رواية ست الشاي
الفصل الثاني2
بقلم سهي وليد
دخلت غرفتي و انا تعبانة من كل شي حولي و ما عارفة هل في الدنيا دي حا ارتاح او لا و اكتر شي نادمة عليه عدم تعليمي لو كان معي شهادة علي الاقل كان اشتغلت شغل محترم
نمت علي كدا تاني يوم صحيت من الصبح صليت طلعت لي عباية سودا عملت الشاي في الصبارة لي اخواني اي صح هم كعبين و اي شي بس مافي شي بمحي الشر الا الخير ابوي رباني علي كدا طلعت و الواطة لسه مضلمة الشمس ما طلعت بمشي بدري عشان اشتغل شاي اللبن وصلت طبعا عندي عريشة و شجرة دا محل شغلي قلت بسم الله و اصبحنا و اصبح الملك لله طلعت الكراسي في الشجرة برا و رصيتهم في العريشة طلعت العدة من الصندوق و ولعت ناري لقيت ريهام كبت لي موية و بستلة اللبن قاعدة غسلت عدتي من الغبار رشيلت عريشتي و داك ي صباح ما فيو ولا زبون جاء ساي لحدي الساعة عشرة قعدت صليت علي النبي صلى الله عليه وسلم كتيير و قريت صورة الضحى و الواقعة مشيت الفطور بنتلما ستات الشاي كلنا و بنفطر لمن رجعت لقيت زباين بالكوم الكراسي كلها اتملت ناس الا جبتا زيادة من ريهام بقيت اقدم في الموية و هاك ي قهوة و شاي في الكرسي ما قعدت لما مشيت الناس كلها في ولد شاب قاعد مع مجموعة كدا بعاين لي نظرات غريبة ما اشتغلت بيو حاسبت الناس و الحمدلله و الشكر لله قريب 70 الف و دا لسه اليوم ما خلص و سبحان الله حق السبيل طلع لما جا الولد يحاسب اتكلم معاي
انا معتز مستغرب من قبيل شفتك وين يداب اتذكرتك لما جيت قريب انت صح كنتي زوجة خالد مياس: ايوااا حسابك 3 الف معتز: والله دنيا غريبة عموما تسلمي القهوة ظابطة بمر علي الجمبة انا و اصحابي سلام و فات طبعا مسخ علي اليوم زكرني بي خالد طليقي
تاني جو ناس شربو صفيت قريب 100 الف قفلت المغرب كدا مشيت مكان الازيار شحنت 12 زير و اكواز و اشتريت الحمالة اجرت تك تك لي البيت نزلت الحاجات و في نفس اليوم جبتا ناس ظبطو لي السبيل حوقلت و دعيت بي نية المغفرة لي اهلي مليت الازيار بي خرطوش الموية و لسه باقي لي فواتير موية و كهربا دفعت و وقفت علي الحديدة ولا قرش ما عندي صليت العشا مشيت قلتا اكل لاني ما اتغديت ما لقيت اكل احترت اعمل شنو طلعت الدكان جبتا جبنة و عيش اكلت
و الجماعة الطيبين لسه برا البيت كل واحد صايع في صياعتو ي يمة انا المرا دي متزوجة و مطلقة ما بطلع بالليل الا للضرورة ميار ديك حايمة من حفلة لي حفلة و غايتو نمت صحاني تلفون