رواية انكسار انثي
الفصل الثاني والعشرون
بقلم نوسه حمد
قبل اكتب م شاء الله عليكم تخمينكم كلو قاعد يطلع صاح انا متابعه الروايه في كل القروبات الاتنشرت فيها وكلامكم او تخمينكم قاعد اكون صاح م عارفه انتو بقيتو تقرو افكاري ولا اسلوبي بقا واضح ولا شنَو م عارفه ودي حاجه كويسه بالنسبه لي اني اصبت الهدف زي م قدرتو تخمنو باقي الاحداث دا دلاله ع تركيزكم مع الاحداث واستفادتكم من المحتوي ودا الدايراهو انا والله ❤️❤️♥️♥️♥️
منه قالت لي امي دا شهاب وانا عاوزاهَو قلت ليها لا والله شهاب دا م بنفع معاي كفايه جدا شكل البت الكان راكب معاها وم معروفه دي لاقطه من اي بلد وديل م من توبنا وانتي جاك عريس وانا والله م بفوتو قالت لي يمه انتي عاوزه تعرسيني غصبا عني وبعدين دا منو العاوزه تعرسيهو لي قلت ليها م شغلتك لمن الموضوع دا يكون جادي ح تعرفي وسريع ارجعي البيت ي منه عشان م تفعليني كتير وقفلت الخط في وشها وبقيت قاعده وقلبي في يدي بتي تعبت فيها ربيتا عشان اشوفها في اعلي المراتب تقوم الدنيا توقعا في شهاب ضابط ولا شيطان لي نفسو وبقيت سرحانه لدرجه ميان تتكلم معاي وانا م سامعاها لمن لكزتني قلت ليها والله م شفتك كنتي وين انتي قالت لي من قبيل بقول ليك ماما انتي ولا سامعاني قلت ليها معليش ابوك جا ولا شنو قالت لي لا لا جيتك في موضوع احكي معاك قلت ليها خير ان شاء الله قالت لي منه كنت اتكلم معاها وكانت تبكي انتي ليه قلتي م عاوزه شهاب قلت ليها جنت البت دي بتعرفو من وين عشان تبكي عشانو ومنه دايره تدمر نفسها بي يدها قالت لي اديها فرصه تتعرف عليهو قلت ليها لا اشكال الولد دا م بتنفع معاي انتي م شفتي القونه الكانت راكبه معاهو ويا عالم دي تطلع شنو نبزت حمزه ودايره توقعو ف الارض وهو كان الزمن داك م واعي هسي لو طلعت اختو بعدين تطاعن منه بالكلام لا لا ي ميان منه خليها بتناقش معاها انا وم تشتغلي بيها وانتي خليك من دا كملتي باقي الحاجات لانو م عندنا زمن وابوك جنو وجن اكونَو جايين ضيوف وم نكون جاهزين قالت لي اي شي جاهز هن ديل اي ضيوف دا علي واهلو قعدت اضحك قلت ليها حبيتي ي ميان قالت لي بدون خجل ي ماما علي دا فيهو كل مقاييس الرجوله والجمال والرقي والادب والشهامه قلت ليها اي والله علي انا لقيتو وحيد وفي شقه انا وهو برانا اقسم بالله كانو اخوي م عاين لي قال البت دي انا وهي برانا احترمني واحترم سني وساعدني كتير لغايه م جينا مصر يعني ولد بميه راجل ولو هَو ما شايف منه زي اختو والله كان خطبتها ليهو احسن منن المقطع الجايباهو لي ومنه زاتا امي قالت لي صاحب حمزه قال دايره لي ولدو واحمد دا زول ممتاز اكيد ولدو ح يكون ممتاز زيو قال لي عم احمد صاحب حمزه صاح قلت ليها اي ياهو امي قالت لي قال داير منه لي ولدو واخير لينا ديل
ناس بلد ونسبهم مشرف احسن من شهاب المقطوع من شجره دا قالت لي ماما شهاب ود عمو احمد صاحب حمزه قلت ليها شنو شنو قالت لي والله صح قالت لي منه كده بس قالت انتي م اديتيها فرصه تتناقش معاك قلت ليها اوب علي انا غبيه الخوف منه تكون قالت لي شهاب انا م دايراك كدي اتصلي عليها اتصلت لي عليها قلت ليها منه صحي شهاب ود احمد قالت لي اي طيب شنو البت الكانت معاهو ديك قالت لي م اديتيني فرصه عشان اشرح ليك البت المعاهَو دي كانت خطيبتو بت خالتو وغصبتا عليها امو َوهو من الاول م كان عاوزها وانا الكلام دا حكاهو لي عم احمد وانا لمن لاقيت شهاب قلت ليهو الكانت معاك دي هي قال لي اي وقال لي دي ما الزوله البحلم بيها انا من الاول م ركبت في راسي بس خوفتا ع مشاعر امي لغايه م شفتك انتي والظروف جمعتنا في الجوازات وقريت اسم ابوك واتزكرت ابوي مره كنت برتب معاهو في اوراق ولاقاني الاسم دا لمن مشيت سالتو منو حكا لي قصتو وانا قلت ليهو لاقيت بتو في الجوازات وهو اتحسن وبقا كويس ابوي اصرا اجيكم وعم احمد اتصل علي انا نزلت لاقيتو يمه ولمن لقيت معاهو شهاب لمن انخلعت وعرفني عليهو قال لي دا ولدي ومن الاخر معجب بيك ودايرنك ليهو وانا م حبيت اقول الكلام قدام اهلك لانو م عارف رده فعلهم شنو بس جبتك تتعرفي عليهو ولي الشرف انك تكوني مرت شهاب ولدي وانا غلبني ارد عم احمد فات دخل لي حبوبه وخلاني واقفه مع شهاب اتكلم معاي شويه وحكا لي عن نفسو وعن خطيبتو وبدا لي بي عيوبا ومن ضمن عيوبا انها م بتشبهو ولا من توبو زي م قلتي انتي ودي حاجه خلتني اوافق عليهو وبعدين هو ولد عم احمد وانتي. م شفتي يمه عم احمد دا بحب ابوي كيف لو العافيه والصحه دي بدوها كان بديها لي ابوي ورغم انو جمعهم السوق والشغل بس
شال همو اكتر من اخوانو الاتمتعو بي عزو وجننوهو زياده قلت ليها الحمد لله ي بتي البقا كده وربنا رايد لينا نقوي علاقتنا اكتر وانا موافقه وابوك لو بقا كويس ولا بتردد بعقد ليكم وقتي وقعدت ازغرت ودموعي عشره عشره محمد جا داخل قال لي فشنو ي نوسه قلت ليهو منه جاها عريس ووريتو ليهو واديتو منه بارك ليها وميان وميناس كانو مبسوطين وطايرين من الفرحه
مرت الايام وعلي امتحن امتحان التخصص وجا مصر بي اهلو ومعاهم منه وابوها وم شاء الله حمزه اتغير شديد وبقا طبيعي لمن سلمت عليهو قال لي مبروك ليك تستاهلي الاحسن مني وربنا عوضك وانا ربنا عاقبني واخد ليك حقك والحمد لله منه بتي الله اديها العافيه م قصرت مني ولا قالت ابوي مجنون وجدعتني زي م عملو اخواني الله يسامحهم قلت ليهو لخير ي حمزه وان شاء الله نحنا نخطب ليك من هنا وبيتي الاشتريتو فاضي اقعد فيهو وامي عندها قروش ف البنك شغلهن ليها انفعا واستفيد منهن امي طرحت لي الموضوع دا قلت اشاورك قال لي انا م عندي مشكله والربح بينا ان شاء الله قلت ليهو تمام كده وربنا يوفقك قال لي صحي منه مبروك ليها شهاب ولد راجل ود رجال وسبحان الله ي نوسه زمان لمن احكي لي احمد بي منه بقول لي انت ي حمزه بتك دي اكيد ملاك لانك م بتحب الاطفال كونَو تكون متعلق بيها كده دي اكيد نسمه وكان طوالي بقول لي حاجزها لي شهاب ولدي واقوم الزمن الف وادور وانا اكون مجنون وم اقيف الا جنب عربيه شهاب وبرضو الزمن ادور ومنه تجي تطلع لي جواز ولاقيها شهاب ويقرا اسمي ويتزكر الاسم دا مرا عليهو ولمن مشا حكا لي ابوهو قال لي م صدقتا قلت ليهو دي بت الغالي زميلي في التجارة والموضوع دا كلو حصل بي طريقه م مدروس ليها بس القسمه لفت وجات لمنه وانا اديتهم كلمه والله م بفوت ولد احمد قلت ليهو انا زاتي قلت لي منه قولي ليهو موافقه احمد دا لمن مرضتا الوحيد الحسيت بيهو واقف جنبك وشفت في عيونو خوف عليك عكس اهلك وانفال الخاينه قال لي انفال ربنا ينتقم منها دمرت لي حياتي قلت ليهو انت زاتك ي حمزه بتعرس ساي بت كانت لافه مع متوكل قبليك اقومو اخططو عشان اغشو عليك والسوق كلو عارف كان انت عقلك فات وين م عارفه قال لي شنو لافه مع منو عرفت انو حمزه م عرف الحقيقه لسه انا بقيت اتمتم ودايره اتحججج امش منو حمزه بسال فيني وانا اتهربتا منو لاقتني منه ف وشي قالت لي يمه مالك ومالو ابوي دا وشو مخطوف كده انا بقيت اتمتم غلبني البقولو حمزه قال لي نوسه انتي كنتي عارفه انهم بلعبو علي وسكتي ليه تكستي لي ناس عاوزين ادمروني وادمرو حياتك ويفرقونا منه قالت ليهو دقيقه ي ابوي امي زاتا م كانت عارفه انا العرفت الكلام دا وحكيتو ليها قال ليها انتي بتعرفيهم من وين عشان تعرفي قصتهم....
