رواية انكسار انثي
الفصل الثالث والعشرون
بقلم نوسه حمد
حمزه بقا يشاكل فيني قال لي انتي عرفتي قصتهم من وين وليه سكتي بعد دمروني ودمروك ودمرو بتنا انا غلبني اتكلم لغايه م جات منه قالت ليهو لا ي بابا امي م كانت عارفه انا الوريتا قال ليها انتي اصلا عرفتيهم من وين عشان تعرفي ماضيهم قالت ليهو بابا ممكن تهدا شويه النقاش م بفيد في الحته دي واقتنع انو دا كان ماضي وم تتاثر بالدنيا ي ابوي وم تنكسر ليها هسي الكان مفترض اجن انت ولا امي الاتشال رحما وجبتا فيها مره وفي المره جبتها بت عمتا المفترض تجن هي والله بس امي كانت قويه م اتاثرت بالدنيا ومواجعا انت عشان قروش جنيت جنيت في حاجه ممكن ترجع ليك مع مرور الزمن بس امي الحصل ليها م برجع تاني وبعد دا كلو وقفت قدام الظروف والمواجع وبقتني دكتوره وم حسستني اني ناقصه وانا م بحكي ليك في الكلام دا ي ابوي. عشان تشوف معاناه امي انا بحكي ليك وبضرب ليك ف المثل عشان انت تكون قوي وم تتاثر بالماضي ولا الحاضر الما معروف يحصل فيهو شنو كون قوي ي ابوي م تغلبك الدنيا ودا الكلام القالو ليك الدكتور قاوم الظروف م تخلي الظروف تسيطر ع عقلك والدنيا دي الحصل فيها كلو ابتلاء وامتحان من ربنا امي نجحت فيهو وانت اخترت عالم تاني والحمد لله صحتك رجعت ليك م عاوزاك تنفعل والحا اقولو دا صعب بس خت ف راسك دا ماضي يابا م تتتاثر وماف شي بستاهل زعلك انا محتاجه ليك تعرس لي ومحتاجه ليك تجيب لي اخوان ومحتاجه حسك ف الدنيا ممكن
حمزه اتاثر قال ليها الله اكملك بي عقلك ي بتي وصح كلامك رغم كسر امك م بنجبر وصبرت عليهو وانا كسري البنجبر اتجزعتا وم نلت من الدنيا شي بس بحمد ربنا عليك وباس منه في راسها منه قالت ليهو العفو ي ابوي انت م براك انا امك وابوك واختك واخوك وان شاء الله الجاي خير موش يمه قلت ليها اكيد والله ابوك راجل م ساهل يستاهل كل خير وان شاء الله الجاي كلو خير منه حكت ليهو الحصل وحمزه كان مندهش وم مصدق وبقا اتعوذ منهم وقال ليها انا ح اصدق كلامك انو حقيقه انا متوكل دا كان بتصل علي طوالي اقول لي ماشي مشوار بي عربيتك ولمن اطلع ليهو بقول لي ارح نشرب قهوه وكانت بتلاقيهو بت عامله فيها حبيبتو وكانت بتجي معاها انفال لغايه م انا اطمئنيت لي متوكل وكل مره بمشي معاهو وهو الكان سبب في تعارفي لي انفال معناتا فعلا دي خطه ويخسي عليهم الاتنين وربنا انتقم منهم منه قالت ليهو اللهم لا شماته ربنا شال ليك حقو وحكيت ليهو بي اولادو قال لي لا لا دي م بشمتو فيها ديل مهما كان اطفال ابرياء بس ربنا داير اعذبهم واصعب حاجه امتحان ربنا اجي في جناك ان شاء الله الله يشفيهم وحقي م عافي ليهم وقلت ليهو اخوانك م صدقو انك مجنون وطردوني قال ليها م بستبعدا منهم واها امي م كان عارف امو ماتت انا غلبني اتكلم ومنه بقت تعاين لي حمزه قال لينا مالكم سكتو امي مالا عيانه منه قالت ليهو امك تعيش انت وحمزه قعد ابكي لمن بالجلاله سكتناهو وحسيت بيهو بقا كئيب ووحيد ف الدنيا الخربو حياتو خلوهو وكل زول في نفسو وياها الدنيا كده الزول فيها بطعنك وبعد اصيبك بفوت اخليك
هدينا حمزه ومنه قالت ليهو انا جنبك انا اعتبرني اي شي م بتك بس قال ليها انتي غاليه بت الغاليه م انحرم منك ي بتي ♥️♥️
انا بعد سلمت عليهم رجعت البيت عشان اجهز حاجات العزومه وظبتنا اي شي والمساء منه وابوها وعلي وامو وامي وابوهو جو وحققو الخطوبه ومحمد الكنت خايفه اغير من حمزه حصل العكس من اول مقابله حسيتهم بقو اصحاب وكانت لمه ظريفه وقالو بعد يومين بجيبو الحاجات وفي قعدتنا ديك احمد اتصل ع حمزه قال ليهو شهاب عندو اجازه وجاينكم هناك نحقق الخطوبه وعندي ليك اقتراح انت تكون قاعد في مصر ونتاجر سوا وانا ف السودان والربح بينا حمزه رحب بي كلام احمد ومنه بتي كانت طايره من الفرح محمد قال ليهو فضل ليك المره ومرتك عندي ي حمزه قال ليهو طوالي قبل م اشوفا موافق قلت ليهو دي منو ي محمد قال لي اختي منال كانت متزوجه وزوجها اتوفا عندها بت واحده ومن الزمن داك م اتزوجت انا بطرح ليها الموضوع دا قلت ليهو منال تستاهل والله بت راقيه ورايقه ومكمله و الكمال لله
حمزه قال لي قلتي كده قلت ليهو اي والله قال لي من غير م اشوفا انتو كلموها انا شهر بالكتير اظبط وضعي واتزوج وح نسكن هنا م عندي نيه رجعه السودان تاني ولو وافقت بشيلا في عيوني محمد قال ليهو واثق وعشان انا اتم الموضوع دا هسي بتصل ليها وفعلا اتصل عليها وطرح ليها الموضوع ف الاول رفضت محمد قعد اكورك فيها قال ليها انتي شابه لي تدمري حياتك راجلك الله يرحمو ويغفر ليهو م تخلي ايمناك ضعيف انتي بت صغيره وانا ح اقول ليك كلام وافقتي وافقتي م وافقتي لا اختي لا بعرفك وكان زهجان قلت ليهو محمد بالغت لكن قال لي بالغت انا ولا هي الراجلا ميت ليهو ١٥ سنه م دايره تعرس قلت ليهو اديها فرصه منه شالت التلفون رجعت ليها قالت ليها انا بت حمزه العاوز اتزوجك وعليك الله وافقي انا م عندي غير ابوي وانتي واثقه منك اخت عم محمد اكيد ح تكوني طيبه زيو حمزه شال منها التلفون قال ليها عليك الله وافقي قالت ليهو انت منو قال ليها حمزه راجلك ونحنا موتنا بالضحك وهي زاتا وبقت ساكته خشما م فتحتو محمد قال ليها اها ردي نحنا فاتحين الاسبيكر قالت ليهو الله يتم ع خير وحرفيا كلمه ربنا يتم علي خير دي من اجمل الكلمات البتتقال لحظه الخطوبه وكلنا بقينا الفرحه م سايعانا وباركنه لي حمزه ومنه حسيتا كانو هم ونزل منها وسبحان الله الدنيا دي دواره ربنا اديك اطفال تكون شايل همهم وبعد اكبرو اشيلو همك هم ودي اللحظه البتحس فيها انك ربيت صح....
