رواية انكسار انثي الفصل الثاني2بقلم نوسه حمد
طلعت من العمليه وكنت تحت تاثير المخدر وشايفه ناس كتار بس شايفاهم طشاش و م عرفت زول غير حمزه وفعلا الشوف بالقلب وبقيت اتكلم وحاسه صوتي تقيل قلت ليهو حمزه انا وين قال لي انتي في المستشفي حبيبتي ارتاحي م تهلكي نفسك بالكلام قلت ليهو وصوتي تقيل حمزه بتي وينا قال لي بتك كويسه انتي بس ارتاحي قلت ليهو لا لا جيبا لي قال لي لا م بدوني ليها صغيره في الحضانه وم بطلعوها الا لمن تتم اياما قلت ليهو سمح سوقني ليها قال لي انتي تعبانه ارتاحي حبيبتي فجاه سمعت صوت قالت لي حمد لله على السلامه وحسيتا مسكتني من يدي وانا شايفاها طشاش قلت ليها انتي منو قالت لي عرفتي حمزه وم عرفتي امك قلت ليها يمه انا قلت م بخلعك وصوتي كان تقيل وكلامي مركرك شي افهموهو وشي م افهموهو وقلبي كان حاضر بس لي راجلي كل دقيقه اقول اسمو وهو ماسك يدي اقول لي الكلام بتعبك انتي طالعه من عمليه انا هدا جنبك ارتاحي قلت ليهو لا لا انت م جنبي انت بتفوت الشغل قال لي شغل شنو وبتي في الحضانه ومرتي في المستشفى انا م ماشي ي نوسه وممكن تسكتي حبه حسيت نفسي نعسانه غمضت عيوني بعد زمن وعيت ولقيت حمزه قاعد جنب راسي انا بقيت م عارفه الحصل لي شنو حاولت اقوم وحسيت بطني شاداني حمزه قال لي نوسه دقيقه مالك مخلوعه كده قلت ليهو بطني حارقاني وانا وين والحصل شنو قال لي انتي جاك نزيف وجينا عملو ليك عمليه وقفو النزيف قلت ليهو طيب بطني مالا مشدوده قال لي عشان العمليه قلت ليهو
حمزه انا مالي انت مفتكرني م بفهم وريني وبتي ماتت صاح قول لي ي حمزه عليك الله وكنت ببكي وحاسه بالم فظيع قال لي ماف شي وم قدر اتكلم معاي طلع وكانت دموعو مطر انا حسيت في شي امي جات داخله قالت لي حمد لله على السلامه يا بتي قلت ليها يمه بتي ماتتت صاح قالت لي اريتا كان ماتت البت بتتعوض من الحصل ليك وامي قعدت تبكي انا هنا غلبني البعملو قلت ليها يمه الله يرضا عليك فشنو ومدام بتي كويسه الحصل لي كلو م مهم انا بس منتظرا منه بتي بفارق الصبر وبتشبه ابوها صاح قالت لي م شفتها وكانت بتبكي قلت ليها يمه افرحي لي دا مولودي الاول وم تبكي وانا م قصدت م اكلمك بس انا بطني وجعتني فجاه قالت لي اريتك كان كلمتيني م كان الحصل ليك دا كلو حصل قلت ليها يمه الحمد لله الحصل كلو لي خير وهدا وقفو لي النزيف يمه قالت لي الخير يجي وين وانتي صغيره وجاهله وشالو ليك رحمك(عارفين يعني شنو تمري بلحظه زي دي يعني موووووووت) قلت ليها يمه رحمي م شالو قالت لي وكمان م مكلمنك والليله اوب علي وانا بتي انتهت وانا بتي ادمرت امي شغاله تنوح وتعزي انا غلبني ابكي ولا اعمل شنو صدمه كانت حاره علي قلت ليها يمه انا تاني م ح الد يعني وامي م بترد بترد بي بكا قلت ليها يمه حمزه ح يعرس فيني وبرضو م ردت على قلت ليها يمه وم ح اجيب ولد 💔ولو بتي الفي الحضانه دي ماتت يمه م ح اكون في زول اشيل اسمي واقول لي يمه انا حسيت نفسي ح اموت وامي متجزعه اكتر مني ربنا لهمني الصبر وقلت اللهم اجرني في مصيبتي واخلف لي خيرا منها ودموعي كانت سيل وحمزه نهاي م جا داخل ولا شفت امو ولا زول وامي شغاله تنوح ي حليل بتي العمرا ١٧سنه وعرستها لي جاهل ويا حليل بتي الدمرت حياتا وجدعتها في بلد ناسا جاهلين وي حليل بتي الانحرمت من الجنا وانا اي كلمه بتنوح بيها امي بعد ي حليل بتي كانت بتكتلني اكتر من المصيبه الانا فيها وبقيت ببكي حسيت انو جرحي انفتح وامي شغاله تنوح علي قلت ليها يمه طمنيني وطمني قلبي انتي امي كوني اقوي مني انا بقوا بيك م تضعفي انا ح ادمر اكتر مما ادمرت تعالي احضنيني وصبريني علي مصيبتي دي💔💔كان م طمنتيني انتي ماف زول بطمني ولا في زول بشجعني ح ينظرو لي نظره شفقه 😢😢 امي كانت بتبكي كأني انا موتا وامي م قادره حسيت حشاها انحرق وكانت بتبكي بي حرقه حشا وانا اقول ليها يمه استغفري عشاني وحمزه م جاهل ودا نصيبي يمه م كان متوقع ولادتي تجي سريع امي قالت لي بتدافعي ليهو وهو الدمرك قلت ليها يمه عليك الله م تقولي كده حمزه بزعل وهو بحترمك شديد وامي كانت محروقه قالت لي م دايره لي منو اي احترام انا بعد الحصل منو دا 😥 مع كلاما داك حمزه جا داخل..
