رواية غدر الزوج
الفصل الثاني2
بقلم سهي وليد
و راسك المرفوع دا بتنزلو اقنعت ابوي و عملنا احلا عرس
نرجع للحاضر
نجوى: هاك دا كرت لقيتو في ملابسك عمر: مالك قالبة خلقتك من الصباح نجوى: ولا شي عمر: ي بت دا حب 5 سنين من نبرة صوتك بعرفك نجوى: مضايقة من ناس البيت ديل ما بهتمو لي شعوري ما يهتمو علي الاقل يتحرموني شوية عمر: احكي الحاصل نجوى: يقولو علي عاقر 3 سنه ما ولدت ليك حريم اخوانك ما بخلو فرصة ما بذلوني فيها و حماتي قالت انا شوم عليك و بقيت ابكي من جوا عمر: هششش اهدي كله بهون ربنا ما قسم لينا بيبي لسه و انتي عارفة انا ما بخليك و انتي ما عاقر فحوصاتك كلها نضيفة و بالنسبة لي حريم اخواني ما تشتغلي بيهم بغيرو منك بس عشان مزة و قمر و امي مناها حفيد مني بس ما معروف الاقدار انتي ما تشيلي هم ي ستي انا بحبك ما عايز دموع تاني و لو خلصتي بكا اعملي لي القهوة عشان اتاخرت بالجد كلامو ريحني شديد عملت ليو القهوة شرب و طلع الشغل مع اخوانو عمار محمد و مهند هو الوسط و زوجاتهم اشجان مرت عمار و رهف مرت محمد و مهند مرتو داليا كلهم بي اطفالهم ما شاء الله و انا بحب اولادهم شديد بس ما بحب اقرب منهم عشان ما يقولو حسد نزلت لقيتهم كلهم مجتمعين
نفسية: نجوى الليلة تعملي الغداء انتي داليا حامل ما بدور اشغلها في البيت نجوى: ما شاء الله مبروك ي داليا داليا: عقبالك هههههه و صحكت ضحكةة شماتة قلبي وجعني بس ما ظهرت ليهم دخلت بجهز في الغداء و الدموع مالية وشي اتذكرت كلام عمر هديت شوية طلعت غسلت الحوش و رتبت الصالون و ديوان الرجال طلعت شقتي رتبتها و كان في كم غيار غسلتهم و جيت كويت ملابسي قلت احسن امشي ناس امي ارتاح نفسيا من الوضع الكله حقد و نبذ دا زمن العشاء صليت و نزلت تحت لقيت رجال البيت جو الا عمر اتصلت عليو تلفوني ما بخش عملت شاي اللبن بي كيك لانو متعودين عليو اي واحدة بتتونس مع راجلها و مع حماتي الا انا زول قال لي امسيتي كيف ماف عكس لنا عمر يكون قاعد الاضواء كلها علينا لانو بتونس معاي و مع نسوان اخوانو يعني ما بحسس زول انو هو غريب و انو كلنا اهل بس للاسف هو مافي نجوى: محمد عمر وين ان شاءلله خير ما رجع معاكم محمد: اااا نسيت اكلمكم عمر سافر مدني زميلنا في الشغل امو اتوفت مشا يعمل الواجب تقريبا لسه ما وصل لان في الشارع الشبكة كعبة نفيسة: لا اله الا الله
قربت ابكي طبعا طوالي لميت حاجات الشاي غسلت العدة طلعت بيتي....