رواية جراح الحب
الفصل الاول1
بقلم جني
ليلة !انتي عارفة اني بحبك اكتر من نفسي واة انا غلطت بس اعترفتلك بكل الحقيقة وقولتلك كل حاجة!ليلة عشان خاطري انتي عارفة انك كل حاجة بالنسبالي ومش هقدر اشوفك مع حد غيري !هون عليكي
-انا هُنت عليك اما سبتني كل السنين دي!
يبقا هتهون عليا ومش هزعل عليك !
-بتغلطي !انتي فاكرة انك بتعاقبيني كدة لوحدي انتي بتعاقبي نفسك كمان ياليلة !انتي متأكدة ان هدايق بس انتي متعرفيش آنك بتظلمي نفسك ياليلة
-مين قالك اني بظلم نفسي ؟انت فاكرو زيك بايعني!انت فاكره بيمشي ورا كلام غيره
-ليلة عشان خاطري فكري فينا !احنا الاتنين متقدرش نعيش من غير بعض صعبة علينا
-عليك!عليك لوحدك ،،لو بتتكلم عن الظلم ف انت ظلمتني بما في الكفاية ومفيش داعي افكرك انت عملت اي صح !
-انا بحبك
-قول كل اللي فقلبك مهما قُلت مش هلين
-تمام!اسمعي بقا ..ماما !…ماما هددتني بيكي
قالتلي اني لو معملتش لللي هي عايزاه هي هتأذيكي وانتي عارفة انها تقدر تعمل كدة ..هتأذيكي ف شغلك وفحياتك وهتدمرهالك وشرحتلي هتعمل كدة ازاي ،،هددتني انها هتسيب بابا وانها هتسعى تدمرلي شغلي اللي فضلت سنين ابني فيه لوحدي !قالت كتير اوي ياليلة ' صدقيني مفيش اي حاجة فرقتلي غير حبك وانها هتأذيكي !!مفرقش معايا شغلي ولا اي حاجة غيرك كنت خايف عليكي !انا مشيت عشانك
-ورجعت لي لو خايف عليا ؟اي مش خايف من امك تأذيني
-انتي مش مصدقاني ..بس ممكن تسألي كريم ..ممكن تسأليه هيقولك كل حاجة !!انا لمًا اتقالي ف الغربة ليلة اتخطبت كنت بموت وفضلت احاول اتأكدت وأكدولي انك انخطبتي وماما فهمتني انك كرهتيني وقالت انك قولتلها خليه يقطع علاقتو بيا انا هتخطب!!كنت بموت من جوايا
عمري ما بطلت احبك وحاولت اوصلك !!بس لما اتشجعت قررت انزل واقابلك واحاول معاكي ومفرقش معايا ماما !هي حاليا متعرفش اني بحاول ارجعلك وانا قاصد معرفهاش لحد ما ارجعلك بجد عشان متأذيكيش لحد ما ابقى معاكي
ليلة..صدقيني انا مش بكذب عليكي
-انت مقولتليش كل دة اول مرة قابلتني فيها
-مكنتش قادر اعرفك حقيقة مخبيها حتى على نفسي ومكسوف منها
-بعد اي يا احمد بعد اي!انت عارف ان ماما بتسعى ورايا عشان تخليني احدد معاد فرحي انا ومروان!!
لو كنت جيت حكتلي من الاول مكناش وصلنا ل هنا ..قبل ما تبعد وتنساني
-عمري ما نسيتك
"مال على ركبيته ،وعيونه مليانة دموع"
اعملي فيا كل اللي انتي عايزاه موتيني او حتى تضربيني وفشي غلك فيا بس اوعي تسيبني انا بحاول عشانك اديني فرصة اخيرة ياليلة عشان خاطري
-قوم يا احمد !!
-ليلة!!
-ارفع وشك بصلي ..خلي عينك ف عيني
"رفع وشه بندم ودموع "
-مش عارفة اقول حاجة …حتى معنديش حاجة اقولها غير ان الوقت أتأخر اوي على كل دة
والموضوع خرج عن سيطرتي وماما بتضغط عليا طول الوقت ،،اول مرة فحياتي كل سنين معاك عمري ما شوفتك كدة ..عمرك ما انحنيت لحد !ولا شوفت حزنك دة يا احمد
انا عارفة انك ندمان بس انا بأيدي اي !انا انحطيت ف الموقف واضطريت اكمل عشان بابا قبل ما يموت بعد ما مشيت طلب مني اكمل مع مروان عشان يطمن عليا وماما وقفتلي !!
كان المفروض اعمل اي
طب قولي دلوقتي المفروض اعمل اي !!
انت اللي خليتنا نتحط ف موقف زي دة قولي اعمل اي دلوقتي !!قولي
-ان…انا اسف !
-اسف!!اقوم يا احمد ،،و .. امشي احسن ما حد يجي ويشوفك!!
-قولي آنك لسا بتحبيني وعايزة ترجعيلي وانا ساعتها هعمل كل حاجة عشان نرجع سوا
-اقول اية !! احمد امشي !!يلا امشي
-انتي لسا بتحبيني..
-انت لازم تمشي !!
-بس
"رفعت ايديها بخاتم الخطوبة وبصت بقلة حيلة "
اخد بعضه ومشي
انا مش هسيبك مهما رفضتي ..عارف انك بتقاوحي وخلاص
تكملة بارت 1.
انت مصدوم لية
-انتي بوستيني من خدي بجد !انتي عمرك ما عملتيها
ـ انت زعلت خلاص حقك عليا مش هعمل كدة تاني
ـ لا طبعا ازعل ازاي يا حبيبتي ودي تيجي دة من اول ما اتجوزنا على الحال دة
ـ حبيبي !ممكن تتنيل تخرج من المطبخ بتعصب
ـ انا ممكن اساعدك
ـ لا شكرا وفر مساعدتك عبال ما تاخد دوش اكون خلصت وتاكل عشان تنام بقا وتريحني
ـ انتي زهقتي مني
ـ حاش لله يا حبيبي يلا بقا أنجز
(تحمم وبدل ملابسه وخرج ليجلس على السفرة •• فأتت زوجته
مكنتش اعرف انك بتحبيني لدرجة أنك عملا كل الاكل اللي بحبه
ـ يلا مش خسارة فيك
ـبالمناسبة ماما قالتلي تعالى بكرة على الغدة وهات حتة البسبوسة بتاعتك معاك
ـ بسبوسة أية
ـ انتي يعني
ـ دة اكيد تجويد من عندك صح
ـ لالا صدقيني
ـ لا مش هصدقك ! احنا الحمدلله معندناش طفل كان هياخد كل صفاتك السيئة
ـ انا اب جميل وحلو وابني هيبقا قمر زي
ـ اة طبعاً
ـ عايزك بكرة متسمعيش لاي حد عشان احنا بنروح هناك بيسخنوكي عليا وبتفشي غلك فيا
ـ ودة كلام لا طبعا
ـ يارب تصدقي
(في اليوم التالي •• أصبحا يتجهزا في الخروج ••
ـ ما تنجز بقا يا مروان قرفتني
ـمش عارف البس انهي جاكيت , اية رايك دة ولا دة
ـ يا مروان ارحمني انا قايلة راي من ساعتين
ـ خلاص هاخد بي
ـ بتعملي اي بس ميكب اي اللي بتحطيه دة انتي قمر كدة
ـ مخدتش رايك
ـ طب تعالي احطلك سارة كانت معلماني
ـ متشكرة
(جلس على السرير كالطفل الصغير وأظهر ملامح غضب طفولية ... فانهت ما تفعل في وجهها واتجهت له ووقفت أمامه واقتربت بيدها من شعره الاسود الناعم ومشطته ...
ـ قولتلك مليون مرة سرحه كدة
((وأخذت عطره المميز ورشت عليه منه...
ـ يا سلام قمر يا اخواتي
(طفق يمسك يدها ونظر لعيونها ..
ـ انتي مش واخدة بالك اني زعلت يعني
ـ لا مش واخدة انت جميل اهو ومش زعلان يلا بقا يا مروان عشان خاطري هنتأخر
ـ يوه انتي بتتعصبي عليا لي
ـانت مالك بقيت عامل زي الاطفال كدة لية
حاسة اني بتعامل مع ابني
ـ طب انتي دلوقتي عملتي دور الأم وسرحتيلي شعري ورشيتيلي برفيوم الأم بعد ما بتعمل كدة بتحضن ابنها وبتبوسه وتقوله شطور يا حبيبي
ـ انت باين عليك رايق ..اخلص يا مروان
ـ خلاص انا هبقا أقول لماما تجوزني عشان مراتي مبتهتمش بيا
ـ كل دة ومش بهتم بيك
ـ أيوة
ـ انت شارب حاجة
ـ شارب حبك
ـ مروان ياروحي كفاية محن ويلا ننزل
ـ يلا ننزل بس انا مش هتكلم معاكي تاني على فكرة عشان انتي بتعامليني وحش
ـماشي يلا نمشي بقا
(خرجا من المنزل وبعد أن ذهبا الي والدة مروان فتحت لهم الباب ريم " شقيقت مروان
ـ اهلا يا حبيبي وحشني موت
ـاهلا ي حبيبتي
ـ ازيك يا جميلة
"انا كويسة
(جاءت الام قائلة:حبايبي وحشتوني اوي
سلمت على كلا منهما ودخلا وجلسوا جميعا معا
ـ انتو طولتو اوي عبال ما شفتكو بقالكو كتير مجيتوش عندي
ردت جميلة : مروان بيبقا طول الوقت مشغول الحمدلله عرف يفضى النهاردة
ريم:طبعا يا ماما مهو كل وقته مديه لجميلة وبس
ـ بتغيري ولا اي
ـ بس يا حبيبي قال بغير
(دخلت سارة أخته
ـ عاملين اية
ـ كنتي فين كل دة
ـ معلش اتأخرت عامل اي يا مروان وانتي يا جميلة
ـ احنا كويسين !!
ـ بقالي كتير مشوفتكوش
ـ اديكي شوفتينا ي ستي اتبسطي بقا
ردت الام: يلا بقا ناكل انا عملت الاكل اللي بتحبوه كله
(جلسوا على المائدة وسرعان ما بدأوا ف الطعام قالت الأم
:اي يا حبايبي مش شايفين انكم طولتو اوي مش ناوين تفرحونا بقا بقالكم تلت سنين متجوزين
ـ ماما ! احنا مبسوطين ومبنفكرش ف الخلفة دلوقتي
ـ يوه وانا كل ما اكلمك هتقولي كدة يا مروان
ـ اتكلمتي ف الموضوع اكتر من مرة قولتلك رأي فيه وخلص الموضوع
ردت سارة : ما تسيبيهم يا ماما هما حرين دي حياتهم هما
ـ اسكتي انتي يابت ..آية ياجميلة يابنتي ساكتة يعني هو انا قولت
حاجة غلط ……..
لا خالص بس مروان قال اللي كنت هقوله
ـ لا بقا دي حاجة تجنن
ريم : اكيد هيمشي ورا كلام مراته يا ماما اي اللي مش فاهماه
مروان:نقطينا بسكاتك والنبي يا خالتي فرنسا
الام: طب ما تكشفوا يمكن في حاجة غلط
(رمى مروان الملعقة متعصبا : هو في أي ياماما النهاردة
ـ هو انا قولت حاجة غلط يا حبيبي انا بقول بس
ـ قولتلك احنا مش عايزين اطفال دلوقتي لما ربنا يختارنا الوقت المناسب هنخلف أن شاء الله
ريم:هو دة اللي بناخده منك... هو انتي ساحراله ولا اي
ف الاول عمل معانا ملايين المصايب عشان يتجوزك وبعدين عشان يجبلك الاي انتي عايزاه ودلوقتي عشان الخلفة
(قبل ما تنطق جميلة قاطعها مروان : ولسا هقف قدام اي حد يجي عليها واة هي ساحرالي خليكي ف حالك
ردت سارة : ريم مدخليش. ..وانتي يا ماما اي اللي بتقوليه دة هو مش من البداية قال دي حياتنا
ـ يابنتي انا نفسي افرح ب احفادي قبل م اموت
ـ طالما انتي وريم متدايقين كدة خلي ريم تتجوز وتجبلك احفادك
ريم: ما مرات ابنها العزيزة اهي ولا هي كل شغلتها تخلي مروان يمشي على هواها
(قبل رد مرون ضغطت جميلة على يده لتسكته وهمست ف له :اسكت ...وممكن نمشي عشان انا حاسة اني تعبانة شوية
ـ نمشي يـحبيبي
قومي يلا يا جميلة عشان عندي شغل هنمشي
ـ تمشوا اي يا مروان انا لحقت اقعد معاكم
ـ معلش ياسارة
ـطب سيب جميلة
ـ لا تبقى تيجيلها بكرة انتي
"انت زعلت مني يا مروان خلاص مش هفتح بقي تاني "
ـ لا يماما مش زعلان منك انا مدايقك من ناس تانيه
بعد اذنكم بالهنا والشفا ليكم
(قامت سارة لتوصلهم : مش محسوبة وعلى فكرة أنا زعلانة منك طب قوليلو يسيبك يا جميلة
ـ هو ف الواقع انا اللي قولت نمشي لاني تعبانة شوية... تعالي انتي ف اي وقت
ـ متفقين يعني .. ..ماشي !!
ـ بعد اذنك
(خرجوا ذاهبان للسيارة وذهبوا
وفي الطريق قال :متزعليش من كلامهم يا حبيبتي هما تعبانين ف دماغهم
ـ لا مش زعلانة
ـ بس انا زعلان منك انتي
ـ لية
ـ من قبل ما ننزل من البيت انتي عارفة لية
ـ اة مخلتكش تساعدني ف الميكب
ـ لا بتوهي قصدك مصالحتينيش ف انا بجد زعلان
(صمتت لدقيقة ف قبلته من خده ..
:اديني صالحتك بس يارب متزعلش تاني
ـ شكلك انتي اللي زعلانة
ـ خالص
ـ جميلة ! متتخديش على كلامهم
ـ حاضر ..بس انت اية رايك في موضوع البيبي
ـ اة ابتدينا بقا وانتي مليتي دماغك بكلامهم
ـ بتكلم بجد
ـ انا حتى لو موافق ف مش موافق عشان عارف انتي لي عايزة بيبي
من بعد مما روحنا عند ماما .. انا قولت منروحش كنا قعدنا ف بيتنا بكرامتنا
ـ يا مروان ...
ـ جميلة !! الكلام خلصان .. انا لو عارف انك بتقولي كدة عشان مش خايفة منهم كنت وافقت لكن انتي بتقولي كدة عشان خايفة منهم
ـ انت ...
ـ اي هتنكري ..ولا انتي مبتخافيش غير منهم ومبتقدريش غير عليا
ـ انا بقدر عليك
ـ اة
ـانت عارف انا مش محتاجة طفل عشان انت طفل بجد وتصرفاتك طفولية وبحسك ابني مش جوزي
ـ زي مانتي كل حاجة فحياتي اكيد انا كل حاجة فحياتك صح
ـ غلط
ـ كنت واثق أنه صح
(ضحكا الاثنان ...
وذهبا للمنزل
وليلًا..كان يجلس وهو يعمل
ونظرا ف رأى زوجته
-مترددة من اي ،تعالي
عايزة تقولي حاجة صح
-برافو عليك عرفت ازاي
-طب يلا قولي
"اتت وجلست بجانبه على الاريكة "
-بس انت مش هتدايق صح
-لا مش هتدايق قولي
-انا بقول يعني لو نسمع كلام حماتي
-ف اي
-نروح للدكتور ونك…..
كنت عارف ان اليوم دة مش هيعدي على خير
بقا بصي ياجميلة انا مش هسمعك منك اي حاجة اليومين دول عشان انتي من ساعت ما روحتي عندهم اتجننتي
-عشان خاطري يامروا هنخسر اي
-احنا مش اتفقنا
-انا لسا عند وعدي بس من باب الطمأنينة يعني
-انتي اي اللي جرالك
-بصراحة انا قلقت بقا من ساعت ما حماتي اتكلمت كدة "بكت"
-طب انتي بتعيطي لي دلوقت
-عشان اتدايقت وبعدين انت فاكرني همشي ورا كلامهم بس لا والله انا بمشي وراك انت وانا مجرد قلقت مش اكتر وقولت انك كدة كدة اجازة بكرة ف فيها اي لو قولتلك مكنتش اعرف انك مش هترضى تسمعني حتى
-مانا سمعتك اهو ياحبيبتي انتي بس اللي عقلك شوش من ساعت ما سمعتيهم
بس متزعليش هعملك اللي انتي عايزاه
-بجد
-اة بجد ..ومتعيطيش عشان انا شايف انها حاجة تافهه مش مستاهلة انتي عارفة اني مش برفضلك طلب
-بس كنت هترفض دلوقتي
-مانتي اتقمصتي وعيطتي ودي نقطة ضعفي
" نامت على عاتقه ف حاوطها بيده واحتضنها "
-اهم حاجة انتي تكوني مبسوطة مش مهم اي حاجة تاني
-شكرا يا مروان
-انا هبقا اقبل كل طلباتك عشان تشكريني كل شوية وتحسسيني اني عملت حاجة عظيمة
-لا بس انت سمعتني ! انا بحس اني بحبك
-بتحسي !! بتحسي !!
-يعني بحبك بس ساعات بحس اني بحبك اكتر
-اذا كان كدة ماشي .. بس اوعديني ان بعد كدة ملكيش دعوة ب اي حد وبكلام اي حد ومحدش هيعرف اي حاجة عنا
-هو احنا بتشوفهم اصلا يامروان
-اة بنشوفهم يلا اوعديني
"شددت على حضنه ثم قالت :وعد خلاص بقا
-انا مستغربك انهاردة بعيدا عن الصبح يعني متعصبتيش ولا زعقتي وكمان بتحضنيني ومش زعلانة مني زي العادة
-ببقا مدايقة منك بسبب تصرفاتك كالعادة
-خلاص مش هدايقك ..!
"تكلموا حتى نامت على هذا الوضع
فحملها ووضعها على الفراش حتى نامت بعمق …!
وفي الصباح…استيقظت على صوت زوجها بجانبها يجلس على قادمه امامها
-يلا بقا قومي
-اقوم لية !!عملت اي
-المرادي معملتش حاجة بس عايزة تقومي عشان مش عارف اعمل اي حاجة طول مانتي نايمة
-تعمل اي في اي عالصبح
-يعني مثلا انا مش ست بيت شاطرة عشان اعرف ادخل المطبخ .. وكل مكون عاوز حاجة ملقهاش معرفش بتشيلي حاجاتي فين
-استغفر الله العظيم
"اعتدلت في جلستها ونظرت له بغضب
فقبلها من خدها
:الحمدلله قومتي اخيرا
-ابعد عني عشان على اخري منك
-انا عملت اي بس !ذنبي اي اني راجل مش بيعرف يتصرف من غير مراته
-وانا خلفتك ونسيتك ياعم انت
-ايوة ..ولا انتي عايزاني اقول لأمي تجوزني
-اصل مراتي مبقتش نهتم بيا !!
-برافو عليكي ياحبيبتي انتي عارفاني اكتر من نفسي
-مروان
-ايوة عودي لرشدك عايزة اي
-انت وعدتني
-وعدتك ب اي
-متهزرش معايا ماشي
-اة .. حاضر عند وعدي
طب اسمعي بقا هنعقد اتفاق . انتي هتقومي وهتقعدي معايا وتسليني بمواضيعك وكمان هتفيديني عشان فعلا مش عارف اعمل حاجة
وانا ف المقابل هوفي بوعدي
-تهديد !
-لا اتفاق
-قوم من وشي
"ضحكا واستيقظت هي ..الى حان الموعد
حتى تجهزا وخرجا معاً ذاهبان للطبيب
حتى وصلا ودخلا للطبيب
وتناقشوا معه في عده امور حتى طلب منهم عمل تحاليل طبية ..فأتما وذهبا حتى تظهر النتيجة
"في الطريق :اظن اني عملتلك اللي انتي عاوزاه اهو
واظن ان الموضوع دة مش هيتفتح تاني
-طبعًا ثق فيا
-واثق فيكي
"حماتي بتتصل
-واضح انها حست بينا
-استنى لما اشوفها
-الو
-اي يا ياحبيبتي عاملين اي
-كويسين الحمد لله
-طيب الحمدلله يعني لو مزعلتوش فعلا تيجوا بكرة وبالمناسبة اختي هتيجي بكرة من السفر مع عيالها ف عشان برضو نفسها تشوف مروان
-طبعا هنيجي انا هتكلم معاه
-ماشي ياحبيبتي
-سلام
-مروان بدون نقاش كتير هنروح بكرة عند مامتك ومش هسمع لكلام حد ومش ههتم
قولت اي ؟
من الواضح الي جاي مش احسن حاجة وبعد المقابلة دي يمكن في حاجات كتير هتتغير "
