترت الزواج
ميار: وين شاحني مياس: شلتو انا شحنتا بيو لانو سريع ما زي حقي ميار: كوني نفسك و اشتري ليك شاحن ما ممكن يخ
عادي اصلا هي كدا متعجرفة و شايفه نفسها لانها شغالة في شركة و امروها ظابطة ما كادحة زي
محمد: ي مياس وينك مياس: نعم محمد: ليه البيت وسخان كدا والله تكرهي الزول القعاد في البيت مياس: اسفة امس كنت حاسة بي مرض و ما قدرت انظف محمد: اوكي
طبعا ميار حاجة ما بترفعها من الارض و ما بسالها بس انا حمار الشارع و حمار البيت
تكلمة
الوووو ريهام: شنو ي بت وين من امس ما شغالة مياس: حاسة بي ملاريا كدا لكن بكرة بجي ان شاءلله لسه علي فواتير كهربة و موية المهم ي بكرا عليك الله لو اتاخرت كبي لي موية في جردلي المعاك و ما تنسي اللبن كويس و تووت قفلت
قمتا عندي ملابس غسلتها طبعا البشوفني ما بقول علي انثى من جري الدنيا و التعب لوني ابيض من الشقا الكتير بقا ما مفهوم شنو زاتو و شعري طويل بس عندي مقص كل مرة بقصو ما عندي اخلاق للشعر الطويل صعب في التسريح و المشاط و عندنا 5 غرف اصلا هو بيت ورثة الحمدلله و ملابسي كلها عبايات سود و تياب هزاز بي سفنجة فستان بالغلط ولا ملابس بتدل علي الفرح ما عندي بتمسح بي جرسلين و فازلين و بتعطر بي عطور البخيت 🙂💔
عملت الفطور و قعدنا كلنا مياس: ي محمد انا نفسي نعمل سبيل جمب باب الشارع صدقة لي اهلنا و كمان كل يوم جمعة نعمل بليلة نوديها الجامع محمد: بتوريني ليه مثلا ميار: بتكون عايزة كم قرش اديها و نخلص من السيرة دي ولا اقول ليك انا بديها اهااا عايزة كم مياس: كتر خيركم انا بجازف اي شي براي للاسف دي ولادة الندم البقولو عليها الصدقة ذاتا لو ما نابعة من قلب و ما بي نية صافية خلوها