رواية انكسار انثي
الفصل الواحد والعشرون
بقلم نوسه حمد
منه اتصلت على قالت لي م كلمتك لاقاني منو ف الجوزات قلت ليها منو قالت لي شهاب قلت ليها شهاب دا شنو كمان هوي ي منه انتي عشان انا بعيده منك عاوزه تاخدي راحتك اوعك ي منه انا م عندي غيرك ابقي علي روحك عشره قالت لي هسي دا شنو يمه بتتسرعي في الردود خليني اكمل كلامي قلت ليها طيب كملي منو شهاب دا قالت لي تتزكري الولد الف الاستوب المعاهو البت النهرت ابوي قلت ليها سجمي الولد المعاهو البت الصايعه ديك مالك ي بتي بتقابضي مالك ومالو قالت لي بتسكتي تسمعيني ولا بتالفي براك قلت ليها اها سكت ي بت كملي قالت لي انا واقفه في الشباك جنب الضابط عاوزه اخلص لي ورق كده وفجاه ابوي اتلفت وراي م لقيتو بقيت افتش ليهو وكنت ببكي لانو ابوي بقا متوحد وساكت م بتكلم فجاه لقيت الضابط دا في وشي ومتزكر اسمي قال لي منه الجابك هنا شنو كانو بعرفني وانا من غير م اشعر ردودي ليهو كانو. انا زاتي بعرفو قلت ليهو ابوي م لقيتو وكان مندهش قال لي خلاص اهدي انا بجيبَو ليك وبقيت منتظراهو وابوي شكلو جاع م كلمني لقيتو قاعد في مطعم وساكت م اتكلم مع اي زول واتغير شديد شهاب قال لي دا الراجل الشفتو معاك المره الفاتت قلت ليهو دا ابوي لو سمحت قال لي سبحان مغير الاحول بس مالو بقا ساكت قلت ليهو بياخد في علاج قال لي الجابكم هنا شنو قلت ليهو جينا نطلع جواز لي ابوي لاننا مسافرين قال لي انا ضابط شغال هنا وبخلص ليك ورقك كلو والجواز وم قصر معانا شكلو شهم قالت لي ي محاسن الصدفه في صدف مرات بتنفع قالت لي بالضبط كده زي صدفتنا بي شهاب ولمن خلصنا وصلنا حدي البيت قلت ليها منه اعملي حسابك خلاص خدمك وم قصر تاني م عندك معاهو شغله شفتي الاشكال المباريها ويا عالم دي تكون منو اختو مرتو م معروف الناس ديل م بشبهونا قلت ليها لا لا يمه م تخافي علي انا واعيه وم بنكسر للدنيا وعارفاني براك عاوزه اكمل طريقي واشتغل واحضر واتخصص م فاضيه لدا كلو وقبل كل شي ابوي ابقا كويس انا برتاح قلت ليها ان شاء الله هسي كيف هو قالت لي كويس وبسالني منك طوالي ويمه انا م قلتي ليهو انتي اتزوجتي لانو لمن نجيب سيرتك بكون مبسوط قلت ليها م تعشمي فيني ي منه انا خلاص طريقي وطريفو اختلف وانتي براك شايفه وضعي كيف قالت لي اكيد يمه وح اعرس ليهو ان شاء الله ورايك شنو نبيع شقتنا الف مصر نشتري ليهو بيت هنا قلت ليها لا حرام دا حقك وابوك لَو اتزوج ح اكونو عندو بنات واولاد وبيتو ح يعتبر ورثه انا م عندي مشكله جيبيهو اجي يسكن هنا ورايك شنو نشوف ليهو واحده ساكنه هنا قالت لي خلاص ممكن وابوي اشتغل في مصر في تجارتو دي زاتا قلت ليها تمام كده بتكون معاهو حلوه ان شاء الله قالت لي اديك تسلمي عليهو قلت ليها ممكن وادتني ليهو وحسيتو زي الطفل قال لي نوسه انتي وين خليتيني انا ومنه برانا وبقا ابكي انا لمن قلبي انقطع منه قالن ليهو ابوي امي اتزوجت انساها وانا ح اعرس ليك فجاه اسمعو هو جايط ومنه بتحاول تهديهو وتسكتو وهو اقول ليها لا لا نوسه دي مرتي انا وبقت تقنع فيهو وشكلها ادتو حبوب انا بقيت قاعده وببكي وكرهت الدنيا ي ريتني صبرت ورجعت ليهو بس كمان كل م اتزكر انو كسرني بقول الحمد لله ع قسمتي مع محمد وربنا يبارك ليننا في ايامنا ويرزقو بالاحسن مني قفلت التلفون ميان جات قالت لي جيعانين ماف اكل ولا شنو قلت ليها في ان شاء الله قالت لي يمه مالك بتبكي م قدرت ادس منها قفلت الباب وحكيت ليها بي حمزه انو لمن عرف اني اتزوجت حصل ليهو شنو قالت لي يمه معليش حمزه نصيبو كده وانتي عارفه ابوي عبيط فيك لو عرف الكلام دا ممكن اجن هو زاتو وعشان م اجنو الاتنين خليك مع ابوي وحمزه ان شاء الله ح يبقا كويس وح يتعالج وح يتفهم الموضوع وح يتزوج ويجييب اولاد ان شاء الله قلت ليها ان شاء الله ربنا كريم عليهو مسكين م يستاهل بس حقو عند الله م بضيع وربنا ينتقم من اي زول ظلمو محمد جا داخل قال لي حمزه تاني وشكلو زعل ميان طوالي فاتت قلت ليهو محمد مالك فشنو بسم الله انا والله حمزه م شغاله بيهو ولا في بالي بس منه كانت تحكي لي وانا حكيت لي ميان م اكتر ولا اقل وبعدين انت م واثق فيني قال لي واثق بس بغير افهمي قلت ليهو يلا عشان نكون واضحين منه جايه وجايبه معاها ابوها اها بعد تشوفو واكون معانا ح تغير يعني عشان اكلم منه م تجيبو محمد بقا ساكت قلت ليهو محمد دا ماضي ممكن م تتاثر بيهو خلينا نعيش حياتنا وانا والله اوعدك غير ليك م ح اكون لي راجل تاني محمد بقا سرحان حسيتَو دموعو رقرقن قال لي انا اي واحده احبها واتعلق بيها تفوت تخليني عشان كده بقيت خايف وانا م اكذب عليك م عاوز حمزه يبقا كويس خايف من منه تقول ليك ارجعي ليهو قلت ليهو محمد سجمي عشان سعادتك انت والفي نفسك انت تتمني للناس الشر كدي استغفر م تشرك بالله واتمني ليهو يبقا كويس م عشاني انا عشان منه بتو نفسها ابوها
يبقا كويس وانا والله ي محمذ حمزه لو بقا اخر راجل في الدنيا دي انا تاني م اعاين ليهو انا لو تعبت وجاتني نفسيات بسبب حمزه المفترض اجن انا م هو بس انا ايماني بي ربنا قوي واتقبلت قسمتي بصذر رحب م اتجزعتا وربنا عوضني بيك اقوم اخرب حياتي بي يدي لي انسان م بستاهل وزي م سمع كلام امو وانها دايره ليهو الجنا وملت راسو وعرس فيني وجدعني بعد ابقا كويس وربنا يفتحها عليهو والقا زول. يملا ليهو راسو ح يجدعني انا تاني وانا م صدقت لقيتك انت ورضيت بكل عيوبي واحتويتني ورغم الفيني حسستني اني عظيمه وم قصرت مني فكرك انا تاني ح اعاين لي غيرك لا والله انا م قليله اصل واي نعم انت م حبي الاول بس حبي الاخير ونفسي اكمل معاك باقي عمري انت انسان م ساهل علي قال لي الله يكرم اصلك ي غاليه ويحفظك ونكمل حياتنا مع بعض ونعرس لي منه وميان ومهاب وميناس قلت ليهو ان شاء الله بس ممكن طلب عشان منه بتي م تتاثر بي حمزه قال لي لا لا انا ثقتي فيك كبيره وزي م قلتي حمزه دا ماضي وانا م ح اتاثر بالماضي وربنا يشفيهو ويعافيهو قلت ليهو ان شاء الله وارح بعد كده استحما عشان اجهز الغداء ميان دي قبيل قالت جيعانه قال لي طيب امشي انا بلحقك
مرت الايام ونحنا في تجهيزات خطوبه ميان وعلي ام علي اتصلت على قالت لي دايرين نجيب هديه لي ميان وغلبنا الاختيار قلت ليها لا لا م ح يقبلوها منكم تعالو حققو الخطوبه وتاني بنمش السوق انا وانتي ونجيب ليها الهديه قالت لي خلاص
امي اتصلت على قالت لي منه جاها عريس قلت ليها عريس منو يمه قالت لي احمد صاحب حمزه جا اشوف حمزه وقال لي انا. منه دي دايرها لي ولدي وبعد حمزه يبقا كويس بنجي انا وولدي نخطبها قلت ليها والله احمد دا راجل وولدو اكيد ح يكون زيو بس كمان انا م عندي راي الا منه توافق وسالتها من منه قالت لي جاها تلفون وقالت ماشه تجيب علاج لي ابوها قلت ليها منه بتعرف للسودان شنو يمه لمن تخليها تطلع براها وعلي وين قالت لي علي شغال الايام دي بجي نص الليل ولا بنشوفو الا لمن اجي طالع الشغل بجي اصبحنا واشوفنا دايرين شنو قلت ليها الله يوفقو جاري في موضوع التخصص دا وقرايتو كتيره وقال بعد امتحن طوالي بجي مصر وبجيبكم قالت لي اي كلمني قفلت من امي وقلبي اكلني على منه اتصلت عليها قلت ليها انتي وين وكنت زهجانه قالت لي يمه انا برا البيت بعد ارجع بكلمك وكان جنبها صوت ولد قلت ليها منه اياك تقفلي الخط والمحل الانتي فيها ترجعي منها وهسي ي منه وكنت بكورك فيها وشكلها اتحسست وعرفت انو معاها ولد ودعتو وفاتت وانا كنت في الخط قلت ليها بي درب ابوك تضيعي لي انتي بكره في اقرب طياره تجي وم عاوزه كلام معاك منه قالت لي يمه انتي بتديني فرصه افهمك ولا بتجوطي ساي قلت ليها تفهميني شنو انو جاك تلفون من ولد وطلعتي قابلتي وغشيتي امي قلت ليها ماشه اجيب داوء وانتي جريتي قابلتي الولد انا اقول ليك برافو عليك وشاطره ي بتي ودايراني اسكت صاح قالت لي لا م تقولي لي كده خليني اصارحك طيب قلت ليها اها قولي قالت لي يمه دا شهاب قلتا ليها سجمي ي بتي الله اكفيني شر الولد دا موش انا حزرتك منو قالت لي يمه شهاب قاصد خير وجا البيت عشان يطلب يدي وانا موافقه يمه...............
