رواية انكسار انثي
الفصل الرابع والعشرون24والاخيربقلم نوسه حمد
بعد منال وافقت علي حمزه بقا مبسوط انو خلاص الدنيا يعد م شالت منو ادتو وانا فرحت ليهو من قلبي ومنه كانت مبسوطه وقاعده جنب ابوها م فضل ليها الا تقول ليهو شيلني من الفرحه وليها حق لانها كانت ناقصه وفاقده حنان الاب
عدينا ايام وشهاب جا ومعاهو ابوهو وامو وحققو خطوبه منه وشهاب قال العرس شهر بالكتير
منه بتي كانت مبسوطه بشهاب واطمئنيت عليها محمد قال خلاص يعرسو سوا والعرس اكون هنا في مصر وحمزه اسبوعين واتزوج منال ومحمد حلف انو تكاليف العرس بتاع حمزه عليهو لانو حمزه ي داب كان داير يبدا شغل وان شاء الله منال تكون فاتحه خير عليهو حمزه قال ليهو اي شي تخسرو ح ارجعو ليك بعد اموري تظبط واتفقو علي كده
تاني يوم ام محمد ومنال واخواتو جو مصر لانو عرس منال قرب وشافت حمزه ووافقت عليهو وبقينا م ناقصين شي غير الفرحه الكبيره وبديناها بي فرحه حمزه وكانت اجمل لحظات وانا بجهز في منال لي حمزه وحمزه كان بقول لي رغم اني خزلتك وكسرتك لاكن عمرك م خزلتيني وبقيتي لي اخت بعد الطلاق والحاجه دي م بتعملا الا بت الناس المتربيه صاح قلت ليهو انت ابو منه وسعاده منه بتي فوق سعادتي ❤️❤️❤️❤️❤️
حمزه اتزوج منال وقعدو في شقتي ومنه جات قعدت معانا انحبست مع ميان لانو عرسها كان بعد اسبوعين وعلي واهلو كانو قاعدين في شقه امي وامي عامله فيها حبوبه علي وباعتنا بالرخيص لانها كانت بتريد علي وقبل م اقول داير ميان بتقول ليهو انا م نفسي الا احننك بي يدي وفعلا م قصرت معاهو رغم ماف صله قرابه بتربطنا بس ربطتنا قلوبنا الطاهره الما فيها زره حقد وحسد ♥️❤️❤️❤️❤️❤️
شهاب عمل عرسو هناك وجو مصر جاب اهلو وقعدو مع حمزه ومنال وم شاء الله علي منال كانت هاديه وطيبه وحمزه بقا متعلق بيها اكتر مني انا زمان والحاجه دي لاحظت ليها امي مرض حمزه غيرو كتير والحمد لله للاحسن
مرت الايام وجا يوم الزواج وعملناهَو في صاله واحده يوم مفتوح عزمنا كل الاسر السودانيه في مصر وطلع اجمل زفاف 💓💓💓💓
العرسان سافرو جزر المالديف لي شهر العسل 💞💞💞
مرت الايام اتصل على حمزه وشكلو مخلوع قلت ليهو مالك فشنو قال لي منال ليها كم يوم م قامت من السرير واكل م اكلت وهسي مشت الحمام ووقعت انا غلبني البعملو قلت ليهو دقايق ونجيك قبل محمد م يمشي الشغل صحيت محمد قلت ليهو حمزه اتصل علي وقال منال اختك عيانه لمن وقعت ومحمد بي طبعو حنين زياده عن اللزوم قام مخلوع لبس ملابسو ودورنا العربيه مشينا ليهم سوقناها المستشفي وحمزه كان مخلوع عليها بطريقه غريبه قلت ليهو لا لا خير دا ان شاء الله قال لي يعني شنو قلت ليهو ٩٩ في الميه منال حامل حمزه بقا م قادر اصدق وبقا اسال فيها انا لمن خجلت ومحمد شبعان ضحك مشينا عملنا الفحوصات وفعلا منال طلعت حامل وحمزه م مصدق ودموعو ديل عشره عشره وانا كنت م قادره اتحمل قلبي انقطع محمد حسا بي مسكني من يدي وباسني في راسي وانا دموعي ع الهبشه قال لي نوسه عشاني انا م تبكي انتي عارفه انا م بحب اشوف دموعك قلت ليهو دي دموع الفرح حمزه اتحسس قعد ابكي وقعد ف الارض قال لي اعفي لي انا السبب في الحصل ليك انا الحرمتك من اللحظات الزي دي محمد قال ليهو استغفر ي حمزه دي قسمه ربنا وان شاء الله الجاي احلي ونوسه عندها منه وميان وميناس ومهند قلت ليهو الحمد لله ربنا عوضني وم زعلانه ي حمزه بالعكس دي دموع الفرح لي منال باركت لي منال وحمزه ماسكها من يدها وطالعين وانا م اقيف الا جنب انفال لمن انخلعت وشهقت حمزه اتلفت وبقا متجمد في محلو محمد قال لي مالك م رديت انفال قالت لي نوسه كيف انا من الخلعه سلاما م رديتو بقيت اعاين لي حمزه وحمزه اعاين لي حمزه جا ماسك منال ومتكلها عليهو قال ليها مرت متوكل كيفك محمد عرفنا اننا بنعرفهم قالت ليهو اهلين كيفك ودا شنو لقا السحاب دا قال ليها م عرفتك منال زوجتي اخت محمد زوج نوسه قالت ليهو م شاء الله وسلمت على منال قالت ليها كفاره حمزه قال ليها الحمد لله مرض عافيه انفال وشها بقا احمر متوكل اظنو مشا مع ولدو عندو جرعات وكانت حالتو تحنن ومتوكل بقا اسود م عرفتو من الهم ولا دا حق الناس لمن شاف حمزه لمن انخلع ورده فعل حمزه كانت م متوقعه نهااااي بعد العملو فيهو سلم عليهو وكانو م بينهم شي حسيت متوكل خجلان بقا مدنقر ف الارض حمزه قال ليهو م تخجل ولا تاخد في بالك وانا م ح اقول ليك عافي ليك لانو العملتو فيني م بعملو راجل ود رجال معقوله انا تمثلو علي وتعرس لي حبيبتك يا ديوث والبركه حصل لي الحصل عشان م اشوف خيبه املي متوكل بدا اعتزر حمزه قال ليهو لا لا خليك طبيعي م تعتزر وانا بفضل ربنا وقفت علي حيلي وربنا اكرمني بزوجه والرزق الحلال م محتاج لي حقي العندك وان شاء الله انفعك ومال الحرام م بنفع وحمزه اضايق شديد قال لينا ارح ومشينا خليناهم
محمد قال ليهو انت راجل ي حمزه والحصل ليك كلو امتحان وربنا عوضك وان شاء الله الجاي احلي قال ليهو اكيد حمزه مبسوط بالخبر اتصل لي منه كلمها َمنه طارت من الفرحه قالت ليهو اخيرا ح تكون عندي اخت والف مبروك
مرت الايام والشهور ومنال جابت ولد سموهو محمد علي زوجي ♥️♥️♥️
ومرت السنين منه وميان الاتنين ولدن بنات وسموهم علي نسيببه ♥️انا كنت معترضه بس هم حلفو انهم اسمو علي
ومهند ولد محمد هاجر امريكا وميناس اتزوجت ولد عمها والوحيده الرجعت السودان
وحمزه الله فتحها عليهو وبقا اكبر مورد بورد البضاعه للسودان وربنا اداهو من نعيمو بالطابق لي حقو القديم رجع لي امي قروشها وبعد دا بقا الربح بينهم وكان مبسوط انو وقفنا معاهو
ومشينا الحج انا وامي ومحمد ♥️♥️♥️♥️
وهناك عرفت من ناس من حله حمزه انو متوكل اولادو الاتنين ماتو وانفال اطلقت منو وسرقت كل قروشو وهربت بيهن وهو جنا وكان اكعب من حمزه 💔💔
اهل حمزه بعد سمعو بي حمزه كل مره اجيهو واحد من اخوانو ورغم انهم م وقفو معاهو بس نهاي م خزلهم ♥️♥️
ودي كانت نهايه #انكسار انثي ✋✋✋✋اتمني تكون عجبتكم واقبل النقد ♥️✋
اهداف الروايه
اول هدف والبشمل الروايه كلها انكسار انثي والانثي م بتنكسر لي اكسرها بني ادم تخت فيهو الثقه الكامله زي نوسه ولدت ولاده مبكره والجهل الحاصل لي نسيبتا كان سبب في دمارها والقصه الحصلت ليها في ناس كتار راحو ضحايا دايه بتتهجم م بتعرف للولاده شي عشان كده نصيحتي ليكم مهما كانت المستشفى بعيده م تخلو دايه تتهجم فيكم وفي كتار ماتو عديل 💔
تاني شي النسيبه الكعبه والله النسيبه لمن تكون كعبه اخير منها الواحده تكون بايره وقاعده ف البيت وزي م انتي بتحبي لي بتك حبي لي بت الناس واحترميها عشان تحترمك وتقدرك وتقيمك وم ح تلقي منها غير كل خير 💖م توجعيها لانو انتي بتوجعي ولدك قبل م توجعيها هي
تالت شي الدنيا بي مواجعها لازم مستقبلها بصدر رحب وم نستسلم لوسوسه الشيطان الممكن يجننك وممكن يخليك تتصرف تصرف يبقا ليك في وشك طول م انت حي خلي إيمانك بالله قوي واستقبل المصايب برضا زي م بتستقبل الافراح بي بسمه ومن توكل علي الله فهو حسبه وحقك لو ف الدنيا ضاع عند الله م بضيع ازعل يوم يومين استغفر بتهدا وم تزعل في حاجه ممكن تتعوض زي م حصل لحمزه زعل عشان ود عمو قدر بيهو َشال قروشو الصدمه جننتو بس كان ناسي انو في خسارات بتتعوض بالعزيمه والصبر ما بالتجزع وعدم الصبر والايمان القوي في حاجه زي دي مشكله
رابع شي دور منه لمن عرفت المجنون الواقف ف الشارع واضايقو منو الناس ومن شكلو دا ابوها وم قالت انا لابسه ومميزه بكل فخر ضمتو عليها رغم انو كان م واعي وعملت الصاح الانا كنت بقول لي اهلو اعملو ليهو ودتو لطبيب نفسي لانو الحاجه دي م بي يدو
خامس شي الجن م عيب وبالذات زي البجي ناتج صدمه ودا علاجو ساهل طبيب نفسي اقيف مع المريض يشجعَو اولا ويقدر يقنعو انو الجاي خير ومع العلاجات المريض امورو بتظبط بس الجهل في الحته دي بالذات م حبابو زي م حصل لحمزه امو ودتو لي شيخ ربطو وجلدو طير ليهو اي شي في راسو وجننو زياده ودا م شيخ دا متخفي ورا الدين ياريتو قرا ليهو قران ولا رقيه بس كل القدر عليهو اول نقطه ختاها انو مجنون ممكن يربطو والحاجه دي زادت الطين بله في حاله حمزه بس ربنا كريم جمعو بي بتو وعملت الاهلو م قدرو يعملو
سادس حاجه حق الناس م بنفع وبضر سيدو وفي ناس كتيرين اكلو حق الناس وظهر في جناهم وربنا حرق حشاهم ولا اتهنو بالشالوهو عشان كده ارضو بالقليل ربنا بزيدكم وابعدو من حق الناس بي كترتَو ح يمسح الوراكم والقدامكم زي م حصل لمتوكل خطط لزواج حمزه عشان يسرقو وفعلا نجح في كده واتزوج واحده خاينه بتقبل عادي تعيش مع دا ودا عشان تشيل قروشهم والاتفق معاها في النهايه غدرت بيهو وجننتو وفاتت خلتو وم اظن يلقا البقيف جنبو لانو علي نياتكم ترزقون ونيه متوكل من الاول حسد وحقد وحصد عذاب الدنيا 💔💔💔💔
سابع شي المشاكل بين الاهل الناس تختها بي جنبه وم تختها قدامها وتعيش عشان تنتقم في بعض لانو هم ف النهايه اهل وماف داعي لي انهم يورثو اولادهم مشاكلهم القديمه واتمنو انهم يتصالحو موش اتمنو الاكعب زي م حصل مع انفال ختت مشاكل امها قدامها وبنت عليها الشر 💔💔💔💔
تمت
