رواية انكسار انثي
الفصل العشرون20
بقلم نوسه حمد
منه قالت لي انفال كانت حبيبه متوكل ود عم ابوي وهي عشان بتكرهك وهو بكره ابوي عملو خطه زواج انفال من ابوي وكلو كان مخطط ومرتب ليهو عشان كده متوكل لمن سرق ابوي م لقا صعوبه لانها هي ادتو كل التعليمات وهي الكانت سبب في دا كلو قلت ليها م عارفه اقول ليك شنو بس انا م قادره اصدق في ناس ف الدنيا دي بعملو كده قالت لي انا حكا لي أحمد وقال ليهو حمزه بس الما عارف قصه متوكل مع البت دي بس الناس كلها شافوها معاهو وبحبها بالزمن ولمن اتزوجت ابوي ومتوكل جا مسك شغل ابوي الناس احتارت قلت ليها اعوذ بالله منهم ان شاء الله اضوقوهو قالت لي انتظري النكمل ليك حق الدنيا شغال اخلص بس هم لسه م تايبين انفال ولدت ولد وبت البت عيانه م طبيعيه والولد كويس كان بس جاهو المرض الخبيث واللهم لا شماته ديل اطفال ماف زول بشمت فيهم بس هم عاوزين اتمتعو بحق ابوي والدنيا ادتهم مواجع من العيار التقيل قلت ليها الزي ديل م بتوجعو مهما حصل ليهم م بنكسرو لانهم عينن قويه. البشيل حق الناس مستعد اعمل اي شي وحسبي الله ونعم الوكيل فيهم قالت لي انا م ح اخلي حقي لو انتي مسكينه وسكتي وطلقوك في صمه خشمك م بسكت انا قلت ليها انا م مسكينه بس قدري كده ولخير لي والله قالت لي فعلا وان شاء الله انا ابوي م بقصر منو وبعالجو وح يرجع احسن من اول وم ح ارتاح الا اشوفو واقف علي حيلو واعرس ليهو قلت ليها اي م تقصري منو وامي ح تكون معاكم وعلي م بقصر معاي قالت لي علي والله حنني جاري معاي من هنا لي هنا قلت ليها انا زمان لمن انكسرت هو الغريب الوقف معاي وكان صغير بس م شاء الله عقلو كبير قالت لي بالمناسبه دي اها اتكلمتي مع عم محمد قلت ليها اي وقال م عندو مشكله قالت لي ان شاء الله ربنا اتم علي خير استاهلو الاتنين وعقبالك ي منه قالت لي لا انا مشواري طويل ابوي محتاج لي وان شاء الله ربنا يشفيهو وانا امري ملحوق الطريق قدامي قالت لي ان شاء الله وقفلت الخط
حكيت لمحمد بالحصل قال لي ديل م ناس البعملو كده ديل الله اكفيكم شرهم وكلمي منه م تشغل بيهم عشان م يضروها قلت ليهو منه قالت م بتخلي حقها وحق ابوها لانو انظلم قال لي فعلا الله يجبر كسرهم
مرت الايام وكل مره بتصل علي منه اطمئن ع ابوها وكان ماشي في تحسن وبقا م بيطلع الشارع زي زمان اغلبيه وقتو بكون نايم والعلاج ماشي فيهو كويس وبقا احسن من اول بي الف مره امي كانت قلبها مقطوع عليهو شديد قالت لي اهلو ديل ماديين نسو جمايلو وخلوهو لافي بالشوارع م عندهم رحمه ولا قلب قلت ليها الله كريم يمه بت السبعه هدي نفعت قالت لي منه دي مافي بت زيها والعملتو دا واجبا وانا مبسوطه منها وربنا يوفقا اكتر وتفرح بي ابوها ويفرح بيها قلت ليها ان شاء الله
مرت الايام وعلي اتصل على محمد وطلب يد ميان ومحمد اداهو وقالو ح يجو كلهم مصر يعملو خطوبه ويرجعو ومنه قالت لي بجي معاهم واجيب ابوي يغير جو شويه لانو بقا م بطلع وزي العندو عقده من الطلعه والناس بقا اتجنبهم وسالتني اذا كان ابوها عندو جواز قلت ليها عندو بس امشي اسالي اهلو ولا انفال قالت لي طيب
بعد ايام منه اتصلت على قالت لي مشيت عشان اجيب جواز ابوي بس اعمامي الله انتقم منهم فاهمين غلط مفتكرني جايه اسال من حق ابوي وم استقبلوني وطردوني قالو لي ابوك المجنون دا فضحنا في الحله تاني م اجي هنا اتخيلي يمه اتبرو منو وعايشين في حقو والله صحي عينهم قويه وانا م قلت ليهم انو ابوي بقا كويس خليهم يكونو عايشين علي انو ابوي لسه مجنون عشان لمن اصحو من غفلتهم يحسو بالذنب اكتر واكتر قلت ليها ديل م بحسو طيب كان تمشي لي انفال قالت لي مشيت وفتح لينا الباب متوكل وانا قلبي عليهو دم بس م ركزت معاهو قلت ليهو دايره انفال طوالي دخلنا ليها والبيت يمه عجيب م شاء الله الله ازيدهم لكن اتزكرت مال الحرام م دايم بمتعك وبديك الواطه وحيث لا ينفع الندم المهم دخلت مفتكرني صاحبتها جاتنا هي طالعه قالت لي انا مستغربه زاتو ف ابوي عرس البت دي كيف مافيها شي سمح لمن شافتني قالت ليهو ديل. منو قال ليها قالت دايراك قلت ليها انا منه الله حمزه عبدالله لمن انخلعت قلت ليها لا خليك طبيعيه انا م جيت اسالكم من خيانتكم لي ابوي ولا جيت اسالكم من املاك ابوي ولا قروش ابوي الانتو عايشين بيهن دا كلو م بهمني طالما انتو قبلتو لي نفسكم الحرام اشبعو بيهو بس م تنسو انو ربنا بشيل حقنا تالت ومتلت وم تندمو بعدين علي افعالكم الكعبه دي لانكم عملتوها بي كل شر الدنيا متوكل قال لي ابوك لو عندو حق م كان اكون لافي بالشوارع قلت ليهو لا ي استاذ ابوي عندو حق وانت عارفو كويس م محتاج اراجع ليك الماضي وازكرك ليهو وحقو بخلص في الدنيا قبل الاخره وانا اصلا م جيتك انت جيت اسال مرت ابوي عن جواز ابوي قال لي دي م مرت ابوك واتفضلي اطلعي من هنا طردني وطلعت وان شاء الله بكره بمشي وبسوق ابوي اطلع ليهو بدل فاقد وح نجي ان شاء الله قلت ليها ان شاء الله ربنا يهون ليك
انا وميان بدينا تجهيزات في البيت وخبزنا وظبطنا اي شي وميان كانت مبسوطه
منه اتصلت علي قالت لي يمه م كلمتك قلت ليها شنو قالت لي الضابط الف الجوازات اتخيليهو طلع منو قلت ليها منو.؛........... يلا ارح خمنو🧐 اكون منو 🤔
